Fiadidiana ny Faritra Alaotra Mangoro

Directions Contact the organization

Fiadidiana ny Faritra Alaotra Mangoro Tiavo ny Faritra misy Antsika

Rehefa voafehy ny rano dia afaka mamokatra ny tantsaha, ary rehefa mamokatra izy ireo dia miakatra ho azy ny farim-piaia...
20/10/2026

Rehefa voafehy ny rano dia afaka mamokatra ny tantsaha, ary rehefa mamokatra izy ireo dia miakatra ho azy ny farim-piaiainany. Izany no antony nanaovan'ny Fiadidiana ny Faritra Alaotra Mangoro ho laharam-pahamehana ny fanamboarana sy fanajariana ireo toha-drano any amin'ireo Kaominina tena tokony hisitraka izany manerena ireo Distrika 05 mandrafitra ny Faritra Alaotra Mangoro.

Anisan'ireo Kaominina tena nijaly ny Kaominina Amboavory, ka notontosaina androany ny tsatok'Angady fanombohana ny fanajariana ny Barazy ao Andriamenakely, Lemaka Andranobe, izay hamatsy rano tanimbary mirefy 700 Ha ka hatramin'ny 2 000 Ha, ary tantsaha maherin' ny 1 200 no hisitraka tombontsoa mivantana.

Tsiahivina moa fa ny tamberim-bidy avy amin'ny orinasa Ambatovy no hanatanterahana ireo fotodrafitr'asa ireo mba ho tamberin'andraikitra ho an'ny vahoaka ary hitohy any Amin'ny Kaominina Beanana ny tsatok'Angady fanajariana toha-drano rahapitso Alarobia 21 Oktobra 2026.

©️: Serasera Fiadidiana ny Faritra _20/10/2026

Anjarantsika ato amin'ny Distrikan'Amparafaravola indray izao no hisitraka fotodrafitr'asa ho an'ny fampiakarana ny voka...
19/10/2026

Anjarantsika ato amin'ny Distrikan'Amparafaravola indray izao no hisitraka fotodrafitr'asa ho an'ny fampiakarana ny voka-bary, ka toa izao ny fandaharam-potoana:

✅Ny Talata 20 Oktobra 2026 no hanaovana ny tsatok'Angady fanombohana ny fanajariana ny barazy hanondraka tanimbary 700 Ha ka hatramin'ny 2 000 Ha ao amin''ny Kaominina Amboavory

✅Ny Alarobia 21 Oktobra 2026, tsatok'Angady fanombohana ny fanajariana ny Barazy ao Morafeno, Fokontany Tsarasambo, Kaominina Beanana izay hamatsy tanimbary mirefy 600 Ha.

Hamaly ny filàn'ny vahoka ho famahana ny olana eo amin'ny famatsian-drano ny tanimbary araka ny fangatahan'ireo ben''ny Tanana izay mifanaraka amin'ny drafim-pampandrosoana ny Faritra ireo asa ho tanterahina ireo, koa manasa antsika vahoaka ho tonga maro.

©️ Serasera Fiadidiana ny Faritra _19/10/2026

Tanimbary 2 750 Ha no tondrahan'ny barazin'i Vodivato, izay niorina teo anelanelan'ny taona 1952 sy 1959, raha 700 Ha...
17/10/2026

Tanimbary 2 750 Ha no tondrahan'ny barazin'i Vodivato, izay niorina teo anelanelan'ny taona 1952 sy 1959, raha 700 Ha no tanimbary votondraky ny barazy ao Ambavahadizoro izay niorina tany amin'ny taona 1988, samy ato amin'ny Kaominina Antanimenabaka

Vita androany Sabotsy 17 Oktobra 2026 ny tsatok'Angady nanamarihana ny fanombohana ny fanajariana ireo barazy amin'ny lemaka Anosimboahangy ireo, ka ny talen'ny Kabinetran'ny Fiadidiana ny Faritra Ramatoa ANDRIMALALA Deraniaina Hobisoa no nisolo tena ny lehiben'ny faritra Alaotra Mangoro Andrimatoa RABEMANANJARA Élire Joseph nitarika ny lanonana niaraka tamin'ireo mpiara miasa aminy.

Manao zava-dehibe ny fitsinjovana ireo tantsaha ny Fiadidiana ny Faritra hoy Ramatoa talen'ny Kabinetra satria ny fampiakarana ny voka-bary no laharam-pahamehana ao anatin'ny drafim-pampandrosoana ny Faritra, koa rariny loatra raha namaly ny fangatahan'ny ben'ny tanana sy ny Solombavam-bahoaka Andrimatoa Lehiben'ny Faritra amin'ny hanajariana ireo barazy ireo. Koa antenaina fa hitombo ny vokatra ary hihatsara ny farimpianan'ireo tantsaha aman-drivony mpisitraka.

Velom-panantenana ny vahoaka manoloana izao ezaka lehibe ataon'ny fiadidiana ny faritra izao, koa nitondra teny fisaorana ny lehiben'ny faritra nisolo tena ny vahoakan'Antanimenabaka ny ben'ny tanana, raha neneho fankasitrahana ny Fiadidiana ny Faritra kosa ny Solombavam-bahoaka fa tsapa hoy izy ny fa tena misy ny tamberin' andraikitra ho an'ny vahoaka avy amin'ireo tamberim-bidy ampidirin'ny orinasa Ambatovy sy ireo ristourne eo anivon'ny Faritra.

Fanamby nataon'ny lehiben'ny faritra izay tanterahin'ny Fiadidiana ny faritra ny hampiakatra ny farimpianan'ny tantsaha koa miroso amin'ny fanatrarana izay tonjana izay ireo asa tanterahina amin'ny alalan'ny tamberim-bidy avy amin'ny orinasa Ambatovy, ary tsy misy Distrika ho adino fa ny Talata 20 Oktobra ho avy izao dia ho atao ny tsatok'Angady fanombohana ny fanajariana ny Barazy ao amin'ny Kaominina Amboavory, ny Alarobia 21 Oktobra no hanatanterahana ny ao amin'ny Kaominina Beanana, raha efa mandeha kosa ny fanajariana ireo barazy any amin'ny Distrikan'Anosibe An'ala sy Moramanga

©️: Serasera Fiadidiana ny Faritra _17/10/2026.

Teo anelanelan'ny taona 1952 sy 1959 no nanorenana sy nanaovana fanajariana farany ny tohodrano izay mamatsy tanimbary m...
16/10/2026

Teo anelanelan'ny taona 1952 sy 1959 no nanorenana sy nanaovana fanajariana farany ny tohodrano izay mamatsy tanimbary mirefy 900 ha ao Maromandia, Kaominina ambonivohitra Andilamena sy ny ao Bemaitso mamatsy tanimbary1 100 ha , Kaominina ambanivohitra Bemaitso, samy ato amin'ny Distrikan'Andilamena

Misedra olana araka izany ireo tantsaha aty an-toerana vokatry ny fahasimban'ireo fotodrafitr'asa ireo ka nahatonga ireo ben'ny tanana sy ny Solombavam-bahoaka nanao fangatahana ny hanamboarana ireo toha-drano.

Namaly izany ny Fiadidiana ny Faritra, ka notontosaina androany Zoma 16 Jona 2026 ny tsatok'Angady fanombohana ny fanamboarana ireo barazy ireo tao Maromandia.

Ny talen'ny Kabinetran'ny Fiadidiana ny Faritra no nitarika ireo delegasiona avy amin'ny fiadidiana ny Faritra nisolo tena ny lehiben'ny faritra nametraka ny vato fototra,ary nandritra ny fandraisam-pitenenana nataony no nanamafisany fa anisan'ny vinan'ny fiadidiana ny Faritra Alaotra Mangoro ny fampiakarana ny voka-bary sy ny farimpianan'ny vahoaka, ka noho izay antony izay no hanaovana fanajariana ireo barazy ireo, ary nambarany ihany koa fa tsy misy ny Distrika adino fa samy misitraka fotodrafitr'asa hantsarana ny voka-bary avokoa.

Nanotrona sy nanome voninahitra ny hetsika moa ireo tompon'andraikitra isan'ambaratongany avy izay notarihan'ny Lehiben'ny Distrikan'Andilamena sy ireo talem-paritra, ny Solombavam-bahoaka voafidy tato amin'ny Dostrikan'Andilamena izay nitondra teny fisaorana ny lehiben'ny faritra Alaotra Mangoro sy ireo mpiara miasa aminy nanome ny fotodrafitr'asa, ary ireo ben'ny tanana izay samy nanamafy ny teny fisaora k out.na ny lehiben'ny faritra sy ny Fitondram-panjakana. Faly kosa ny vahoaka izay tonga maro nanatrika ny fotoana.

©️: Serasera Fiadidiana ny Faritra _16/10/2026

Niainga androany Alakamisy 15 Oktobra 2026 maraina ireo fitaovana vaventy fanamboaran-dalana tantanan'ny Fiadidiana ny F...
15/10/2026

Niainga androany Alakamisy 15 Oktobra 2026 maraina ireo fitaovana vaventy fanamboaran-dalana tantanan'ny Fiadidiana ny Faritra sy ireo teknisianina hiazo ny Distrikan'i Moramanga ary nigadona ny ataondro tao amin'ny Kaominina Ambohibary.

Rahapitso Zoma 16 Oktobra 2026 dia hanomboka avy hatrany ny asa fanamboarana ireo lalana kaominaly ao amin'ny Kaominina Ambohibary izy ireo.

Ary hitohy any amin'ireo Kaominina rehetra manerana ny Dostrikan'i Moramanga izay efa vita fifanaraham-piaraha miasa tamin'ny Fiadidiana ny Faritra araka ny tetiandro etsy ambany.

©️: Serasera Fiadidiana ny Faritra _15/10/2026.

Manoloana ny lozam-pifamoivoizana nahatsiravina niseho tamin'ny lalam-pirenena faha-2 (PK 105+600, t ny 13 Oktobra 2026...
15/10/2026

Manoloana ny lozam-pifamoivoizana nahatsiravina niseho tamin'ny lalam-pirenena faha-2 (PK 105+600, t ny 13 Oktobra 2026 lasa teo, izay nahafatesana olona 7 ary naharatrana mafy olona 4, dia nandefa iraka manokana ny fitondram-panjakana mba nijery ny zava-misy sy nankahery ary nampionona ireo fianakaviana tra-doza.

Tonga nitsidika ireo naratra tao amin'ny Hopitalibe Moramanga ny solontenan'ny governemanta sy ireo manampahefana ny Alarobia 14 Oktobra 2026, nahitana Ny Minisitry ny Atitany sy ny Fitsinjaram-pahefana izay sady mpiahy ny Faritra Alaotra Mangoro, Ny Minisitry ny Filaminam-bahoaka, Ny Minisitry ny Indostria,Ny Filoha lefitry ny Antenimieram-pirenena misahana ny faritany Toamasina,Ary ny Lehiben'ny Faritra Alaotra Mangoro, Atoa miaraka amin'ireo tompon'andraikitra isan-tsokajiny.

Tamin'izany no nanamafisan'ny Ministra fa misy ny ezaka ataon'ny fitondrana amin'ny fanatsarana sy ny fanavaozana ny lalam-pirenena. Mampitandrina sy manao antso avo amin'ireo mpampiasa lalana rehetra izy ireo mba tsy hanaonao foana fa hitandrina hatrany hisorohana ny loza tahaka izao.

Ny Faritra Alaotra Mangoro manontolo dia mampahery sy miombom-po amin'ireo fianakaviana niharam-boina amin'izao fahavoazana lehibe izao.

©️: Serasera Fiadidiana ny Faritra _15/10/2026.

Tsy mamela ny vahoakan'Anosibe An'Ala ho irery ny fitondram-panjakana manoloana ny voina nahazo azy ireo. Nanao rodorodo...
14/10/2026

Tsy mamela ny vahoakan'Anosibe An'Ala ho irery ny fitondram-panjakana manoloana ny voina nahazo azy ireo. Nanao rodorodo nidina tany an-toerana ireo tompon'andraikitra isan'ambaratongany avy ato anivon'ny Faritra notarihin'ny lehiben'ny faritra Alaotra Mangoro Andrimatoa RABEMANANJARA Élire Joseph sy ny filoha lefitry ny antenieram-pirenena misahana ny faritan'i Toamasina Andrimatoa Fidel Razara Pierre ny Alarobia 14 Oktobra 2026.

Vary fotsy telopolo gony sy kojakoja maro samy hafa no voandalana noentin'izy ireo ho santatra amin'ny fanampiana ireo tra-boina. Ary nisy ny fihaonana sy fiaraha midinika tamin'ireo vahoana sy ireo tompon'andraikitra isan-tsokajiny any an-toerana niaraka tamin'ny Solombavam-bahoaka niaraha nijery ireo hamehana ahafana manarina ny andavan'androm-piainan'ny mponina.

Nivoitra nandritra ny fihaonana fa ho atao laharam-pahamehana ny fampitaovana ireo mpianatra sy ireo fitaovam-panorenana trano ary ny famatsiana ara-tsakafo ka tsy ho ela dia ho avy any an-toerana ireo rehetra ireo.

Samy nitondra teny fampaherezana ho an'ireo tra-boina moa ireo delegasiona tonga tany an-toerana ary nisaotra sy maniry ny hitohizan'ny fiaraha mientan'ny rehetra amin'ny fitsinjovana ny mpiray tanindrazana ny lehiben'ny Faritra.

©️: Serasera Fiadidiana ny Faritra _15/10/2026.

14 oktobra 1958- 14 oktobra 2026 Fanavaozana sy Fananganana indray an'I MADAGASIKARA Ny 14 oktobra 1958 dia daty nanata...
14/10/2026

14 oktobra 1958- 14 oktobra 2026
Fanavaozana sy Fananganana indray an'I MADAGASIKARA

Ny 14 oktobra 1958 dia daty nanatantara teo amin'ny tantaram-pirenena izay nahaterahan'ny repoblika voalohan'i Madagasikara sy ny sainam-pirenena ary nanamarika ny fahafahan'ny Malagasy.

Lanona manadanja izay notarihin'ny Kolonely RANDRIANIRINA Michael, Filohann'ny Fanavaozana ny Repoblikan'i Madagasikara no nanamarihana ny hafa 68 nijoroan'ny Repoblika tany Antsohihy, faritra Sofia androany 14 Oktobra 2026

Tonga nanontrona sy nanome voninahitra ny lanonana ny Sekretera Jenaralin'ny Fiadidiana ny Faritra Alaotra Mangoro Ramatoa MODINARISON Sande, nisolo tena ny Lehiben'ny Faritra Alaotra-Mangoro Andriamatoa RABEMANANJARA Joseph Élire.
niaraka tamin'ireo zanaky ny Faritra monina sy mila ravinahitra any an- toerana nisolo tena ny Faritra.

©️Serasera Fiadidiana ny Faritra _14/10/2026

Tohodrano 04 no hoajariana any amin'ny Distrikan'Andilamena ka ny Zoma 16 Oktobra no hanaovana ny tsatok'Angady fanamari...
13/10/2026

Tohodrano 04 no hoajariana any amin'ny Distrikan'Andilamena ka ny Zoma 16 Oktobra no hanaovana ny tsatok'Angady fanamarihana ny fanombohana ny fanamboarana ny barazy ao Maromandia izay hamatsy tanimbary mirefy 900 Ha, kaominina Ambonivohitra Andilamena, sy ny barazy ao
Bemaintso izay mamatsy tanimbary 1 100 Ha.

Ary ny Sabotsy 17 Oktobra 2026 kosa no hanaovana ny tsatok'Angady fanombohana ny fanamboarana ny barazy ao Vodivato izay mamatsy tsanimbary 2 750 Ha sy Ambavahadizoro, mamatsy tanimbary 700 Ha samy ao amin'ny Kaominina Antanimenabaka.

Efa ampolotaonany maro no nijaly rano ny tantsaha tany an-toerana ka dia namaly ny fangatahan'ny Solombavam-bahoaka sy ireo ben'ny tanana ary ireo fikambanan'ny tantsaha ny Fiadidiana ny Faritra Alaotra Mangoro.

©️: Serasera Fiadidiana ny Faritra _13/10/2026

Manoloana ny trangana haitrano manodidina ny 50 tafo ka nahatonga olona maherin'ny 265 ho tsy manankialofana izay nit...
12/10/2026

Manoloana ny trangana haitrano manodidina ny 50 tafo ka nahatonga olona maherin'ny 265 ho tsy manankialofana izay nitranga any amin'ny renivohitry ny Distrikan'Anosibe An'ala androany Alatsinainy 12 Oktobra 2026 hariva.

Ny lehiben'ny faritra Alaotra Mangoro sy ireo mpiara miasa rehetra dia mankahery ireo fianakaviana niharam-boina, ary maneho ny fahavononana amin'ny fifanomezan-tanana amin'ireo fianakaviana, ka izao alina izao ihany dia efa niainga hidina any an-toerana ny ekipa avy amin'ny Fiadidiana ny Faritra hitondra ny fanampiana voin-kava -mahatratra, ary hijery ifotony ny zava-misy ahafana manampy amin'ny fanarenana ny fahavoazana.

©️: Serasera Fiadidiana ny Faritra _12/10/2026

Address

Alaotra Mangoro
Ambatondrazaka
504

Website

Alerts

Be the first to know and let us send you an email when Fiadidiana ny Faritra Alaotra Mangoro posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Fiadidiana ny Faritra Alaotra Mangoro:

Shortcuts

Share

Category