24/12/2025
ශ්රී ලංකා ජාතික දෘශ්යාබාධිත සම්මේලනයේ සභාපතිතුමාගේ නත්තල් පණිවිඩය,
ඔබ සැමට සුභ නත්තලක් වේවා!
ක්රිස්තු පූර්ව 33 හි යම් දවසක බෙත්ලෙහෙම් නගරයේ ගවහලක් තුල එදා ජේසුස් වහන්සේ බිහිවුණේ මිනිසාගේ පව් වෙනුවෙන් තම ජීවිතය පුජා කර මිනිසාව පාපයෙන් ගලවා ගන්නයි. අවුරුදු 30 ක් නිහඬ ජීවිතයක් ගත කල උන්වහන්සේ අවුරුදු 3 ක් තම ආගමික සේවය ඉටු කිරීමෙන් පසුව අවුරුදු 33 දී එකල සිටි රාජ්ය පාලකයින් හා පාපිශ්ඨ වූ යුදෙව්වන් එක්වී උන්වහන්සේව කුරුසියක ඇණ ගසා මරණයට පත් කලා. ඇත්තෙන්ම උන්වහන්සේ මරණයට පත් වුණේ භෞතික වශයෙන් පමණයි. උන්වහන්සේ මරණයට පත්වීමෙන් පසුව තුන්වන දිනයේදී මරණය පරාජය කොට නැවත නැගිටීම සිදු වුණා. උන්වහන්සේගේ මරණයත් සමඟම සියළුම මිනිසුන් පාපයෙන් නිදහස් වුණා.
එමනිසා සොයා බැලිය යුතුයි නත්තල කෙසේ සැමරිය යුතුද යන්න.
අප නත්තල සැමරිය යුත්තේ මත්පැන් වලින්වත් , රසමසවුළු ආහාර වලින් වත් , තෑගී බෝගදීමෙන් වත් , ලස්සන විසිතුරු ඇඳුම් ඇදීමෙන්වත් නොවේ. බොහෝ අය ගෙවල් වල ලස්සන නත්තල් ගස් හා ගවලෙන් සාදනවා. ප්රිය සම්භාෂණ පවත්වනවා. එහෙත් ඒ අය ජේසුස් වහන්සේ තම ජීවිතය කැප කොට අපව පාපයෙන් ගලවා ගැනීම ගැන සිහිකරන්නේ නෑ. ඒ අය වතාවත් වලට පමණයි සීමා වෙන්නේ. එමනිසා මෙම නත්තලේදී අප වතාවත් ඉටු කිරීමට වඩා, එසේම අප මත්පැන් වලින් වැලකී , රසමසවුළු ආහාර වලින් වැලකී , විසිතුරු ඇඳුම් ගැනීමෙන් වැලකී , ජේසූස් වහන්සේ ගැන හිතමින් උන්වහන්සේට ස්තූති කරමින් කටයුතු කරමු.
විශේෂයෙන් අප රටේ ආපදාවට පත් වි සිටින සියළුම ප්රජාවට මෙම නත්තලේදී ඔබ විසින් සිදු කරන සියළු අනවශ්ය වියදම් සඳහා වැය වන මුදල් ඔවුන්ට ලබාදීමට තීරණය කරමු. එමෙන්ම ඔබ යම් ආධාරයක් ආපදා තත්වයට පත්වී සිටින දෘශ්යාබාධිත අයට ලබාදීමට කැමති නම් අපව අමතන්න.
කාර්යාලය - 011-2874694 / වට්සැප් අංකය - 070-5854341
ගරු සභාපති - කමල්සිරි නානායක්කාර - 071-8441575 / 076-1231575
ගරු ලේකම් - ප්රසන්න වික්රමසිංහ - 077-7949639 / 072-8072179
අවසාන වශයෙන් ශ්රී ලංකා ජාතික දෘශ්යාබාධිත සම්මෙලනයේ සාමාජික මහත්ම මහත්මීන්ටත් සියළුම ලාංකික දෘශ්යාබාධිත ප්රජාවටත් සියළුම ලෝවැසි ප්රජාවටත් සාමය සතුට සෞභාග්ය පිරි ඔබේ යහපත් පැතුම් ඉටුවන සුභම සුභ නත්තලක් වේවායි මම ප්රාර්ථනා කරමි.
ගරු සභාපති
කමල්සිරි නානායක්කාර
ශ්රි ලංකා ජාතික දෘශ්යාබාධිත සම්මේලනය
