02/10/2026
Et ged dach näicht méi eppes schéines, wéi sengen léifsten eng Freed ze machen, an sech selwer domat een Wonsch ze erfëllen.❤️
Soueen groussen ❤️zenswonsch war et och vun enger Patientin aus der Zithaklinik aus der Staad.
D'Mme C., déi duerch hier schwéier Krankheet muss an der Klinik bleiwen, huet dësen Wonsch engem Infirmier vum Stack erzeelt. Den P. hot eis doropshin den Wonsch weider erzeelt.
"Action, Spass an vill Freed mat de Kanner an hierem Mann am Phantasialand", sou heescht de Wonsch vun eisem Fuergaast.🙏😍
Nodeems mir d'bekanntschaft mat der Mme opgeholl hun virun der Faart konnt et lass goen mam plangen.
Lëste Woch war et dann souwäit. Schon ëm 7.00 sollt den Départ an der Klinik sen.
Eis Kutscher, D'Jeanne an de Fränz, waren pünktlich um Treffpunkt.⏰
d'Mme C. an hier Kanner hun sech an eiser Kutsch, an hiere Mann mat sengem Auto, op de Wee a Richtung Brühl gemach.🎡🎢🎠
Bei guddem Weeder an wéinig Verkéier ass d'Rees zügig virun gang. Sou dass sie well mat Zäiten am Park ukomm sen.
Deem klengsten vun de Kanner ass et net séier genug gang😄🙃, an d'Opreegung war grouss bei deenen 2, fir endlich op d'8terbunn ze goen.🎢
Daat ,,Krappicht,, war ganz ongedëllig, ma och beim Jong war d'Opreegung grouss.
Eisen Kutscher sen d'"Dronkenellen" ausgang🤭...well sie Angst haaten, sie missten mat op déi "Bierg- an Dallfaart" goen🫣 . Daat steet jo guer net ob hierer ,,to do Lëst,,🫣🤪.
Awer...Uffff...🙏 de Pap hott sech natiirlich direkt bereed erklärt😉, de Jong an d'Meedchen ze begleeden.🤗😍
(😉Glëck gehaat dir 2🤣🤣).
Esou goufen déi Spiller engt nom aneren duerchgeholl🙃😄. GsD. sen sie iwerall gut bäikommen, sou dass déi 3 nie lang hun misste warden fir den nächsten Tour.🎢
Déi ganz Freed an Spass vun der Famill hot sech och op d'Mme C. iwerdroen an hier Aen hun genau sou geglänzd, wéi déi vun hiere Kanner.😍
Et konnt een d'Freed an der Mamm hierem Gesiicht oflesen, dass sie dësen flotten Dag mat hierer Famill konnt erleewen an genéissen.😍❤️
Déi Zäit wou Pap an Kanner op ,,excursioun,, waren hot eise Fuergaast, an eis Kutscher, daat ganzt vun baussen mat ugekuckt, an haaten Zäit fir e bëssi ze quaselen.
Am Gespréich hot d'Mme verroden, dass sie nie een Fan vun 8terbunnen war. Awer sie wousst natiirlich, dass sie hiere Kanner eng Riisenfreed domat géif machen, an sie op hier Art a Weis vun dësem schéinen Dag, bei super Weeder, konnt profitéieren😍❤️.
Mat deem ganzen Spaass, an laafen vun engem Spill bei daat anert, hun sie souguer vergees och mol hierem Bauch eng Freed ze machen.🫣 Dofir ass et dunn eben méi spéit eppes fir d'Mëttigessen gin.😋🍶🧃
Zäit ass esou séier ëmgang an ëm 18.00 mëcht de Park seng Dieren zou ...🔑
waat heescht dass de klenge Grupp sech op de Wee bei den Auto🚙 musst machen.
Um Parking war et dunn un der Zäit fir Äddi ze soen.😢
D'Kanner sen mam Pap heem gefuer, well sie jo den aneren Dag rëm an d'Schoul musste goen.
Fir dësen "wichtigen" Dag mat der Mamm, hot d'Schoul d'Kanner fräigestallt.🙏💚
Een RIISEN MERCI dofir un d'Schouldirektioun an un d'Léierpersonal.🙏❤️💚
D'Mme C. ass rëm mat eise Kutscher zrëck an d'Klinik gefuer.🚙
Géint 20.30 sen sie rëm op der Statioun ukomm.
Midd, awer iwerglëcklich an mat Tréinen vu Freed an den Aen, hot eise Fuergaast ganz léif "Äddi" gesod, voller Dankbarkeet an Zefridenheet.😍❤️
*Un eise Fuergaast...🤗*
,,Weiderhin, Courage an Kraft fir d'Zukunft, Mme C. an fir Är häerzlich Famill,,.🍀💪😘
MERCI, fir Ärt Vertrauen🙏, an deen flotten Dag mat eech all🎢😍💚🫂
MERCI, un de Patrick an déi ganz Équipe vun der Palliativstatioun aus der Zithaklinik🫂😍❤️💚
💚🍀💚🍀💚🍀
Villmols Merci der Famillfirt Fotoen📸
