11/08/2026
Esou ass et ☝🏻 E grousse Merci un iech all 🧡
𝐆𝐞𝐦𝐞𝐧𝐠𝐞𝐧 𝐚𝐧 𝐡𝐢𝐞𝐫 𝐒𝐞𝐫𝐯𝐢𝐜𝐞𝐫 𝐚𝐦 𝐒𝐮𝐦𝐦𝐞𝐫 ☀️
𝘖𝘤𝘩 𝘢𝘮 𝘚𝘶𝘮𝘮𝘦𝘳 𝘧𝘪𝘦𝘳𝘵 𝘥𝘦 𝘉𝘶𝘴
Wann et dobausse waarm gëtt, ass d’Aarbecht fir eis Kolleeginnen a Kolleegen aus de Busbetriber och net ëmmer einfach. Op all Arrêt ginn d’Dieren op an zou – an domat kënnt ëmmer nees waarm Loft an de Bus. Och wann d’Klimaanlag leeft, bleift et dofir net ëmmer esou kill, wéi ee sech dat als Passagéier wënscht. 🥵
Op den Terminusse kënnt nach eppes dobäi: Wärend de Opfaangzäiten kënnen d’Busser net einfach permanent mam Motor lafe gelooss ginn. Dat ass wichteg, fir Kaméidi an Emissiounen ze reduzéieren. Dëst huet awer zum Nodeel dass Klimaanlag déi Zäit och net leeft - mat der Konsequenz dass ee rëm séier iwwer 30 Grad am banneschte vum Bus huet. 🌡️
Op engem Bus fueren am Laf vum Dag ëmmer nees verschidde Chaufferen. Wann et waarm ass schweessen déi meescht vun eis och dee wou Bus fiert – 𝘢𝘭𝘴 𝘒𝘰𝘯𝘴𝘦𝘲𝘶𝘦𝘯𝘻 𝘥𝘰𝘷𝘶𝘯 𝘨𝘦̈𝘵𝘵 𝘥𝘦 𝘊𝘩𝘢𝘶𝘧𝘧𝘦𝘳-𝘚𝘦̈𝘵𝘻 𝘥𝘢𝘯𝘯 𝘩𝘦𝘪𝘢𝘯𝘴𝘥𝘰 𝘲𝘶𝘢𝘴𝘪 𝘻𝘶 𝘦𝘯𝘨𝘦𝘮 𝘮𝘰𝘣𝘪𝘭𝘦 𝘞𝘩𝘪𝘳𝘭𝘱𝘰𝘰𝘭 – 𝘫𝘶𝘴𝘵 𝘰𝘶𝘯𝘪 𝘎𝘦𝘣𝘭𝘶𝘣𝘣𝘦𝘳𝘴. 🛀
De Buschauffer schafft am Schicht- Déngscht – vu ganz fréi Mueres bis an Nuet an egal wéivill Auer et grad ass, de Service un de Biergerinnen a Bierger muss assuréiert sinn.
De Präis fir dëse Service ass dass si da manner um soziale Liewen kënnen Deel huele wéi se dat gär géifen. Well wann déi eng Leit Vakanz hunn an anerer e Summerowend genéissen oder mat Frënn grillen sëtzt meeschtens iergendwou zu Lëtzebuerg eng Chauffeuse oder Chauffer hannert dem Steierrad. 🚌
Och ganz praktesch Saache sinn net ëmmer esou einfach, wéi ee mengt: Eng Toilette ass net op all Terminus oder laanscht all Streck direkt verfügbar. Bei laange Faarten an héijen Temperaturen, wou genuch drénken natierlech wichteg ass, kann och dat zur Erausfuerderung am Aarbechtsalldag ginn. 🚻
Dobäi kënnt de Verkéier. Passagéier, déi an der Hëtzt oder och emol am Schloreen op hire Bus gewaart hunn, déi verständlecherweis net ëmmer gutt gelaunt sinn. De Chauffeur ass awer dacks déi éischt Persoun, déi de Frust iwwert eng Verspéidung ofkritt – och wa Stau, Chantieren, Ëmleedungen oder plange vun de Linnen net a senger Hand leien. 🫣
Am Summer ass op ville Plazen nach méi Beweegung: Touristen, Kiermessen, Vëloen, Trottinetten, Foussgänger a Leit, déi sech net ëmmer an der Géigend auskennen. Dat verlaangt permanent Opmierksamkeet, Gedold a Konzentratioun hannert dem Steier. 👀
Esou e Busservice funktionéiert natierlech net nëmme wéinst de Kolleeginnen a Kolleegen um Bus. D'Kontrolleren, d’Leetstell an dat administrativt Personal assuréieren am Hannergrond dass de ganze Service reiwungslos ofleeft a reagéieren schnell op Ausfäll, Chantieren an Ëmleedungen.
Déi technesch Ekippe halen d’Gefierer an der Rei an d’Botzequippe suerge fir propper Bussen. Och dës Aarbechte sinn bei enger Canicule méi usprochsvoll wéi bei 20 Grad. An och wéi hier Aarbechtskolleeginnen a Kolleegen schaffe si ronderëm d’Auer. ⏰
Duerch Summervakanz an de Congé Collectif sinn natierlech och hei deelweis manner Leit am Bus an zu Spëtzestonnen ob der Strooss ënnerwee – dëst mécht dat ganzt am Summer dann och erëm méi einfach. 😎
Hannert engem Bus, deen eis all Dag vun A op B bréngt, stinn also vill Leit – an eng ganz Rei kleng Erausfuerderungen, déi mir als Passagéier net ëmmer gesinn.
E bësse Gedold an e frëndlecht Wuert kaschten näischt a kënnen den Alldag fir béid Säite méi agreabel maachen. 🤝
𝐌𝐞𝐫𝐜𝐢 𝐮𝐧 𝐚𝐥𝐥 𝐝𝐞́𝐢 𝐏𝐞𝐫𝐬𝐨𝐮𝐧𝐞𝐧 𝐰𝐨𝐮 𝐚𝐦 𝐞̈𝐟𝐟𝐞𝐧𝐭𝐥𝐞𝐜𝐡𝐞𝐧 𝐓𝐫𝐚𝐧𝐬𝐩𝐨𝐫𝐭 𝐬𝐜𝐡𝐚𝐟𝐟𝐞𝐧. 🧡
𝐀 𝐰𝐞́𝐢 𝐬𝐭𝐮𝐧𝐠 𝐟𝐫𝐞́𝐢𝐞𝐫 𝐨𝐩 𝐝𝐞 𝐁𝐮𝐬𝐬𝐞𝐫 💭 𝐄 𝐊𝐮𝐬𝐬 𝐟𝐢𝐫 𝐝𝐞 𝐁𝐮𝐬 😘
