21/08/2026
Fir d’Mariana, d’Shola an d’Lara ass e ganz besonnesche Wonsch an Erfëllung gaangen: Zesumme mat hiren Eltere sinn déi dräi Meedercher an d’Tierkei gereest, fir do un enger Delfintherapie deelzehuelen.
Déi intensiv Momenter am Waasser hunn den Meedercher natirlech ganz besonnesch gutt gefall. Hei konnten si den Delfine ganz no sinn, si beréieren, mat hinne schwammen a mat hinnen zesummeschaffen.
Nieft den Eenheete mat den Delfine stoung bei deenen 3 och Physiotherapie um Programm. Esou waren d’Deeg gefëllt mat Therapie, neien Erfarungen a ville wäertvolle Momenter. Natierlech war awer trotzdeem och Zäit do, fir déi nei Ëmgéigend ze genéissen an zesumme mat den Elteren eng schéin Zäit ze verbréngen. Fir d’Famillje war dës Rees domat net nëmmen eng intensiv Therapieerfarung, mee och eng wäertvoll gemeinsam Auszäit vum Alldag.
Mir freeën eis immens, datt mir dem Mariana, dem Shola an dem Lara dës besonnesch Delfintherapie an der Tierkei erméigleche konnten an hoffen, datt si an hir Familljen nach laang un dës aussergewéinlech Zäit zeréckdenken.
Mir soe jidderengem Merci a wënschen deenen 3, datt déi vill schéin Erfarungen a Momenter mat den Delfinen si nach ganz laang begleeden.
Weider Wënsch fannt dir op www.wonschstaer.lu
