Ultras Cap Soleil - Gardiens de l'Occident 82

21/11/2025

صبرًا جميلًا
https://youtu.be/vU5qwfOVrUk

18/11/2025

16/11/2025

26/10/2025

29/09/2025

نرفع صوتنا عاليًا، لا صرخة غضب عابرة، بل نَفَسًا من ضميرٍ حيّ، مطالب الشباب واضحة و هي إصلاح التعليم والصحة، و مواجهة الفساد والمحسوبية، مع الإيمان أن المسؤولية لا تُجزأ عن المحاسبة،
فلا كرامة لأمةٍ تُعفي قبل أن تُحاسب

هذه المطالب ليست ترفًا ولا شطحاتٍ حالمة، بل هي لبّ العقل، وصرخة الوجدان، هي قوام المجتمعات السليمة التي تحتضن أبناءها لا تَسحقهم

نداء بدل أن يُستقبل بالعقلانية، وُوجِه بالقمع والشطط في الأغلال، من رجالٍ هم أنفسهم أبناء هذا الوطن، يعانون ما نعاني، ويُثقل كاهلهم ما يُثقل كواهلنا، غير أنهم اختاروا الحل القديم، سطوة العصا بدل رَونق الكلمة

أما المظاهرات ف
ليست هدمًا ولا فوضى، بل نداء إصلاحٍ وبناء، نداء حياةٍ تليق بالإنسان، نداء وطنٍ يحيا بكرامة أبنائه

عاشت كاب صولاي حرة مستقلة

29/08/2025

في مغرب اليوم، الخطاب الرسمي جاء باش يقول: “حنا بغينا ننهضو بكرة القدم، بغينا نصاوبو أكاديميات، بغينا نوجدو بنية تحتية، بغينا نربيو أجيال جديدة”. واللي كيعطي الشرعية لهاد الخطاب، هو دخول شركات كبرى بحال OCP، ولا مقاولات بحال Evosport، اللي على الورق الهدف ديالها واضح: الاستثمار فالمواهب، تطوير التكوين، ورفع قيمة الكرة الوطنية.

ولكن فالحقيقة اللي عايشينها فالجديدة، كنشوفو الوجه المقلوب للمكتب المسير ديال نادي الدفاع الحسني الجديدي استغل هاد الشعارات باش يركب على ظهر المشروع، ويحوّلو لغنيمة شخصية. نادي الدفاع الحسني الجديدي حولوه من مؤسسة رياضية إلى مقاولة صغيرة ديال المحسوبية. حيث ان الأطر التقنية والإدارية اللي كانوا كيخدمو بضمير، واللي صبرو من عام ونصف حتال ثلاث سنوات بلا مستحقات، فرض عليهم المكتب بطريقة قسرية أنهم يتنازلو على أجورهم، ماشي بدعوى التضامن أو حب الفريق، ولكن كشرط باش يلقاو فتات ديال عقود مع Evosport. ابتزاز اللي فيه لعب على الحاجة، وتحويل الكرامة المهنية إلى ورقة ضغط. بعض منهم سكت مكرهًا، والبعض الآخر جرّ المكتب للمحاكم بعدما سئم من الانتظار ومن المماطلة، وهادشي وحدو كافي باش نعرفو أن السياسة الرياضية تحولت إلى آلية إذلال وتصفية.

اللي وقع مع الأطر التقنية والإدارية من إذلال وابتزاز مقنّع باسم عقود Evosport، وفرضو عليهم يتنازلو على مستحقات عام ونص، ما كانش غير صدفة، كان هو المدخل باش نفهمو عقلية المكتب المسير كعقلية قمعية، قصيرة النظر، عايشة بالحلول الترقيعية، وكتزرع بذور الفشل اللي كيبان مع الوقت. منين العلاقة ديال النادي مع الناس اللي خدامين فيه تبنى على "الحُگْرَة" والتهديد بلا ما يكون اعتراف ولا إنصاف، طبيعي ينعاكس داك الشي على باقي المستويات.

السياسة ديال التكوين اللي كترفعوها كشعار من نهار شدّ المكتب الحالي وكتغناو بعبارة “construisons ensemble le DHJ de demain”، ما كانت غير قناع وواجهة لأشياء أخرى لغرض في نفس يعقوب.

وبما أن أغلبكم مقاولين ومعمّرين، خلّينا نشرحو ليكم بنفس اللغة ديالكم:
التكوين عندكم بحال شي ورشة بناء بلا تصميم، بلا مهندس، وبلا رخصة. جبتو عمال موسميين، خليتوهم يخدمو ب IMPROVISATION، كل واحد كيدير الزواق ديالو، وفي الأخير الدار طاحت قبل ما توصل الطابق الأول. ما كان لا ساس، لا سواري، غير بلان عشوائي مكتوب فالبلاغات، تماما فحال شي MAQUETTE معروضة فالواجهة باش يتفرجو فيها الناس، بينما فالداخل ما كاينة حتى شي حجرة صحيحة.

واليوم، بعد اكثر من 10 سنوات، بان أن “le DHJ de demain” ديالكم هو في الحقيقة “ورشة مهجورة” لا لاعبين طالعين، لا أطر واقفين، غير أرضية خاوية، جدران متشققة، وجيل كامل تضيّع وسط ركام الرداءة.

وإلى كان التكوين غير واجهة، الأثر الأخطر بان فسمعة النادي وطنياً. الدفاع الحسني الجديدي، اللي كان رمز للجدية والانضباط، ولّا فهاد العهد مرادف للفضائح والتسيير المرتجل. الريادة اللي وعدونا بيها تحقات، آه بصح، ولكن فالعبث والفساد. نزاعات قضائية مع الأطر، ديون متراكمة عند الجامعة، فريق غارق فالأزمات المالية، ما بقا حتى واحد كيذكر الدفاع الجديدي إلا مقرون بالفشل والتسيير الكارثي. هاد تشويه السمعة نِتاج لرؤية إدارية كتشوف النادي بحال ملكية خاصة ماشي مؤسسة عندها رمزية.

أما الفلوس اللي دخلو من OCP ومن الشركاء، بدل ما يتصرفو فالبنية التحتية ولا يتخدمو فالتكوين ولا يتأهلو الفريق باش يكمل فالمنافسة، ضاعوا فمشاريع جانبية، وتبخرو فصفقات مشبوهة، وتخسرو فشبكة ديال المصالح المغلقة. و النتيجة: فريق كان عندو هامش كبير باش يكون فمقدمة الفرق، سقط سقوط حُرْ من القمة للحضيض، حتى ولّا ما قادرش يواجه أبسط المنافسات.

المديونية دابا ما بقاتش غير رقم عند الجامعة، ولات عجز بنيوي كيهدد بقاء النادي كامل. ملفات اللاعبين المتراكمة تحولات لقنابل موقوتة، كل وحدة قادرة تفجر ما تبقى من الهيبة ديال المؤسسة.

الصورة كاملة كاتبين أن المشكل، مُشكِل حصاد مرّ لزراعة فاسدة، منين الرؤية بصيرة، الثمار كيخرجو خامجين. ومنين النادي يتبنى على الابتزاز و السرقة والريع بلا تخطيط وشفافية، عادي المشروع يتحول لكارثة مفتوحة على جميع المستويات. الدفاع الحسني الجديدي اليوم ماشي غير ضحية مكتب فاشل، بل مراية كتبيّن كيفاش رؤية ضيقة تقدر تهدم تاريخ، تشوه سمعة، وتضيّع مدينة كاملة فمتاهة العبث.

19/07/2025

شكون اللي ستافد من منع الوقفة؟

الوقفة ما كانتش تهديد، كانت محاولة لاسترجاع صوت الجمهور فزمن التعتيم. لكن المنع اللي جا فآخر لحظة، بقرار سلطوي مدفوع، كيبين أن الصوت الجماهيري ولا مزعج، مشي لأنه كيخرّب، ولكن لأنه كيكشف.

الحقيقة أن الفريق اليوم ماشي غير فشل رياضيا.
الفريق اليوم رهينة تسيير أحادي، غير ديمقراطي، كيتغدى من غياب المحاسبة، وضعف الهياكل، وتحالف المصالح. فريق بحجم الدفاع، بتاريخو، وقاعدته الجماهيرية، وصل لمرحلة تهرَّس فيها كل شي: المشروع، الثقة، وحتى الأمل.

من الجانب الرياضي:
الفريق سقط رياضيًا، لكن الكارثة ماشي فقط فالنتائج، بل فغياب أي مشروع تقني واضح، لا استراتيجية تكوين، لا رؤية فاستقطاب اللاعبين، لا بنية احترافية، لا تحليل للأداء، لا عقل. القرارات ارتجالية، والمدرب كيجي كيغادر، والفئات الصغرى مهمشة. وشكون المستفيد؟ الوسطاء، السماسرية، والمكتب اللي حول الفريق ل "فيرمة" خاصة.

من الجانب الاقتصادي:
الجديدة ماعمرها كانت مدينة مُفلِسة، ولكن الفريق وُضع فصورة الفقر باش يتم تبرير الفشل. المال العام كيتضخ، المستشهرين كاينين، الدعم ممكن، ولكن الثقة ضاعت.
المشكل ماشي فقلة الموارد، بل فغياب الكفاءة والشفافية. لأن المستثمر مايمكنش يدخل فمشروع ما فيهش رؤية، ومدينة كترسَّخ الرداءة و كتطرد الفرص.

أما المنخرطين، فكاينين فقط بالاسم.. ماشي آليات للمراقبة، بل مجرد ييادق للموافقة.. كلشي ساكت، وكلشي كيساهم فالصمت. والرئاسة تحولت لمنطقة مغلقة، فيها رئيس واحد، بلا محاسبة، بلا بديل، بلا نية فالمغادرة.

وحتى الإعلام، اللي خاصو يكون عين الجمهور، هو جزء من اللعبة. جُل الأقلام المحلية ( إلى ماقلناش كلشي ) كيسترزقو، وبعض الأصوات اللي كتحاول تبان نزيهة، كيتبين أنها كتلعب فكل الجهات، وتخدم خطاب التفرقة.

اليوم، المشكل ما بقاش فقط فالمكتب، المشكل فالنظام كلو.
نظام ما كيخليش الخلف يبان، ما كيستثمرش فالكفاءات، وما كيآمنش لا بالمحاسبة لا بالشفافية.
نظام كيستعمل الفريق كغطاء، وكواجهة انتخابية، وكوسيلة لإرضاء التوازنات.

لكن الجمهور عاق وعارف گاع التفاصيل: من تحويلات مالية غامضة، لعلاقات مشبوهة، لتصفية الحسابات عبر بلاغات المنع. وعارف شكون كيشري الذمم، وشكون كيلعبها “محايد” وهو مشارك حتى الأذنين.

ورغم كل شي، الجمهور باقي واقف. لأنه عارف أن الفريق ماشي ديال الرئيس، ولا ديال المنخرط، ولا ديال السلطة…
الفريق ديال الناس اللي كيبكيو عليه، ماشي اللي كيستغلوه.

والسؤال اللي المطروح: إلى ما تحركناش دابا، إمتى؟...واش فعلاً الجديدة ما بقاوش فيها رجال

29/06/2025

قبل الخوض في أوساط المنع القمعي الذي اختُبِرَ ساعة اليوم، لا بد أن نأكد أن الوقفة لم و لن تلغى ولكن أجلت لموعد قريب. لنرى ما في وسعك، وكم من مرة تقدر على الاختباء خلف درع المجاملات.

اليوم وكما حدد آنفا في إعلان الوقوف ضد من سولت لهم أنفسهم إذلال اسم الجديدة و الحط من قيمتها التاريخية، قوبلنا بالمنع الكلي من سير أو وقوف في حركة أخرى أقل ما يقال عنها أنها قمعية، تضع تحت المجهر طبيعة العلاقات بين المكتب الحالي و المؤسسات السلطوية في المدينة. يُعْلَمُ حدود سن هذا البلاغ قرار يمنع أي وقفة احجاجية ردا بالضبط على استنكار المجموعة لسوء التسيير وكذا منادتنا بوضع مساطر المحاسبة التي طالما انتظرها المشجع الجديدي. وبالرغم من أن قرار المجموعة أعلن عنه قرابة الخمس الأيام، فقرار المنع تم الخروج به البارحة، 28 من هذا الشهر!
التوقيت هنا لا يلزم الحياد.

نذكر مجددا أن الوقفة نتاج تراكمات و سنين من تضييع المال العام و الحط من اسم المدينة رياضيا و كرويا من قبل مكتب تسييري لزم المنصب قرابة 12 سنة. و نتسائل أيضا حول طبيعة هذا الاعلان المتأخر و الذي تم ستره سترا، وتأخيره بغرابة! هل هنالك تداخل علاقتي بين الأطراف أم هو تدخل شخصي من قريب؟ أم حماية مصالح؟

إن التطويق الكبير لأرجاء المنطقة و المنع المباشر لأي سير سلمي أو وقفة سلمية من لدن السلطة الأمنية أكد على ضرورة التأجيل لقادم قريب مصلحة للمشجع و كرامته، مؤكدين مجددا عن سلامة النهج، و أن أي خطوة تتخذها المجموعة هي خطوة نظام أولا، تستهدف المكتب الحالي دون غيره، وفق ما يضعه القانون. اليوم نمر من لغم نتداركه لسلامة أفرادنا في ظل الحماية الغريبة لمن يقتلون كرامة المدينة رويدا مؤكدا.

إن خير القرار لمصلحة المدينة و الفريق هو عدم تدخل الجهات المعنية في هذه الوقفات بقرارات المنع لحماية المكتب الحالي. اكتفينا جميعا من سوء التسيير الذي طال الدفاع و سمعتنا كمدينة وطنيا في الوسط الرياضي.
المكتب الحالي مرض قاتل، والأمراض لا تحمى!

24/06/2025

Difaa Hassani Jadidi - DHJ

13/05/2025

تماشوا كلابا مشؤومة لا جاه على نفسها ولا كرامة. استجابات للمكالمات و رضوخ مازوخي يفرض علينا طرح السؤال: أليس في مدينتنا رجال؟
في دكالة فارس واحد يمشي رافع الرأس مرتفع الفؤاد، عالما بقسوة التضحيات لا بسهولة النفور عن المدرج ساعة الضيق. تسجيل الحضور لإيصال فكرة هو ضرورة و واجب تجاه الفريق و المدينة، دين ندفعه اليوم بحريتنا، و الغذ بأمل يرفع الذل عن مناكبنا. هذا و كانت الرؤية هذا الأسبوع تبوح بلغم آخر، لغم لُمّت فيه التذاكر وسط عتمة ترويجية عن قصد، والهدف؟ غاية في أطفال النجارة لعزل الفريق عن أناسه. هنا أبد وجودكم و إن تكالبت علينا الأوغاد و من تحت رحمة جيوبكم.

ها نحن ذا على تكرير الموقف رغم العقبات، إذ صار للقرض أعوان، منخطرون وإعلام. وبعد أن كان القرار رفع رسالة - لا، بل رفع موقف - ترامت أياد قمعية سلطوية على الثوب بغية استئصاله من مكانه؛ كل هذا أرفق بتضييق من نقطة الدخول حتى صاروا يسألون كبار السن إن كانوا قصّر. تفتيشات في خمس نقط و أكثر، وكأنهم يبحثون عن سر الدنيا في جنبات العبدي. وحدود الدقيقة العاشرة ارتمت الشرطة على أرجل الأعضاء بغية جرهم تارة، و جر الثوب تارة أخرى. إننا لمتعجبون كيف تبذل السلطة داخل الملعب أقصى المجهودات لحماية صورة من أذاق الذل بالمدينة والفريق! وأكثر، ألا تنطوي الرسالة المرفوعة دستوريا في حرية التعبير؟ فما محل منعها من الرفع، ولما بالضبط رسالة ضد ”القرض“ تحارب هكذا؟ أي نوع من تضارب المصالح نشهد عليه اليوم؟
كنا بالأمس مع تهافت الإعلام المحلي و الرياضي في حمية رئيس يشهد تاريخه بفشله، ولكن أنا نرى أفرادا من المدرج عرضة للتعسف بعد ممارسة حقهم في التعبير مجابهة لمن أضر باسم المدينة و الفريق يتطلب درس أبعاد هذه المقاربة بالذات، خاصة و أن المتدخل هو الأمن الذي تواجد في المباراة. بين الدفع و الجر و محاولات نزع الرسالة قوة—المطلب واضح و إن تعددت طرق التعبير عنه.

هذه استمرارية على ترسيخ موقفنا تجاه من أحاط به منخرطين من نحاس، لا حياة فيهم ولا حركة. تجاه من أرخا بظله على الأقلام فصارت النزاهة كالشبح. لتكن هذه بداية أخرى لحراكنا تجاهك. فإما تدخل سلطة أعلى لتبحث في إسرافات الشركة و النادي منذ توليك منصب الرئاسة مع محاسبة دقيقة و تامة و إدراجك ضمن الراحلين، أو تصعيدا لن تقدر كلابك على كبحه.