FNEL Scouten - Panthères Noires Lorentzweiler

20/09/2026

Den 19.09. si mir an dat neit Scoutsjoer 2026/27 gestart! ⚜️🐾

Bei eiser Schnupperversammlung hu mir vill bekannt Gesiichter erëmgesinn, nei Memberen kennegeléiert an zesummen e flotten Nomëtteg mat verschiddenen Aktivitéite fir all Branche verbruecht. 🧡

E gelongene Start an dat neit Scoutsjoer, mir freeën eis op alles, wat dëst Joer nach kënnt! 🤩

16/09/2026

01/05/2026

Wéi all Joers huet sech bei eis alles, vu ganz kléng bis grouss, fir den 1. Mee getraff. D'Sonn huet schéin geschengt an beim beschte Wierder a gudder Laune si vill schéi Meekränz gebonne ginn. Merci u jiddereen den dobäi war! 🌿🌿🥰

29/04/2026

Leschten Samsten waren eis Beaver, Wellefcher, Explorer, Rover an Tembo fläisseg dobai fir d'alljahreg Grouss Botz. a Zu 30 Mann hu mir eis getraff fir eis Gemeng ze botzen an esou eise Kanner ee Verstees de mech fir eng propper Emwelt ze schenken. Merci u jiddereen den sech fir eis Natur engagéiert a gehollef huet! 🌿🌱🥾🌼

25/04/2026

D'Scouten haten eng super flott InterSortie mat den
am Naturreservat Schlammwiss! 🐦🌿
Bei der Visite hunn d'anner vill bägeléiert iwwer
Naturschutzgebidder, einheimesch Villercher an och iwwer wichteg Schutzmoossname fir eis Natur.

E grousse Merci un d'Team vun der Schlammwiss fir déi interessant an léierräich Visite!

Wann dir dës wichteg Aarbecht ennerstëtze wëllt, kennt dir dat op fräiwëlleger Basis maachen:
https://syrdallbirds.lu/spenden/

18/04/2026

Haut, den 18. Abrëll hate mir mat eise Scouten eis traditionell a flott Velossortie. Mir sinn zesumme vu Lëntgen op Miersch iwwer d'Velospist gefuer an am Mierscher Park ukomm, hu mir fir d'éischt e puer theoretesch Saachen zum Code de la Route widderholl an erkläert, wat ee beim Vëlo fueren alles muss am Kapp behalen. 🚴💪🏻
Duerno si mir an de Verkéiersgaart zu Miersch gefuer, wou d'Kanner dat Geléiert direkt an d'Praxis emsetze konnten, fir sech op de Vëlosführerschäin virzebereeden. No de villen Übunge si mir erëm zeréck op Lëntgen gefuer, wou um Schluss jidderee säi Vëlosbadge an säin Vëlosführerschäin krut. An natierlech waren d'Cheffen dono erëm méi midd wéi d'Kanner. 😅