Bashkësia Lokale e Sukubinës

29/12/2025

Me respekt dhe mirënjohje, Bashkësia Lokale e Sukubinës falënderon grupin e të rinjve dhe të gjithë vullnetarët që morën pjesë në aksionin për pastrimin e rrugës, si dhe në larjen e çatisë dhe pllakave të monumentit Pusi mas aborrit.
Ky angazhim u realizua pa përfitime personale, ku secili kontribuoi sipas mundësive — disa me punë vullnetare, disa me mjete, e disa edhe financiarisht — duke treguar unitet, përgjegjësi dhe dashuri për vendin tonë.
Ky shembull i shkëlqyer bashkëpunimi le të shërbejë si motivim për iniciativa të tjera në të ardhmen, në të mirë të komunitetit dhe ruajtjes së trashëgimisë sonë.

Në emër të Bashkësisë Lokale Sukubinë dhe të gjithë banorëve, ju falënderoj sinqerisht për kontributin tuaj të çmuar!

27/12/2025

Njoftim

Me inicijativen e djemve të Sukubinës, diten e neserme (të dielen) , në ora 8:30 do te mblidhemi tek "Pusi mas aborrit" me qellim pastrimin e rruges pranë pusit si dhe te vetë pusit dhe pullazit të tij. Kush do nga ne që ka mundsi dhe kohë nesër le tju bashkangjitemi këtij grupi dhe sa do pak të japim kontributin tonë.

Faleminderit,

20/12/2025

Faleminderit për mbështetje dhe bashkëpunim!

Në emër të Bashkësia Lokale e Sukubinës , dëshiroj të falënderoj pikë së pari Sekretariatin për Veprimtaritë Komunale dhe Banesore të Komunes së Ulqinit për angazhimin dhe mbështetjen e vazhdueshme në realizimin e projekteve të rëndësishme për komunitetin tonë. Në mënyrë të veçantë, dua të falënderoj Sekretarin z. Leart Taipi për përkushtimin dhe mbështetjen e tij.

Një falënderim tjeter shkon për shefin e sektorit të ndriçimit publik z. Krenar Kurti , gjithashtu për elektriçistat të ekipit punues të veprimtarive komunale të Ulqinit, drejtuar nga z. Din Zeneli dhe kolegëve të tij Elviri, Albini dhe Agroni që kanë qenë gjithmonë të gatshëm për të siguruar përmirësime dhe zhvillime në infrastrukturën e qytetit.

Me ndihmen e tyre u bë i mundur riparimi i rrjetit të ndriçimit publik që ishte prishur, dhe tani kemi një sistem të ri me drita lled, të plotë dhe funksional që kontribuon në sigurinë dhe komfortin e të gjithë banorëve.

Faleminderit edhe një herë për angazhimin dhe bashkëpunimin tuaj!

24/11/2025

10/11/2025

📢 THIRRJE PËR MBLEDHJE ZGJEDHORE
Bashkësia Lokale Sukubinë
Në bazë të nenit 27 të Rregullores për Bashkësitë Lokale në Komunën e Ulqinit,
THËRRET
Mbledhjen e Përgjithshme Zgjedhore të banorëve të Bashkësisë Lokale Sukubinë.
📅 Data: E hënë, 24 nëntor 2025
⏰ Ora: 18:00
📍 Vendi: Objekti i Bashkësisë Lokale në Sukubinë
________________________________________
🗒️ RENDI I DITËS:
1. Hapja e Mbledhjes dhe verifikimi pranisë.
2. Zgjedhja e Procesmbajtësit të Mbledhjes.
3. Miratimi i Rregullave të punës për Mbledhjen Zgjedhore.
4. Informim për rolin dhe rëndësinë e Këshillit dhe të Kryetarit të Bashkësisë Lokale.
5. Propozimi dhe Zgjedhja e Komisionit Zgjedhor.
6. Kandidimi dhe Zgjedhja e anëtarëve të Këshillit të Bashkësisë Lokale.
7. Kandidimi dhe Zgjedhja e Kryetarit të Bashkësisë Lokale.
8. Fjala e Kryetarit të sapozgjedhur.
9. Të ndryshme (Pyetje, Propozime).
________________________________________
📌 SHËNIM I RËNDËSISHËM:
• Ftohën të marrin pjesë të gjithë banorët e Bashkësisë Lokale me të drejtë vote.
• Prania juaj është e domosdoshme për të siguruar përfaqësimin sa më të gjerë dhe legjitimitetin e organeve të reja.

Kryetari i Bashkësisë Lokale Sukubinë
Memli Kurti

03/04/2025

Thirrje për protestë.
Të shtunën, me 05. prill 2025, në ora 12.00 në Ulqin (Lagja Ranë, te Plazhi i Vogël) do organizohet protesta e qytetarëve kundra sh*tjes të Plazhit të Madh per 99 vite nga qeveria e Malit të Zi.

24/01/2025

Njoftim
Te hënën me 27. Janar 2025 ne ora 17.00. në Bashkesine Lokale të Sukubines do do organizohet nje takim me qytetaret nga Instituti Punkta ku jane te ftuar edhe perfaqesuesit nga Sekretaria për Vetqeverisje Lokale e Komunes se Ulqinit, ku qytetaret do të njoftohen me ndryshimet ligjore qe jane bere ne lidhje me Vetëqeverisjen Lokale, gjegjësisht me Bashkësitë Lokale, si dhe me mënyrën se si duhet te funksionojnë Bashkësitë Lokale.
Te interesuarit per pjesmarrje te me lajmerojne per praninë e tyre ne mesazh ketu ne facebook ose ne numrin e telefonit 067494681 deri te dielen me 26. Janar.

11/10/2024

Bashkësia Lokale e Sukubinës do ketë një orar, ku do jetë e hapur për të gjithë qytetarët e sajë per muajin TETOR 2024 me 15.10.2024, ne ora 19:00 dhe me 29. 10. 2024. në ora 19:00, në lokalin e Bashkësisë Lokale Sukubinë.
Qytetarët mund të informohen rreth punës së Bashkësisë Lokale, me kërkesat rreth përpilimit të buxhetit të Komunës së Ulqinit për vitin që vjen; të shtrojnë kërkesa, ankesa, të paraqesin mendime apo ide, të cilat pastaj dërgohen në institucionet përkatëse.

Kryetari i Këshillit të Bashkësisë lokale Sukubinë
Memli Kurti