Quel est le site Web ?

Droen.lu asbl

Droen.lu ass de lëtzebuergeschen Zesummeschloss vun den Droberoderinnen. Droen.lu est l'association luxembourgeoise des consultatrices en bébéportage.

29/03/2026

Ech sinn d'Anouk. No iwwer 12 Joer als Beroderin sinn ech haut net méi aktiv an der direkter Berodung. Bei droen.lu engagéieren ech mech elo als Sekretärin a schaffen am Hannergrond un der Organisatioun an der Koordinatioun vun der Vereenegung mat.

25/03/2026

Moien
Main Numm ass Demuth Corinne , ech sinn vu Réiser, bestuet a Mamm vun 2 Kanner (2014 an 2016) Vun Beruff sinn ech Hiewan an schaffen zënter 20 Joer an der Maternité zu Esch. Wou ech souwuel Gebuerte begleeden, am Post partum awer och an der Consultatioun schaffen. An dësem Kader bidden ech och een Workshop un. Niewelaanscht maachen ech och als liberal Hiewan Nosuergen am Réiserbann an Ëmgéigend.

Scho frei a menger Karriäre hunn ech an engem Workshop bei der Initiative Liewensufank meng éischt Bannweis kennegeléiert. Déi ech dunn no Gebuert vu mengem Meedchen war et fier mech normal hat ze droen, a souwuel hat wei ech hunn déi Stonne genoss. Ech hunn dunn selwer eng Droberodung gebucht fir weider Dromeigöechkeeten kennenzeléieren. Dëst huet mer sou gutt gefall dat ech am Abrëll 2015 de Grondkuer bei der Trageschule Hamburg gemaach hunn, an am Juni 2015 Prüfung ofgeluecht hunn. Well dat mer nach net duer gaangen ass, a fir um neiste Stand ze bleiwen hunn ech all Joer Fortbildunge gemaach. Ech engagéiere mech och zënter Joren am Comité vun droen.lu, wou ech Presidentin sinn.

Droen ass fir mech Gebuergenheet, Freed, Onofhängegkeet, Praktesch, Schéin an nach Villes méi. Meng Kanner ginn mëttlerweil net mei gedroen, mee bei de Berodung mécht et mer Freed zesumme mat iech dat richteg fir iech an ären Bëbee ze fannen an sou meng Passioun un iech weider ze ginn. Ech bidden Droberodungen exklusiv bei mir doheem zu Réiser.
Kontaktéire kenn der mech iwert Email: [email protected]

22/03/2026

Hallo, ech sinn d'Sheila, Hiewan seit 2014 an Droberoderin seit 2019.
Ech hunn Droen ugefang mat Üben an der eischter Schwangerschaft 2017. Foto ass rezent mam Elias, mengem 4-Jähregen Bouf um Wee fir bei de Schoulbus, seng Been wollten de Moien net selwer trepelen.
Ech ginn Droberodungen bei mer an der Praxis zu Duelem an der Gemeng Garnech.
Alles Léifes, Sheila

18/03/2026

Moien, ech sinn d’Marta Lage, 1984 gebuer, bestuet a Mamm vun 2 wonnerbare Meedercher.

Droen hunn ech mat mengem 1. Kand entdeckt. An och mäin 2. Kand hunn ech ganz aktiv gedroen.
Mech faszinéieren besonnesch d’Drodicher an hier villsäiteg Verwendung.

Säit 2015 schaffen ech bei der Initiativ Liewensufank asbl op der BabyHotline, an der Berodung an am Kursebereich.
Säit 2005 sin ech vun Beruff, Erzéierin, an säit 2015 hun ech mech bei der IAIM ausgebild als zertifizéiert Babymassagekursleederin, bei EISL & DAIS als zertifizéiert Stëllberoderin an dann nach bei ClauWi Trageschule, Trageschule Hamburg an Akompani Trageschule hun ech mech aus- & weidergebildt als zertifizéiert Droberoderin.
Soumat kann ech och mäin Wësse weider un Eltere vermëttelen.
Kommt an entdeckt d’Kultur vum Droen fir Aer Famill.

www.liewensufank.lu
https://www.facebook.com/share/17hoJQmcGM/?mibextid=wwXIfr

15/03/2026

Moien ech stelle mech fir:)

Main Numm ass Lynn, sinn 32 Joer all, schaffe säit 10 Joer als Hiewamm an hu säit 7 Joer d'Ausbildung zur Droberoderin.
Zenter dem ech Mamma sinn, ass Droen nach méi präsent a mengem Alldag. Main Mädchen war ganz vill am Droduch, wéi awer och an alle verschiddenen Arten vun Drohëllefen.
Och haut nach no 3 Joer fënnt mäi Mädchen nach de Wee an Droduch, wann et mol krank ass oder ganz vill Sécherheet brauch:)

Droen ass a ganz villen Alldagssituatioune ganz wäertvoll, an ech si frou iech dobäi zehëllefen déi beschten Droart fir iech an ären Puppelchen eraus zefannen :)

11/03/2026

Mäin Numm ass Félicie Wietor.
Ech sinn Hiewan a Mamm vu véier Kanner 💛

Duerch meng eege Kanner hunn ech d’Welt vum Droen an d’vill Drohëllefe kennegeléiert. Ech hunn um eegene Kierper erlieft, wéi vill si den Alldag erliichteren a wéi vill Nähe, Rou a Sécherheet si dem Kand an Elterendeel bréngen. D' Droen huet mir esou vill Freed gemaach, dass ech mech 2011 als Droberoderin bei der „Trageschule Clauwi“ ausbilden an zertifizéiere gelooss hunn.

Haut schaffen ech als liberal Hiewan. Ech gi Couren a Berodungen a begleeden Elteren no der Gebuert mat vill Opmierksamkeet a Respekt. Am Kader vu menger Aarbecht bidden ech Droberodunge souwuel wärend der Schwangerschaft wéi och no der Gebuert un. Reegelméisseg organiséieren ech och Workshops ronderëm d’Droen op verschiddenen Plazen.

Ech sinn am Raum Miersch an am Weste vu Lëtzebuerg ënnerwee a freeë mech, Familljen op hirem Wee ze begleeden. Méi Detailer zu menge Couren a Berodungen fannt dir op menger Homepage oder Facebook an Instagram. Dir dierft mech awer och gären kontaktéieren.🤍
📞 Telefon: 621 199 833
📧 E-Mail: [email protected]
🌐 Homepage: https://liewensliicht.carrd.co
📱 Facebook: facebook.com/droberodung
Instagram:
instagram.com/droberodung.felicie.wietor

08/03/2026

Ech sinn d’Annemarie,
Mama vun 2 wonnerbare Kanner, bestuet a liewe mat menger Famill zu Garnech.

Ech sinn Droberoderin, Doula an Hypnobirthing Coach.
Schwanger Fraen a jonk Mammen ganz individuell ze begleeden ass en Häerzensthema fir mech. D’Droe gehéiert do a mengen Aen einfach derzou. 🤍

Ech konnt déi vill Virdeeler vum Droe bei mengen eegene Kanner erliewen.
Mäi Bouf hunn ech vun der Gebuert un reegelméisseg gedroen – a verschiddenen Drodicher an Drohëllefen. An och haut, mat 4 Joer, droen ech hien nach sporadesch (virun allem wann en midd oder krank ass).
Spéitstens bei mengem Meedche war d’Droe aus eisem Alldag net méi ewech ze denken.
Mat zwee klenge Kanner, mat manner wéi 2 Joer Altersënnerscheed, huet d’Droe mir den Alldag immens erliichtert.

Sou huet sech eng richteg Passioun fir d’Thema Droen entwéckelt. ✨
Zanter 2024 sinn ech zertifiéiert Droberoderin vun der Trageschule Hamburg.

Individuell Berodunge kënnen op Wonsch bei mir zu Garnech oder bei den Elteren doheem stattfannen.
Gruppe-Kuere bidden ech am Centre LUNATA zu Bartreng un.

🤍 Meng Philosophie:
Vun Ufank un EINFACH, SÉCHER & BEQUEEM droen.

04/03/2026

Ech sinn d’Chantal, Mamm vu véier Meedercher, a begleeden zanter ville Jore Famillje ronderëm d’Themen Droen, Stillen a Stoffwëndelen. Ouni Droduch oder Drohëllef wier den Alldag mat méi Kanner fir mech kaum virstellbar gewiescht: Nähe, Sécherheet a gläichzäiteg fräi Hänn hunn eise Familljenalldag däitlech erliichtert. Aus dëser perséinlecher Erfarung eraus ass meng haiteg Aarbecht entstanen.

Ech sinn zertifizéiert Droberoderin an ënnerstëtzen Elteren dobäi, eng fir si an hire Puppelche passend, sécher an ergonomesch Droweis ze fannen, mam Droduch oder enger Drohëllef, individuell ugepasst un de Kierper, den Alldag an d’Bedierfnesser. A menge Berodunge leeën ech grousse Wäert op eng individuell an alldaagsno Begleedung. All Puppelchen, all Kierper an all Familljesituatioun ass anescht. Zesumme fanne mir eng Droweis, déi zu iech passt; sécher, bequeem a bindungsorientéiert. Droen ass fir mech vill méi wéi eng Technik: Et ass e Wee, Bindung ze liewen, Besoine wouerzehuelen a Familljen am Alldag ze stäerken.

Ergänzend dozou beroden ech zu Stoffwëndelen a begleede Famillje bei Froen zum Stëllen, virun allem an der Stëllvirbereedung. Dobäi steet fir mech ëmmer eng bindungsorientéiert, alldaagsno a wäertschätzend Begleedung am Mëttelpunkt.

D’Aarbecht mat Bachbléien erlaabt et mir, Mënschen op eng douce Aart dobäi ze ënnerstëtzen, Kierper, Geescht a Séil erëm an Harmonie ze bréngen. En anere wichtege Bestanddeel vu menger Aarbecht ass d’Liichtfrequenzaarbecht. Dës douce Energieaarbecht schaaft Raum fir Entspanung, Regulatioun a bannenzegt Gläichgewiicht fir Erwuessener esou wéi fir Kanner. Vill Client*innen erliewen si als eng wohltuend Ergänzung zu der dacks intensiver Familljenzäit.

Meng Offere riichten sech un zukünfteg Elteren, Famillje mat Puppelcher a Klengkanner souwéi un all déi, déi sech eng uechtsam, nohalteg a ganzheetlech Begleedung wënschen.

Beratung, Begleitung, Kurse und Information für (werdende) Eltern
Tragen - Wickeln - Eltern sein

https://www.chantal.lu
https://www.facebook.com/droberodung.lu/
https://www.instagram.com/berodung_chantal/
https://www.youtube.com/

01/03/2026

✨ Mir stellen eis vir ✨
An de nächste Wochen léiert dir eis engagéiert Droberoderinne méi no kennen.

Si erzielen iech, wien si sinn, wat si motivéiert – a wat hir ganz perséinlech Passioun fir d’Droen ausmécht.

28/02/2026

Vun en Donneschden bis e Samsden huet d'Isabelle vun .trageschule op Initiativ vun droen.lu siwen Droberoderinnen ausgebilt. D'Chantal vun huet och deelgeholl fir sech weiderzebilden.

Adresse

Junglinster

Site Web

http://www.droen.lu/

Notifications

Soyez le premier à savoir et laissez-nous vous envoyer un courriel lorsque Droen.lu asbl publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.