27/07/2025
منقول
🚨 ..
💔 مأساة حقيقية حصلت في قرية "دلجا – دير مواس – المنيا"
6 أطفال من أسرة واحدة فقدوا حياتهم في أيام قليلة بعد ظهور أعراض غامضة:
قيء – سخونة – هذيان – فقدان وعي.. ثم وفاة مفاجئ
** والتحقيقات الطبية والقضائية (حسب ما ورد في وسائل الإعلام والصحافة ) أكدت إن السبب هو:
تناولهم مادة سامة اسمها “كلورفينبير " Chlorfenapyr
** وهي مادة فعالة في بعض المبيدات الحشرية والاكاروسية ، وتصنف عالميًا ضمن المبيدات التي لا يُوجد لها ترياق مضاد حتى الآن!
** ولكن التحقيقات لم تحدد حتى الآن كيف وصل المبيد للأسرة داخل المنزل ووصوله للطعام الذي تناولوه
***************ءء
😰 ليه بيتم تصنيف النوع ده من المبيدات انه
"القاتل الصامت"؟
🔬 :
** يتسلل داخل الجسم ويبدأ في تعطيل محطات الطاقة داخل خلايا الجسم (الميتوكوندريا).
#النتيجة؟ توقف أعضاء الجسم عن العمل واحدة تلو الأخرى (القلب – الكبد – الكلى – المخ).
** الأعراض تظهر بعد ساعات وقد تبدو كأنها نزلة برد أو تسمم عادي.. لكن التطور سريع وخطير جدًا!
⚠️ حتى التعرض لكمية صغيرة منه (أقل من 1 مل بالفم) قد تكون قاتلة خاصة للأطفال.
🔥 لا يتأثر بالغليان أو الطهي.. لو اتخلط مع أكل أو شرب بيحتفظ بسمّيته.
🧴 والمبيدات من هذه المادة لا لون أو رائحة لها
********************ءء
*** أسماء بعض المبيدات التي تحتوي على المادة الفعالة "كلورفينبير" (Chlorfenapyr) في السوق :
⚠️ ليست دعائية ولا شاملة – الغرض منها التوعية فقط :
✅ # مبيد كلورفينابير 24% مركز معلق : مبيد حشري اكاروسي غير جهازي يعمل عن طريق التأثير المعدي والملامسة
✅ # مبيد فانتى 24% مركز معلق : مبيد حشري واكاروسي ...
يعمل عن طريق الملامسة والابتلاع، ويستخدم لمكافحة مجموعة متنوعة من الآفات في الزراعة والصحة العامة.
✅ # مبيد شالنجر سوبر 24% مبيد حشري
✅ # مبيد كابيتول 24% مركز معلق: مبيد حشري واكاروسي ...
✅ # مبيد وبندر 36% مركز معلق: مبيد واكاروسي ...
******************ءء
هنا خلينا نركز على كام نقطة مهمة في موضوع المبيدات عشان الناس تستوعب الأمر :
:
# # فيه فرق كبير من تناول المبيد الخام مباشرة عن طريق الفم أو وصوله خام برده بأي وسيلة إلى اى طعام حتى لو حصل بعد كده طبخ وغليان ، في الحالة دي هيحتفظ بسميته ..
# # أما لو أترش على الزرع فيترش مخفف جدا جدا في المتوسط الجرعة بتكون ٢٠٠ جم مبيد لكل ١٠٠ لتر ماء يعني تركيز ٢ في الألف .. ولما بيدخل النبات بيحصل تكسير للمبيد جوه النبات أو الثمار وبعد كام يوم ( فترة phi) بيختفي المبيد أو بيكون بتركيز جزء في المليون .. وهنا مفيش منه أي خطورة أو سمية تماما ..
:
** المبيدات المحتوية على المادة الفعالة كلورفينابير اقل سمية من مبيدات كتير ، هتلاقوا أن عبوات المبيد ده لونها اصفر ، يعني اقل سمية من المبيدات اللى لون عبواتها احمر ..
** وبالتالي القصة كلها هي الوعي ... وبالمناسبة عشان اقرب الفكرة التعامل مع المبيدات زيها زي التعامل مع اى حاجة خطرة في حياتنا اليومية زي البنزين أو السولار أو الكهرباء ، طول ما بنتعامل معاهم بحذر مفيش اى مشكلة وبتستفيد منهم .. لكن أي تهاون أو إهمال أو عدم مبالاة هيحصل ما لا يحمد عقباه ...
** المبيدات برده مهمة جدا للزرع والإنتاج الزراعي ولا يمكن الاستغناء عنها وهي علاج الآفات والأمراض بجرعات محددة وبشكل خاص لضمان الأمان والسلامة في التعامل معاها ، أثناء التداول والاستعمال ، وزيها زي اي علاج الإنسان بياخده لو زود الجرعة أو اخد أدوية مينفعش تتاخد مع بعض هيحصل مشكلة صحية قد تؤدي إلى مشاكل لا قدر الله كبيرة. .
******************ءء
⚠️ :
🚫 لا تخزن أي مبيد داخل المنزل إطلاقًا
🚫 لا تعبئ أي مبيد في زجاجات مياه أو عصائر أو عبوات غير معلّمة
🚫 احرص على استخدام المبيدات فقط بواسطة المختصين ووفق توصيات لجنة المبيدات بوزارة الزراعة
🔒 احفظ المبيدات في مكان مغلق بعيد عن متناول الأطفال
☠️ لا تستخدم أي منتج غير معروف المصدر أو مكتوب عليه "بودرة بيضاء أو سائل بدون بطاقة"
🧪 في حالة الاشتباه بتناول مبيد: توجه فورًا لمركز السموم واطلب تحليل "مبيدات فوسفورية أو كلورينية"
⚠️ تذكّر: كلورفينبير لا يُظهر نفسه بسهولة في التحاليل ولا يوجد له مصل ضد السم!
******************ءء
وده هيخلينا كمان نوضح هل فيه علاقة بين الاجواء الحارة( الحالية) وبين زيادة سمية المبيدات ؟؟
🔥📈 اسباب زيادة سمّية المبيدات في الأجواء الحارة؟
1. زيادة معدل التبخّر (Volatilization):
مع ارتفاع درجات الحرارة، تتبخر المواد الفعالة في المبيدات بسرعة أعلى، مما يؤدي إلى:
** استنشاق كمية أكبر من الأبخرة السامة.
** انتقالها لمسافات أطول (drift)، وزيادة تعرض المحيطين بها.
2. تسريع الامتصاص في جسم الإنسان والنبات:
الحرارة تُسرّع امتصاص الجلد للمبيدات بنسبة قد تصل إلى 50 ** %.
كما تفتح مسام الجلد، مما يجعل الجسم أكثر عرضة للتسمم.
3. انخفاض قدرة الجسم على التخلص من السموم (Detoxification):
الحرارة تُضعف وظائف الكبد والكلى (مراكز تكسير السموم).
** الإجهاد الحراري يقلل من مقاومة الجسم لأي سموم تدخل.
4. زيادة تفاعلية المواد الكيميائية:
بعض المبيدات (خاصة "الفسفورية العضوية") تصبح أكثر نشاطًا وسمّية عند درجات الحرارة فوق 36°C.
5. مخاطر الخلط أو التحلل الحراري:
بعض المركبات تتفكك إلى مواد أكثر سمية في الحرارة العالية.
أو تتفاعل مع بعضها في التانك أو التربة مكونة مركبات ثانوية خطرة.
⚠️ التوصيات العلمية:
لا ترش مبيدات في درجات حرارة تتجاوز 36–37°C، خاصة وقت الظهيرة.
ارتدِ ملابس واقية كاملة وتجنّب الرش نهائيًا بدون حماية.
خزّن المبيدات في أماكن باردة وجافة ومغلقة بإحكام.
تابع دائمًا النشرة الجوية وخطط الرش في الأوقات الباردة (الصباح أو المساء).
*******************ءء
⚠️ ًا_للمزارعين وكل من يتعامل مع المبيدات:
❗ ☠️ كل المبيدات الزراعية سامة بدرجات متفاوتة، ويجب التعامل معاها بمنتهى الحرص والمسؤولية، ...
🚫 مفيش حاجة اسمها "ده آمن" أو "مش هيحصل حاجة"
🚸 أي إهمال في تخزين أو خلط أو تداول المبيدات، خاصة في البيوت أو بالقرب من الأطفال، ممكن ينتهي بكارثة لا تُحتمل.
**************ءء
📣 لازم نكررها دايمًا:
المبيد مش دواء ولا عصير.. المبيد سم، لا يحتمل التعامل معه بتهاون !
⛔ لا تخزن مبيدات في بيوتكم
⛔ لا تنقلها في زجاجات مياه أو عبوات أكل
⛔ لا تسمح للأطفال أو غير المختصين بالتعامل معها
⚠️ والمسؤولية مش بس فردية، دي مسؤولية مجتمعية.. اللي شاف ووعى لازم ينصح غيره ويحذر جيرانه.
رب كلمة من حضرتك دلوقتي تنقذ روح بكرة.
#ختامًا:
اللي حصل في المنيا مش حادثة عابرة.. ده ناقوس خطر لازم نسمعه كلنا.
🛑 الوعي هو خط الدفاع الأول عن ولادنا وبيوتنا
📢 شارك المنشور ده، ممكن تنقذ بيه طفل بريء أو تنبّه جار غافل.
__________________________
✍️ أ.د. محمد علي فهيم
📅 24 يوليو 2025
🗓️ 17 أبيب 1741
🗓️ 29 محرم 1446
