Naturpark Our

14/06/2026

🌳 Mam Robi duerch de Bësch 🥾👧🧒

Am Parc Housen waarden dat ganzt Joer iwwer 9 spannend Statiounen drop vu Grouss a Kleng entdeckt ze ginn. Ënnerwee fannt dir flott Picknick-Plazen, Hängematten an eng Portioun Action! 💪

👉 De Wee ass ronn 3 km laang an och gëeegent fir Poussettë mat décke Pneuen a Lafrieder.

📍 Start: Centre Ecologique am Parc Housen (vis-à-vis vum Parking vun der Schwämm Aquanat'our).

Wien ass schonn emol mam Robi duerch de Bësch getrëppelt? 😊

👉 E grousse Merci nach eng Kéier un all déi Fräiwëlleg, déi eis bei dësem Video ënnerstëtzt hunn. 👏

13/06/2026

Workshop fir schwanger Fraen 👀

D'École du Goût vun den 3 Naturparken proposéiert e Workshop, dee sech ganz geziilt u schwanger Frae🤰 riicht. Schonn am Bauch sammelt de Bebe éischt Geschmackserfahrungen, déi säi Goût scho virun der Gebuert beaflossen.

An engem interaktiven Atelier gitt dir gewuer, firwat eng ofwiesslungsräich Ernärung an der Schwangerschaft an och duerno an der Zäit vum Nieren eng wichteg Roll fir d'Entwécklung vum Goût vum Kand spillt.👶

👉Hei alleguer d'Detailer op ee Bléck:

✅ Donneschdes, den 23. Juli vu 17 bis 19 Auer zu Branebuerg an der École du Goût
✅ D'Participatioun kascht 10€ pro Persoun
✅ Umeldung iwwer de Formulaire um Site: https://ecoledugout.lu/agenda/44

ℹ Dëse Workshop léisst sech och super mam Kachworkshop kombinéieren, deen de 6. August proposéiert gëtt an déi selwescht Thematik behandelt. ☺

12/06/2026

👀 Dës Woch hunn d’Isabel an d’Conny eis mat engem Stand op der interinstitutioneller Foire vun der europäescher Kommissioun vertrueden.

👉 Hei hu si déi 3 Lëtzebuerger Naturparken presentéiert a sech iwwer vill interessant Gespréicher gefreet. 💪😊

11/06/2026

De Voting ass op 👀

Am Kader vum "Méi net am Mee" hate mir e Fotosconcours📷 lancéiert. Nodeems eis Jury eng éischt Auswiel getraff huet, hutt dir elo d'Méiglechkeet fir äre Favoritt ofzestëmmen.

👉 Dat geet ganz einfach iwwer dëse Formulaire. 👇
https://form.jotform.com/251542745288060

ℹ Follgend Präisser erwaarden déi 3 Gewënner: 1 handgeschnitzte Bamstammskulptur mat Nistlächer fir Wëllbeien, 1 insektefrëndlecht Wëllplanzendëppen an 1 Titche Wëllplanzesom. Mir wënschen de Participanten vill Gléck an iech vill Freed beim Ofstëmmen. ☺

08/06/2026

Agroforst-Reportage op RTL Lëtzebuerg 👀

Wat ass Agroforst a wat sinn d'Virdeeler dovun⁉ D'Lisa Zenners huet am Interview e puer Agroforst-Projeten aus eiser MembersGemeng Wëntger presentéiert. ☺

Et ass e Projet, dee bis Enn 2027 leeft.

30/05/2026

D'Spullmaschinn ass futti⁉ De Frigo gëtt nët méi richteg kal⁉ Dir kënnt d’Maschinn awer net selwer flécken⁉

👉Da frot bei Ärem Elektriker no a loosst se flécken. D’Gemengen am Naturpark Our (Buerschent, Cliärref, Ëlwen, Kiischpelt, Parc Housen, Pëtschent, Tandel, Veianen, Wäiswampech, Wëntger) leeën d'Halschent vun der Rechnung bäi (max. 200€ pro Joer a pro Stot). 💪

👉Firwat⁉ D’Produktioun vun neie Geräter an d’Entsuergen vun den futtisen Apparaten verbrauchen immens vill Ressourcen, dofir ass et dowäert d’Maschinnen méi laang lafen ze lossen. D’Ënnerstëtzung gëlt fir elektresch an elektronesch Geräter.☺

29/05/2026

Tournage um Robiwee 👀

Gëschter hu mir vun deem gudde Wieder profitéiert fir e Videodréi am Parc Housen ze maachen. 🎬

👉Dobäi hu mir eis immens iwwer d‘Ënnerstëtzung vun de Famillje gefreet, déi dofir gesuergt hunn, datt mir schéi Momenter konnten am Bild festhalen. 👏☺️

Mir freeën eis schonn drop iech d‘Resultat demnächst hei ze weisen an hoffen domatt vill Famillje fir eise kannerfrëndleche Wanderwee „Mam Robi duerch de Bësch“ begeeschteren ze kënnen. 🥾

28/05/2026

📷Fotosconcours: Méi net am Mee 🌼

De Countdown leeft - profitéiert elo nach séier dovun eis Fotoen vun ärer ongeméinter Wiss eranzeschécken. Ausgewielte Fotoe ginn hei verëffentlecht. Eng ëffentlech Ofstëmmung bestëmmt d’Gewënner vun eise flotte Präisser:

🏆 1 handgeschnitzte Bamstammskulptur mat Nistlächer fir Wëllbeien 🐝
🥈 1 insektefrëndlecht Wëllplanzendëppen 🐝
🥉 1 Titche Wëllplanzesom 🌸

👉De Link fir beim Concours matzemaache gëtt et an de Kommentarer. 😊

ℹ Ween am Mee net méint, gëtt de Blummen op der Wiss eng Chance an d'Bléi ze kommen an hëlleft esou den Insekte genuch Fudder, Verstopp- a Nistplazen ze fannen. Dovu profitéieren dann och d'Villercher, déi am Fréijoer hir Kleng mat Insekte fidderen.

27/05/2026

‼️Dringend: Statiste fir e Videodréi gesicht! 🌿

Opgrond vun enger krankheetsbedingter Ofso siche mir nach ganz kuerzfristeg no Fräiwëllegen.

👉Gesicht gi Famillje mat Kanner am Alter vun 2 bis 6 Joer fir een Tournage um Wee "Mam Robi duerch de Bësch" am Parc Housen

📅 Wéini? Muer, um Donneschdeg, den 28. Mee um 17 Auer
📍 Wou? am Parc Housen

👉 Umeldung & Infoen: [email protected] oder whatsapp 691991769

25/05/2026

Wousst Dir schonn...⁉

Datt d'Gemengen aus dem Naturpark Our ee Subside op den Akaf vun eenheemesche Planze ginn⁉

👉 Beim Kaf vu Stauden, déi een am Kader vum Projet "D'Naturparken zu Lëtzebuerg - (een) Insekteräich" bei verschiddene Gäertnereien an der Regioun ze kafe kritt, kënnt dir 50 % vum Akafspräis vun op d'mannst 50 bis maximal 150 € pro Haushalt pro Joer zeréckkréien.

ℹ Hei d'Adresse vun de Gäertnereien déi matmaachen:

🦋 CNDS service de l'entraide zu Ëlwen

🦋 Lëlljer Gaart zu Lëlljen (Gemeng Wëntger)

🦋 Forum pour l’emploi - Service am Gäertchen

🦋 Robbesscheier zu Munzen

🦋 Blummen-Këscht zu Lellgen

ℹ Folgend Gemengen si Member vum Naturpark Our: Gemeng Parc Housen, Gemeng Cliärref, Gemeng Ëlwen, Gemeng Wëntger, Commune de Putscheid, Gemeng Kiischpelt, Gemeng Tandel & Commune de Vianden. D'Gemenge Administration communale de Weiswampach a Commune de Bourscheid sinn aktuell Bäitrëttskandidaten - hir Awunner kënnen deemno och scho vun dëse Subside profitéieren. Weider Detailer am Link an de Kommentarer.