HPPA

09/10/2026

🍎🍏 Vizfest am HPPA Réiden/Atert!
Mat vill Courage an Asaz hunn d'Bewunner aus eisen Haiser zesumme beim traditionelle Vizfest iwwer 200 kg Äppel verschafft! 💪🍎
Dobäi ass net nëmme frësche Viz entstanen, mee et goufen och lecker Äppeltaarte gebak. 🥧
Eng flott gemeinsam Aktivitéit, bei där jidderee gär mat ugepaakt huet!

05/10/2026

Bewunnervakanz zu Koudekerke 🌊

Enn September hunn eis Bewunner e puer flott Deeg zu Koudekerke un der hollännescher Küst verbruecht. Eng schéin Auszäit mat vill gudder Stëmmung, gemeinsamen Erliefnesser an natierlech och deem engen oder aneren Ausfluch.

Um Programm stoungen ënner anerem Visitte vu Middelburg an Domburg. Och den Deltapark Neeltje Jans gouf besicht, wou eng Schëfffaart iwwer d'Oosterschelde ee vun den Highlighten war.

Eis Bewunner an och eis Mataarbechter hunn déi gemeinsam Vakanz voll genoss a vill schéin Erënnerunge mat heem geholl. 😊

25/09/2026

Mir si frou eis nei Mataarbechter ze begréissen. 🙌
Häerzlech wëllkomm bei HPPA !
Alexandra – HPPA Grevenmacher
Alexia – HPPA Eischen
Astrid – HPPA Redange/Attert
Brigitta – HPPA Redange/Attert
Erik – HPPA Mamer
Kevin – HPPA Mamer
Jordan – HPPA Eischen
Laura – HPPA Mamer
Lou – HPPA Eischen
Mafalda - HPPA Mamer
Nathalie – HPPA Redange/Attert
Ralph – HPPA Mersch
Stefanie – HPPA Mamer
Dir hudd Loscht en Deel vun eiser Ekipp gin? Da kuckt Iech eis Job-Opportunitéiten un ënner www.hppa.lu/jobs

24/09/2026

🎉 E ganz besonnesche Gebuertsdag am HPPA Mamer: D’Madamm Marguerite Mousel-Basting huet hiren 100. Gebuertsdag gefeiert! 🎂

Mir gratuléieren hir ganz häerzlech zu dësem schéine Jubiläum a wënschen hir weiderhin alles Guddes a vill schéi Momenter! 💐

16/09/2026

Mir si frou, mat eisen HPPA-Haiser zu Klierf an Äischen Deel vum Pilotprojet „Out of Hospital“ ze sinn.
Mir freeën eis, dëse Projet vun Ufank u mat kënnen ze begleeden.

Eelere Leit, déi sech no engem Spidolsopenthalt erhuelen, soll den Drock geholl ginn, eng Decisioun mussen ze treffen. De Pilotprojet gouf en Dënschdeg presentéiert vum Familljeminister Max Hahn an der Gesondheetsministesch Martine Deprez.

02/09/2026

Participer à l'ouverture d'une nouvelle maison, c'est vivre une aventure humaine dès le premier jour.
Découvrez le témoignage de Joke, aide-soignante au HPPA Eischen.
Envie de rejoindre notre équipe ? Découvrez nos offres sur hppa.lu/fr/jobs

31/08/2026

🚜E flotten Dag um Bauerenhaff zu Houffelt!🐄🐔
Ronn 70 Bewunner a Mataarbechter aus eise 7 HPPA-Haiser hunn e flotten Dag um Bauerenhaff vun der Famill Clesen zu Houffelt verbruecht.
Lass goung et mat engem Concert-Apéro mam Männerchouer vun Helzen, Houffelt a Weiler, éier de Josef Stump fir weider gutt Stëmmung gesuergt huet.
An natierlech war och fir dat leiflecht Wuel gesuergt: Et gouf gegrillt an hausgemaachten Dessert.
E gesellegen Dag mat gudder Stëmmung a flotte gemeinsame Momenter!

10/08/2026

Exercer un métier que l'on aime, c'est aussi pouvoir continuer à évoluer.
Découvrez le témoignage de Floriane, infirmière au HPPA Eischen.

Votre prochain défi vous attend chez HPPA : hppa.lu/fr/jobs

31/07/2026

Bouletournoi zu Mamer 🎯

De 24. Juli war eist Haus zu Mamer den Treffpunkt fir de Bouletournoi vun eise 7 HPPA-Haiser.
Esou Aktivitéite gehéieren zu eisem Alldag. Si bréngen eis Bewunner zesummen a maachen aus engem Nomëtteg eng flott Geleeënheet fir sech auszetauschen, ze laachen an zesummen aktiv ze sinn.

Merci un all déi, déi dësen Dag méiglech gemaach hunn.

********
Tournoi de pétanque à Mamer 🎯
Le 24 juillet, notre maison de Mamer a accueilli le tournoi de pétanque réunissant les résidents de nos 7 maisons HPPA.
Ces rencontres font partie intégrante de notre quotidien. Elles permettent à nos résidents de se retrouver, d’échanger, de partager de beaux moments et de profiter ensemble d’une activité conviviale.
Un grand merci à toutes les personnes qui ont contribué à la réussite de cette belle journée.