جمعية فينا الخير لكفالة اليتيم

جمعية فينا الخير لكفالة اليتيم جمعية متخصصة بــ "كفالة اليـتيـم"

السلام عليكمنفكركم بقرب عيد الاضحى لأي كافل حاب يساعد يتيمه في العيد ويحسبه ويفرحهفي حالة التبرع بقيمة أضحية كامله او جز...
02/05/2026

السلام عليكم
نفكركم بقرب عيد الاضحى لأي كافل حاب يساعد يتيمه في العيد ويحسبه ويفرحه
في حالة التبرع بقيمة أضحية كامله او جزء منها يتم تسليم القيمه للارمله وهيا تتصرف
وفي حالة رغبة الكافل ان الجمعيه تشري الاضحية وتسلمها للارمله حتى هو ممكن
وفي حالة التبرع بأي قيمة بغرض المساهمه مع الجمعية في شراء الاضاحي حتى هو ممكن
ربي يقدرنا وإياكم لاسعادهم
قيمة الاضحية (2000 دينار)

السلام عليكمتم اليوم توزيع كفالة شهر 9 على المجموعة الاولى من الاراملواستثنائيآ سيتم غدآ التوزيع على المجموعة الثانية وذ...
07/09/2025

السلام عليكم

تم اليوم توزيع كفالة شهر 9 على المجموعة الاولى من الارامل
واستثنائيآ سيتم غدآ التوزيع على المجموعة الثانية وذلك استعجالآ لصرف الكفالة بفئة 20 دينار

ونذكر كل الكافلين الكرام لمن يريد المشاركة في احتياجات العام الدراسي الجديد للأيتام بأن التوزيع سيكون خلال هذا الأسبوع

جزاكم الله كل خير

السلام عليكمعادة جمعيتنا في كل مناسبة يكون شغلها الشاغل كيف توفر لايتامها حاجتهم وكيف تسعدهم ولو بإيدنا مانخلو يتيم محرو...
09/05/2025

السلام عليكم
عادة جمعيتنا في كل مناسبة يكون شغلها الشاغل كيف توفر لايتامها حاجتهم وكيف تسعدهم ولو بإيدنا مانخلو يتيم محروم من شي
لكن احني بنديرو جهدنا وأهل الخير مدايرين جهدهم وعشمنا فيهم الاكثر
عيد الاضحى قرب وعادة جمعيتنا كل سنة توزيع أضاحي العيد حسب المتوفر يعني فيه أعياد نعطو للجميع وفيه أعياد نعطو للأشد حاجه وفيه أعياد نشوفو العائلة الاكبر ونعطوها يعني حسب المتوفر
وفيه من كافلين يفضلو يرفعو أضحية يتيمهم لعنده
وفيه كافلين يعطونا ثمن الاضحية ويقولو إشرو انتم
وفيه فاعلين خير يتبرعو يا بثمن أضحية يايساهمو بجزء من ثمنها يا يتبرعو بثمن عدد من الأضاحي يعني كلآ حسب رغبته وقدرته
احني مانشروش من السوق احني نوصو عليهم من تاجر من الشرق ويحسبلنا فيهم بسعر كويس ديما اقل من السوق ب 200 و 300
الوقت داهمنا وياريت اللي حاب يفرح يتيم يستعجل
وياريت جماعة الاضحية سنه مايتعبوش روحهم لان نعرفوها المعلومه هادي
احني غرضنا انفرحو الايتام الصغار قدرنا اللهم بارك ماقدرناش درنا واجبنا
حنزل صور مع البوست اتوريكم سبب سعينا واصرارنا على تجميعنا لعيد الاضحى وهيا الداعم لينا عالاستمرار الواقع ابلغ من الصور وهما فرحانين ويبو يقيمو الاضحية ويختارو بروحهم ويتفرجو عليه
🤍فرحتهم🤍 ان شاءالله ربي يسعدهم في كل حياتهم
ثمن الأضحية 1500

السلام عليكماحني اعضاء الجمعية نعتبرو في اليوم من احلى أيام السنة اللي تمر علينا مليان عطاء وخير وفرحة البوم زي كل سنه و...
25/03/2025

السلام عليكم
احني اعضاء الجمعية نعتبرو في اليوم من احلى أيام السنة اللي تمر علينا مليان عطاء وخير وفرحة
البوم زي كل سنه وسبرنا ايام التوزيع نفطرو في الجمعية في جو أخوي جمعنا حب الخير والتسابق علي نيل أجر الارامل والايتام.
بدينا بتوفيق من الله بتوزيع ملابس العيد والعيديات وكفالات شهر 4 على المجموعة الاولى بارك الله لهم في اولادهم ورزقهم الذي سخره الله لهم بدون حول لهم ولاقوة
وبارك الله في محبين الخير من كافلين ومتبرعين ومزكيين وجزاهم الله أضعاف من أعطو

السلام عليكمحاليآ الاستعدادات على قدم وساق لتجهيز ملابس العيد لايتامناتبرعات متنوعة من أهل الخير ومن اصحاب محلات ومبالغ ...
23/03/2025

السلام عليكم
حاليآ الاستعدادات على قدم وساق لتجهيز ملابس العيد لايتامنا
تبرعات متنوعة من أهل الخير ومن اصحاب محلات
ومبالغ ماليه كلها ضمن حملة فرحة يتيم
وفيه كافلين ودو أيتامهم بلبسه كامله وفيه من تبرعلهم بقيمة مالية.
سيتم التوزيع ضمن مجموعات وبترتيب معين ومعاهم كفالة شهر 4
تم الاتصال بالمجموعة الاولى وسيتم التواصل مع كل الارامل حسب الترتيب المتبع كل سنة
بإذن الله نكملو توزيع قبل نهاية الاسبوع وبعدها سنقفل باب حملة فرحة يتيم على خير ولنا لقاء مجدد لها السنة القادمة إن أحيانا الله

السلام عليكمكل سنة زي عادتنا نفرحو أيتامنا بلبس العيد كامل ماينقصه شي سواءآ لو كان هدية من الكافل ليتيمه او تبرع من اهل ...
04/03/2025

السلام عليكم
كل سنة زي عادتنا نفرحو أيتامنا بلبس العيد كامل ماينقصه شي سواءآ لو كان هدية من الكافل ليتيمه او تبرع من اهل الخير لرسم فرحة العيد على وجه كل الايتام
القيمة بسيطه لكن مردودها النفسي على اليتيم كبير
إنك تكون سبب في ابتسامة يتيم ربي أرادله إن يعيش محروم الأب ومحروم السند هادي ليها عند الله قيمة لايعلمها الا هو
الحياة رحلة قصيره فحاول أن يكون لك أثر يعود لك أجره حتى بعد مماتك.
قيمة فرحة يتيم 150 دينار نحاولو نوفروله لبسه كامله وكل حد حسب استطاعته اللي بيفرح يتيم واحد خير واللي بيفرح اكثر من يتيم خير وبركة وكلآ حسب قدرته
موضوع شراء لبس العيد متعب جدا ويبي وقت وبعدها نبو وقت لترتيب ونبو وقت لتوزيع
فلهذا ساعدونا واللي حاب يساهم يتفضل احني بدينا من اليوم
هادي صور لعيد السنه اللي فاتت

السلام عليكمتم اليوم بتوفيق من الله توزيع السلة الرمضانية وكفالة شهر 3 على المجموعة الاولى من ارامل الجمعيةوذلك بمعاونة ...
25/02/2025

السلام عليكم
تم اليوم بتوفيق من الله توزيع السلة الرمضانية وكفالة شهر 3 على المجموعة الاولى من ارامل الجمعية
وذلك بمعاونة الجنود المجهولين في الجمعية بارك الله فيهم وجزاهم عن الايتام كل خير
مستمرين في التوزيع حسب التقسيمات المعتاده
والسنه هادي مش حنلتزمو بتوزيع وجبات افطار يوميا لكن عند توفر التبرعات نديرو ايامات معدوده نوزعو فيها
يعني فيه تبرعات تكفي نديرو برنامج افطار صايم
لكن مش بشكل يومي
أعاننا الله واياكم وتقبله الله منا ومنكم

Address

طريق الشوك
Tripoli
218

Opening Hours

Monday 10:00 - 15:00
Tuesday 10:00 - 15:00
Wednesday 10:00 - 15:00
Thursday 10:00 - 15:00
Saturday 10:00 - 15:00
Sunday 10:00 - 15:00

Telephone

+218915743996

Website

Alerts

Be the first to know and let us send you an email when جمعية فينا الخير لكفالة اليتيم posts news and promotions. Your email address will not be used for any other purpose, and you can unsubscribe at any time.

Shortcuts

Share

Category