Eechternoacher Quaichleken

06/10/2026

Feierlech gouf d'Verspriechen an de verschiddene Branche gemaach! Nodeems mir den Text vun eisem Verspriechen analyséiert hun an eis nach eemol bewosst gemaach hun wat d'Prinzipie vum Scoutissem sin a wéi mir se all uwenden, war wuel een Highlight d'Visitt vun de Kasematten um Cents ënnert dem Quartier général - hei hu mir d'Rouh am Däischtere genoss an iwwert dem BP seng lescht Wieder nogeduecht. ⚜️

06/10/2026

Op eisem Montéesweekend goufe vill Schlëssele gesicht fir dass de Siggy sai Melusina remfanne kann! 🥰🧜🏽‍♀️⚜️📸

Mir konnte vill nei Beaver, Wëllef, Scouten an Explorer an hire neie Branchen begréißen!

30/09/2026

Mir blécken zréck op ee wonnerbare Summerweekend - genausou wéi d'Sonn hunn eis Quaichleke gestrahlt! ☀️
Gutt Teamwork huet zu engem wonnerbare Gromperefest bäigedroen a mir hoffen, dass eis Spezialitéiten ronderem d'Gromper jidderengem gutt geschmaacht hun! 🥔

Elo freeë mir eis schons op d'Editioun Nr 30 d'nächst Joer! 🍟🍳🌭

26/09/2026

Haut hu mir a super Teamwork scho Virbereedungen fir d'Gromperefest gemaach! 🥰

Kommt muer op d'Moartplaatz fir déi beschte Gromperekichelcher (an all déi aner Spezialitéiten ronderem d'🥔) schmaachen ze kommen! 🍟🌭🍳🥣🧂🍰🍴

Mir freeën eis op d'Fest an op iech! 💛⚜️

09/09/2026

25/08/2026

Am Ufank vun der Summervakanz waren eis Wëllefcher um FeWeCa zu Miersch.☀️ Wou sie mat den Déieren all Kontinent bereest fir den Kompass erem kënnen ze flécken.🧭🌍 An hunn ganz vill néi Scoutsfrëndschaften konnten schléissen.🦸🧢

13/07/2026

Mir schléissen d'Scoutsjoër mam Pow-Wow um Cents of! Hei haten d'Lions Bleus🦁💙 eis an d'Welt vum Luxembourg Make it Happen entfouert a mir konnten dem Superjhemp hëllefen de klengen Duc héritier ze befreien! An énger schéiner Kulisse as een an déi verschidden Facette vun eisem Land agedaucht.🇱🇺

Mir sin houfreg, dass eise Grupp sech och dës Kéier rem de Foulard d'Or, d'Bonne Meute an d'Bonne Colonie verdéngt huet.🏅

Mir gratuléieren dem Jeanne an dem Sam fir hir Masterclass-Formatioun⚜️, dem Jacques an dem Pete fir den Ofschloss vun hirer Scoutsformatioun⚜️, dem Inês fir seng Formatioun bai de Beaver🦫, souwéi dem Louanne fir seng Formatioun als Responsable vun de Wëllefcher.🐺

Den Tim krut feierlech de Laurier d'Or iwwerreecht als Unerkennung fir sain onermiddlechen Asaatz als Scout. ⚜️🦫

30/06/2026

Zwee Quaichleken waren häerzlech op d'Gaardeparty vum Grand-Duc a Chefscout Guillaume zu Colmar-Bierg invitéiert gin.

Dës 2. Gaardeparty vum Joer stoung ënnert dem Motto "Jeunesse" an dofir waren eng ganz Partie Scouten derbäi. D'Scouten, als forméiert, informéiert, motivéiert a kreativ Bierger, souwéi vill aaner jonk engagéiert Leit droen zum gudde Mateneen ënnert Generatioune bäi a leeschten wäertvoll Aarbëscht fir e gutt Zesummeliewen an den Erhalt vun eiser Demokratie.

Mir schätzen d'Unerkennung vun eisem Engagement immens! ⚜️

24/06/2026

Um Virowend vu Nationalfeierdag 🇱🇺 hu mir eis traditionnell all zesumme getraff fir e kuerze Résumé vun eisen Aktivitéiten ze maachen an Auszeechnungen ze verdeelen. Eis Beaver, Wëllefcher a Scouten hu Badger iwwerreecht kritt fir besonnesch Leeschtungen an Aktivitéiten, déi si gemaach hun. Mir hunn außerdeem d'Geleenheet genotzt fir zwee Mérite 7️⃣5️⃣ ze iwwereeschen. Gratulatioun ! ⚜️

Mir hu vill kleng Beaver a Wëllefcher, déi mat vill Motivatioun derbaï sin a free'en eis immens iwwert déi Begeeschterung ! 🥰 Déi vill Aktivitéiten, déi eis Membere gebueden kréien, wieren awer nët méiglech ouni de besonneschen Asaatz an Engagement vun eise Cheffen an dofir hun si dee gréißte M.E.R.C.I. verdéngt ! 🌸

Ofgeschloss hu mir de Virowend mat der Ried vun eiser Buergermeeschtech an dem Te Deum an der Basilika! 🐿️

Vive de Grand-Duc Guillaume!
Vive Lëtzebuerg!
Vive Europa!

23/06/2026

Den Tim huet haut an der Philharmonie de Fändel gedroën. Dat war bestëmmt eng super Erfahrung!
Mir si ganz houfreg, dass d'Quaichleken bai dëser Delegatioun derbäi waren! 🇱🇺⚜️