Solina Solidarité Jeunes asbl

05/06/2026

Mir hunn dierften dëst Joer als Benevolen bei der Organisatioun vum Charity Cross zu Gréiwemaacher hëllefen. Et war flott ze gesinn, mat wéi vill Engagement, Solidaritéit a gudder Laun dësen Dag op d’Bee gestallt gouf.

E grousse Merci dobai un de Maacher Lycée an un all d’Organisateuren, Schüler, Enseignanten, Fräiwëlleg an Ënnerstëtzer vum Charity Cross zu Gréiwemaacher. 💛

Mir si ganz dankbar, datt Op de Patten dëst Joer och ee vun de Beneficiairë vun de gesammelte Spende war. Op de Patten bitt déiergestëtzt pedagogesch, therapeutesch a psychotherapeutesch Begleedung fir Kanner, Jugendlecher a jonk Erwuessener un. Zesumme mat eisen Déiere schafe mir fir déi Jonk Momenter, an deenen Vertrauen, Selbstwäert, Emotiounsregulatioun, sozial Kompetenzen an nei Ressourcë gestäerkt kënne ginn.

All gelafene Kilometer um Charity Cross an all Don hëlleft eis dobäi, dës wäertvoll Aarbecht weiderzeféieren an och fir d’Wuelbefanne vun eisen Déieren ze suergen — vu Fudder a Fleeg bis hin zu der néideger Infrastruktur. 🐾

Vun Häerzen: Merci fir är Ënnerstëtzung, är Energie an äert Vertrauen.

18/05/2026

✨„Fit for Future 2026“ ✨

Als Solina Solidarité Jeunes hate mir d’Freed, um Event „Fit for Future 2026“ präsent ze sinn an eis Aktivitéiten den zukünftegen Erzéierinnen an Erzéier virzestellen. 🙌

Deen inspiréierenden Dag huet de Studentinnen a Studenten d’Méiglechkeet ginn, wäertvoll Ablécker an hir zukünfteg Beruffswelt ze kréien an sech mat Fachleit iwwert eng professionnell Haltung am Educateursberuff auszetauschen. Mir ware frou, eis Missioun, eis Projeten, eis Wäerter an eis Aarbecht mat Jonken kënnen ze presentéieren an interessant Gespréicher ze féieren. 💬✨

E grousse Merci un den LTPES fir d’Invitatioun an déi flott Organisatioun vum Event, souwéi un all Studentinnen a Studenten fir hiren Interessi an hiert Engagement. 👏

Mir freeën eis schonn op déi nächst Editioun! 💛

15/05/2026

☝️D'Fondation Solina sicht Verstäerkung!!

📣Mir siche Verstäerkung fir eis Ekipp!
Méi Infos ginn et ënnert: https://www.solina.lu/career/

13/05/2026

💛 Zesummen eppes beweegen.

Mir soen der Table Ronde 1- Luxembourg e grousse Merci fir sain generéisen Don un d’Péitrusshaus. 🙏

Mat esou Gesten hëllefe mir gemeinsam, Jonker a Mënschen an schwierege Situatiounen ze ënnerstëtzen an hinnen Perspektiven ze ginn.

All Ënnerstëtzung – kleng oder grouss – mécht en Ënnerscheed.
Merci fir d’Vertrauen an d’Solidaritéit! ✨

13/03/2026

Mir siche Verstäerkung fir eis Ekippen! 🔍
Méi Infoe fënns du ënnert: https://www.solina.lu/career/

09/03/2026

👇Heiansdo zielt all Minutt.

D’Gesondheet vun eisen Déiere beim Service Op de Patten ass fir eis net nëmmen eng Verantwortung – si ass eis immens wichteg, well si en Deel vun eis sinn.

Viru kuerzem huet ee vun eisen Päerd, de Caramel 🐴, staark Bauchwéi entwéckelt. Hien huet sech ëmmer erëm op de Buedem geluecht, op säi Bauch gekuckt a kloer gewisen, datt et him schlecht geet. Trotz dem séieren Asaz vum Veterinär op der Plaz war säin Zoustand kritesch: eng Darmverschiebung (Kolik) huet eng direkt Iwwerweisung an d’Klinik néideg gemaach.

Et war net kloer, ob hien ouni Operatioun géif duerchkommen. D’Stonnen an d’Nuecht ware laang. Mir hu gehofft a gewaart.

Moies koum endlech déi erliichterend Noriicht: De Caramel hat d'Nuecht ouni Operatioun iwwerstanen. Hie war awer nach ganz geschwächt, an tëschentzäitlech hat hien och nach eng Influenza erwëscht.

No e puer Deeg hu mir endlech eng däitlech Verbesserung vu sengem Wuelbefanne gesinn. Mir si immens dankbar.🤝

Sou Momenter weisen, wéi vill Sensibilitéit, séier Entscheedungen, Ausdauer an Zesummenhalt et brauch. Si weisen awer och, wéi séier héich Käschte fir d’Versuergung entstinn.

Wann Dir eis an dëser Zäit ënnerstëtze wëllt, si mir Iech vun Häerzen dankbar. All Hëllef zielt – fir de Caramel a fir eis Aarbecht mat eisen Déieren.

Méi Informatiounen:
https://www.solina.lu/fr/facilities/op-de-patten/

11/02/2026

📣 Eise Projet LINK+ geet an déi nächst Ronn, ab 2026 ënnert sengem neien Numm SOLINK.

Mat der Ënnerstëtzung an dem Co-Finanzement vun Ministère du Travail Luxembourg, der Union Européenne an der Oeuvre Nationale, kann eise Conseiller d’Insertion Professionnelle och dëst Joer erëm Jonker op hirem Sprong an d’Aarbechtswelt begleeden. 🏃

Am Kader vun dësem Projet gi Jugendlecher a jonk Erwuessener dobäi ënnerstëtzt, trotz schwierege Startbedingungen e fairen a nohaltegen Zougang zu Bildung an Aarbecht ze kréien.🤝 Mat Hëllef vun dëser berufflecher an och sozialer Integratioun wëlle mir zesumme mat deene Jonken nei Perspektive schafen an hinnen d’Chance op méi Sécherheet, Selbstwierksamkeet an Autonomie fir hir Zukunft erméiglechen.

04/02/2026

Mënsche staark maachen - mat enger diverser, kompetenter a engagéierter Ekipp! 💪

Solina Solidarité Jeunes bitt eng grouss Pallett u Servicer un. Dës Diversitéit un Aktivitéite brauch och eng Rëtsch u verschiddene Professioneller an Experten·innen, déi mat vill Engagement, Leidenschaft a Professionalitéit hiren Aarbechtsalldag uginn. Dës Grafik gëtt dir e klengen Abléck an déi aktuell Opdeelung vun eise Mataarbechter·innen.

📣 Mir sinn och kontinuéierlech ob der Sich no Verstäerkung fir eis Teams! Ob eiser Websäit (https://www.solina.lu/career/) oder iwwert (https://medination.lu/de/arbeitgeber/fondation-solina-strassen/stellenanzeigen) fënns du ëmmer eis aktuellste Jobannoncen.

28/01/2026

🎉 Solina Solidarité Jeunes Afterwork 🙌

Lescht Woch hu mir e flotten Afterwork fir Ënnerstëtzer·innen a Frënn·dinnen vu Solina Solidarité Jeunes, organiséiert. Dat Ganzt huet bei eisem Service Op de Patten zu Lëntge stattfonnt a war - wéi mir fannen - e vollen Erfolleg: gutt Iessen, eng super Ambiance a vill spannend Gespréicher!

E grousse Merci u jiddwereen deen do war a virun allem och u jiddereen, dee bei der Organisatioun vun dëser flotter Soirée gehollef huet! ♥️

22/01/2026

💚 Vum Pilotprojet zum eegestännege Service: eise BeLeaf 🍃

Am Juni 2022 hu mir eise Pilotprojet BeLeaf an d’Liewe geruff, dëst mat der finanzieller Ënnerstëtzung vun der André Losch Fondation. Säitdeem si vun der Ekipp BeLeaf 44 Jonker aus eise Strukturen am Kader vun individuelle pädagogeschen 1-zu-1 Moossname begleet ginn.

Besonnesch un dëser Mesure ass net just hier Durée, déi iwwert Méint geet, mee hiren erliewnispädagogesche Charakter a Leitfaden, deen op Ressourcenaktivéierung, Participatioun, Flexibilitéit an d’Abezéie vum familiären, sozialen a berufflechen Ëmfeld vum Beneficiaire, baséiert.

Mam Beleaf soll Jonken erméiglecht ginn, sech sécher ze fillen, hir Komfortzon ze verloossen an eege Grenzen ze iwwerwanne, fir esou nei Erfarungen ze maachen, di eege Ressourcen a Fäegkeeten ze entdecken, a nei Perspektive fir hir Zukunft ze schafen.

➡ 2026 hu mir mat eisem BeLeaf e weidere Meilesteen erreecht: de Projet ass säit dësem Joer en eegestännege Service, deen a Kollaboratioun a Finanzéierung vum de l'Éducation nationale, de l'Enfance et de la Jeunesse weider Jonker begleeden a staark maache kann.

Weider Informatiounen zum BeLeaf: https://www.solina.lu/fr/facilities/beleaf/