Richtung 22, 23, rue du Marché-aux-Herbes, Luxembourg (2026)

19/12/2025

Wien gëtt dat Gëllent Kallef vum Joer 2025?
Et ass elo un iech fir ofzestëmmen, op https://www.hannerland.lu

11/12/2025

ADR MP Fred Keup is trying to scandalize the public funding of q***r.lu by pulling a single out-of-context image from a comic in the magazine. In this case, he seriously hopes that accusations of anti-capitalism would damage the reputation of the q***r community – or at least provide a reason for withdrawing funding. It’s a classic far-right tactic: attacking diversity projects, trying to silence marginalized communities.

The answer? Support projects like q***r.lu, help boost visibility, share the magazine, contribute content and make yourselves heard and seen in public spaces.

02/12/2025

ACTING SCHOOLS INFO-OWEND: 17.02.2025 - 18h

[LU] Du interesséiers dech fir e Schauspill-Studium an häss gäeren méi Informatiounen iwwer d'Bewerbung, d'Couren an doriwwer wat duerno kennt? Komm op eisen Info-Owend fir mat Leit ze schwätzen, déi rezent mat hierem Schauspill-Studium fäerdeg gi sinn!

[EN] Curious about studying acting and looking for insider insights on auditions, the program, and where it could all lead you? Join our info evening and chat with people who’ve recently completed their acting studies!

04/11/2025

De Xavier Bettel wëll juristesch géint eng Journalistin vum Online-Magazine Déi Aner virgoen.

D'Luxemburger Wort huet haut een Artikel publizéiert, an deem de Xavier Bettel erkläert, eng Plainte géint eng Journalistin areechen ze wëllen. Natierlech ass och d'Press u Gesetzer gebonnen. Bei dësem Fall ass awer offensichtlech, dass kee Verstouss virläit an eng Plainte keng Aussiicht op Erfolleg hätt. Deemno ass dat hei een Aschüchterungsversuch vun engem Regierungsmember vis-a-vis vun enger Journalistin.

Mee och d'Verhale vum Wort ass fragwürdeg. En plus geet et ëm eng Journalistin, déi nach bis viru Kuerzem fir Mediahuis, zu deenen och d'Wort gehéiert, geschriwwen huet.

Wat genee de Xavier Bettel un der Publikatioun vun der Journalistin vum Webmagazine Déi Aner stéiert, schreift d'Wort net. Géint wéi ee Gesetz verstouss gi wier gëtt och net ugeschwat. Dass hei géint e klengt, onofhängegt Medium, dat op Benevolat-Basis publizéiert, virgaange gëtt, ass och net Thema am Wort. Awer d'Wort suggeréiert a beschter Boomer-Manéier an en ligne mat de binäre Geschlechtsvirstellunge vun der transphober Wort-Chefredactrice, dass d'Verbriechen eng Bildmontage gewiescht si kéint an eng Bildënnerschëft ënnert dem Artikel.

D'Wort beschreift dat esou: "Bettel trägt auf der Foto- montage Eyeliner, und seine Lippen wurden durch volle, weiblich wirkende Lippen ersetzt. Dadurch wird der Minister als Frau dargestellt".

Eréischt méi spéit erwäänt d'Wort, dass d'Bildënnerschrëft eigentlech en Zitat aus dem Kult-Film "Mean Girls" (2004) ass an dass d'yassified Bild vum Ausseminister eng relativ banal Kritik um "Pink Washing" vun Israel duerstellt.

Et ass eng Geschmacks-Fro zu där natierlech all Mënsch seng Meenung hu kann. Mee et ass mat Sécherheet kee Verbriechen. De Xavier Bettel, als Ex-Medieminister, weess genee wat hie mécht. Ganz am autoritären Zäitgeescht schüchtert hien seng Kritiker*innen an. Mee weess d'Wort, wat si hei maachen?

D'Wort publizéiert am Artikel de vollen Numm vun der Persoun, hir Foto a souguer d'Aarbechtsplaz, zesumme mam Verweis, dass dës Plaz staatlech finanzéiert wier. Dat ass praktesch eng Invitatioun, fir dass dëse Fall, dee kaum juristesch Suite kréie kann, awer seriö perséinlech Konsequenze fir d'Journalistin kritt.

D'Wort ass wuelgemierkt déi Zeitung, déi d'Nimm vum Ex-Direkter vum SOS Kannerduerf (Géint deen eng Plainte wéinst sexualiséiertem Iwwergrëff op eng 18-Järeg deposéiert gouf) an den Ex-Präsident vum Kasemattentheater (deen pädophille Strofdote zouginn huet) net publizéiert huet, a soss och bei all Artikel zu juristeschen Affären un d'Onscholdsvermuddung appelléiert.

Dëse Virfall geschitt zu engem Moment, wou an der Stad een neien "Sécherheets-Dispositiv" géint Demonstrant*inne getest gëtt, inklusiv pickegem Drot. E kënnt zu engem Moment, wou d'Medieministesch een neit Mediegesetz deposéiert, dat d'Méiglechkeet schafe soll géint "subversiv" Zilsetzunge vun Artikelen a Social Media Posts virzegoen.
A virun allem kënnt dësen Aschüchterungs- versuch zu engem Moment, an deem grad och den Ausseminister Xavier Bettel zum Business as usual a Palestina iwwergoe wëll, an all Kritik un Israel an der Lëtzebuerger Aussepolitik als geschäftsschiedegend empfënnt.

Eppes méi wéi 25 Länner, dorënner Irland, Slowenien a Spuenien, ënnerstëtzen d'Plainte vu Süd-Afrika um Internationale Geriichtshaff géint dee vum israeelesche Staat ausgeüübte Genozid am Gaza. Lëtzebuerg stécht bis elo just duerch Ofwaarden a Relativéieren ervir. Am Wort-Artikel haut gëtt den Ausseminister mat de Wierder zitéiert „Alles hat seine Grenzen“ an „Ich verstehe nicht, wie sich ein Mensch so radikalisieren kann“. Dem Xavier Bettel ass awer weiderhin net wéinst dem Virgoe vun der israeelescher Regierung an hirem radikaliséierte Premier Netanjahu "der Kragen geplatzt". Hien huet sech och net zu deenen iwwer 230 Doudesaffer am Gaza zanter der Wafferou, dorënner iwwer 40 Kanner, zu Wuert gemellt. Nee, de Xavier Bettel geet géint ee kriteschen Artikel vun enger Journalistin vir.

20/10/2025

👑 IT’S HAPPENING. 👑
At exactly 22:22 on 22/10/2025, the gates of the Alternative Palais open… and the Anti-Trounwiessel Mug will officially be available for online order!

Only 36 pieces exist — a true collector’s item for anyone who enjoys irony, monarchy-related trauma, and hot beverages.

Get it when it drops at 👉 richtung22.org/trounwiessel

Support the arts, question the crown, and sip your tea like the enlightened subject you are. ✨

17/10/2025

Léiwe Serge Tonnar

mir si mat eiser Hannerland-Doudesannonce do wuel op ee wonne Punkt bei dir an dengem Ego gestouss... wor dat lo Majestätsbeleidegung? Mee mir sinn tatsächlech enttäuscht vun dir (a vum Corbi a vum Ian De Toffoli och). Mir hate gehofft, dass du ëm den Trounwiessel ee grousse Bou maache géifs. Okay, du méchs ëm näischt e grousse Bou wat Opmierksamkeet kritt an dat ass och okay. Verschidde Leit ginn ebe schonn als al wäiss Männer gebuer. Mee häss du dann net op d'mannst ee vun denge berüchtegten FB-Post schreiwe kënne fir ze soen, dass de Lëtzebuerger Kultursecteur net dofir do ass, d'Monarchie ze dekoréieren an den Nassau-Clan volleksno wierken ze loossen?

Lo verdeedegs du dech domat, dass (1) dem Lydie Polfer säi Virprogramm fir den Trounwiessel jo guer net dee richtegen "offiziellen" Trounwiessel gewiescht wier, dass (2) du ëmmerhin 2010 scho mol kritesch wors, dass (3) du jo wéinst dem Reen net optriede konnts, wéi wann dat deng Entscheedung dech op de Glacis ze stellen iergendwéi manner dramatesch maache géif. An däi lescht Argument (4) ass, dass Richtung22 vum Staat Sue kritt an dowéinst net kredibel wier. Dee Punkt fanne mir wichteg an passend zur Diskussioun ronderëm d'Trounwiessel-Konschtkontributiounen.

Jo, de Kultursecteur kritt vum Staat Suen. Och d'Universitéit kritt vum Staat Suen an och d'Press kritt vum Staat Suen. Dat sinn dräi wichteg Piliere vun der Demokratie. Se kréien Suen fir hier Aarbecht maachen ze kënnen an net ofhäng vu privatem Kapital sinn ze mussen - an nee, déi Sue sinn net dofir geduecht, fir dass da Konscht, Wëssenschaft a Press sech vun der Regierung soe loossen, wat se ze molen, fuerschen oder schreiwen hätten - am Géigendeel. An enger Demokratie gläichen dës Institutiounen ë.a. d'Muecht vun der Politik aus. Änlech wéi d'Geriichter an d'Parlament oder och de Konsumenteschutz, den Ombudsman etc. ginn se och all vum Staat bezuelt, wat kee Widdersproch ass. Wichteg ass d'Onofhängegkeet, an hei ass et grad och d'Aufgab vun deenen Institutiounen, sech dës Onofhängegkeet z'erhalen. Richtung22 kritt Sue vum Staat, a mir huelen eis Aufgab immens eescht, den demokrateschen Debat hei am Land unzedreiwen a Kritik ze formuléieren.

Et gëtt hei am Land awer eng Institutioun, déi sou guer a glat näischt mat der Demokratie ze dinn huet an ëm déi geet et hei jo: D'Monarchie. De W***y ass net dofir do, fir iergendengem seng Muecht auszegläichen a Kritik ze üben (wat jo z.B. eng Präsident*in an engem anere Land kéint). Dowéinst eis Kritik un der Show fir den Trounwiessel: hei gouf versicht mat ville (ontransparent verdeelten) Milliounen Euro, mat villen zwangsrekrutéierte Kanner, mat Dronen a Flak-Scheinwerfer an eben och mat ganz ville Leit aus dem Konschtsecteur der Monarchie, deem ondemokrateschsten Deel vum Land, kënschtlech a kënschtleresch eng Zort Authentizitéit unzestrécken. An enger Zäit vun Autokraten, vun Attacken op Grondrechter, vun Demokratieofbau krut de Grand-Duc dee gréisste Spektakel, dee jee hei am Land organiséiert gouf. An du bass blann matgelaf.

An dat wollte mir uschwätzen - a ganz gären diskutéiere mir doriwwer, wann et si muss och hei sou oppen. Et ass eng wichteg Diskussioun, firwat "eisen" Secteur do sou matgesprongen ass. Vläit woren dat alles Royalist*innen oder se haten d'Sue batter néideg? Dat ass awer (hoffentlech) weder bei dir, dem Corbi, nach dem Ian De Toffoli de Fall. Grad vun iech hätte mir eis eppes aneschtes erhofft, ebe well dir net "Feindbiller" sidd. Dir sidd Leit, déi sech normalerweis trauen d'Schnëss opzemaache wann et wichteg ass.

16/10/2025

👑 MERCH ALERT! The LIMITED EDITION mugs have officially entered the Palais! 👑

Following our Alternativ Audio Livestream for the *legendary* Trounwiessel, we proudly present the Alternative Merchandise.
Ever dreamed of owning a prestigious Trounwiessel keepsake — a permanent reminder of the gloriously problematic monarchy you live under?

Want to gift your favorite uncle a mug that screams both “Christmas cheer” and “existential critique”?
Or maybe you simply wish to support Richtung22 and get rewarded with a Mug + Sticker bundle for your revolutionary generosity?
Oh boy, do we have the thing for you.

☕️ Behold: The Anti-Trounwiessel Mug!
It bravely holds your tea, coffee, or many other liquids as you bask in the ✨ Luxembourgish Fall ✨ 🍂

👑 Orders open soon!
👀 Only 36 pieces available — blink and they’re gone.

24/09/2025

Eis Politik, RTL an de Cactus schwätze vun näischt Aneschtem méi: Den Trounwiessel! Zwee Deeg als Live-Stream, mam Léa Linster, mat engem Trams-Ballet op der Rouder Bréck a mat deem Haaptpersonnage, deen eis zanter Joerzéngte subtil Zeechen dofir gëtt, dass en einfach just fortlafe wéilt: Eisen neien Grand-Duc Guillaume a.k.a. W***y de Vten.

Du hues zwar keng Loscht een äerzkathoulesche Clan vu problematesche Superräichen ofzefeieren mä du wéils trotzdeem dëse penibele PR-Desaster fir Lëtzebuerg net verpassen? Mir hunn eppes fir dech!

Richtung22 bitt den alternativen Audiostream zur offizieller Video-Iwwerdroung. Du schalts doheem de Videostream vun trounwiessel.lu un, schalts awer den Toun aus a léisst einfach eis Audio-Iwwerdroung amplaz lafen.
3. Oktober ab 10h00
4. Oktober ab 12h15
All Info op richtung22.org/trounwiessel

15/09/2025

Nodeems d'Philharmonie Luxembourg an engem Statement behaapt huet, de Concert vum Israel Philharmonic Orchestra (IPO) am November um Kierchbierg wier "strictement un événement musical, présenté dans un cadre exclusivement artistique" widderhëlt lo och de Kulturminister Eric Thill de Spin vum "exklusiv artisteschen Evenement".

Dat ass Blödsinn. Et ass oninforméiert a kuerzsiichteg. Konscht existéiert net getrennt vun der Gesellschaft, vun der Aktualitéit a politesche Froen. D'Diskussioun iwwer "l'art pour l'art" sollt am 19. Joerhonnert gelooss ginn. Mat hirer Haltung demonstréieren de Minister an d'Philharmonie awer net just en absolut begrenzt Konschtverständnis an eng erschreckend Spiessegkeet, se ignoréieren och wéi d'Israel Philharmonic Orchestra sech selwer gesäit a wourëms et hei eigentlech geet.

An engem Beitrag fir d'Süddeutsche Zeitung lescht Joer beschreift de Chefdirigent vum IPO, de Lahav Shani, seng Haltung. Ouni op den Inhalt anzegoen: de Punkt vum Lahav Shani ass, dass seng Aarbecht net getrennt vun der Aktualitéit existéiert. Hien seet de Géigendeel vun deem, wat den Eric Thill an d'Philharmonie lo vun sech ginn. De Lahav Shani beschreift zum Beispill, dass et fir hien onméiglech wor d'Protester géint dem Netanjahu seng Justizreform z'ignoréieren an dass hien dës dowéinst och op der Bühn ugeschwat hätt.
Hien plädéiert fir Fridden, Versönung a Frëndschaft, schwätzt awer och vu senger Aufgab, déi gespléckten israeelesch Gesellschaft zesummenzehalen.
An der Lescht gouf hie kritiséiert a souguer ausgeluede grad well hie Stellung bezitt, sech dobäi awer op d'Duerstellung vum Leed vu Leit an Israel konzentréiert, zu enger Unitéit innerhalb vun Israel oprifft an et net fäerdeg bréngt, d'Krichsverbriechen, d'Mënscherechtsverstéiss an déi geziilt Vernichtung vun de Mënschen am Gaza ze benennen.

Och d'Israeli Philharmonic Orchestra huet ni gefuerdert "exklusiv artistesch" betruecht ze ginn, am Géigendeel. D'IPO bezeechent sech selwer als "Israel’s musical ambassador throughout the country and the world". An hirer Selbstduerstellung ënnersträichen si zum Beispill, wéi si 1973 wärend dem Yom Kippur Krich fir déi israeelesch Zaldoten a besetze Gebitter opgetruede sinn. D'IPO gëtt, zu engem klengen Deel, direkt vum israeelesche Staat finanzéiert. Nach d'lescht Joer hunn si Concerten zesumme mam Orchester vun der Israeelescher Arméi (IDF) ginn a bedeelegen sech u Soft-Power Propaganda-Aktiounen, wéi dem "Global Hatikvah". Basis vun esou Aktiounen ass och déi rassistesch Virstellung, dass de Staat Israel déi eenzeg "kultivéiert" Bastioun an der Regioun duerstelle géif. Dëst Bild soll an d'Welt erausgedroe ginn.

De Minister an d'Philharmonie schwätzen dovunner Diskussiounen z'erméiglechen a Brécken ze bauen: Wou erméiglechen si dann eng Diskussioun, wéi gëtt dann hei eng Bréck gebaut? Zu Lëtzebuerg schéngt et éischter, wéi wa keng Diskussioun iwwer de Rôle vum IPO stattfanne kéint.

De Kulturminister fuerdert eng "kloer Trennung tëscht Konschtfräiheet a politescher Haltung" - e Saz, deen zwar vill Zeitungen ofgedréckt hunn, mee deen iwwerhaapt näischt heescht. D'Antriede fir Konschtfräiheet ass fir sech schonn eng politesch Haltung. An d'Konschtfräiheet erméiglecht et de Kënschtler*innen sech mat hirer Konscht politesch ze äusseren. D'Philharmonie ass fräi mat hirer Programmatioun och e politesche Message ze maachen - mee se soll eis net fir domm verkafen a sou maachen, wéi wann dat hei net geschitt wier.

D'Philharmonie huet sech entscheed, der IPO eng Bühn ze ginn. Geplangt ass weder eng Diskussioun, nach en anere Versuch de Concert an de Kontext ze setzen, et ass och keen Austausch geplangt. Am Géigendeel: d’Philharmonie dréit aktiv dozou bäi eng Normalitéit virzetäuschen, déi d’Realitéit, dass de Staat Israel Mënschen erhéngere léisst a Journalist*innen ëmbréngt, verdecke soll.

Richtung 22

19/12/2025

11/12/2025

02/12/2025

04/11/2025

20/10/2025

17/10/2025

16/10/2025

24/09/2025

15/09/2025

Adresse

Site Web

Notifications

Raccourcis

Partager

Type