03/05/2026
أكيد حنا عارفين مصلحة الفرقة فهاد الظرفية و شحال محتاجانا ، و الحضور ديالنا من عدمو كايأثر بشكل كبير بزاف ، هادو معطيات و تفاصيل عارفينهوم و ماغافلينش عليهم بطبيعة الحال حيث من ديما كانت مصلحة الفرقة هي الأولوية بالنسبة لينا .
لكن فهاد الوضع بالضبط قرار المقاطعة هو أحسن و أحكم قرار ، و بنادم ماخاصوش يحلل الوضع بطريقة سطحية ، القرار جاء بناءًا على بزاف ديال النقط ، لكن أهمها هو ان لحدود الساعة خوتنا باقي مشدودين و مازال ما تحكموش يعني ما عارفينش حتى المصير ديالهوم زيد عليها خوتنا اللي مضروبين طايحين فراش إضافة إلى أن الأجواء حاليا مشحونة و اي احتكاك فهاد الماتش مع دوك الناس غادي يولد مشكل أكبر و لي ما غادي يكون فمصلحة حتى شي طرف .
دعوة المقاطعة موجهة للأعضاء و "بغينا المدرج الجنوبي يبقى خاوي "، و حيت ماشي كولنا ختارينا نشجعو الكوكب كألترا ، لي هي حاجة إيجابية بطبيعة الحال ، فمن حق عموم الجمهور لي غير منتمي انه يحضر و يدير الدور لي عليه ، إضافة إلى أننا كاندعيو مراكش كاملة تقتطع الورقة ، حيث الدعم المادي حتا هو مهم و ضروري فهاد الظرفية .
