10/05/2026
අම්මාවරුන්ගේ දිනය - 2026
අවසාන බත් පිඩත් පවුලටම බෙදා
කන්න බඩගිනි නැතැයි කිවමුත් මුසා
තේ කහට උගුරකින් වේල් තුන ගොතා
හාමතේ නිදියගත් දවස් ඇත ඉතා
දැලි කකා ලිප එක්ක ඔට්ටු වෙන තරමක්
වසරකට සෑහෙන්න ගත්තෙ එක ඇඳුමක්
මවක් ගැන තරම් ලොව කොහිද වෙන හැඟුමක්
නිමක් නැති සංසාරේ මවක් යනු නිවනක්
නිවස තුළ හදවතේ ගැඹුරෙතම සෙනෙහේ නුඹ
හවස තේ සාදයෙහි නොපෙනෙනා රසය නුඹ
වෙහෙසකර ජීවිතේ සිනහවක රහස නුඹ
අවැසි ලෙස නොලියවුණු එකම එක කවිය නුඹ
දවසේම එහෙ මෙහා ඇවිදිනා කඟවේණි
නිවසේම දුක දරා විඳවනා උලලේණි
ඉවසීම හිත දරා හිනැහෙනා සිදේවී
රහසේම පියවරෙන් දිනවනා මුදේවී
රජුන් ඉරෙහි ගිනිපොත්තේ ඉපිල්ලී
විසල් ගැබෙහි හිනිපෙත්තේ ඉගිල්ලී
සුළං සැඩෙහි මතුමත්තේ නොසෙල්ලී
නුඹයි මගේ ලොවෙහි ගිනික්ස් කිරිල්ලී
අම්මේ!
නුඹයි මගේ ලොවෙහි ෆීනික්ස් කිරිල්ලී
විදුදය විද්යා සහෝදරත්වය
