Здружение за одржлив социо-економски развој „Изгрејсонце“ - Скопје

Home
Latvia
Jurmala
Здружение за одржлив социо-економски развој „Изгрејсонце“ - Скопје

Contact information, map and directions, contact form, opening hours, services, ratings, photos, videos and announcements from Здружение за одржлив социо-економски развој „Изгрејсонце“ - Скопје, Non-Governmental Organization (NGO), Jurmala.

04/06/2026

🌱 Изгрејсонце и оваа година учествуваше на Македонскиот енергетски форум – MEF26
Со особено задоволство споделуваме дека Здружението за одржлив социо-економски развој ИЗГРЕЈСОНЦЕ – Скопје и оваа година беше дел од Македонскиот енергетски форум – MEF26, еден од најзначајните меѓународни форуми посветени на енергетиката, одржливиот развој и енергетската транзиција.
На наше големо задоволство, оваа година во рамки на панелот посветен на Праведна транзиција и социјална инклузија, говорник беше Heleen Schockaert, претставничка на REScoop.eu – Европската федерација на енергетски заедници.
Во своето излагање, покрај другите важни аспекти поврзани со праведната енергетска транзиција, таа ги истакна и претходните постигнувања на Изгрејсонце во развојот и промоцијата на енергетските заедници во регионот на Западен Балкан и во рамки на европското движење за енергетски заедници. За нас ова претставува значајно признание за нашата долгогодишна соработка со REScoop.eu и нејзините членки, како дел од пошироката европска мрежа посветена на граѓанската енергија, солидарноста и демократското управување со енергетските ресурси.
Во рамки на форумот одржавме и продуктивен формален состанок помеѓу REScoop.eu, Здружение Изгрејсонце и Зелена Комуна Белица, на кој беа потврдени нашите заеднички заложби за понатамошен развој на енергетските заедници преку тековните и активни проекти REConnect Skopje, поддржан преку програмата на Regione Emilia-Romagna и DG REGIO, како и преку поддршката од European Energy Community Facility во рамки на LIFE програмата.
Ни беше чест и задоволство да учествуваме на овој значаен меѓународен форум токму заедно со нашите најблиски соработници од Европската Унија и регионот.
Продолжуваме посветено да работиме на развој на енергетски заедници, праведна транзиција и локални решенија кои ги ставаат граѓаните во центарот на енергетската иднина. 🌍⚡
#изгрејсонце

02/06/2026

Како да ја трансформираме науката и енергетските модели во реална, практична акција на локално ниво?

На Факултетот за електротехника и информациски технологии (ФЕИТ), се одржа клучниот настан „Декарбонизација на енергетските системи:
Моделирање, патеки и дејствување на заедницата“, кој донесе сеопфатна дискусија за енергетската транзиција, климатските предизвици и важноста на јавните политиките за конкретни акции, преку проектот INITIATE финансиран од програмата Horizon Europe, во соработка со проектот SHARES+, финансиран од LIFE програмата, и со македонската секција на IEEE Power and Energy Society.

Во рамките на настанот се одржа панел-дискусијата „Градење енергетски заедници: Премостување на науката, политиката и практиката“, каде што го презентиравме придонесот и искуството на Здружението за одржлив развој „Изгрејсонце“.

Преку нашиот тековен проект REConnect Skopje, активно дејствуваме како фасилитатори за создавање, поддршка и развој на македонските енергетски заедници.

Панелот понуди одличен спој на перспективи од науката, креирањето политики и искуството од терен. Заедно со претставниците од ИЦЕОР-МАНУ, Електротехничкиот факултет при УГД, Хабитат Македонија и независните експерти за енергетска политика, дебатиравме за:
Правната и регулаторната рамка што ги уредува енергетските заедници кај нас;
Одржливите бизнис модели и т.н. One-Stop-Shop пристапи за практична имплементација;

Директните искуства и научените лекции од досегашните иницијативи на терен.
Улогата на граѓанскиот сектор и нашата иницијатива е токму во премостувањето на јазот помеѓу регулативата и граѓаните, нудејќи ја потребната логистика за децентрализација на енергетскиот систем.

Упатуваме голема благодарност до организаторите, модераторот Владимир Ѓорѓиевски (ФЕИТ) и сите партнери за оваа значајна и конструктивна дискусија

15/05/2026

Општина Ѓорче Петров и Здружението „Изгрејсонце“ го промовираа проектот „Риконект Скопје“ за локални енергетски заедници

Денеска во амфитеатарот на Општина Ѓорче Петров се одржа промотивен настан на проектот „Риконект Скопје“ (REConnect Skopje), посветен на развојот на локални енергетски заедници и поттикнување на граѓанското учество во енергетската транзиција.

Настанот го отвори градоначалникот на Општина Ѓорче Петров, г. Александар Стојковски, кој го истакна значењето на локалната поддршка во процесите на енергетска транзиција.

„Ова не се само проекти за производство на електрична енергија. Ова е нов модел на соработка, доверба и заедничка одговорност, каде граѓаните, институциите, училиштата и локалните организации заедно произведуваат, користат и споделуваат чиста енергија во корист на целата заедница“, рече градоначалникот Стојковски.

Во дискусиите учествуваа и претставници од здруженијата „Биди зелен“ (Go Green) Go Green - Биди Зелен и „СмартАП“ (SmartUp) SmartUp - Social Innovation Lab , со фокус на интеграцијата на соларната енергија и зелената мобилност во локалната самоуправа.

Настанот ги собра клучните чинители за дискусија околу современите модели за производство и споделување на обновлива енергија која е водена од демократски принципи и локално учество.

Здружението „Изгрејсонце“ го претстави концептот за демократско управување со енергетските ресурси и улогата на граѓаните во локалното производство на енергија.

Беа презентирани потребите од инфраструктура за полнење на електрични возила во општината на иницијатива на „Биди зелен“ и иновативниот модел „Локални задруги за мобилност“ (Community Mobility Cooperatives), за заедничко управување со мобилни ресурси од страна на СмартАП.

Беше истакнато дека Општина Ѓорче Петров е првата сертифицирана општина во Македонија во рамки на „Лајф Луп“ (LIFE LOOP) програмата, што претставува значаен чекор кон одржливи локални практики.

Проектот „REConnect Skopje“ продолжува да работи на создавање инклузивни модели кои ќе им овозможат на граѓаните активно да учествуваат во производството и користењето на чиста енергија.

Иницијативата е дел од поширокиот проект „Подобра кохезија преку развој на енергетски заедници во Западен Балкан“ (Better cohesion through development of energy communities in the Western Balkans) поддржан од Европската Унија преку „Диџи Реџо“ (DG REGIO) и имплементиран од регионот Емилија-Ромања, Италија

10/05/2026

☀️ Од Јурмала до Скопје: енергетската иднина ја градиме заедно со граѓаните!

Од 5 до 7 мај 2026 година, Здружението за одржлив социјален и економски развој „Изгрејсонце“ – Скопје, заедно со Зелена Задруга, учествуваше на 2026 European Energy Community Forum, организиран од REScoop.eu во прекрасната Јурмала, Латвија.

Овој значаен европски форум обедини енергетски заедници, задруги, експерти, организации и партнери од цела Европа, со заедничка цел: енергијата да стане подостапна, поправедна и поблиска до граѓаните.

Како дел од еден „Lighthouse“ проект REConnect Skopje во рамки на иницијативата „Better Cohesion through Development of Energy Communities in the Western Balkans“, поддржана од Регионот Емилија-Ромања, нашето присуство на форумот беше многу повеќе од учество. Бевме таму за да учиме, да споделуваме искуства и да ја зајакнеме визијата за развој на енергетски заедници во Северна Македонија и пошироко во Западен Балкан. 🌍🤝

💡 Нашиот фокус е јасен:
развој на локални енергетски заедници засновани на обновливи извори на енергија, преку мали соларни инсталации кои ќе бидат блиску до граѓаните, во служба на заедницата и насочени кон локални придобивки.

Веруваме дека граѓаните не треба да бидат само потрошувачи на енергија, туку активни учесници во енергетската транзиција — преку информирање, здружување, заедничко вложување и демократско учество во одлучувањето.

🧩 Предизвикот што го адресираме е реален:
како да се изгради доверба во заедничкото сопствеништво, како да се создадат одржливи модели на управување и како енергетските заедници да станат практичен, стабилен и корисен модел и во средини каде што приходите се ограничени, а довербата во здружувањето сè уште треба да се гради.

Во Јурмала дискутиравме токму за овие прашања:

🔸 Како да се поврзат стручноста, транспарентноста и демократското одлучување?
🔸 Кои модели најдобро ги мотивираат граѓаните за долгорочно учество?
🔸 Како енергетските заедници да обезбедат реални придобивки за локалното население?
🔸 Како да се развие финансиски одржлив модел кој ќе биде достапен и применлив во нашиот контекст?

🚀 Се враќаме од Латвија со нова енергија, нови идеи и уште посилна посветеност.

Во изминатиот период веќе ги мапиравме клучните локални чинители, одржавме информативни средби со општини и претставници на граѓанскиот сектор и работиме на поставување на правните и организациските темели за развој на енергетски заедници кај нас.

Форумот во Јурмала ни овозможи да размениме искуства со европски партнери, да учиме од успешни модели и да ја зајакнеме соработката со партнерите од WB5 регионот.

Нашата порака е едноставна:
☀️ сонцето е заеднички ресурс — време е неговата енергија да работи за сите нас.

#изгрејсонце

25/04/2026

Враќање на довербата и улогата на граѓанското општество во развој и заштита на демократијата и интересите на граѓаните, се неопходни и важни чекори особено во услови на општествена поларизација и оттуѓеност предизвикани од новите технологии кои не се доволно регулирани.

Заврши четвртото издание на Европската зелена академија во Брисел каде во изминатите два дена се разговараше за зеленото движење и неговата улога во создавање граѓанска отпорност, но и одговор на заканите кои ги носи неконтролираната примена на вештачката интелигенција и поделбите кои ги создаваат алгоритмите на социјалните мрежи.

Но, решенијата треба да произлезат и од самите граѓани кои најдобро знаат со какви проблеми се соочуваат водени преку принципите на одржливост, демократичност и заедништво.

Зелената европска академија е во организација на Европската зелена фондација - GEF - Green European Foundation

24/04/2026

Може ли и како да се изгради отпорност кон авторитарните тенденции преку заедничките вредности, кои ги обединуваат граѓаните, активистите и зелените движења, но и да се понудат решенија за актуелните геополитички неизвесности и енергетската криза која е на повидок.

Започна Зелена академија во Брисел во организација на Зелената европска фондација GEF - Green European Foundation

Во наредните денови ќе се разговара за решенија кои може да се применат на европско ниво за зголемување на отпорноста од технолошката супермација и опасностите од алгоритмите и злоупотребата на вештачката интелигенција, одбраната на демократијата, и заканите врз граѓанското општество, меѓу другите теми

Address

Jurmala

Website

http://www.izgrejsonce.mk/

Alerts

Be the first to know and let us send you an email when Здружение за одржлив социо-економски развој „Изгрејсонце“ - Скопје posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Здружение за одржлив социо-економски развој „Изгрејсонце“ - Скопје:

Want your organization to be the top-listed non profit organization in Jurmala?