Géneration : Ucb2006

Géneration : Ucb2006

الحسابات فالكناش مكتوبة …
15/02/2026

الحسابات فالكناش مكتوبة …

100dB of Pure Passion.
19/10/2025

100dB of Pure Passion.

BACK TO CONQUER…
20/06/2025

BACK TO CONQUER…

في الوقت اللي كتعيش فيه الكرة الوطنية انتعاشة على مستوى البنيات التحتية، الكوكب المراكشي، واحد من أعرق وأقدم الأندية فال...
09/05/2025

في الوقت اللي كتعيش فيه الكرة الوطنية انتعاشة على مستوى البنيات التحتية، الكوكب المراكشي، واحد من أعرق وأقدم الأندية فالمغرب، كيتعرض لتهميش غير مفهوم هاد الموسم، وسط حرمان ممنهج من حقه الطبيعي: اللعب فمدينتو، وسط جمهورُه، وعلى أرضُه.

هاد الموسم، الكوكب ما ستقبلش ولا مباراة فملعب بمدينته يليق بجمهوره العريض. تشتت الفريق بين ملعب سيدي يوسف بن علي، اللي طاقتو الاستيعابية ضعيفة بزاف وما كتتحملش جماهير الكوكب، وبين ملعب الزمامرة، واللي لا علاقة له بمراكش لا جغرافياً ولا جماهيرياً.

من جهة أخرى، جمهور الفريق تحرم من متابعة أكثر من 80% من المباريات، إما بسبب التنقلات الممنوعة، أو الويكلو، أو بسبب الإغلاق الغامض لملعب الحارثي، رغم أن الأشغال فيه سالات من مدة. لكن العجيب أنه مباشرة من بعد، الملعب الكبير غادي يتسد من جديد لتحضيرات كأس العالم 2030، الشي اللي كيعني أن الكوكب قد يظل محروماً من استقبال مبارياته فمدينتو حتى ما بعد 2030!

والأكثر غرابة، هو أن الفريق تعرض لعقوبة قاسية بالحرمان من 10 مباريات بدون جمهور، بسبب أحداث وقعت فمدينة خنيفرة، فاش الجمهور فقط تفاعل مع استفزازات، ومع ذلك تم تحميلو المسؤولية كاملة، فواحد من أغرب القرارات اللي تضرب فحق الجمهور قبل الفريق.

كيفاش يعقل أن فريق بحجم الكوكب، اللي قريب من العودة للقسم الأول بعد سنوات من المعاناة، ما يلقاش فين يحتافل وسط مدينتو؟ كيفاش جمهور وفيّ وعاشق بحال جمهور مراكش يتحرم من دعم فريقو داخل الميدان، فمدينة تعتبر من أكبر المدن فالمملكة، بل من أعرقها عالمياً؟

وما يمكنش نهضرو على هاد الوضع بلا ما نوجهو أصابع اللوم للمسؤولين المحليين، وخاصة المنتخبين ديال مدينة مراكش. هاد الناس اللي المفروض يدافعو على مصالح المدينة، واللي عندهم القدرة يتدخلو لإيجاد حلول عاجلة، كيكتفو بالصمت والتغاضي، وكأن الكوكب ماشي فريق كيحمل اسم المدينة وكيشرفها.

فين هو دور المنتخبين اللي كيظهرو غير فالمواسم الانتخابية؟ علاش ما كاين حتى تحرك جدي، حتى اجتماع، حتى موقف؟ واش هاد المنتخبين ما كيعرفوش أن الرياضة هي وجه من أوجه التنمية المحلية؟ ولا كيعرفو وكيغمضو عينيهم، لأن مصلحة المدينة ماشي من أولوياتهم؟

المطلوب اليوم هو وقفة جادة من المنتخبين المحليين، باش يعطيو لهذا الفريق تاريخه، وجمهوره حقه، والمدينة ديالو مكانتها. الكوكب المراكشي محتاج لناس تغار عليه، ماشي لناس تستهين بيه. راه التاريخ غادي يسجل، ومراكش ما غاديش تنسى من وقف مع الفريق ومن تفرج عليه وهو كيضيع.

راه ماشي معقول نعيشو صعود محتمل فمدن غريبة، بلا جمهور، بلا هوية. الكوكب المراكشي خاصو ملعب فمدينتو، خاصو احترام، خاصو التفاتة من المسؤولين. إلى متى غيبقى فريق مراكش الأول مشرد؟ إلى ما بعد 2030؟ راه ما يمكنش نقبلو نكونو متفرجين فحرمان فريق يمثلنا جميعاً.

الكوكب ماشي مجرد فريق، هو تاريخ، هو هوية، هو جزء من مراكش.

السلام عليكم ورحمة اللهغندخلو ديركت فصلب الموضوع وبكلام واضح لكلشي. التنقل لمدينة القنيطرة جاي فواحد الظرفية حساسة، الفر...
02/05/2025

السلام عليكم ورحمة الله

غندخلو ديركت فصلب الموضوع وبكلام واضح لكلشي. التنقل لمدينة القنيطرة جاي فواحد الظرفية حساسة، الفريق دابا فمرحلة صعيبة بعد جوج تعادلات وهزيمة، والفارق تقلص بيننا وبين المطارد المباشر، يعني كل نقطة دابا ولات من ذهب.

الرحلة هادي ماشي غير ماتش، هاد التنقل اختبار حقيقي للفريق و للوعي ديالنا كجمهور. خصوصاً مع التضييقات و المنع لي طالت الحركية، لهذا خصنا نكونوا فأحسن صورة، ونعطيو المثل فالرقي والتشجيع الحضاري.

الفرقة محتاجانا دابا أكثر من أي وقت، خاصنا نكونو سند ودعم فالمدرجات، نحفزو اللاعبين ونوقفو معاهم، بلا تجاوزات ولا مشاكيل، ماشي وقت التصاور ولا البوز ولا الفوضى، راه أنت غادي باش تشجع، ماشي تزيد الطين بلة.

احترم مدينة القنيطرة وساكنتها واجب، وكل خطوة ديالك تمثلنا كاملين. كون سفير ديال أخلاقك، وديال جمهور مراكش اللي معروف بالروح العالية والالتزام.

طريق السلامة لكل الجماهير المتنقلة، والتقاط الثلاث حنا لي غانجيبوها بالضغط و التشجيع.

نموت من أجلك، فوزي لأجلنا

All over , here and there… ⏳
24/04/2025

All over , here and there… ⏳

16/04/2025


بمبادرة من التراس كريزي بويز 2006 و بتنسيق مع المكتب المسير لنادي الكوكب الرياضي المراكشي لكرة القدم، نعلن أنه تفاعلاً مع القضية الانسانية للمشجع "مهدي" سيتم طرح تذاكر للبيع بالموازاة مع مباراة فريقنا و أولمبيك الدشيرة، و سيتم تخصيص مداخيلها بالكامل للتكفل بالمصاريف الخاصة بالعلاج و بالأطراف الاصطناعية.

و عليه نهيب بجميع جماهيرنا الوفية بالمساهمة عبر الانخراط في هذه الحملة التضامنية النابعة من روح الإنتماء و التقدير المتبادل بين الفريق و محبيه، و ذلك بالتوجه نحو شبابيك ملعب الحارثي ابتداءاً من يومي الخميس والجمعة المقبلين من الساعة 11 صباحا حتى الساعة 7 مساءا.

و قد تم تحديد ثمن التذاكر في : 30 درهم.

للتذكير : التذاكر تندرج فقط ضمن مبادرة تضامنية و لا علاقة لها بولوج الملعب.

بزاف ديال الناس كايشوفو الألتراس غير كجموعات ديال الشغب، وكايقولو عليهم شمكارة، ولكن هاد النظرة بعيدة بزاف على الواقع، و...
27/03/2025

بزاف ديال الناس كايشوفو الألتراس غير كجموعات ديال الشغب، وكايقولو عليهم شمكارة، ولكن هاد النظرة بعيدة بزاف على الواقع، وهاد الشي اللي غادي نحاولو نفهموه شوية ونوضحوه.

الألتراس راه شغف، حب، انتماء، وتضحية.
اللي كايعرف الألتراس مزيان غادي يفهم بلي أغلب الأعضاء فيهم طلبة، حرفيين، وناس خدامين فبزاف ديال المجالات، منهم الطبيب، المهندس، الأستاذ، وغيرهم. وكايديرو مجهودات جبارة باش يصنعو عروض زوينة فالملاعب. الألتراس ماشي غير هتافات وتيفوهات، راه كاين تنظيم، إبداع، وتخطيط. كاين اللي خدام على الشعارات، اللي كايكتب الأغاني، اللي كايسهر على تنظيم الرحلات وتمويلها، وآخرين كايخدمو فالتصميم، الفيديوهات، واتخاذ القرارات. هاد الشي كامل كايتطلب مهارات فالتدبير، التواصل، وحتى الإبداع. وحتى فالمشاكل، كايحاولو يوصلو صوتهم بطرق حضارية بعيدة على العنف.

هادشي ما كيقتصرش غير على الملاعب، حيث بزاف ديال كروبات الألتراس كايديرو أعمال خيرية، كايعاونو الناس في أوقات الشدة، وكاين اللي كايجمع تبرعات للمرضى أو كايدير أنشطة اجتماعية. تقدر تلقاهم كيهضرو على قضايا لي انت براسك متقدرش تهضر عليهم، ولكن بطرقهم الخاصة، وكثير من المرات، المواضيع اللي كايهضرو عليها فالملاعب كاتتحول لقضايا رأي عام، وهادشي كيرجع بالنفع على المجتمع والبلاد ككل، سواء فمواضيع بحال الفساد، البطالة، أو القمع…

وهادشي ما عندو حتى علاقة بالتطرف أو الفتنة، بالعكس، أكثر ناس كاتلقاهم كايدافعو على الوطن ديالهم وعلى القضايا الوطنية هما الألتراس. أكبر مثال على هادشي هو فكارثة زلزال الحوز، حيث أغلبية المساعدات والتبرعات بالدم كانو من طرف كروبات الألتراس، طبعا إلى جانب عامة الشعب المغربي. نفس الشي خلال جائحة كورونا (COVID-19)، كريزي بويز ومعاهم بزاف ديال كروبات العالم دارو حملات توعية باش ينبهوا الناس لخطر المرض وساهمو فالمساعدة بالمستلزمات الطبية من مالهم الخاص، بلا أي دعم من شي جهة. وهاد الشي كامل كايدل على وعي وانتماء كبير للمجتمع، ماشي العكس.

صحيح كاين بعض الحوادث ديال العنف، ولكن هادشي ما كايعنيش أن الجميع بحال بحال. وكثير من المرات السبب كايكون سوء التنظيم، أو بعض الأشخاص لي ما عندهم حتى علاقة بالكروب. هاد الشباب عندهم طاقة إيجابية كبيرة، وخاصنا نعترفوا بيها ونحاولوا نستغلوها مزيان، بدل ما نحكموا عليهم غير بالسلب.

ماتحكمش على جمهور كامل بسبب تصرف ديال شخص واحد أو شي قاصر كايدوز مرحلة المراهقة، حوتة وحدة كاتخنز الشواري…

الكرة بلا جمهور ما عندها حتى معنى، والألتراس هو الروح ديال الملاعب. فبلاصت ما نحكمو عليهم بالأحكام الجاهزة، خاصنا نحاولو نفهموهم ونشوفو المجهود الكبير اللي كايديرو باش يحييو الفرجة ويعطيو للملاعب نكهة خاصة.

يتبع…


من السنة تعجيل دفن الميت لما روى البخاري ومسلم أن النبي صلى الله عليه وسلم قال: أسرعوا بالجنازة، فإن تك صالحة فخير تقدمو...
30/11/2024

من السنة تعجيل دفن الميت لما روى البخاري ومسلم أن النبي صلى الله عليه وسلم قال: أسرعوا بالجنازة، فإن تك صالحة فخير تقدمونها عليه، وإن يكن سوى ذلك فشر تضعونه عن رقابكم.
La dépoUIlle’06

FORZA LA CULTURA NOSTRA
27/11/2024

FORZA LA CULTURA NOSTRA

15/11/2024

PER LA VITA

Address

Marrakesh

Website

Alerts

Be the first to know and let us send you an email when Géneration : Ucb2006 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category