28/06/2026
උසස් පෙළ වෘත්තීය විෂය ධාරාවට සිසුන් බඳවා ගැනීම ඇරඹෙයි...🎓
සාමාන්‍ය පෙළ ප්‍රතිඵල නොසලකා NVQ Level 4 සුදුසුකමක්... 🎯
🎓 2026/2027 අධ්‍යයන වර්ෂය සඳහා උසස් පෙළ 'වෘත්තීය විෂය ධාරාවේ' 12 ශ්‍රේණියට නවක සිසුන් බඳවා ගැනීම සඳහා අයදුම්පත් කැඳවා ඇති බව අධ්‍යාපන, උසස් අධ්‍යාපන හා වෘත්තීය අධ්‍යාපන අමාත්‍යාංශය පවසනවා.
🎯 සාමාන්‍ය පෙළ විභාගයේ ප්‍රතිඵල නොසලකා සිසුන්ට 13 වසරක අධ්‍යාපනය සහතික කිරීමේ අරමුණින් මෙම විෂය ධාරාව ක්‍රියාත්මක වන අතර, 2025(2026) වසරේ හෝ පසුගිය වසර 3ක් ඇතුළත සාමාන්‍ය පෙළ විභාගයට පෙනී සිටි ඕනෑම සිසුවෙකුට මේ සඳහා අයදුම් කළ හැකියි.
💼 පාසල් අධ්‍යාපනය ලබන අතරතුර දේශීය හා විදේශීය පිළිගැනීමක් සහිත NVQ Level 4 වෘත්තීය සුදුසුකම ලබා ගැනීමටත්, රජයේ වෘත්තීය පුහුණු ආයතනයක් මඟින් වෘත්තීය හා රැකියා ස්ථානීය ප්‍රායෝගික පුහුණුව ලැබීමටත් සිසුන්ට මෙහිදී අවස්ථාව හිමි වනවා.
»●» බඳවා ගැනීම් සහ විෂය ක්ෂේත්‍ර »●»
📅 අයදුම්පත් යොමු කිරීම: අදාළ විෂය ධාරාව හැදෑරීමට අපේක්ෂිත පාසලේ විදුහල්පතිවරයා වෙත 2026 ජූලි 08 වන දිනට පෙර අයදුම්පත්‍ර යොමු කළ යුතු අතර, අයදුම්පත www.moe.gov.lk වෙබ් අඩවියෙන් බාගත හැකියි.
📘 ෆේස්බුක් පිටුව: අමතර තොරතුරු සඳහා www.facebook.com/VocationalStream/ පිටුව පරිශීලනය කළ හැකිය.
🛠️ පුහුණු ක්ෂේත්‍ර රැසක්: සංචාරක, මෝටර් රථ තාක්ෂණය, ICT, සෞඛ්‍ය සේවා, මැණික් හා ස්වර්ණාභරණ, රූපලාවන්‍ය, ප්‍රාසාංගික කලා, ආහාර නිෂ්පාදන, ඇඟලුම්, විදුලි හා ඉලෙක්ට්‍රොනික, ඉදිකිරීම්, කෘෂි හා වැවිලි, ක්‍රීඩා සහ වෙළඳ ක්ෂේත්‍ර රැසක් මේ යටතට ඇතුළත් වනවා.
🚀 වෘත්තීය අභිමුව: පුහුණුව සාර්ථකව නිම කරන සිසුන්ට හිමිවන NVQ 4 සහතිකය මඟින් දේශීය හෝ විදේශීය රැකියා අවස්ථා, උසස් අධ්‍යාපනය හෝ ස්වයං රැකියා ක්ෂේත්‍ර වෙත සෘජුවම පිවිසීමේ හැකියාව පවතිනවා.
