TSDS prefect guild

16/07/2026

හෙට ලොව දිනන සුපසන් දරු පරපුරක නායකත්වයේ මාවත මල්ඵල ගන්වමින්, තෙලිජ්ජවිල සමරසිංහාරාම දහම් පාසලේ "2026 සිසු නයු අබිසෙස් උත්සවය" 2026 ජූලි මස 12 වන ඉරිදා දින දහම් පාසල් පරිශ්‍රයේදී අති උත්කර්ෂවත් අයුරින් පැවැත්විණි.

මෙහි ප්‍රධාන ආරාධිත අමුත්තා ලෙස ශ්‍රී ජයවර්ධනපුර විශ්වවිද්‍යාලයේ කළමනාකරණ අධ්‍යයන හා වාණිජ විද්‍යා පීඨයේ පීඨාධිපති මහාචාර්ය දුශාන් ජයවික්‍රම මහතා මෙන්ම සම්භාවනීය අමුත්තන් රැසකගේ සහ ගුරු-දෙගුරුන්ගේ සපැමිණීමෙන් උත්සව සභාව වඩාත් අභිමානවත් විය.

දහම් දැනුමෙන් මෙන්ම නායකත්ව ගුණාංගවලින්ද සන්නද්ධව, නව වගකීම් කරට ගත් අපේ දහම් පාසලේ සෙනෙහෙබර සිසු නායක නායිකාවන්ට අපගේ උණුසුම් සුබපැතුම්! 💐✨
photography by-Next Shot

10/07/2026

සිසු නයු අබිසෙස් 2026

30/12/2025

විශේෂ ආශිර්වාද පැතීමේ පින්කම

2026 නව වසර ලක්වාසී සැමට සෙත්පතා තෙලිජ්ජවිල සමරසිංහාරාම විහාර ප්‍රජාව එක්ව සංවිධානය කරන කිරි ආහාර සම්බුද්ධ පූජා පින්කම 2026 ජනවාරි 01 උදාසන 6.00 ට විහාරස්ථානයේ දී පැවැත්වේ.

මෙම උතුම් පින්කමට පැමිණ ඔබටත් පවුලේ සැමටත් ආශිර්වාද ලබාගන්නා මෙන් මෙත් සිතින් ආරාධනා කරමු.෴.

සංවිධානය
සමරසිංහාරාම ශිෂ්‍ය නායක මණ්ඩපත්‍රය 🤝කාර්ය සාධක සමිතිය ඇතුලු විහාරස්ථ සියලු සංවිධාන

14/01/2025

මාතර තෙලිජ්ජවිල සමරසිංහාරාම දහම් පාසලේ 2025 වර්ෂය සඳහා තේරීපත් වූ ශිෂ්‍ය නායක මණ්ඩලත්‍රයේ ශිෂ්‍ය විධායක සභාව සිසු නයු චර්යා ප්‍රවර්ධන කමිටු නායක එම් ඒ කේ රවිඳු උදාර මහත්මාගේ මෙහෙයවීමෙන් දුරුතු පෝදා ඉතා සාර්ථකව පැවැත්වුණි.

15/06/2024

පූජනීය දිද්දෙනිපොත සුමේධ ස්වාමීන් වහන්සේගේ අනුශාසනා පරිදි අප දහම් පාසලේ ශිෂ්‍ය නායක නායිකා මණ්ඩලය හා තුරුණු සවියන් එක්ව මෙහෙයවන වාර්ෂික පොසොන් බත් දන්සල ජුනි මස 23 වන ඉරු දින සවස 6.00 සිට පන්දහසක් පිරිස වෙත අපට හිතාදර දෙස් විදෙස් සැදැහැවත් පින්වතුන්ගේ පින්බර දායකත්වයෙන් සැදැහැ සිත් පෙරටුවම පවත්වන වගයි.෴

ශිෂ්‍ය නායක නායිකා මණ්ඩලය සමරසිංහාරාම දහම් පාසල තෙලිජ්ජවිල මාතර

17/03/2024

සිසු නයු අබිසෙස් 2023/24
අප දහම් පාසලේ ශිෂ්‍ය නායක මණ්ඩලත්‍රයේ විධායකයින් 44
ශිෂ්‍ය නායකයින් 36 ක් ප්‍රතිඥාදීමේ කෙටි උත්සවයක් අද පැවැත්විණි.෴
තෙලිජ්ජවිල සමරසිංහාරාමාධිපති රාජකීය පණ්ඩිත දිද්දෙනිපොත ධම්මානන්ද ලොකු ස්වාමීන් වහන්සේ මාලිම්බඩ ප්‍රාදේශීය ශාසනාරක්ෂක බලමණ්ඩලයේ ගරු ලේකම් මාලිම්බඩ ඕගස්ප ශ්‍රී ගංගාරාමාධිපති පූජ්‍ය බෙරලපනාතර පුණ්‍යරතන නායක ස්වාමීන් වහන්සේ ඇතුලු මහා සංඝරත්නයේ ගෞරවණීය වැඩම වීමෙන් අධ්‍යාපන අමාත්‍යංශයේ හිටපු ජාතික පාසල් අධ්‍යක්ෂක කිත්සිරි ලියනගමගේ මැතිතුමාගේ ප්‍රධානත්වයෙන් ජේ‍ය්ෂ්ඨ අංශයේ හා කණිෂ්ඨ අංශයේ ගුරුභවතුන්ගේ සහ ශිෂ්‍ය නායක නායිකාවන්ගේ දෙමාපියන්ගේ සහභාගීත්වයෙන් මෙම උත්සවය සිදු කෙරිණ.෴

20/07/2023

ගුරු ශිෂ්‍යයන් ලෙස සිසු නයුවන්ට පුහුණුවක්
************************************
2023 ජූලි 16 වන දින අප දහම් පාසලේ ගුරු රැස්වීමක් 10.30-11.30 දක්වා පැවැත්වුණු අතර එම කාලයේදී පන්ති වල ඉගැන්වීමේ කටයුතුවල නිරත වූයේ ශිෂ්‍ය නායක නායිකා මණ්ඩලයේ විශේෂ පුහුණුවක් ලැබූ නයු නයුවියන්ය.ඉතා සාර්ථකව එම කාලය ඔවුන් විසින් මෙහෙයවණු ලැබීම කාගේත් ප්‍රසංශාවට ලක්විණි෴

04/02/2023

75 වන නිදහස් දිනය අභිමානයෙන් සමරමු

31/12/2022

ඔබ සැමට මෙත් සිත් පිරි සුබ නව වසරක් වේවා!

24/12/2022