12/03/2025
බටලන්ද කොමිෂන් වාර්තාව හා 76 වසරක ශාපය
බටලන්ද කොමිෂන් වාර්තාව පාර්ලිමේන්තුවට ඉදිරිපත් කිරීමට මෙම සතියේ කැබිනට් අනුමැතිය ලැබුනි.ඒ අනුව අප්රේල් මාසය තුළ මෙම වාර්තාව පාර්ලිමේන්තුවට ඉදිරිපත් කරනු ඇතැයි බලාපොරොත්තු වෙමි.
මෙම වාර්තාව පිටු 6500ත් 7000ත් අතර සංඛ්යාවකින් යුක්තය.
මෙහිදී 88/89 කාලවකවානු තුළ රට තුළ පැවති තත්ත්වය (භීෂණකාරී තත්ත්වය), එම තත්ත්වයට පත්වීමට හේතු වූ කාරණා (ජාතිවාදය,ඉන්දියානු ව්යාපෘතිවාදය ) සහ එම තත්ත්වයන්ට වගකිවයුතු ත්රස්ත සංවිධානයන් පිළිබඳවත් අඩංගුව ඇත.එම ත්රස්තවාදී සංවිධාන විසින් සිදු කරනලද ප්රහාරයන් (දළදා මාලිගාවට ප්රහාර එල්ල කිරීම ) .එම ත්රස්තවාදී සංවිධානයන් මැඩලීමට රජය ගත් තීන්දු තීරණ සහ
ඒවා තුළ වූ භීෂණකාරී තත්වයන් (එවකට ජනාධිපතිවරයා,අගමැතිවරයා සහ රජය )
එම කාලවකවානුව තුළ රටට සිදුවූ ආර්ථික හානිය ,බුද්ධිමය හානිය තොරතුරු ද ඇතුළත් වේ.(විජය කුමාරතුංග ඝාතනය,සිංහල දෙමල කෝලාහල,පිටරටවල් වලට දමිළ බුද්ධිගලනය)
මෙය සමහරවිට දෛවයේ සරදමක් විය හැක.අප්රේල් මාසයේ ඉන්දියානු අග්රාමාත්යවරයා ලංකාවට පැමිණෙන විට ඉන්දියානු ව්යාපතිවාදය නිසා මෙරට ඇවිලිනු ගිනිදැල් වල අතීතය,අප්රේල් මස දළදා ප්රදර්ශනය පැවැත්වෙන බැවින් දළදා මාලිගයට එල්ල කර ප්රහාරයේ අමිහිරි මතකයන් මේ සමග කරළියට එනු ඇත.
තවද,එවකට ජනාධිපතිවරයාගේ පුත්ර රත්නය මෙම පාර්ලිමේන්තුවේ විපක්ෂ නායකවරයා විදිහටත් එවකට පැවැති භීෂණයට මුහුණ දුන් පියවරුන්ගේ පුතුන් රැසක් ද පාර්ලිමේන්තුව විවිධ පක්ෂවලින් නියෝජනය කරයි.තවද විවිධ දේශප්රේමීන් සංවිධාන නියෝජනය කළ නියෝජිතයන් අද ප්රජාතන්ත්රවාදී පාර්ලිමේන්තුව නියෝජනය කරයි.දමිළ බුද්ධි ගලනයෙන්පසු පිටරට හා මේ රට ජීවත් වන ශ්රී ලාංකික දමිළ ජනතාවගේ නියෝජනයන්ද මෙම වාර්තාව ඉදිරිපත් වන පාර්ලිමේන්තුවේ සිටීම මානුෂීය වශයෙන් ඉතා වැදගත්ය.අප්රේල් වල මෙම වාර්තාව පාර්ලිමේන්තුවට ඉදිරිපත් කරන විට මෙහි නිර්දේශවලට ඇතුළත් වී සිටින හිටපු ජනාධිපති රනිල් වික්රමසිංහ මහතාත් L බෝඩ් පාර්ලිමේන්තුවක වුවද ෆෙරාරි ලයිෂන් එකක් ඇති හිටපු ජනාධිපතිතුමා පාර්ලිමේන්තු මන්ත්රීවරයකු වශයෙන් සිට මෙම විවාදයට සහභාගී වන්නේ නම් මෙම විවාදයෙ අගය තවත් වැඩිවනු ඇත. 😁
