19/08/2026
💔 RIP Vincent 💔
E jorelaange Favorit am Stall an en treie Begleeder huet eis verlooss. Gebuer 1995, ass haut ganz onerwaart vun eis gaangen.
Bal säi ganzt Liewe war de Vincent en onverzichtbaren Deel vun der ATE. Mat enger onbeschreiflecher Gedold, Rou an Empathie huet hien iwwer all déi Joren an der Reittherapie esou villen Kanner an Erwuessener gehollef. Hie war vill méi wéi just e Päerd – hie war e Stéck Sécherheet, huet de Mënschen neie Mut geschenkt, se opgebaut a mat senger sanfter Art e Laachen op hiert Gesiicht gezaubert, och wann d'Zäiten emol schwéier waren.
Viru fënnef Joer duerft de Vincent dunn a seng wuelverdéngte Pensioun goen. Zesumme mat senge Kolleeginnen a Kolleegen huet hien nach eng wonnerbar, onbeschwéiert Zäit op der Wiss genoss, wou hien einfach nëmme Päerd konnt sinn. 🌈🕊️
