ATD Quart Monde Luxembourg

08/10/2026

INFO an eegener Saach 😊
Iwwert de Summer hu mer eisen Internetsite nogekuckt an aktualiséiert. Op franséisch an op Däitsch.
Gitt luussen, et ass interessant, e.a. ass ee flotten Artikel an den „Actualités“ iwwert een Treffe vu Jonken zu Berlin.

Cette rencontre, organisée avec le soutien du « Deutsch-Polnisches Jugendwerk », a lieu chaque année depuis plusieurs années. Cette année, elle s’est tenue du 25 août au 2 septembre à Haus Neudorf, près de Berlin.Pendant une semaine, des jeunes militants et responsables polonais, allema...

07/10/2026

J – 10 : WELTDAG GÉINGT D’AARMUT 17. Oktober 😊
Häerzlech Invitatioun !
Um 18.30 am Gronn am CCRN !
Méi Infos iwwert de Weltdag :
https://www.atdquartmonde.lu/actions/action-publique/17-octobre-journee-mondiale-refus-misere

30/09/2026

DËNSCHDEN 29. SEPTEMBER 2026 :
1. « Réunion élargie – Grouss Versammlung » nom Summer

Wéi ëmmer bei dësen Owender ass et lass gaangen mat engem Réckbléck op Alles wat an de leschte Woche lass war.

Beim Ausbléck hu mer op eis Manifestatioun vum 17. Oktober, dem Weltdag géingt den Aarmut gekuckt, a mir hu konkret bëssi „un der Déko“ geschafft an ORIGAMI gemaach… bëssi schwéier fir verschidde Leit hier Nerven 😉.

Den „Héichpunkt“ vum Owend war awer sécher de „MERCI“ un d’Monette an d’Jacqueline, di an de leschte 4 Joer „Kohäsiounséquip“ gebilt hunn, mat der Aufgab d’Kohärenz vun eisen Aktioune mat eisen Zieler an eiser „Philosophie“ ze garantéieren an d’Équipe vun de Permanents ze ënnerstëtzen. Hinnen e ganz ganz grousse Merci 😊.

26/09/2026

D'FOIRE du BÉNÉVOLAT ass op :-) Häerzlech Invitatioun op eise Stand an all di aner Stänn lussen ze kommen!

25/09/2026

26. SEPTEMBER 2026 : FOIRE DU BÉNÉVOLAT
Häerzlech Invitatioun eis op eise Stand besichen ze kommen a vill aner Associatioune kennenzeléieren 😊!
foire-benevolat.lu
_______________________________________________________________________
Nous serons présents à la Foire du Bénévolat social organisée par le Ministère de la Famille, des Solidarités, du Vivre ensemble et de l’Accueil !
Envie de vous engager, de donner du sens à votre temps libre ou simplement d’en savoir plus sur nos missions de bénévolat et celles d’autres associations ? Alors rejoignez-nous le 26 septembre 2026 à la 🤝
🕙 10h–16h
📍 neimënster ()
✅ Gratuit et ouvert à toutes et à tous, sans inscription préalable
🤝 Associations🎤 Présentations thématiques🌍 Engagement durable
Ensemble, créons du lien.
🔗 Plus d’infos : foire-benevolat.lu

15/09/2026

FREIDES 11. September 2026 : Virbereedungsversammlung fir d’UNIVERSITÉ POPULAIRE QUART MONDE am November zumThema : Tutelle a Curatelle

Groussen Interessi bei dëser Virbereedungsversammlung fir d’UPQM am November iwwer „Tutellen a Curatellen“ , en Thema wat vill Leit vun eis op di eng oder aner Manéierbetrëfft.
An den nächste Woche bereede mir eis wieder fir 😊

04/09/2026

SORTIE 27. AUGUST 2026 :
De kulturelle Summerprogramm vun dësem Joer hu mir mat enger Visitte an der „Villa Vauban“ ofgeschloss, wou e Guide eis duerch di permanent Expo geleet huet.
Duerno konnte mir an engem Atelier eis Kreativitéit beweisen. Aus enger Rei geprinte Kopië vun den Tableauen aus der Expo konnt jiddereen seng Favoritten aussichen an doraus säin eegent Collage-Bild zesummebastelen.
Déi villfälteg an interessant Ausstellung huet eis esou begeeschtert, datt sech eng weider Visitte sécherlech lount, fir nach méi Wierker an Détailer ze entdecken. :-)

25/08/2026

Samsden 22. bis 23. August 2026 :
WEEKEND AN DER NATUR AM ÉISLEK

Fir méi genau ze sinn zu Léifreg beim Stauséi. Knapps si mir zu 16 Leit mam Bus um Camping ukomm hu mir d'Tippiën (Indianerzelter) bezunn an du picknickt. Am Nomëtteg huet eng Equipe de Barbecue fir Owes preparéiert an déi aner hunn sech op eng flott Wanderung op de Séi gemaach. Biergof a biergop ass et bis op eng immens flott Plaz direkt beim Waasser gaang. Hei si mir Villes iwwer d‘Drénkwaasser gewuer ginn an dono goung et vun der Base Nautique nees mat der Stauséinavette op de Camping. Jiddereen hat och e Bidong vum SEBES (Syndicat des eaux du barrage d'Esch Sûre ) kritt. Nom Gegrills a Stockbrout um Feier, si mer gutt midd an zefridden an d'Zelt gaangen.

Sonndes hu mer eis op d’Sich nom „Grénge Mann“ gemaach.
Op der „Runschelt“ hu mir dunn dee méi ewéi 600 Joer ale Wiichtel fonnt. Hien huet eis ganz ganz vill Geschichten aus der an iwwert d'Natur erzielt. Devise war hei: lauschteren, kucken, schmaachen, austauschen a laachen. Eng Aktivitéit, déi mir esoubal net méi vergiessen, einfach immens… esou wéi och de ganze Weekend. Et waren 2 genial Deeg, wou och d‘Wieder matgespillt huet a wou jidderee, wou e konnt, eng Hand mat ugepaakt huet, an domat een Deel zum Gelénge bäigedroen huet. Villmools Merci jidderengem dofir 😊.

ESOU EN TOUR HËLLEFT EIS ZE GESINN, DASS MIR ZESUMME GANZ STAARK SINN. WÉI SOT D´HENRIETTE : „EEN ELENG FËNNT DE „GRÉNGE MANN“ NET AM BËSCH, WA MER ZESUMME SICHE FANNE MER E BESTËMMT!“