E Kannerlaachen

Accueil
Luxembourg
Bascharage
E Kannerlaachen

Eis Hand fir Madagaskar 🇲🇬 Präsident: Marc Sales
Secretär: Ben Wahl
Tresorière: Monique Kies

10/10/2026

❤️ E grousse MERCI un d’Gemeng Käerjeng!
Bei der Scheckiwwerreechung gouf d’Resultat vum Integratiounsfest un 4 lokal Associatioune verdeelt.
E Kannerlaachen seet villmools Merci fir dëse léiwe Geste, d’Vertrauen an d’Ënnerstëtzung vun eiser Aarbecht. 🙏❤️
Eng flott Initiativ, déi weist, wéi vill een zesummen beweege kann.

04/10/2026

❤️ E grousse MERCI un d’Famill Bausch an un Gutland sàrl !
Bei hirer Season Closing Party koumen impressionant 3.302 € fir E Kannerlaachen zesummen. 🙏
E ganz besonnesche Merci geet och un déi jonk Generatioun, déi mat vill Kreativitéit selwer Leemfiguren hiergestallt a verkaf huet an esou kräfteg zu dësem flotte Resultat bäigedroen huet. 👏
Mir si stolz a frou, esou e sympathesche Familljebetrib als Partner un eiser Säit ze hunn.
Merci fir Äert Vertrauen, Är Ënnerstëtzung an Äert grousst Häerz fir d’Kanner! ❤️

Gutland sàrl

26/09/2026

❓ ÄR FRO – EIS ÄNTWERT
Mir hunn Iech an de leschte Méint vill vun eiser Aarbecht op Madagaskar gewisen.
Elo wëlle mir wëssen, wat DIR nach wësse wëllt.
Wat interesséiert Iech?
Wat ass Iech nach net ganz kloer?
Wat wollt Dir eis schonn ëmmer froen?
Eis Aarbecht baséiert op véier Pilier’en:
👧 Kanner
🍲 Ernärung
📚 Ausbildung
🌱 Nohaltegkeet
Mee Är Fro muss net an eng Kategorie passen.
👉 Schreift Är Fro einfach hei an d’Kommentaren oder schéckt eis eng Privatnoriicht.
Bis de 4. Oktober sammele mir d’Froe fir eis éischt Ronn.
Duerno äntwere mir reegelméisseg – konkret, transparent a mat echte Biller a Beispiller vun eiser Aarbecht.
Wat ass ÄR Fro? 👇

22/09/2026

🚢🇲🇬 Eise Container ass ënnerwee – an en huet schonn e gutt Stéck hannert sech!

Zënter dem 1. September ass eise Container vun Antwerpen aus um Wee Richtung Madagaskar. 📦❤️

Seng Rees huet hien bis elo vun Antwerpen iwwer Le Havre, Valencia, La Spezia a Fos-sur-Mer gefouert. Mëttlerweil huet d'Schëff d'Mëttelmier an d'Strooss vu Gibraltar hannert sech gelooss an ass laanscht d'West-Sahara gefuer. 🌍🚢

Déi nächst grouss Etapp: La Réunion! 🇷🇪

An eng kleng Anekdot dierf natierlech net feelen. 😄 Kuerz nodeems d'Schëff den Hafen vun Antwerpen verlooss hat, krute mir et tatsächlech nach eng Kéier virun d'Lëns! 📸 Bei Groede un der hollännescher Küst ass et laanschtgefuer – an do hu mir et eis natierlech net huele gelooss, him nach eng Kéier nozekucken. 👋🚢

An deem Container ass vill Material, dat bei eisen Haiser an eise Projeten dringend gebraucht gëtt. 🏠🇲🇬

Elo heescht et weider Daumen drécken, datt alles gutt ukënnt. 🤞❤️

Mir halen iech natierlech um Lafenden a weisen iech, wou eis Rees weidergeet. 🌍➡️🇲🇬

11/09/2026

❤️ 1.000 Follower – VILLMOLS MERCI! ❤️

Mir si frou a stolz, datt mëttlerweil 1.000 Leit eis Aarbecht an eise Wee zu Madagaskar begleeden. 🇲🇬

Wat virun nëmmen 1,5 Joer mat „Eis Hand fir Madagaskar“ ugefaangen huet, wiisst Schrëtt fir Schrëtt weider – an dat och dank ärer Ënnerstëtzung, ärem Vertrauen an dem Deele vun eiser Aarbecht.

All Like, all Kommentar an all gedeeltene Bäitrag hëlleft eis, méi Mënschen z’erreechen an domat och méi fir d’Kanner zu Madagaskar ze bewierken. ❤️

1.000 Mol MERCI!
Mir freeën eis, dëse Wee zesumme mat Iech weiderzegoen. Dofir, bleiwt dobäi a kuckt iech u wéi et viru geet. 🇱🇺🤝🇲🇬

E Kannerlaachen – Eis Hand fir Madagaskar ❤️

10/09/2026

🙏 E grousse MERCI un d‘ Amicale de la Maison Relais de la Commune de Sanem ❤️

Mir soe vun Häerzen Merci fir dee generéisen Don vu 600 € un eis Associatioun E Kannerlaachen, deen am Kader vun hirem Summerfest iwwerreecht gouf. ☀️🎉

Esou Ënnerstëtzung hëlleft, eis Missioun „Eis Hand fir Madagaskar“ weiderzedreiwen an do konkret eppes ze bewierken. 🇲🇬❤️

Merci fir Äert Vertrauen an Är Ënnerstëtzung🙏

03/09/2026

🇲🇬❤️ Eng intensiv Missioun fir „Eis Hand fir Madagaskar“ geet op en Enn.
Mir sinn erëm gutt heiheem ukomm – midd, awer immens zefridden. Mir hu vill geschafft, vill beweegt awer Momenter erlieft, déi eis nach laang wäerte begleeden.
Villes dovun hu mir mat iech gedeelt – mee nach net alles. 😉
E puer spannend Geschichte bleiwe fir déi nächst Missiounen…
Eis Projeten entwéckelen sech gutt an et geet weider: an der zweeter Hallschent vum Oktober ass déi nächst Ekipp schonn nees op der Plaz. 🇱🇺✈️🇲🇬
Eist gréissten Zil bleift: esou séier wéi méiglech kënnen déi éischt Kanner an eisen Haiser ze empfänken. 🏠❤️
Merci, datt dir eis op dëser Missioun begleet hutt. 🙏

LG
My, Cathy, Ben a Marc

02/09/2026

❤️🇲🇬 Et gi Momenter, déi ee schwéier a Wierder faasse kann…

E Sonndeg bei Akamasoa: Dausende Mënschen, Gesank, Danz an eng Energie, déi een net onberéiert léisst.

An dunn e ganz besonnesche Moment fir eis: De Pater Pedro huet Tsiky Kely aus Lëtzebuerg begréisst. 🙏🇱🇺🇲🇬

Ob gleeweg oder net – esou ee Moment vergësst een net esou séier. ❤️

01/09/2026

👜 Eng Posch, ass ronn eng Woch Handaarbecht, mat vill Kënnen, Präzisioun a Léift fir den Detail. 🇲🇬

Bei eisem Partner hu mir gesinn, wéi aus Raphia Stéck fir Stéck richteg flott Qualitéitsproduiten entstinn.

Fir eis gehéiert awer méi dozou: fair Pai, gutt sozial Konditiounen an e respektvollen Ëmgang mat de Fraen, déi dës Posche maachen. 🤝

Den nächste Schrëtt ass scho geplangt: weider Fraen aus vulnerabele Situatiounen ausbilden an hinnen domat eng nei Perspektiv ginn. ❤️

E puer vun dëse Posche sinn elo schonn zu Lëtzebuerg… 👀
Geschwë fannt dir se och an eisem Tsiky Shop.
(Tsiky ass Malagasy a bedeit op Lëtzebuergesch „Laachen“ 😊)

A wéi ass et bei iech? Géif esou eng handgemaachte Raphia-Posch iech interesséieren? 👜

Schreift eis et an d’Kommentaren – da gitt dir als Éischt gewuer, soubal eisen Tsiky Shop online ass. 👀

31/08/2026

ENFIN - gudd News ginn et och vun hei heem.🤩💪🏻
De Container ass gelueden an ënnerwee op Antwerpen 🇧🇪 an den Hafen, wou e muar op d‘Schëff APL NEW YORK geluede get🚢.
Nom Depart ass d‘Arrivée viraussichlech den 13. Oktober a Madagaskar🇲🇬.

Et war en onwahrscheinlechen administrativen Opwand mat enger Hellewull vun Dokumenter déi hu musse besuergt ginn

Eis Häiser warden elo dringend op d‘Material. 🏠🏗️

Mir halen iech um Lafenden wou de Container an den nächste Wochen drun ass.🌍

Adresse

46, Rue De Schouweiler
Bascharage
4945

Site Web

https://ekannerlaachen.lu/

Notifications

Soyez le premier à savoir et laissez-nous vous envoyer un courriel lorsque E Kannerlaachen publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Contacter L’organisation

Envoyer un message à E Kannerlaachen:

Vous voulez que votre organisation soit en tête de la catégorie organisation à but non lucratif à Bascharage ?