Buddhist Brotherhood Association - Faculty Of Science - UOP

Home
Sri Lanka
Peradeniya
Buddhist Brotherhood Association - Faculty Of Science - UOP

Call Directions Website

නිර්මල බුදු දහම අධ්‍යාත්මික නිරෝගීතාව උදෙසා, විශ්වවිද්‍යාල සමාජය තුල ශක්තිමත්ව ස්ථාපිත කිරීම

26/09/2026

උතුම් වූ පින්බර බිනර පෝහෝ දිනයක් වේවා! 🌕☸️

මෙහෙණි සසුනෙහි ආරම්භය සනිටුහන් වීම ඇතුළු ශාසනික වශයෙන් අතිශය වැදගත් සිදුවීම් රැසකට මුල් වූ මෙම උතුම් බිනර පසළොස්වක පොහොය දිනයේ, සැමගේ සිත් තුළට සැනසීම, කරුණාව සහ ප්‍රඥාව උදාවේවායි ප්‍රාර්ථනා කරමු! ✨️

විද්‍යාපීඨ බෞද්ධ සහෝදර සංගමය
පේරාදෙණිය විශ්වවිද්‍යාලය

25/09/2026

🌿🙏 වස් කාල සීමාවට සමගාමීව, විද්‍යා පීඨ බෞද්ධ සහෝදර සංගමය මඟින් සිදුකරනු ලැබූ සවස ගිලන්පස පූජාව පේරාදෙණිය විශ්වවිද්‍යාලයීය විහාරයේදී, පසුගිය අගෝස්තු මස 24 වන දින පැවැත්විණි. 🪷🪔

තෙරුවන් සරණයි! 🙏✨️

විද්‍යා පීඨ බෞද්ධ සහෝදර සංගමය
පේරාදෙණිය විශ්වවිද්‍යාලය

27/08/2026

අද නිකිණි පුර පසළොස්වකය.

වස්සානයේ දෙවන මස පුන් පොහෝ දිනය වන මෙදින බෞද්ධ ඉතිහාසයේ වැදගත් සිදුවීම් රැසක් සිදුවිය.

බුදු පිරිනිවීමෙන් මාස තුනකට පසු රජගහ නුවර සත්තපණි ලෙනේදී ප්‍රථම ධර්ම සංගායනාව පැවැත්වුණේ මේ දිනයේදීය. ඒ සඳහා ආනන්ද ස්වාමීන්ද්‍රයන් වහන්සේ රහත් භාවයට පත්වී සහභාගී වූ අතර එදිනම පිරිනිවන් පෑ සේක.

එමෙන්ම පසු වස් විසීමට අවසර ලැබීම, මහනුවර ඇසළ රන්දෝලි පෙරහැර අවසන් වීම, සේරුවිල චෛත්‍යයේ අත්තිවාරම තැබීම සහ ශ්‍රී මහා බෝධීන් වහන්සේ වෙනුවෙන් දරමිටි ගෙන යාම (දරමිටි පොහොය) යන සුවිශේෂී සිදුවීම් මෙදිනට හිමිවේ.

මේ උතුම් පොහොය දිනයේදී ශාසනයේ ආලෝකය සිහිකරමින් සැමගේ ජීවිත ධර්මයෙන් පිරිපුන් වේවා!

තෙරුවන් සරණයි! ✨

විද්‍යාපීඨ බෞද්ධ සහෝදර සංගමය
පේරාදෙණිය විශ්වවිද්‍යාලය

29/07/2026

පින්බර ඇසල පොහොය දිනයක් වේවා! 🪷✨️

ඇසල පොහොය දින වැදගත්කම:

• අපමහ සිදුහත් බෝසතාණන් වහන්සේ පස්මහ බැළුම් බැලීමෙන් අනතුරුව මිනිස් ලොව උපදින්නට මහ මායා දේවියගේ කුස පිළිසිඳගත්තේ ඇසල පෝය දිනකයි.

• සිදුහත් බෝසතාණන් වහන්සේ ගිහිගෙය කලකිරී මහාභිනිෂ් ක්‍රමණය හා, රාහුල කුමරුගේ උපත සිදු වන්නේත් ඇසළ පුන් පෝ දිනකයි. එමෙන්ම මාරයා විසින් සිදුහත් බෝසතුන්ගේ ගිහිගෙය හැරයාම වළකා දින හතකින් සක්විති රජකම ලැබෙන බව පවසන්නේද මෙදිනයි.

• ගිහිගෙය හැරගොස් වසර හයකට පසුව ලොව්තුරා බුද්ධත්වයට පත්ව බරණැස ඉසිපතන මිගදායේදී ප්‍රථම වරට පස්වග තවුසන් උදෙසා ධම්ම චක්ක පවත්තන සූත්‍රය දේශනා කිරීම.

• තීර්ථකයන්ගේ මානය බිඳ, දමනය කරනු වස් ගෞතම බුදුරජාණන් වහන්සේ ගන්ධබ්බ රුක් මූලයේදී මහා පෙළහර පෑම.

• කීර්ති ශ්‍රී රාජසිංහ රජු සමයේදී ලක්දිව උපසපන් භික්ෂූන් නොවූයෙන් සියම් රටින් (අද තායිලන්තය) උපාලි තෙරුන් වහන්සේ ඇතුළු පිරිස ගෙන්වා ලංකාවේ උපසම්පද‍ාව සිදුකිරීම.

• විහාරස්ථාන වල වැඩ වසන භික්ෂූන් වහන්සේලා වස් විසීම ආරම්භ කරන්නේද (පෙර වස් විසීම) ඇසල පොහෝ දිනටයි.

විද්‍යාපීඨ බෞද්ධ සහෝදර සංගමය
පේරාදෙණිය විශ්වවිද්‍යාලය

29/06/2026

පොසොන් පොහොය දිනයේ වැදගත්කම.🙏

☸️අනුබුදු මහා මිහිදු මහරහතන් වහන්සේ ප්‍රමුඛ ඉට්ඨිය, උත්තිය, සම්බල, බද්දසාල යන අරහතුන් වහන්සේලාත්, සුමන සාමනේරයන්ද, භණ්ඩුක නම් අනාගාමී උපාසකවරයා යන පිරිස මිස්සක පව්වට වැඩමකර බු:ව 236 දී ලක්දිව බුදුසසුන පිහිටුවීම.

☸️දෙවනපෑතිස් රජු ඇතුළු 40,000 ක් චුල්ලහත්ථිපදෝපම සූත්‍රය අසා තෙරුවන් සරණ යාම.

☸️උන්වහන්සේලා සමග පැමිණි භණ්ඩුක කුමරු පැවිදි කර උපසම්පදාව ලබා දීම මගින් ලක්දිව ප්‍රථම මහණ උපසම්පදාව සිදුවීම.

☸️සුමණ සාමනේරයන් වහන්සේගේ ආරාධනයෙන් මිස්සක පව්ව අබියසට වැඩි දෙවියන්හට සමචිත්තපරියාය සූත්‍රය මිහිඳු හිමියන් විසින් දේශනා කිරීම.

☸️බුදු වී සිව්වන සතියේ රුවන්ගෙයි වැඩහිඳිමින් ධර්මය මෙනෙහි කරන බුදුරදුන්ගේ ශරීරයෙන් ප්‍රථම වරට සවනක් ඝණ බුදුරැස් විහිදීම.

ඔබ සැමට පිංබර පොසොන් මංගල්‍යක් වේවා.!🙏🙏🙏

විද්‍යාපීඨ බෞද්ධ සහෝදර සංගමය
පේරාදෙණිය විශ්වවිද්‍යාලය

11/06/2026

"Wear the Wisdom. Walk with Compassion."

🪷 Official T-Shirt of the Buddhist Brotherhood Association – Faculty Of Science - University of Peradeniya
A symbol of peace, unity, and timeless heritage.

_Limited edition- grab yours today!!!
_
🛒 Pre-orders open now!
💰 Only Rs. 1800 /-
📦 Limited stock | Pre-order only
📅 Order before: 22/06/2026

Secure yours one! Fill out the google form: https://forms.gle/2DAYZsSLCxeXuMcp8

For more information;
071 - 264 4069 - Shashika
077 - 616 4907 - Hasitha
070 - 592 7154 - Sashrika

29/05/2026

උතුම් වෙසක් පුන් පොහෝ දිනය අදයි ✨️

අපගේ ශාස්තෘන් වහන්සේ වූ ගෞතම බුදුරජාණන් වහන්සේ, සිද්ධාර්ථ නමින් උපත ලබා සත්පියුමක් මතින් පා තැබූ අසිරිමත් දිනය වන්නේ වෙසක් පුර පසළොස්වක පොහොය දිනයයි. එසේම උන්වහන්සේ අසම සම බුද්ධත්වය ලැබුවේද, ලොවට අනියත වටහාදුන් සම්බුද්ධ පරිනිර්වාණය සිදුවූයේ ද වෙසක් පුර පසළොස්වක පොහොය දවසකයි.

මෙම අසිරිමත් සම්බුදු තෙමඟුල බුද්ධාලම්භන ප්‍රීතියෙන් සමරන මෙවන් සමයෙක ආමිෂ හා ප්‍රතිපත්ති පූජාවන්ට මුල්තැන දී මෙලොව පරලොව යහපත සලසා ගැනීම කෙරෙහි සැවොම උත්සාහවත් විය යුතුය.

විද්‍යාපීඨ බෞද්ධ සහෝදර සංගමය
පේරාදෙණිය විශ්වවිද්‍යාලය

28/05/2026

උතුම් වෙසක් පොහොය නිමිත්තෙන් සංවිධානය වූ ධර්ම දේශනාවට සමගාමීව, විද්‍යා පීඨ බෞද්ධ සහෝදර සංගමය මඟින් පවත්වනු ලැබූ මාලු බනිස් සහ සිසිල් බීම දන්සල මැයි මස 25 වන දින සවස, පේරාදෙණිය විශ්වවිද්‍යාලයේ WUS පෙදෙස අසලදී පැවැත්විණි.

විද්‍යා පීඨ බෞද්ධ සහෝදර සංගමය
පේරාදෙණිය විශ්වවිද්‍යාලය

23/05/2026

🪷✨ උතුම් වෙසක් පොහොය නිමිත්තෙන් සංවිධානය කෙරෙන ධර්ම දේශනාවට සමගාමීව, විද්‍යා පීඨ බෞද්ධ සහෝදර සංගමය මඟින් පවත්වනු ලබන මාලු බනිස් සහ සිසිල් බීම දන්සල සඳහා ඔබ සැමට බැති සිතින් ආරාධනා කර සිටිමු! ✨🪷

📅 දිනය: මැයි 25
⏰ වේලාව: සවස 5.00 සිට
📍 ස්ථානය: WUS පෙදෙස අසල

විද්‍යා පීඨ බෞද්ධ සහෝදර සංගමය
පේරාදෙණිය විශ්වවිද්‍යාලය

22/05/2026

🌷🌼🌸🌷🌼🌸🌷🌼🌸

පින්සාර වෙසක් සතියේ, හන්තාන අහස යට දිග හැරෙන, කල්‍යාණ මිත්‍රත්වයේ සදහම් අඩහැරය...

පින්වත් අංකුඹුරේ අමිතදීප ස්වාමින්වහන්සේගේ වැඩමවීමෙන් පවත්වනු ලබන, විශේෂ සදහම් දේශනය සහ තෙමගුල් වන්දනාමය පිංකම,

🌷 මැයි මස 25 වන සදුදා,
🌷 සවස 5.30 සිට,
🌷 පේරාදෙණිය විශ්ව විද්‍යාලයීය වූස් පරිශ්‍රයේදි,

පැවැත්වේ.

ඔබ සැමට,මෙත් සිතින් අරාධනා...

🌷🌸🌼🌷🌸🌼🌷🌸🌼

වැඩිදුර විස්තර සදහා පහත whatsapp සමූහය හා සම්බන්ද වන්න
https://chat.whatsapp.com/JwURlFIYac98k34NOgbqYd?mode=gi_t

පේරාදෙණිය විශ්ව විද්‍යාලීය බෞද්ධ සංගම් එකමුතුව

Address

Peradeniya

Telephone

+94812394404

Website

https://bbafos.soc.pdn.ac.lk/

Alerts

Be the first to know and let us send you an email when Buddhist Brotherhood Association - Faculty Of Science - UOP posts news and promotions. Your email address will not be used for any other purpose, and you can unsubscribe at any time.