https://www.facebook.com/909149498957911/

NRNA MOLDOVA, arborilor 9 chisinau, Chisinau (2026)

28/08/2026

🇳🇵 नेपालमा भएको दुःखद घटनाप्रति हाम्रो साथ र सहयोग

नेपालमा हालै घटेको दुःखद घटनाले हामी सबै नेपालीको मन अत्यन्तै दुःखी बनाएको छ। देशको जुनसुकै कुनामा रहेका नेपाली भए पनि, दुःख र पीडाको समयमा एक–अर्काको साथमा उभिनु हाम्रो मानवीय दायित्व हो भन्ने मेरो विश्वास छ।

हामी विदेशमा रहेर आफ्नो जीवन र भविष्य निर्माण गरिरहेका छौँ। तर हाम्रो मन, भावना र जिम्मेवारी सधैँ मातृभूमि नेपालसँग जोडिएको छ। आज कठिन परिस्थितिमा परेका नेपाली दाजुभाइ तथा दिदीबहिनीहरूलाई हाम्रो सानो सहयोगले पनि ठूलो राहत र आशा दिन सक्छ।

यस मानवीय कार्यमा मेरो व्यक्तिगत तर्फबाट नेपाली रुपैयाँ २५,००० सहयोग गर्ने प्रतिबद्धता व्यक्त गर्दछु।

साथै, NRNA NCC Moldova लगायत मोल्दोभामा रहनुभएका सम्पूर्ण नेपाली दाजुभाइ तथा दिदीबहिनीहरूलाई आफ्नो क्षमता र इच्छाअनुसार सक्दो सहयोग गर्न हार्दिक अनुरोध गर्दछु। रकम सानो वा ठूलो भन्ने हुँदैन—महत्त्वपूर्ण कुरा हाम्रो भावना, एकता र सहयोग गर्ने इच्छाशक्ति हो।

आउनुहोस्, विपद्को यस घडीमा हामी सबै एकजुट भएर नेपाल र नेपालीका लागि आफ्नो जिम्मेवारी पूरा गरौँ। 🇳🇵❤️

“हामी जहाँ भए पनि, नेपाल हाम्रो मुटुमा छ।”

🙏 जय नेपाल 🇳🇵

गिरिश उप्रेती
अध्यक्ष
गैरआवासीय नेपाली संघ (NRNA), राष्ट्रिय समन्वय परिषद् मोल्दोभा

29/06/2026

यी शब्दहरू हाम्रो सम्माननीय सालिक राम पौडेल दाइको तर्फबाट आएका हुन्। वहाँ मोल्डोभामा विगत ३ वर्षदेखि काम गर्दै आउनुभएको छ। वहाँ एक भरपर्दो, मेहनती तथा मिलनसार व्यक्ति हुनुहुन्छ।
वहाँले आफ्ना छोरालाई विश्वविद्यालय पढ्नका लागि मोल्डोभा ल्याएर एउटा नयाँ उदाहरण पनि प्रस्तुत गर्नुभएको छ। काम कहीं पनि सजिलो हुँदैन। युरोपमा पनि काम भनेको काम नै हो। त्यहाँ २–३ सय बढी होला, तर त्यसका लागि “तातो खाऊँ, जली मरौँ” भन्ने अवस्था नआओस् भन्ने वहाँको पनि भनाइ छ।

🙏 नमस्ते, मोल्डोभामा रहनुभएका सम्पूर्ण नेपाली दाजुभाइ तथा दिदीबहिनीहरू।
मेरो तथा NRNA Moldova को तर्फबाट यहाँहरू सबैमा एक विनम्र अनुरोध छ।
हामी सबै आफ्नो घर, परिवार र आफन्तलाई छोडेर राम्रो भविष्य र रोजगारीको खोजीमा विदेश आएका हौँ। त्यसैले आफ्नो कामलाई इमानदारी, मेहनत र जिम्मेवारीका साथ गर्नुहोस्। आज हामीले गर्ने राम्रो कामले भोलि राम्रो परिणाम दिन्छ, र त्यसले हाम्रो व्यक्तिगत भविष्यका साथै सम्पूर्ण नेपाली समुदायको सम्मान पनि बढाउँछ।
कृपया अरूको लहलहैमा लागेर गलत बाटो नअपनाउनुहोस्। गलत निर्णयले आफू, आफ्नो परिवार र अरू नेपाली दाजुभाइ–दिदीबहिनीहरूलाई पनि असर गर्न सक्छ। अहिले मोल्डोभाबाट अन्य युरोपेली देश जान पहिलेको जस्तो सजिलो छैन। त्यसैले कानुनको पालना गर्दै, धैर्य र मेहनतका साथ आफ्नो काममा केन्द्रित हुनुहोस्।
आफ्नो परिवारको भविष्यलाई ध्यानमा राख्नुहोस्, एकअर्कालाई सम्मान र सहयोग गरौँ, र नेपाली समुदायको राम्रो छवि कायम राखौँ।
मेरो तथा NRNA Moldova परिवारको तर्फबाट यहाँहरू सबैमा यही हार्दिक अनुरोध गर्दछु।
धन्यवाद। 🙏

28/06/2026

मोल्डोभामा रहेका सम्पूर्ण नेपाली दाजुभाइ तथा दिदीबहिनीहरू,

बोर्डर प्रहरीको रिपोर्ट अनुसार दुई जना नेपाली युवती र दुई जना भारतीय नागरिक गैरकानुनी रूपमा सीमा पार गर्ने प्रयास गर्दा पक्राउ परेको जानकारी प्राप्त भएको छ।

त्यसैगरी, थप चार जना नेपाली युवाहरू आफ्नो बस्ने ठाउँबाट सम्पर्कविहीन भएको जानकारी पनि आएको छ। हामी यस विषयलाई पुष्टि गर्ने प्रयास गरिरहेका छौं। यदि कसैको उनीहरूसँग सम्पर्क छ भने कृपया उनीहरूलाई सुरक्षित रूपमा फर्किन आग्रह गर्नुहोस्। अझै पनि हामी उनीहरूलाई ठूलो गल्ती गर्नबाट बचाउन सक्छौं।

कृपया मानव तस्करहरूको कुरा सुनेर गैरकानुनी बाटो अपनाउने काम नगर्नुहोस्। यस्ता कार्यले तपाईंको भविष्य नष्ट गर्न सक्छ र ज्यानसमेत जोखिममा पर्न सक्छ।

धैर्य राख्नुहोस् र अहिले भएको वैधानिक रोजगारीमा ध्यान दिनुहोस्। राम्रो काम गर्ने र कानुन पालना गर्ने व्यक्तिहरूले भविष्यमा वैधानिक प्रक्रियामार्फत अझ राम्रो अवसर पाउन सक्छन्।

यदि तपाईंलाई कसैले यस्तो योजना बनाइरहेको थाहा छ भने कृपया सम्झाउनुहोस् र रोक्ने प्रयास गर्नुहोस्।

नेपाली समुदायले मोल्डोभामा मेहनत र अनुशासनका कारण राम्रो प्रतिष्ठा बनाएको छ। कृपया यस्तो कार्य नगरौं जसले हाम्रो समुदाय र नेपालको प्रतिष्ठामा असर पुर्‍याओस्।

सुरक्षित रहनुहोस्, कानुनी बाटो अपनाउनुहोस्।

गिरीश उप्रेती
अध्यक्ष
एनआरएनए एनसीसी मोल्डोभा

29/05/2026

गणतन्त्र दिवसको शुभकामना, नेपाल 🇳🇵

26/05/2026

एनआरएनए एनसिसी मोल्डोभाको अध्यक्षको रूपमा आज मेरो लागि निकै भावुक दिन रह्यो।

आज म ग्लोडेनी अदालतमा १० जना दक्षिण एसियाली कामदारहरूको लागि अनुवादकको रूपमा गएको थिएँ — जसमा ५ जना नेपाली र ५ जना श्रीलंकाली थिए। उनीहरूलाई अवैध रूपमा युरोप जान खोजेको आरोपमा पक्राउ गरिएको थियो। उनीहरूले सहयोगको आशामा मलाई हेर्दा मन अत्यन्त दुख्यो, तर त्यति धेरै गर्न नसक्दा झन् पीडा महसुस भयो।

म मोल्डोभामा रहेका सम्पूर्ण नेपाली दाजुभाइ तथा दिदीबहिनीहरूलाई हृदयदेखि एउटा सन्देश दिन चाहन्छु।

मोल्डोभा नराम्रो देश होइन। हामीमध्ये धेरैलाई अन्य देशहरूले स्वीकार नगरेको बेला मोल्डोभाले खुला हृदयले स्वीकार गरेको हो। मैले यहाँ लामो समय बिताएको छु, र मैले आफ्नै आँखाले देखेको छु — जो मानिस धैर्य गर्छ, इमानदारीपूर्वक काम गर्छ, र यो देशलाई सम्मान गर्छ, उसले ढिलो चाँडो जीवनमा आफ्नो स्थान बनाउँछ।

विश्वास गर्नुहोस् — तपाईंहरू पनि सफल हुनुहुनेछ।

यो देशलाई माया र सम्मान दिनुहोस्, बदलामा यो देशले पनि तपाईंलाई अवसर र सम्मान दिनेछ।

तपाईंहरू विभिन्न परिस्थितिमा यहाँ आउनुभएको हुन सक्छ, तर अब वास्तविकतालाई स्वीकार गर्नुहोस्, बलियो बन्नुहोस्, मेहनत गर्नुहोस्, र आफूलाई प्रमाणित गर्नुहोस्। मोल्डोभाका रोजगारदाताहरू मेहनती र इमानदार मानिसलाई सम्मान गर्छन्। धेरै नेपालीहरूले आफ्नो मेहनत र अनुशासनले राम्रो नाम कमाइसकेका छन्।

अवैध बाटोबाट युरोप जान खोज्नु समाधान होइन। अहिले सीमाना अवैध रूपमा पार गर्ने सम्भावना लगभग शून्यजस्तै छ। यस्तो प्रयासले तपाईंको जीवन, भविष्य, परिवारको सपना, र कानुनी अवस्थालाई गम्भीर जोखिममा पार्न सक्छ।

यदि भविष्यमा अर्को देश जान चाहनुहुन्छ भने, आफूलाई तयार पार्नुहोस्, कानुनी प्रक्रिया अपनाउनुहोस्, सम्मानजनक तरिकाले जानुहोस्। तपाईंलाई कसैले रोक्न सक्दैन। सही बाटो अपनाउनुभयो भने कसैले रोक्न सक्दैन।

कृपया आफ्नो जीवन, भविष्य, र परिवारको आशालाई जोखिममा नराख्नुहोस्। अवैध बाटो रोजेर आफ्नो भविष्य नबिगार्नुहोस्।

आउनुहोस्, हामी सबै मिलेर इमानदारी, अनुशासन, धैर्यता, र मेहनतमार्फत मोल्डोभामा नेपाली समुदायको राम्रो छवि निर्माण गरौं।

26/05/2026

प्रिय दाजुभाइ तथा दिदीबहिनीहरू,

आज पनि करिब दस–बाह्र जना साथीहरू अवैध बाटो प्रयोग गरेर जाँदाखेरि border पुलिसको निगरानीमा पर्नुभएको छ। अहिले यहाँको अवस्था निकै कडा र गाह्रो भइरहेको छ। यस्तो गतिविधिमा संलग्न हुँदा कानुनी समस्या, आर्थिक क्षति तथा भविष्यमा ठूलो असर पर्न सक्छ।

कृपया छोटो बाटो वा गलत सल्लाहको पछि नलाग्नुहोस्। आफ्नो सुरक्षा, परिवारको भविष्य र सम्मानलाई ध्यानमा राखेर कानुनी तथा सुरक्षित बाटो मात्र अपनाउनुहोस्।

Non-Resident Nepali Association (एनआरएनए) तर्फबाट सबै नेपाली दाजुभाइ तथा दिदीबहिनीहरूलाई फेरि पनि विनम्र आग्रह गर्दछौँ — यस्तो काम नगरेदिनु होला।

“सुरक्षित रहौँ, सुरक्षित भविष्य बनाऔँ।”

07/05/2026

प्रिय मोल्डोभामा रहनु भएका नेपाली दाजुभाइ तथा दिदीबहिनीहरू,

हाल प्रकाशित गरिएको राहदानी नवीकरण आवश्यक भएका व्यक्तिहरूको सूचीमा हामीसँग सम्पर्कमा आउनु भएका र परराष्ट्र मन्त्रालय, नेपाललाई जानकारी गराइएका व्यक्तिहरूको नाम मात्र समावेश गरिएको छ।

NRNA NCC Moldova ले परराष्ट्र मन्त्रालय (MoFA) नेपालसँग समन्वय गरेको छ र कन्सुलर टोली राहदानी नवीकरण तथा सम्बन्धित सेवा प्रदान गर्न मोल्डोभा आउने प्रक्रियामा रहेको जानकारी गराउन पाउँदा हामी खुशी छौं।

यदि तपाईं वा तपाईंले चिन्ने कसैलाई राहदानी नवीकरण आवश्यक छ भने कृपया सकेसम्म छिटो हामीलाई सम्पर्क गर्नुहोस्, ताकि आवश्यक विवरण समावेश गर्न सकियोस्।

कृपया यो जानकारी मोल्डोभामा रहेका नेपाली समुदायमा साझा गरिदिनुहोस्।

धन्यवाद।

गिरीश उप्रेती
अध्यक्ष
NRNA NCC Moldova

26/04/2026

My dear fellow Nepali citizens residing in Moldova: Hopefully this is going to happen soon. Whose passport has expired or about to expire or even if you have lost it or somehow it got damaged, soon it will be possible to renew it here in Moldova. Finally, we have got a positive response from the Ministry of Foreign Affairs. Presently, these issues are being discussed at our ministry and hopefully they will tell us the date when exactly they could come to us.

14/04/2026

🌸 Happy New Year 2083 🌸

Wishing all members of NRNA NCC Moldova and the entire Nepali community a very Happy, Prosperous, and Peaceful New Year 2083!

May this new year bring happiness, good health, success, and new opportunities to you and your loved ones. Let us continue to stay united, support each other, and proudly promote our Nepali identity and culture wherever we are.

Together, we grow stronger. Together, we make Nepal proud. 🇳🇵

नयाँ वर्ष २०८३ को हार्दिक मंगलमय शुभकामना! 🎉

Warm regards,
Girish Upreti
President
Non-Resident Nepali Association
National Coordination Council
MOLDOVA

NRNA MOLDOVA

28/08/2026

29/06/2026

28/06/2026

29/05/2026

26/05/2026

26/05/2026

07/05/2026

26/04/2026

14/04/2026

Address

Website

Alerts

Shortcuts

Share

Category

Listing takedown request