20/10/2026
Што вы ўзялі з сабой?
Калі з’язджалі з Беларусі. Калі збіралі рэчы, часам у вялікім поспеху, часам за лічаныя гадзіны.
І калі даводзілася выбіраць, што ўзяць з сабой, а што пакінуць, не заўсёды выбар быў на карысць дарагіх ці практычных рэчаў.
Хтосьці пакінуў дома добры ноўтбук, фірмовы пінжак, брэндавыя красоўкі, залаты гадзіннік...
Але ўзяў фартух, які калісьці вышыла бабуля.
Ці цацачную панду, якая з чалавекам з дзесяці гадоў. Якая пераязджала з хаты на хату, пабывала з ім у шпіталі, у інтэрнаце і безлічы складаных жыццёвых сітуацый.
Хтосьці ўзяў Біблію. Хтосьці - старую вятроўку. Хтосьці - маленькую рэч, якая для іншага чалавека наогул нічога не значыць.
А што ўзялі з сабой вы?
Да Дзядоў, якія мы будзем адзначаць 1 лістапада, хочам зрабіць у Беларускім Доме невялікую выставу.
Выставу рэчаў, якія мы прывезлі з Радзімы. Якія не маглі пакінуць. Якія захоўваюць памяць пра дом, людзей, падзеі, нашае жыццё ў Беларусі.
І запрашаем вас да яе спрычыніцца!
💡Што трэба зрабіць?
1. Да 31 кастрычніка прынясіце ў Беларускі Дом у Вільні 1–2 такія рэчы.
2. І раскажыце іх гісторыю. Чаму менавіта яны? Чым яны для вас важныя?
Можна напісаць адзін сказ. Можна - цэлую старонку. А можна проста распавесці гісторыю супрацоўніку БелДома, калі будзеце перадаваць рэчы.
Мы збяром гэтыя рэчы і гісторыі ў адну імправізаваную выставу, якую можна паглядзець 1 лістапада на Дзядах.
Каб памятаць пра дом.
І вельмі важна:
- мы не просім вас аддаваць нам гэтыя рэчы! Толькі пазычыць на выставу. У канцы вечара ўсё вернем гаспадарам.
- усе гісторыі будуць запісаныя ананімна. Без імёнаў. І мы не будзем рэдагаваць вашыя словы. Нам важна захаваць менавіта ваш голас, вашыя ўспаміны, вашую гісторыю.
📍 Беларускі Дом у Вільні, Vilniaus g. 20
📅 Рэчы прымаем да 31 кастрычніка.
Выстава: 1 лістапада, на Дзядах. Пачатак імпрэзы а 17:00.
Вельмі чакаем вашыя рэчы і гісторыі.
Кавалачак дому, які мы прывезлі з сабой у Беларускі Дом у Вільні ❤️
