Taranak'Ambohidrabiby

15/10/2026

Hetsika ny Fikambanana Taranaka Ambohidrabiby ny 17 sy 18 Oktobra 2026

Toy ny isa-taona, ny Alahady fahatelon'ny Oktobra , ny 18 Oktobra 2026 manomboka @ 9ora maraina ny FETIN'NY TARANAKA ao amin'ny Fjkm Ambohidrabiby, fihaonamben'ny Taranaka aty antanindrazana; fandraisana vokatra isa-taranaka ; fijoroana isa-taranaka eny amin'ny alitara; fanolorana certificat ireo Taranaka afampanadinana; fiarahabana ireo Taranaka 70 taona miakatra. Ny Mpitandrina ao amin'ny Fjkm Ambohidrabiby no hitarika ny fotoana. Misy sakafo amin'ny vidiny mirary. Aoka hifampilaza. Aza manadino ny tanindrazanao.

Ny Asabotsy 17 Oktobra amin'ny 10ora maraina aty antanindrazana: ASA SOSIALY fizarana amin'ireo mpiray tanindrazana ireo vokatry ny opération vide grenier avy amintsika Taranaka. Izay mitambatra vato. Hisy koa fanolorana fitaovana hoan'ireo Mpianatra 180 afa-panadinampanjakana CEPE- BEPC, BAC amin'ny Epp/Ceg/Lycée Ambohidrabiby sy Epp Ambatondralambo ary sekoly Finaritra. Mba hamporisihina ireo ankizy ety antanindrazana hilofo amin'ny fianarana. Mankasitraka antsika Taranaka nandray anjara nanolotra ny opération vide grenier sy fitaovana , tsy hadinonareo ny tanindrazana, tsy navelanareo hiady irery.

10/10/2026

Ampahatsiahivina isika Taranaka fa toy ny isataona nanomboka ny taona 1998 dia ny Alahady fahatelo ny Oktobra ny FETIN'NY TARANAKA izay natao ho Fihaonambe sy fitondràna ambavaka ny Taranaka rehetra tsy ankanavaka. Ny Alahady 18 Oktobra 2026 no fihaonambentsika Taranaka.

Ny Alarobia 14 Oktobra 2026 no farany fanaterana ny opération vide grenier ao amin'ny Pharmacie HERIZO Antanimena izay hozaraina amin'ny mpiray tanindrazana ny Sabotsy 17 Oktobra.

Ny Alahady 18 Oktobra ao amin'ny Fjkm Ambohidrabiby ny FETIN'NY TARANAKA, hisy ny fijoroana isa-taranaka eny amin'ny Alirara araka ny voasoratra anatin'ny boky tetiharan'ny Taranaka Ambohidrabiby ; fiarahabana ireo Taranaka afaka fanadinampanjakana ( mila misoratra anarana mialoha alefa mp hatramin'ny Alakamisy 15 Oktobra); fiarahabana ireo Zoky olona efa 70 taona . Atoa Mpitandrina ny Fjkm Ambohidrabiby no hitarika ny fotoana. Misy sakafo amin'ny vidiny 5000 Ar ( milà misoratra anarana hatramin'ny 16 Oktobra).

Aôka hifampilàza

" Aza mba manadino ny tanindrazanao"

05/10/2026

Sary famantarana ny Kaomina Ambohidrabiby, misy sary lohan'omby satria tao amin'ny vavahadin'Ambohidrabiby no novain'ny mpanjaka Ralambo ho " omby " ny anarana " jamoka" ; misy sary mitafy lambalandy satria nanana anjara tamin'ny raharahampanjakana hatrizay ny lambalandy notenomina avy aty Ambohidrabiby ; misy sarin'ny lapa satria renivohitra voalohan'ny Fanjakana merina i Ambohidrabiby no Renivohitr'i Mandiavato no isan'ireo Tendrombohitra 12 masina no misy lapa fonenan'ny mpanjaka fahizay no misy rova mana-tantara azo tsidihina . Misy soratra " Ambohidrabiby" sy " Hasin'Imerina" satria tamin'ny fahampanjaka, Ambohidrabiby no nataon'ireo mpanjaka nifandimby ho " Hasin'Imerina".

Efa 525 taona no nisy Ambohidrabiby sy ny Taranak'Ambohidrabiby. Anefa ny taona 2015 no lasa Kaomina Ambohidrabiby ary 28 taona (1998-2026) no nisian'ny Fikambanana Taranaka Ambohidrabiby. Tsy lany ritra ny taranaka fa mbola misy sy mijoro hampandroso aratsosialy sy kolontsaina ary toekarena an'Ambohidrabiby sy hamelomaso ny maha-Ambohidrabiby Hasin'Imerina Toy ny isataona, ny Alahady fahatelo ny Oktobra ny fihaonamben'ny Taranaka sady Fetin'ny Taranaka io Alahady 18 Oktobra 2026 io manomboka amin'ny 09 ora maraina izay atao ao amin'ny Fjkm Ambohidrabiby. Aoka hifampilaza. Ny 04 Novambra 2026 ny fitokanana ny lycée mpanjakana eto amin'ny Kaomina Ambohidrabiby ka " Lycée Hasin'Imerina" ( L.H..I) no anarany.

25/09/2026

Filazana

Isika Taranaka,

Ny Alahady 18 Oktobra 1998 no nisy voalohany tao amin'ny Fjkm Ambohidrabiby ny ANDRON'NY TARANAKA ho fampiraisana sy fihaonamben'ny Taranaka rehetra tsy anavahana finoana sy hitondrana ambavaka ny taranaka ka fotoampivavahana ekiomenika no nanaovana izany. Alahady fahatelo io Fetin'ny Taranaka voalohany ny 18 Oktobra 1998 koa notazomina ho amin'io Alahady fahatelo ny Oktobra io isataona efa 28 taona izao (1998-2026) ny FETIN'NY TARANAKA . Ny Taranaka dia izay mañana Razambe voarakitra anatin'ny boky Tetiharan'Ambohidrabiby na mañana tany na mañana fasana na mañana tranondrazana eto Ambohidrabiby na niangona tato amin'ny Fiangonana Ambohidrabiby ireo razambeny talohan'ny taona 1960.

18 Oktobra 2026, tonga indray ity ny Alahady fahatelo ny Oktobra hankakazana ny FETIN'NY TARANAKA. Koa hafaliana hoan'ny Fikambanana Taranaka Ambohidrabiby ny miantso sy manentana antsika Taranaka rehetra hoavy amin'io FETIN'NY TARANAKA ny Alahady 18 Oktobra 2026 io manomboka amin'ny 9ora ora maraina ao amin'ny Fjkm Ambohidrabiby.

Toy izao ny fandaharampotoana izay niarahana nidinika tamin'i Pasteur RABEMANANA Tojonirina Andrianomenjanahary, Mpitandrina ao amin'ny Fjkm Ambohidrabiby :

- Asabotsy 17 Oktobra 2026 @ 10 ora maraina ao Ambohidrabiby : asa sosialy ataon'ny Fikambanana Taranaka Ambohidrabiby : Fizarana fitaovampianarana hoan'ireo Mpianatry ny Epp/Ceg/ Lycée Ambohidrabiby sy Epp Ambatondralambo sy sekoly Finaritra afaka CEPE, BEPC, Bacc ho famporisihina ny mpianatra hilofo amin'ny fianarana. Fizarazarana ireo akanjo sy fitaovana vokatry ny " opération vide grenier" avy amintsika Taranaka hoan'ireo mponina eny antanindrazana.

Koa entanina isika taranaka samy hanao opération vide grenier sy hanatitra ireo fitafy sy kiraro Ary fitaovana tsy anaovana intsony nefa mbola azo ampiasaina ao amin'ny Pharmacie HERIZO Antanimena (8h à 18h) hatramin'ny 14 Oktobra na haterina amin'ireo komitin'ny Taranaka na handefa hafatra miafina amin'ity pejy ity. Mba hozaraina amin'ireo mpiray tanindrazana mila izany.

- Alahady 18 Oktobra 2026: FETIN'NY TARANAKA atao ao amin'ny Fjkm Ambohidrabiby, fotoampivavahana ekiomenika fihaonamben'ny Taranaka rehetra. Hisy ny :
• fandraisana ny vokatra isa-taranaka manomboka amin'ny 8 ora 30 maraina
• fitondràna ambavaka ny taranaka
• fijoroana isataranaka eny amin'ny alirara
• fiarahabana ny taranaka afa-panadinana Cepe hatr@ Doctorat ( mila alefa atao mp farafahatarany 15 Oktobra ny anarana sy diploma )
• Fiarahabana ireo Zokiolona
• Sakafo vary sy laoka @ vidiny 5000Ar ( mila misoratra anarana mialoha hatramin'ny 14 Oktobra amin'i Rtoa Voahangy RABARISOA)
• Tatitra n'y asa nataon'ny Fikambanana Taranaka Ambohidrabiby indrindra ny Tetik'asa fampidirana rano fisotro madio maharitra hoan'Ambohidrabiby.
• Fandraisana ny tetiharana nohavaozina avy amin'ny Taranaka nahavita izany.
• Fandraisana ireo te hiditra ho Komity ao anatin'ny Fikambanana Taranaka Ambohidrabiby, entanina ny Taranaka tsirairay MBA hanana Komity ao anatin'ny Fikambanana.

Ry Taranak'Ambohidrabiby, tsy nifidy ny ho Taranak'Ambohidrabiby isika fa Andriamanitra no efa nifidy antsika. Koa na maro mety samy manana ny finoany sy ny razambeny avy isika dia ny firaisankina no hery ahafahantsika mampandroso ny tanindrazana iraisana fa tsy ny fitsitokotokoana. Santionan'ny asan'ny Fikambanana Taranaka Ambohidrabiby ny gazety " Hasin'Imerina", ny Tranovadimpiangonana, ny fanarenana ny Rova sy ny lapa Fenohasina, ny nanaovana ny Fitsaràna Avaradrano ho ao anatin'ny Kaomina Ambohidrabiby, ny nahazoana ny Kaomina Ambohidrabiby niala tamin'ny Kaomina Talata volonondry, sy ny fandraisana anjara tamin'ny fanarenana sy fanitarana ny Fiangonana sy ny Csb II, sns...Koa mandehana amin'izao herinao izao. Tongava maro amin'ny Fihaonamben'ny Taranaka ny Alahady 18 Oktobra 2026. Aoka hifampilaza. Hotahian'Andriamanitra!

" Fa ianareo kosa dia taranaka voafidy, "fanjaka-mpisorona, firenena masina" ( 1 Petera 2:9)

(sary fanaingoana: gazety " Hasin'Imerina" laharana voalohany navoaka tamin'ny Alahady fahatelo ny Oktobra ny 17 Oktobra 1999 nandritry ny Andron'ny Taranaka natao)

13/09/2026

Androany Alahady 13 Septambra 2026 maraina ny fotoampivavahanq hametrahana ny Pasitera vaovao hitandrina ny Fjkm Ambohidrabiby .

05/09/2026

Izy no Mama Jeanne, isan'ny mpikarakara miandry ny Rovan'Ambohidrabiby.

Tsiahivina fa ny Sabotsy 17 Oktobra 2026 maraina no hizara loka hoan'ny mpianatry ny EPP/CEG/Lycée Ambohidrabiby sy ny sekoly Finaritra ary ny Epp Ambatondralambo izay afaka CEPE,BEPC, bacc ny Fikambanana Taranaka Ambohidrabiby ao amin'ny Rova. Amin'io koa no hizarana ny akanjo amin'ny mpiray tanindrazana. Koa entanina isika fianakaviana sy taranaka aty andrenivohitra samy hanangona ireo akanjo " opération vide grenier sy loka fa hisy ny fanangonana izany any amintsika amin'ny Oktobra. Ny Alahady 18 Oktobra 2026 ny Fetin'ny Taranaka ao amin'ny Fjkm Ambohidrabiby.

03/09/2026

Notoloran'ny Fianakaviana Solo Nirina RAMAROSHON fanomezana ireo Mpianatra telo voalohany tamin'ny fanadinana BEPC ao amin'ny CEG Ambohidrabiby noho ny ezaka nataon'izy ireo.

Ny soa fianatra. Entanina ny Taranaka samy handray anjara amin'ny fampandrosoana ny tanindrazana. Maro ny sehatra azo atao na ny lafiny tanora, fanatanjahantena, sekoly, tontolo iainana, asa-tanana, kolontsaina, ....Afaka manantona avy hatrany ireo sekoly na Kaomina na Csb2 na Fokontany na olontsotra na ny Fikambanana Taranaka Ambohidrabiby isika maniry hanao izany.

Tsiahivina fa ny Alahady 18 Oktobra 2026 ny Fetin'ny Taranaka ao amin'ny Fjkm Ambohidrabiby. Ny Asabotsy 17 Oktobra 2026 ny Fikambanana Taranaka Ambohidrabiby no hizara fanomezana hoan'ireo Mpianatra rehetra afaka fanadinana Cepe, Bepc, Bacc tao amin'ny sekoly Finaritra, ny Epp Ambohidrabiby, ny Epp Ambatondralambo, ny Ceg sy Lycée Ambohidrabiby. Sy hizara ireo akanjo avy amin'ny opération " vide grenier". Koa entanina sahady isika Taranaka samy hanangona ireo akanjo sy fitaovana amin'ny opération " vide grenier" , hisy ny fanangonana izany .

02/08/2026

20/07/2026

Nahazo filazana antaratasy izahay momba ny fodiamandrin'Itompokovavy RAMANANTSOA Honorine , renin'Atoa Solo RAMARSHON mianadahy avy Komity ny Fikambanana Taranaka Ambohidrabiby. Mirary fiononana hoan'ny fianakaviany.

17/07/2026

93/104 Mpiadina na 89,42% no afaka BEPC hoan'ny CEG Ambohidrabiby. Koa misaotra an'Andriamanitra isika. Ny Fikambanana Taranaka Ambohidrabiby dia miarahaba ireo Mpianatra nahazo ny BEPC . Mankasitraka ireo nitoto nahafotsy dia ireo Mpanabe tarihin'ny Rtoa Talé JEMISA tsy nitandro hasasarana nandritry ny taona; teo ny Kaomina Ambohidrabiby tarihin'ny Ben'ny Tanàna Atoa ANDRIAMANANJARA Davida izay nanohana ny sekoly ; teo ny Fianakaviana Atoa Solo Nirina RAMAROSHON mianadahy avy izay Taranak'Ambohidrabiby nanohana mavitrika ny CEG sy LYCEE Ambohidrabiby.

Ny Fikambanana Taranaka Ambohidrabiby dia miantso antsika taranak'Ambohidrabiby samy hanohana ny asa fampandrosoana ety antanindrazana amin'ny lafiny maro: fampianarana, fambolena, kolontsaina, foto-drafitrasa. Afaka miara-miasa amin'ny Fikambanana Taranaka Ambohidrabiby na ny Kaomina Ambohidrabiby na ny Sampandraharahampanjakana misy toy ny CSBII , Sekoly, Fokontany, sns...na amin'ny mponina tsirairay.

Ny Sabotsy 17 Oktobra 2026 ny Fikambanana Taranaka Ambohidrabiby no hizara fanomezana hoan'ireo mpianatra afaka CEPE na BEPC na BACC tao amin'ny EPP Ambohidrabiby, EPP Ambatondralambo, Sekoly Finaritra, CEG Ambohidrabiby sy LYCEE Ambohidrabiby . Entanina sahady isika taranaka hifanome tanana hanatontosana izany toy ny fanomezana cahier, stylo, règle, crayon de couleur, boky, sns..., sy ny opération vide grenier. Ny Alahady 18 Oktobra 2026 ny FETIN'NY TARANAKA ao amin'ny Fjkm Ambohidrabiby izay anentanana antsika Taranaka rehetra.

Misokatra isanandro ny fitsidihana ny Rova Ambohidrabiby , misy sarany. Toy izany koa ny fitsidihana ny vohitr'Ambohidrabiby sy ny manodidina. Raha mila fanazavana, aza isakasala miantso ny Guide touristique Rtoa Voahangy 0388472372.