28/07/2026
"Sir Winston Churchill Medallion Award"
සර් වින්ස්ටන් චර්චිල් පදක්කම් ප්රදානය
කසුන් ශානක ක්රිස්තොම්බු බදුගේ වැලිගම පදිංචිව සිටි, මාතර රාහුල විද්යාලයේ ආදි සිසුවෙක්. ඔහු මොරටුව විශ්ව විද්යාලයේ ඉංජිනේරු විද්යාව පිළිබඳ උපාධිය පළමු පන්තියේ සාමාර්ථයක් සහිතව සමත් වුනා. පසුව ඔහු සිය ආචාර්ය උපාධිය සඳහා ඔස්ට්රේලියාවේ මෙල්බෝර්න් විශ්ව විද්යාලයට යොමුවුනා. සිය ආචාර්ය උපාධිය හැදෑරීමෙන් පසු තවදුරටත් ජ්යේෂ්ඨ කථිකාචාර්ය වරයෙකු හා පර්යේෂකයෙකු වශයෙන් එම විශ්ව විද්යාලයේම සේවය කරනු ලැබුවා.
මේ අතර ඔහුට බ්රිතාන්යයේ සිටි කීර්තිමත් අග්රාමාත්ය වරයෙකු වූ සර් වින්ස්ටන් චර්චිල් ස්මරණ භාරකාර පදනම විසින් වැඩිදුර හැදෑරීමක් සඳහා අධි ශිෂ්යත්වයක් පිරිනමනු ලැබුවා. කාලගුණ හා දේශගුණික විපර්යාසයන් අවම කර ගැනීමට හා පුනර්ජනනීය බලශක්තිය වැඩි දියුණු කිරිමත්, හයිඩ්රජන් වැනි ශක්ති ප්රභව ගබඩා කිරීම හා ප්රවාහණය සම්බන්ධ යටිතල පහසුකම් සංවර්ධනය කිරීම සඳහාත් වන නව දැනුම සොයා යෑම මේ අධ්යයනයේ අරමුණ වුනා.
ඉතා සීමිත පිරිසකට ලැබෙන මෙවැනි අවස්ථාවක් හිමි වුනු ඔහු ඒහා සම්බන්ධ ලෝකයේ ප්රකට විද්යාඥයන් හා පර්යේෂකයන් හමුව කටයුතු කිරීමට අවස්ථාව හිමි කරගනු ලැබුවා. එසේම හයිඩ්රජන් සම්බන්ධ ප්රමුඛ ආයතනය වන නාසා ආයතනය ඇතුළු සුවිශේෂ ස්ථාන අධීක්ෂණය කරමින් උක්ත විෂය සම්බන්ධ ප්රමාණික දැනුම් පදනමක් ගොඩනගා ගැනීමට සමත් වුනා.
මෙම අධ්යයනයන් සාර්ථකව අවසන් කළ ඔහුට සර් වින්ස්ටන් චර්චිල් පදනම විසින් සංවිධානය කරන ලද ගෞරවාන්විත සැසියකදි සර් වින්ස්ටන් චර්චිල් පදක්කම පිරිනමනු ලැබුවා. ඔහු ශ්රී ලාංකිකයෙකු හා රාහුල ආදි සිසුවෙකු වශයෙන් අත්කරගත්
මෙම ගෞරවාන්විත ඇගයුම සම්බන්ධයෙන් අපි ආඩම්බර වන අතර, ඔහුගේ ඉදිරි අරමුණු සර්වප්රකාරයෙන්ම සාර්ථක වේවායි පැතීම හා සුභාසිංශන පිරිනැමීම අපේ යුතුකමක්...
උපුටා ගැනීමක්..
