05/05/2026
International däitsch Powerlifting Meeschterschaften (IPL)
vum 1. - 3. Mee 2026 zu Bitburg mat 5 Athleten an 1 Arbiter vum CAD-Power
Op den internationalen däitsche Powerlifting Meeschterschaften, déi leschten Weekend zu Bitburg statt fonnt hunn, waren gläich 5 Athleten vum CAD-Power um Start. De Veräin ass och vum internationalen Arbiter Fränz SEUL vertrueden ginn. Den Alex DIAS, den Christian SCHARTZ, de Pol MULLER an d‘ Steffi WOLAK hunn des DM aus dem Opbautraining eraus gemaach als Preparatioun fir d’EM, déi Enn Juni zu Verona an Italien statt fënnt. Mam Neal LISÉ als „Erstheber“ ass d‘ Equipp weider gewuess.
Den Freiden war just den Fränz als Arbiter am Asaz esou wéi hien dat och Samschdes an Sonndes war.
Samschdes mueres ab 9:00 waren den Alex an den Christian zesummen am selwechten Grupp um Start. An der 82,5 kg Klass am Powerlifting RAW (ouni Hëllefsmëttel) ass den Alex an der Kategorie Open (24-39 Joer) an den Christian an der Kategorie Master 3 (50-54 Joer) ugetrueden.
Den Alex konnt seng Trainingswerter en Gros ëmsetzen. An der Kniebeug (Squat) konnt hien no 2 ganz gudden Versich (175 an 180 kg) leider am 3. Versuch net seng Bestleeschtung vun 185 op 187,5 verbesseren. Am Bänkdrécken (Bench Press) huet hien mat 112,5 kg eng gutt Leeschtung gewisen. Am Kräizhiewen konnt den Alex dunn seng Bestleeschtung mat 225 kg astellen. Am Total mëscht dat dann 517,5 kg, wat 17,5 kg méi sinn wéi fir déi lescht DM ëm dës Zäit. Den Alex huet sech domat an der stark besater 82,5 kg Klass déi 3. Plaz geséchert an an ass um richtegen Wee fir an den nächsten 8 Wochen seng Form nach däitlech fir d‘ Europameeschterschaft ze steigeren.
Den Christian konnt 3 gülteg Versich an der Kniebeug (215 kg, 225,5 kg, 230 kg) absolvéieren. Domat ass hien nëmmen 5 kg vun senger Bestleeschtung ewech bliwwen. Am Bench Press hat hien keen esou e gudden Dag an huet sech mat 110 kg missten ze fridden ginn. Duerfir huet hien sech an 3 gültegen Essaien mat 245 revanchéiert a konnt seng aktuell Trainingswerter ëm 2,5 kg steigeren. Hien konnt sech mat engem Total vun 585 kg an senger Klass déi 1. Plaz sécheren.
No der Mëttespaus war et dunn um Pol an um Neal, fir deen et säin alleréischten Wettkampf war. Den Neal ass an der Gewiichtsklass bis 125kg an an der Alterklass 50-54 Joer (Master 3) ugetrueden. Hien huet sech guer net stressen gelooss an huet 9 vun 9 gülteg Versich mat gudder Technik realiséiert. An der Kniebeug waren dat um Enn 130 kg, am Bänddrécken 137,5 kg an am Kräizhiewen 170 kg, wat en Total vun 437,5 kg mëscht. Nodeems dat 1. Zil: Erfahrung sammelen an eng gutt Technik léieren, gelongen ass, kann elo weider um Kraftopbau geschafft ginn. Do ass nach vill Loft no uewen. Och den Neal konnt seng Alters- a Gewiichrtsklassgewannen.
Am selwechte Grupp ass de Pol gestart. De jonken Athlet start an der Kategorie Powerlifting RAW Junior 15-19 Joer an der 110 kg Klass an huet et fäerdeg bruecht, trotz zousätzlechem Training am Kugelstoussen, seng Leeschtungen vun der EM 2025 an allen 3 Disziplinnen däitlech ze verbesseren. Dat bedait an den Squat vun 202,5 kg op 220 kg, am Bench Press vun 142,5 kg op
150 kg an am Deadlift vun 202,5 kg op 220 kg, wat en Total vun 590 kg am Dräikampf ass. Dat ass eng stolz Steigerung vun 42.5 kg !! Domat huet hien d’Minimalleeschtungen, déi erfuerdert sinn fir en Europarekord unerkannt ze kréien, an allen 3 Disziplinen an am Total erfëllt. Et kënnen just op enger EM an WM offizeill Rekorder opgestallt ginn. De Pol versuergt sech dee Luxus dann fir d‘ EM an Italien.
Um leschten Dag vun der DM war dunn nach d‘ Steffi an der 60 kg Klass Open um Start. Hat mëscht keen Dreikampf, mee start an den 2 Eenzeldisziplinen Bänkdrécken an Kräizhiewen. Mueres um 9:00 ass et mam Bänkdrécken mat engem exzellenten gültegen Essai op 65 kg ugaang. Am 2. Essai huet sech en techneschen Feeler ageschlach, wéinst deem d‘ Steffi déi 70 kg net pepackt huet. Mee am 3. Essai huet et dunn geklappt an déi 70 kg waren assuréiert. Domat huet d‘ Steffi am Bänkdrécken déi 2. Plaz gewonnen. Mëttes ass et dunn am Kräizhiewen richteg gutt fir d‘ Steffi gelaf. Hatt honnt 3 gülteg Essaien virleeën: 145 kg, 152,5 kg an 157,5 kg. Dat ass eng nei perséinlech Bestleeschtung. D‘ Steffi huet domat net nëmmen seng Kategorie gewonnen mee och d’Gesamtrelativwertung vun allen Gewiichtsklassen am Kräizhiewen bei den Dammen (Open an Junior)
De Bilan ass demno ganz positiv, all d‘ Athleten konnten d‘ Erwaardungen erfëllen. Nächst Zil ass wéi gesot d'EM an Italien fir d'Steffi, den Alex, de Pol an de Christian.
Weider Fotoen an Videoen esou bal se verfügbar sinn op eisen FB-Säiten als Album vun der DM 2026 an op Instagram ....
