03/07/2025
කටහඬ ඇතිවෙන්නෙ, අපේ බෙල්ලෙ තියනවා ස්වරාලය කියලා කොටසක් ස්වරාලයෙ තන්තු දෙකක් තියනවා. ඒවාට අපි කියන්නෙ ස්වර තන්තු කියලා. ඒවා කම්පනය වීම මගින් තමයි කටහඬ නිපදවෙන්නෙ. එතකොට මේ ස්වර තන්තු වල ගැටිති, තුවාල, ආසාදන, පිළිකා, අංශභාග වගේ තත්තවයක් ඇතිවුනොත් අපිට කටහඬ ආශ්රිත ආබාධයක් ඇතිවෙන්න පුළුවන්. ඒකට බලපාන හේතු තමයි කටහඬ අධිභාවිතය/අවභාවිතය, මානසික ආතතිය වගේ දේවල්. ඒ අතරින් කටහඬ ආබාධ වැඩිවශයෙන්ම ඇතිවෙන්නෙ කටහඬ අධිභාවිත කිරීම මගින්. ඒ කියන්නෙ ඕනාවට වඩා මේ ස්වර තන්තු ක්රියාත්මක උනොත් ඒවාට හානිවෙන්න පුළුවන්. ඒ නිසා වැඩි වශයෙන්ම මේ වගේ ආබාධ ඇතිවෙන්නෙ ගුරුවරු, දේශපාලනඥයො, නීතිඥවරු වගේ කටහඬ වැඩිපුර භාවිත කරමින් රැකියා වල නිරත වන පුද්ගලයන්ට. මේ වගේ කටහඬ ආශ්රිත ආබාධයක් ඇතිවුනොත් අපිට ඒක හඳුනාගන්න පුළුවන් ලක්ෂණ තමයි නිතර නිතර කැස්ස ඇතිවීම, උගුර වියළීම, කටහඬ ගොරෝසු වීම, කතා කරන විට අනවශ්ය ලෙස හුස්ම පිටවීම වගේ දේවල්. මේ ලක්ෂණ අවම සති දෙකකට වඩා පැවතුනොත් ඒක කටහඬ ආශ්රිත රෝගාබාධයක් වෙන්න පුලුවන්. ඒ නිසා අපිට අපේ කටහඬ රැකගන්න නම් හැමදාම ප්රමාණවත් තරම් වතුර බොන්න වෙනවා, ඒ වගේම අනවශ්ය ලෙස කතා කරන එක, ඝෝෂාකාරී තැනක ඒ සද්දෙට වඩා උස් හඬින් කතා කරන්න උත්සහ කරන එක වගේම මත්ද්රව්ය, දුම්වැටි භාවිතය වගේ දේවලුත් අවම කරන්නම වෙනවා. ඔයාට හරි ඔයා හඳුනන කෙනෙක්ට හරි මේ තත්ත්වය තියෙනවා නම් ඉක්මනින්ම ළඟම තියන රෝහලට ගිහින් කථන හා භාෂා චිකිත්සක සායනයට යොමුවෙන්න..
