دار لمان Dar lamane officiel

02/06/2026

ايقاف تاجر مخدرات كيبييع للتلاميد
كما سبق الاشارة اصبح هدا المكان نقطة سوداء خصوصا في المساء
الدراجات النارية
السياقة الاستعراضية
الاتجار في المخدرات
تجمع المنحرفين و المتربصين بالفتياة
فوضى في محطة الترامواي حي السمارة
نكرر دائما حضيو أولادكم و بناتكم من الانحراف

01/06/2026

تدخلت فرق شركة SRM الجهوية لتدبير خدمات المياه مشكورة اليوم و قامت بإصلاح مشكل الصرف الصحي في بلوك H بقرب مدرسة الارشاد
شكرا لكل من ساهم على التفاعل مع المنشور

30/05/2026

ها صورة سينما الفرح بلا زواق

شوفو الجمال شوفو التلوث البصري يا سلام على الهركاوة
صورة لسينما الفرح أحد أهم المعالم التي تم طمسها و تحويلها الى مستودع للخردة و المتالاشيات واش هادي دار لمان و لا لافيراي سيدي مومن

30/05/2026

هههه را شي كوارث كيوقعو فهاد العيد ربي كيلطف و صافي نخليكم مع الفيديو خروف مليح تم انقاده في آخر لحظة

29/05/2026

بيع اللحوم بدرب ميلا بالدار البيضاء يطرح السؤال: متسولون أم تجار يستغلون فرصة عيد الأضحى؟

#المغرب

29/05/2026

الطريقة باش تم التسويق للاصلاحات في دار لمان كيف الفيديو اللي غادي تشوفو في أول تعليق كتخليك منبهر و متحمس باش يستافد السكان في أقرب وقت
ولكن ملي كتسالي 7 أيام ديال التصاور كيجي المعقول
باي باي الجودة و آراك لتعربيز
تخايل المعلم اللي بنا دار لمان في 1980 دار خدمة نقية و جودة أحسن من المعلم اللي كيصلح ( كيخرب) في 2026
نعطيكم غير مثال الزليقة و الدروج في الدروبة مصاوبين على حقهم و طريقهم 0 ديفو أو عووجية ف 1980 و بقاو صامدين للآن سير شوف الزليقة بلوك A راه أي واحد مايكونش بناي و يدير أحسن منها رحم الله من عمل عملا فأتقنه

شوفو التعاليق

29/05/2026

بيع لحم الأضاحي في درب ميلا هاد الناس اللي كيسعاو اللحم ره كيبيعوم ب 700 درهم
بغيتي تصدق اللحم سير الله يرحم ليك الوالدين و لكن قلب غير حداك بزاف الناس ممعيدينش و مبرضاوش يقوليك راني مخصوص ولا معنديش نتا سير عندو وقوليه دوق من الحولي ديالنا و هانتا ديتي الآجر مضاعف

28/05/2026

من بريد الصفحة
كارثة بيئية مند أزيد من شهرين
الله اجازيك بخير هضر على القدوس الي مفركع في H حدا الإرشاد و حنا كساكنة ديال العمارة الريحة ولات في ديورنا و شنيولة و طموبيل كنسطسيونيو في الدود والله
قمنا بمعاينة الوضع وضع بيئي خطير يهدد صحة وساكنة بلوك H و الاطفال في مدرسة الارشاد الأرضية أصبحة خضراء و الدود حاشاكم في الشارع

28/05/2026

تخيل معايا كاين لي ماكيعرفش يفصل الحولي و كيشد الصف على الݣزار مع العلم هادي أسهل حاجة كاينة فالأضحية
و الي عمر فصل كاين مئات الفديوات في اليوتيوب منشار ب 20 درهم و هانتا قاضي الغراض

28/05/2026

بالنسبة للخبز الساخن راه فران في درب مولاي الشريف مفتوح
المكان بالضبط قرب مسجد مدرسة اتحاد الحي المحمدي