29/04/2026
Mir si zréck – nei Joer, nei Energie, mee nach ëmmer déi selwecht legendär Ambiance! D’ING Marathon Party steet nees virun der Dier, an dës Kéier ass et Editioun Nummer 18 – jo, mir ginn ëmmer besser!
Wéi gewinnt fannt dir eis um bekannte Corner vun der Best B**r Blvd an der Fun Avenue – do wou d’Gedrénks fléissen, d’Musek d’Leit danze léisst an d’Stëmmung op 100 ass!
Mir zerwéieren Iech erfrëschend Gedrénks esou séier wéi d’Pacemaker duerch d’Stroosse lafen, an eise Grill leeft op Héichtouren – och fir eis Veggie-Fans! Eis Grill-Meeschteren bleiwen sech trei: ëmmer passionéiert, ëmmer lecker, ëmmer mat vill Häerz dobäi.
Bréngt Är Frënn mat, loosst d’Laafschong knacken an d’Glieser klacken, a feiert mat eis eng Nuecht, déi méi legendär gëtt wéi jee virdrun!
De ganze Benefice geet och dëst Joer un wichteg karitativ a sozial Projeten – well feieren an hëllefen passt perfekt zesummen.
Wéini? Samschdes, den 16. Mee ab 17h
Wou? Natierlech – bei der Gëlle Fra!
Mir freeën eis op iech!
Äert Gëlle Fra Marathon Team
