Беларускі дом правоў чалавека імя Барыса Звозскава

Home
Lithuania
Vilnius
Беларускі дом правоў чалавека імя Барыса Звозскава

Directions Website Contact the organization

Місія Беларускага дому правоў чалавека - падтрымка і разьвіцьцё беларускага праваабарончага руху.

Беларускі Дом правоў чалавека ў выгнанні адкрыўся ў Вільні 30 студзеня 2007 года ў выніку сумесных намаганняў беларускіх праваабарончых арганізацый і Фонда Дамоў правоў чалавека.

Дагэтуль ужо некалькі гадоў такія ўдзельнікі Сеткі Дамоў правоў чалавека, як Хельсінкскі Фонд правоў чалавека (Польшча), Нарвежскі Хельсінкскі Камітэт, Нарвежскі ПЭН-цэнтр і Фонд Дамоў правоў чалавека стала супрацоўнічалі з беларускімі арганізацыямі.

Дом, які быў названы беларускімі праваабаронцамі "выспай свабоды", дапамагае ім у іх дзейнасці і ставіць сабе на мэту павышэнне павагі і пашырэнне абароны правоў чалавека ды дэмакратычных свабод у Рэспубліцы Беларусь.

Дом арганізуе трэнінгі і прадастаўляе іншым арганізацыям памяшканні для правядзення ўласных мерапрыемстваў (семінараў, школ, трэнінгаў, канферэнцый) для праваабаронцаў, НДА, журналістаў, студэнтаў, выкладчыкаў і навукоўцаў.

07/08/2026

❓- На пытаньне, чаму беларусы дзеля будучыні сваёй краіны не клаліся пад танкі, ты адказваеш, што сёньня ў Беларусі легчы пад танк азначае абараняць палітычнага вязьня...

❗- Нярэдка людзі з краінаў з разьвітымі дэмакратыямі, якія не разумеюць, што такое бяспраўе і прававая бездапаможнасьць, напышліва заяўляюць, што беларусы «не перамаглі дыктатуру, бо недастаткова актыўна клаліся пад танкі».

- Перадусім я лічу, што ў XXI стагодзьдзі разважаць такімі катэгорыямі папросту дзіка. Для цывілізаванага сьвету «класьціся пад танкі» не павінна быць нормай. Палітыка і права ў цывілізаваным сьвеце мусяць быць уладкаваныя так, каб чалавеку не даводзілася паводзіць сябе настолькі гераічна.

- Але калі вайна і бясконцая барацьба ў сучасным грамадзтве, на жаль, нармалізаваныя, дык я сьцьвярджаю, што мае суайчыньнікі рабілі і працягваюць рабіць гераічныя ўчынкі.

Гэта фрагмэнт зь інтэрвію Сабіны Брыло, паэткі й журналісткі, апублікаванага на літоўскім партале 15min. Вялікая зьмястоўная размова выйшла з нагоды публікацыі кнігі «Справа Віктара Бабарыкі. Хроніка палітычнага перасьледу ў фактах і дакумэнтах». Пакідаем спасылку ў першым камэнтары.

04/08/2026

On International Day of Solidarity with Civil Society and the Human Rights Movement in Belarus, we are thinking about our colleague Andrei Aliaksandrau, who remains behind bars along with 850+ political prisoners in the country.

27/07/2026

Учора наш калега Анар Мамедлі сустрэў свой 48-ы дзень нараджэньня за кратамі.

Анар - азэрбайджанскі праваабаронца, які больш за дваццаць гадоў займаўся незалежным назіраньнем за выбарамі. Ён заснаваў Цэнтар маніторынгу выбараў і дасьледаваньня дэмакратыі - арганізацыю, што ўваходзіць у Дом правоў чалавека Азэрбайджану. Таму для нас Анар - не далёкае імя з навінаў, а калега па Сетцы дамоў правоў чалавека.

29 красавіка 2024 года яго затрымалі. Мы лічым гэты перасьлед помстай за незалежнае назіраньне за выбарамі і нашу праваабарончую працу. А некалькі дзён таму пракуроры запатрабавалі прысудзіць Анару 14 гадоў зьняволеньня.

У дзень ягонага нараджэньня праваабаронцы з розных краінаў выказваюць салідарнасьць з Анарам. Ён мусіць быць неадкладна і безумоўна вызвалены - як і ўсе палітычныя вязьні.

Фота: Фонд Дамоў правоў чалавека.

21/07/2026

Учора ў Вільні Максім Знак асабіста зьняў плякат з сваім партрэтам, які больш за два гады вісеў насупраць амбасады Беларусі. Пра гэта расказала Асацыяцыя адвакатаў правоў чалавека.

Плякат з заклікам спыніць катаваньні Максіма Знака зьявіўся тут падчас акцыі салідарнасьці ў чэрвені 2024 года. Увесь гэты час ён нагадваў пра адваката, які быў за кратамі й ня меў сувязі са зьнешнім сьветам.

На сустрэчу прыйшлі беларускія і літоўскія адвакаты, журналісты і людзі, якія ўсе гэтыя гады падтрымлівалі Максіма й беларускую адвакатуру.

Максім Знак падзякаваў усім, хто быў побач. Асобна ён згадаў беларускіх адвакатаў, якія яго падтрымлівалі і абаранялі, а калі ўжо не маглі гэтага рабіць, сьпявалі ягоныя песьні.

І заклікаў не забываць пра адвакатаў, якія дагэтуль застаюцца за кратамі, і падтрымліваць іх, пакуль усе ня будуць на волі.

20/07/2026

Паказваем вам пакуль ня сам партрэт, а як мы яго стваралі.

«Партрэты моцы: жанчыны, якія абараняюць правы чалавека» / Portraits of Strength: Women Defending Human Rights — міжнародны фотапраект Фонда Дамоў правоў чалавека Human Rights House Foundation і Сеткі Дамоў правоў чалавека. БДПЧ удзельнічае ў ім ужо чацьвёрты раз.

Гераіня беларускага партрэта сёлета - Вікторыя Фёдарава, праваабаронца, старшыня «Прававой ініцыятывы» і адна з заснавальніц Міжнароднага камітэту па расьсьледаваньні катаваньняў у Беларусі. Вікторыя працуе з дакумэнтаваньнем катаваньняў, захаваньнем доказаў і дапамогай пацярпелым.

Фатографка праекту - Тацяна Ўласенка.

Месца для фотасэсіі мы абралі невыпадкова: Музэй акупацыяў і барацьбы за свабоду / Okupacijų ir laisvės kovų muziejus у Вільні. Здымкі адбываліся ў былой унутранай турме КДБ - у прасторы, якая памятае рэпрэсіі, зьняволеньне й гвалт дзяржавы.

Пакуль што дзелімся толькі бэкстэйджам. Сам партрэт пакажам у жніўні, калі выйдзе чацьвёртае выданьне Portraits of Strength.

Усе спасылкі на праекты мінулых гадоў пакідаем у камэнтарах.

16/07/2026

Ці магчыма абараніць правы чалавека ва ўмовах «скасаванага права»?

У Вільні прэзэнтавалі кнігу Сабіны Брыло «Справа Віктара Бабарыкі. Хроніка палітычнага перасьледу ў фактах і дакумэнтах».

Гэта кніга ня толькі пра Віктара Бабарыку. Гэта кніга пра правы чалавека. Праз судовую справу яна паказвае, як у Беларусі разбуралася прававая сыстэма: закон перастаў абараняць чалавека, суд стаў часткай рэпрэсіяў, а незалежныя адвакаты самі апынуліся пад перасьледам.

У размове ўзялі ўдзел Сабіна Брыло, Віктар Бабарыка, Яўген Пыльчанка і Натальля Мацкевіч. Сустрэчу мадэравала Тацяна Нядбай.

Кнігу стварылі выпускнікі ILIA-By і BISH – журналістка і адвакаты, якія два гады працавалі з дакумэнтамі й прававымі матэрыяламі.

Навошта фіксаваць гісторыю рэпрэсіяў? І ці мае сэнс гаварыць на мове права, калі ўлада гэтай мовы не прызнае? Спасылку на артыкул пра кнігу й сустрэчу пакідаем у камэнтарах.

07/07/2026

26–27 чэрвеня прайшла трэцяя канфэрэнцыя правайдэраў нефармальнай адукацыі ў галіне правоў чалавека.

Яе зладзілі Беларускі дом правоў чалавека імя Барыса Звозскава, праграма ILIA-By і Беларускі Хельсінскі Камітэт. Удзельнічалі ня толькі праваабарончыя арганізацыі з фокусам на выключна праваабарончую адукацыю, але й такія арганізацыі й ініцыятывы, якія ўключаюць у свае адукацыйныя прадукты асобныя праваабарончыя кампанэнты.

Гэта ўжо трэцяя такая сустрэча. Папярэднія канфэрэнцыі зьбіраліся ў 2023 і ў 2024 гадах. Сёлета абмяркоўвалі, як зьмяніўся сэктар за апошнія паўтара года, якія адукацыйныя прадукты ўжо працуюць, што атрымліваецца, а што не, і як правайдэрам лепш падтрымліваць адно аднаго.

Такім чынам, супольнасьць правайдэраў адукацыі па правах чалавека жыве, назапашвае досьвед і гатовая думаць ня толькі пра асобныя праграмы, але й пра агульныя выклікі ды магчымыя фарматы супрацы.

Падрабязьней пра канфэрэнцыю мы напісалі ў артыкуле; спасылка ў камэнтарах.

06/07/2026

Беларускі дом правоў чалавека зноў далучаецца да міжнароднага фотапраекту Portraits of Strength: Women Defending Human Rights - «Партрэты моцы: жанчыны, якія абараняюць правы чалавека».

Гэта праект Фонда Дамоў правоў чалавека Human Rights House Foundation , які паказвае жанчын-праваабаронцаў з розных краінаў Сеткі Дамоў правоў чалавека: іх працу, іх голас і сілу, якая часта застаецца па-за кадрам.

БДПЧ ужо ўдзельнічаў у папярэдніх выданьнях праекту. У розныя гады яго гераінямі станавіліся беларускія праваабаронцы і грамадзскія дзяячкі Жанна Літвіна, Тацяна Равяка, Алена Масьлюкова й Тацяна Нядбай.

Сёлета мы рыхтуем новы беларускі партрэт для чацьвёртага выданьня праекту.

Гераіняй новага партрэту стане Вікторыя Фёдарава - прадстаўніца Прававой ініцыятывы Правовая инициатива і Міжнароднага камітэту па расьсьледаваньні катаваньняў у Беларусі.

Фатографка праекту — Тацяна Ўласенка, журналістка і фатографка.

Наперадзе - фотасэсія, інтэрвію і новая гісторыя пра жаночую моц у беларускай праваабароне. А спасылкі на папярэднія праекты мы зьмяшчаем у камэнтарах.

29/06/2026

"АХОВА ПТУШАК БАЦЬКАЎШЧЫНЫ", МЕНСКАЕ РОВАРНАЕ ТАВАРЫСТВА, "БАГНА" - ІХ БОЛЬШ НЯМА

Але экалягічны рух здолеў адрадзіцца!

Беларускія эколягі раней уплывалі на дзяржаўныя пастановы - а пасьля 2020 году рух зазнаў сапраўдны разгром:

🔴 140 і больш экалягічных арганізацыяў ліквідаваныя;
🔴 актывісты пад крымінальным перасьледам;
🔴 экалягічныя мэдыя рэсурсы прызнаныя "экстрэмісцкімі";
🔴 Беларусь выйшла з Орхускай канвэнцыі ААН і Бёрнскай канвэнцыі аб ахове дзікай прыроды.

Але, нягледзячы на ціск, экалягічная супольнасьць здолела рэарганізавацца. Чым цяпер займаюцца эколягі ўнутры краіны і за мяжой, а таксама як адбываліся рэпрэсіі супраць эколягаў апошнія гады - чытайце ў вялікім аналітычным аглядзе "Экадому" й "Зялёнай сеткі".

Спасылка ў камэнтарах.

22/06/2026

ВІКТАР БАБАРЫКА Ў ВІЛЬНІ

Ці магчыма абараніць правы чалавека ва ўмовах “адмененага права”?

Беларускі дом правоў чалавека і праграма ILIA-By запрашаюць на прэзэнтацыю кнігі Сабіны Брыло «Справа Віктара Бабарыкі. Хроніка палітычнага пераследу ў фактах і дакументах» і дыскусію вакол палітычнага і прававога кантэкстаў кнігі.

⏰ Сустрэча адбудзецца 27 чэрвеня, у суботу, а 18:00
Дом нацыянальных супольнасьцяў / Tautinių bendrijų namai
📍 Raugyklos g. 25, Vilnius
Віленскі гарадскі беларускі клуб «Сябрына»

Кніга прысьвечаная справе Віктара Бабарыкі – расьсьледаваньню й судоваму працэсу; яна перадае атмасфэру, у якой усё гэта адбывалася. Напісаная, калі Віктар Бабарыка быў за кратамі ў рэжыме інкамунікада, кніга сьведчыць, што нават ва ўмовах дыктатуры, беззаконьня й фактычнай «адмены права» абарона павінна грунтавацца на прынцыпах права і каштоўнасьцях правоў чалавека.

Ці будуць нарэшце пачутыя галасы тых, хто імкнецца гаварыць на мове права, здаровага сэнсу і справядлівасьці? Гэтае ды іншыя пытаньні мы абмяркуем падчас дыскусіі.

Сустрэча адбудзецца з удзелам Сабіны Брыло, аўтаркі кнігі, і адвакатаў Віктара Бабарыкі (усе — выпускнікі ILIA BY).

⭐ У якасьці госьця і ўдзельніка дыскусіі на сустрэчу запрошаны герой кнігі, Віктар Бабарыка. ⭐

На сустрэчы можна будзе падзяліцца сваёй думкай, задаць пытанні , а таксама набыць кнігу выдавецтва “SVIEDKI” (Варшава).

Address

Olimpiečių Gatvė, 1А-11
Vilnius
LT-01125

Website

https://belhumanrights.house/

Alerts

Be the first to know and let us send you an email when Беларускі дом правоў чалавека імя Барыса Звозскава posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Беларускі дом правоў чалавека імя Барыса Звозскава:

Want your organization to be the top-listed non profit organization in Vilnius?