Medical Faculty Students' Union - Wayamba University of Sri Lanka

09/06/2026

පාස්කු ප්‍රහාරයේ වින්දිතයන්ට යුක්තිය ඉටු කරනු!🚩

වඩා යහපත් සාධාරණ සමාජයක් අපේක්‍ෂා කරන ඒ වෙනුවෙන් අරගල කිසිදු පාර්ශ්වයකට 2019 අප්‍රේල් 21 වන දින සිදු වූ පාස්කු ප්‍රහාරයෙන් අහිමි වූ ජීවිත, විනාශ වූ පවුල් සහ වේදනාව සමග පොරබදින වින්දිතයන් කිසිදු ලෙසකින් අමතක කළ නොහැකි බව විශ්වාස කරමු.වසර හතක් නික්ම යෑමෙන් අනතුරුවද පාස්කු වින්දිතයන් වෙනුවෙන් මේ වන තුරුත් යුක්තිය පසදිලීම සිදු නොවීම බරපතල ගැටලුවකි.

පටු පෞද්ගලික දේශපාලනික අරමුණු මුදුන් පමණවා ගැනීම උදෙසා සිදුකළ සමූල ඝාතනයක් වෙනුවෙන් යුක්තිය ඉටු නොවීම, මෙවැනිම ඛේදවාචකයක් නැවත සිදුවීම වෙනුවෙන් වූ අනාගත අත්වාරුවකි.තවද,මිනීමරු දේශපාලන සංස්කෘතිය විසින් උදුරාගත් ජීවිත ප්‍රමාණය මෙතෙකැයි කියා ගණන් බැලිය නොහැකිය.එකී සියලු ජීවිත වලට යුක්තියක හිමිකමක් ඇත.එනයින් පැහැදිලි සහ විනිවිද භාවයෙන් යුතු ස්වාධීන විමර්ශන ක්‍රියාවලියක් හරහා වැරදිකරුවන් නීතිය ඉදිරියට ගෙනඑමින්, වින්දිතයන් වෙනුවෙන් යුක්තිය ඉටු කිරීම මේ නිෂ්චිතව මොහොතේ අත්‍යාන්ත අවශ්‍යතාවයක් බව අවධාරණය කර සිටින්නෙමු.

- වෛද්‍ය පීඨ ශිෂ්‍ය ක්‍රියාකාරී කමිටුව -

පාස්කු ප්‍රහාරයේ වින්දිතයන්ට යුක්තිය ඉටු කරනු!🚩

වඩා යහපත් සාධාරණ සමාජයක් අපේක්‍ෂා කරන ඒ වෙනුවෙන් අරගල කිසිදු පාර්ශ්වයකට 2019 අප්‍රේල් 21 වන දින සිදු වූ පාස්කු ප්‍රහාරයෙන් අහිමි වූ ජීවිත, විනාශ වූ පවුල් සහ වේදනාව සමග පොරබදින වින්දිතයන් කිසිදු ලෙසකින් අමතක කළ නොහැකි බව විශ්වාස කරමු.වසර හතක් නික්ම යෑමෙන් අනතුරුවද පාස්කු වින්දිතයන් වෙනුවෙන් මේ වන තුරුත් යුක්තිය පසදිලීම සිදු නොවීම බරපතල ගැටලුවකි.

පටු පෞද්ගලික අරමුණු මුදුන් පමණවා ගැනීම උදෙසා සිදුකළ සමූල ඝාතනයක් වෙනුවෙන් යුක්තිය ඉටු නොවීම, මෙවැනිම ඛේදවාචකයක් නැවත සිදුවීම වෙනුවෙන් වූ අනාගත අත්වාරුවකි.තවද,මිනීමරු දේශපාලන සංස්කෘතිය විසින් උදුරාගත් ජීවිත ප්‍රමාණය මෙතෙකැයි කියා ගණන් බැලිය නොහැකිය.එකී සියලු ජීවිත වලට යුක්තියක හිමිකමක් ඇත.එනයින් පැහැදිලි සහ විනිවිද භාවයෙන් යුතු ස්වාධීන විමර්ශන ක්‍රියාවලියක් හරහා වැරදිකරුවන් නීතිය ඉදිරියට ගෙනඑමින්, වින්දිතයන් වෙනුවෙන් යුක්තිය ඉටු කිරීම මේ නිෂ්චිතව මොහොතේ අත්‍යාන්ත අවශ්‍යතාවයක් බව අවධාරණය කර සිටින්නෙමු.

- වෛද්‍ය පීඨ ශිෂ්‍ය ක්‍රියාකාරී කමිටුව -

08/06/2026

🚩නිදහස් අධ්‍යාපන අවස්තා සුරක්ෂිත කරමින් වෛද්‍ය අධ්‍යාපනය උදෙසා ජාතික ප්‍රතිපත්තියක් වහා සකසනු!

🚩කොතලාවල හරහා වෛද්‍ය උපාධිය විකිණීම වහා නවතනු !

🚩ERPM විභාග මගඩිය හරහා රෝගී ජීවිත බිල්ලට දීම වහා නවතණු!

🚩සෞඛ්‍ය සේවක ප්‍රමාණයන් සමාලෝචනය (Cadre Revision) කඩිනම්කර පුරප්පාඩු සඳහා නව බඳවාගැනීම් සිදුකරනු!

පීඨ GB වටය,
වෛද්‍ය පීඨය -පේරාදෙණිය විශ්වවිද්‍යාලය .

මෙරට වෛද්‍ය අධ්‍යාපනය බරපතල ගැටලුවකට මුහුණ දීමට නියමිතව පවතින බවත් ඒ වෙනුවෙන් කඩිනම් විසදුම් සකස් කලයුතු බවත් වෛද්‍ය පීඨ ශිෂ්‍ය ක්‍රියාකාරි කමිටුව පසුගිය කාලවකවානුව පුරාවට අවධාරණය කරන ලද්දකි.

මේ ගැටලුව වඩා තීව්‍ර මට්ටකට ඔසවා තැබිමටද, අර්බුදය දකිමින් සාක්ෂි නොමැති බව පවසා විසදුම් සෙවීම ප්‍රතික්ෂේප කල පාර්ශවයන්ට නැවත අර්බුදය දකින්නටද, පසුගිය මස එනම් ඔක්තෝම්බර් 24 වන දින නිකුත් වූ විගණකාධිපති වාර්තාව පමණක් ම ප්‍රමාණවත්ය.
උපුටා ගැනීම-:

"උක්ත 5.1.2 ඡේදය ප්‍රකාරව වර්තමානය වන විට දේශීය හා විදේශීය විශ්ව විද්‍යාල වලින් වෛද්‍ය විද්‍යා උපාධිය සම්පූර්ණ කරනු ලබන සියලුම වෛද්‍ය නිලධාරීන් රාජ්‍ය සේවයට බදවා ගැනීම ගැටලුකාරී වී ඇති බව විගණනයේදී නිරීක්ෂණය විය. දැනට අනුමත වෛද්‍ය නිලධාරීන් සංඛ්‍යාව තවදුරටත් වැඩිකිරීම රට තුළ පවතින ආර්ථික තත්ත්වය තුළ සිදුකළ හැකිද යන්න අධ්‍යයනය කර ඒ අනුව අනාගතයේ බිහිවන වෛද්‍ය විද්‍යා උපාධිධාරීන් සියලු දෙනා රාජ්‍ය සේවයට අන්තර්ග්‍රහනය කරගත නොහැකි නම් එම තත්ත්වය මහජනතාවට දැනුම් දීමටත් සහ බිහිවන උපාධිධාරීන් වෙනුවෙන් විදේශ රැකියා අවස්ථාවන් විවර කර ගැනීමටත් වගකිව යුතු පාර්ශවයන්ගේ අවධානය යොමු කිරීමේ අවශ්‍යතාවය නිරීක්ෂණය විය."

මේ අනුව මෙරට තුල රාජ්‍ය වෛද්‍ය පීඨ මගින් පමණක් වෛද්‍ය විද්‍යා උපාධිධාරීන් අතිරික්තයක් නිර්මාණය වීම, නුදුරු අනාගතයේ සිදු වන බවත් ඊට අනුකූල වන විද්‍යාත්මක පදනමක් මත පිහිටවන ලද විසදුම් ප්‍රමාණයක් මේ වන තෙක් කිසිදු වගකිව යුතු පාර්ශවයක් විසින් ඉදිරිපත් කොට නොමැති බවත් මනාව පැහැදිලිය.

මැතකදී 2017 උසස්පෙළ කණ්ඩායමට අදාළ රාජ්‍ය වෛද්‍ය පීඨවල වෛද්‍ය විද්‍යා උපාධි ලැබූ විද්‍යාර්ථීන් 1199ක් සහ ERPM විභාගය සමත් විදේශීය වෛද්‍ය උපාධිධාරීන් 362ක් සමගින් කොතලාවල ආරක්ෂක විශ්වවිද්‍යාලයේ වෛද්‍ය උපාධිධාරීන් 53ක් සෞඛ්‍ය අමාත්‍යාංශය මගින් සීමාවාසික පුහුණුව සඳහා කැඳවා තිබිණි. ඒ අනුව ශ්‍රී ලංකා වෛද්‍ය සභාවේ තාවකාලික ලියාපදිංචිය ලත් 1614 දෙනෙක් මේ වන විට සීමාවාසික පුහුණුව පුහුණුවේ යෙදී සිටියි.නමුත් ඔවුන්ට පවා 2027 වර්ෂයට අදාලව පශ්චාත් සීමාවාසික පත්වීම් ලබා දීම ගැටලුකාරී වී ඇති බව සෞඛ්‍ය අමාත්‍යාංශය සහ උසස් අධ්‍යාපන අමාත්‍යාංශය සමග සිදු කරන ලද සාකච්චා වලින් මෙන්ම අප විසින් සිදු කරන ලද අධ්‍යයනයන් මත පදනම්වද අවබෝධ වේ.

තවද 2019 වසර කණ්ඩායමෙන් පසුව 1000 කට ආසන්නව ශිෂ්‍ය බදවා ගැනීම් ඉහල නංවා ඇති වාතාවරණයක් තුල උක්ත අර්බුදකාරී තත්වව ප්‍රමාණය වඩා වැඩි බරකින් ආමන්ත්‍රණය කිරිමට සිදුවනු ඇත. මෙවැනි වටපිටාවක, විදේශීය වෛද්‍ය ශිෂ්‍යයන් මෙරට වෛද්‍ය ක්ෂේත්‍රයට අනුයුක්ත කරගැනීම වෙනුවෙන් වූ ERPM වැනි විභාගයන්හි වලංගුභාවය ප්‍රශ්න කල යුතුය. පෞද්ගලික වෛද්‍ය විද්‍යාල ගෙන ඒමේ නිර්ලජ්ජීත උත්සහයන් අභියෝගයට ලක් කිරීම කල යුතුය.ඒ පමණක් නොව කොතලාවල වැනි මිලිටරි අධ්‍යාපනය වෙනුවෙන් පිහිටුවන ලද ආයතනක් තුල මෙරට ආණ්ඩුව සහ කොතලාවල නිලධාරි යාන්ත්‍රණය පවත්වා ගෙනයන උපාධි අලෙවි කිරීමේ වැඩපිලිවෙල නවත්වාලීම වෙනුවෙන් වූ කඩිනම් තීරණ ප්‍රමාණයට එලැබිය යුතුය.

මෙවැනි නිෂ්චිත ප්‍රශ්න ප්‍රමාණයක් නිදහස් අධ්‍යාපනය හරහා බිහිවන වෛද්‍ය විද්‍යා උපාධිධාරියා කෙරෙහි පවතින බැව් අවස්තා ගණනාවකදි අප විසින් ඉදිරිපත් කරනු ලැබූවද ඒ සදහා වගකිව යුතු බලධාරින්ගේ ප්‍රතිචාරය නම් මුනිවත රැකීමයි. එහෙයින් මෙරට වෛද්‍ය අධ්‍යාපන ක්ෂේත්‍රය දැවැන්ත අර්බුදයකට මුහුණ දී සිටින මෙවන් නිෂ්චිත මොහොතක වෛද්‍ය අධ්‍යාපන වෙනුවෙන් ජාතික ප්‍රතිපත්තියක් නිර්මාණය කිරිමේ අත්‍යන්ත අවශ්‍යතාවය වෛද්‍ය පීඨ ශිෂ්‍ය ක්‍රියාකරී කමිටුව ලෙස අවධාරණ කර සිටින්නෙමු.

නිදහස් අධ්‍යාපන අයිතීන් සුරක්ෂිත කිරීම වෙනුවෙන් පෙල ගැසෙමු.

-වෛද්‍ය පීඨ ශිෂ්‍ය ක්‍රියාකාරී කමිටුව-

08/06/2026

ස්වර්ණවාහිනී ප්‍රවෘත්ති වාර්තාකරණය

සීමාවාසික පුහුණව සම්බන්ද ව ඇතිවී තිබෙන ප්‍රමාදය පිලිබදවද, ප්‍රමිතිය සම්බන්දයෙන් පවා සමාජය තුල ආන්දෝලනාත්මක කතාබහකට ලක් වෙමින් පවතින නව ERPM විභාග ක්‍රමවේදය හරහා මැතකදී සුදුසුකම් ලබාගත් විදේශීය වෛද්‍යවිද්‍යා උපාධිධාරීන් සීමාවාසික පුහුණුවට අන්තර්ග්‍රහණය කර ගැනීම තුළින් ඊට ප්‍රථමව සුදුසුකම් ලැබු එනම් 2026 අප්‍රේල් මාසයට පෙර සුදුසුකම් ලත් රාජ්‍ය විශ්ව විද්‍යාලවල හරහා වෛද්‍ය උපාධිය සම්පූර්ණ කරන ලද උපාධිධාරී කණ්ඩායම් කිහිපයකට අදාළව සීමාවාසික පුහුණුව පිරිනැමීමේදී උද්ගත වීමට නියමිත බරපතල අසාධාරණය පිළිබඳව ද අදහස් දැක්වීම වෙනුවෙන් 2026.06.04 වන දින වෛද්‍ය පීඨ ශිෂ්‍ය ක්‍රියාකාරී කමිටුව මාධ්‍ය සාකච්ඡාවක් කැදවනු ලැබීය. මෙහිදී මෙරට සහ විදේශීය වෛද්‍යවිද්‍යා උපාධිධාරීන්ට සීමාවාසික පුහුණුව පිරිනැමීමේදී ඒ අදාළ කණ්ඩායම් සුදුසුකම් සම්පූර්ණ කරන ලද දින වකවානු සලකා බලමින් ඊට අදාළ ප්‍රමුඛතා අනුපිළිවෙලක් මගින් පැහැඳිලි විනිවිද භාවයකින් යුතුව සීමාවසික පුහුණුව සඳහා අන්තර්ග්‍රහණය කිරීම සිදුවිය යුතු බවද මෙහිදී අවධාරණය කරන ලදී.

තවද මෙරට රාජ්‍ය විශ්වවිද්‍යාල වලට අදාළව විශේෂයෙන්ම ඌව-වෙල්ලස්සස සහ ශ්‍රි ලංකා නැගෙනහිර විශ්ව විද්‍යාලයීය වෛද්‍ය පීඨයන්හි මතු වී තිබෙන මෙතෙක් විසඳුම් ලබාදීමට අපොහොසත් වී ඇති අධ්‍යයන සුභසාධන ගැටලු පිළිබඳවද වැඩිදුරටත් අදහස් දැක්වීම සිදුවිය.

- වෛද්‍ය පීඨ ශිෂ්‍ය ක්‍රියාකාරී කමිටුව -

08/06/2026

සීමාවාසික පුහුණව සම්බන්ද ව ඇතිවී තිබෙන ප්‍රමාදය පිලිබදවද, ප්‍රමිතිය සම්බන්දයෙන් පවා සමාජය තුල ආන්දෝලනාත්මක කතා බහකට ලක් වෙමින් පවතින නව ERPM විභාග ක්‍රමවේදය හරහා මැතකදී සුදුසුකම් ලබාගත් විදේශීය වෛද්‍යවිද්‍යා උපාධිධාරීන් සීමාවාසික පුහුණුවට අන්තර්ග්‍රහණය කර ගැනීම තුළින් ඊට ප්‍රථමව සුදුසුකම් ලැබු එනම් 2026 අප්‍රේල් මාසයට පෙර සුදුසුකම් ලත් රාජ්‍ය විශ්ව විද්‍යාලවල හරහා වෛද්‍ය උපාධිය සම්පූර්ණ කරන ලද උපාධිධාරී කණ්ඩායම් කිහිපයකට අදාළව සීමාවාසික පුහුණුව පිරිනැමීමේදී උද්ගත වීමට නියමිත බරපතල අසාධාරණය පිළිබඳව ද අදහස් දැක්වීම වෙනුවෙන් 2026.06.04 වන දින වෛද්‍ය පීඨ ශිෂ්‍ය ක්‍රියාකාරී කමිටුව මාධ්‍ය සාකච්ඡාවක් කැදවනු ලැබීය.
මෙහිදී මෙරට සහ විදේශීය වෛද්‍යවිද්‍යා උපාධිධාරීන්ට සීමාවාසික පුහුණුව පිරිනැමීමේදී ඒ අදාළ කණ්ඩායම් සුදුසුකම් සම්පූර්ණ කරන ලද දින වකවානු සලකා බලමින් ඊට අදාළ ප්‍රමුඛතා අනුපිළිවෙලක් මගින් පැහැඳිලි විනිවිද භාවයකින් යුතුව සීමාවසික පුහුණුව සඳහා අන්තර්ග්‍රහණය කිරීම සිදුවිය යුතු බවද මෙහිදී අවධාරණය කරන ලදී.

- වෛද්‍ය පීඨ ශිෂ්‍ය ක්‍රියාකාරී කමිටුව -

08/06/2026

"ඔවුහූ ඔබට අසීමිතව ප්‍රේම කළහ"

තම සිහිනයන් රුහිරු මත දිය කර උපනූපන් පරපුරක උරුමයට පණ පෙවූ සහෝදරත්වයේ මතකාවර්ජනය

ශිෂ්‍ය වීර දිනය 2026

සමගාමීව ඔබේ සදැස් , නිසදැස්, කවි, චිත්‍ර යොමුකිරීමට අවස්තාව

විමසීම්:
මනුප්‍රිය - 0758408995
කෝකිල - 0703272353
ෂෙහාන් - 0719151958

👇👇👇👇
https://forms.gle/B1nyw9WLVChRdHc36

සාහිත්‍ය අනුකමිටුව
මහා ශිෂ්‍ය සංගමය
ශ්‍රී ලංකා වයඹ විශ්වවිද්‍යාලය

📸 Look at this post on

Facebook :https://www.facebook.com/share/p/1K4EzQua3T/

Whatsapp Channel : https://whatsapp.com/channel/0029Vb7Wt2uGk1G22BUJ7J35

"ඔවුහූ ඔබට අසීමිතව ප්‍රේම කළහ"

තම සිහිනයන් රුහිරු මත දිය කර උපනූපන් පරපුරක උරුමයට පණ පෙවූ සහෝදරත්වයේ මතකාවර්ජනය

ශිෂ්‍ය වීර දිනය 2026

සමගාමීව ඔබේ සදැස් , නිසදැස්, කවි, චිත්‍ර යොමුකිරීමට අවස්තාව

විමසීම්:
මනුප්‍රිය - 0758408995
කෝකිල - 0703272353
ෂෙහාන් - 0719151958

👇👇👇👇
https://forms.gle/B1nyw9WLVChRdHc36

සාහිත්‍ය අනුකමිටුව
මහා ශිෂ්‍ය සංගමය
ශ්‍රී ලංකා වයඹ විශ්වවිද්‍යාලය

08/06/2026

"ඔවුහූ ඔබට අසීමිතව ප්‍රේම කළහ"
"அவர்கள் உங்களை வரம்பின்றி நேசித்தனர்"
"They have loved you unconditionally"

ශිෂ්‍ය වීර දිනය 2026
மாணவ வீரர் தினம் 2026
Students' Heroes Day 2026

📌 ලිපි අංක 03

♦️ පද්මසිරි අබේසේකර සග රෝහණ රත්නායක සහෝදරවරු

ආණ්ඩුවේ අනවශ්‍ය අතපෙවීම් මත 1983 අග වනවිට පේරාදෙණිය විශ්වවිද්‍යාලයේ සිසුන් 63 දෙනෙකුට විවිධ අභූත චෝදනා ඉදිරිපත් කරමින් ශිෂ්‍යභාවය අහෝසි කිරීම් පරිපාලනය විසින් ලබාදී තිබුණි.දැඩි සිසු මර්දනයක් ක්‍රියාත්මක වූ එම කාලය තුළම ආණ්ඩුවේ තවත් එක් කූඨ වූත් නීච වූත් සැලසුමක් දිගහැරෙමින් පැවතිණි.

ලොව පළමුවරට සරසවියක් තුළ පොලීසියක් පිහිටුවමින් 1983 දෙසැම්බර් 12 දින පේරාදෙණිය විශ්වවිද්‍යාලයීය භූමිය තුළ පොලීසියක් ස්ථාපනය කරන ලදී.එවකට උපකුලපතිවරයා ප්‍රකාශ කළ පරිදි බාහිර කරදරවලින් තොරව පොලිස් ආරක්ෂාව මැද සිසුන්ට අධ්‍යයන කටයුතු කරගැනීමට මෙම පොලීසිය සරසවි භූමිය තුළ පිහිටවූ බවට විශ්වාස කිරීමට කිසිවකු අනුවණ වූයේ නැත.එවකට සිසු අයිතීන් වෙනුවෙන් සක්‍රීයව කටයුතු කළ අන්තර් විශ්වවිද්‍යාල බල මණ්ඩලය මෙයට දැඩි විරෝධයක් එල්ල කළේය.එම විරෝධය සමනය කිරීමට ආණ්ඩු පාර්ශ්වයෙන් ඉදිරිපත් කළේ මෙය "සුහද පොලීසිය"ක් පමණක් බවය.

ලේ පිපාසිත ආණ්ඩුව මෙකී "සුහද පොලීසිය" ලවා බිල්ලක් ගැනීමට අර අදිමින් සිටිය ද එය සාර්ථක වූයේ 1984 ජූනි 19 වැනිදාය.එම අවාසනාවන්ත දිනයේදී වෛද්‍ය පීඨයේ සිසුන් පිරිසක් මෙම පොලීසිය අසලින් යනවිට අත්වැරැදීමකින් ජනේලයක අත වැදීම හේතු කරගෙන සිසුන් දෙදෙනෙක්ට මෙකී "සුහද පොලීසියෙන්" පහර දෙන ලදී.ඒ සඳහා විරෝධය පෑමට පැමිණි සිසුන්ට අමානුෂික ලෙස පහර දී ඉන් නොනැවතී වෙඩි ප්‍රහාරයක් ද එල්ල කරන ලද්දේ ලේ පිපාසිත ජේ.ආර්.ජයවර්ධන ප්‍රමුඛ ආණ්ඩුවේ නිර්චනයට අනුව සරසවියේ රැඳී සිටි "සුහද පොලීසිය"මය.

සිසුන් දෙසට එල්ල කළ එම වෙඩි ප්‍රහාරය නිසා වෛද්‍ය පීඨයේ දෙවන වසරේ ඉගෙනුම ලබමින් සිටි පද්මසිරි අබේසේකර ශිෂ්‍යයාට දිවි පුද කරන්නට විය. තවත් දෙදෙනෙක්ට බරපතළ තුවාල ද විශාල පිරිසකට සුළු තුවාල ද ගෙන දුන් මේ සිද්ධිය පාලක පන්තිය විසින් ශිෂ්‍යයන් ලෙයින් යකඩින් මර්දනය කිරීමට ගන්නා ලද නිර්ලජ්ජිත දෙවෙනි උත්සාහය ලෙස ඉතිහාසයේ ලියවී ඇත.

ලේ රස වැටුණු දඩබල්ලන් එක් දඩයමකින් සෑහීමට පත් නොවන්නා සේ ම ආණ්ඩුව ද මෙය තමන්ගේ අවසාන ශිෂ්‍ය ඝාතනය බවට වග බලා ගන්නට තුන්හිතකින්වත් සිතා නොතිබුණි.පද්මසිරි අබේසේකර ශිෂ්‍යයාගේ ඝාතනයට හා ඒ අමානුෂික ප්‍රහාරයට විරුද්ධව ජූනි 20 හා ජූනි 21 දිනවල සියලුම විශ්වවිද්‍යාලවල උද්ඝෝෂණ ක්‍රියාමාර්ග ගන්නා ලදී.ඒවාට පොලීසිය ප්‍රතිචාර වශයෙන් තෝරගත්තේ සිසුන්ට අමානුෂික ලෙස පහර දීම පමණි.ජූනි 21 වන දින කොළඹ විශ්වවිද්‍යාලයේ පැවැත්වුණු උද්ඝෝෂණ ව්‍යාපාරයට පොලීසිය එල්ල කළ වෙඩි ප්‍රහාර හමුවේ කොළඹ විශ්වවිද්‍යාලයේ ශාස්ත්‍ර පීඨයේ ඉගෙනුම ලබමින් සිටි රෝහණ රත්නායක ශිෂ්‍යයා දිවි පූජා කළේය.තවත් විශාල සංඛ්‍යාවක් තුවාල ලැබූහ.

ආණ්ඩුව දින තුනක් තුළ සිසු ජීවිත දෙකක් බිලිගන්නට තරම් සාහසික විය.ඒ සමගම රට පුරාම මේ නින්දිත ක්‍රියාවට විරෝධය දක්වමින් සරසවි හා පාසල් සිසුන් උද්ඝෝෂණ කරන්නට විය.එලෙස රට පුරා නැගි දැවැන්ත විරෝධය හමුවේ පේරාදෙණිය විශ්වවිද්‍යාලයේ අටවා තිබූ "සුහද පොලීසිය" ගලවාගන්නට ආණ්ඩුවට සිදුවිය.එලෙස සිසු ජීවිත දෙකක් කැපකරමින් හා දැවැන්ත සටනක් ලබාදෙමින් ලාංකීය ශිෂ්‍ය ව්‍යාපාරයට ආපසු හැරවීමට සමත් වූයේ 1978 ව්‍යවස්ථා සංශෝධනයෙන් පසු "තමාට කළ නොහැක්කේ ගැහැණියෙක් පිරිමියෙක් කිරීමටත්,පිරිමියෙක් ගැහැණියක් කිරීමටත් පමණි" ලෙස උදම් බෑ ජේ.ආර්.ජයවර්ධනගේ නියෝගයකි.එනිසා එය ලාංකීය ශිෂ්‍ය ව්‍යාපාරයේ වැදගත් සංධිස්ථානයක් සනිටුහන් කරයි.

දෙවැනි හා තුන්වැනි සරසවි ඝාතන සිදුවූ ජූනි 19 හා 21 දින කරණ කොටගෙන ජූනි 20 වැනි දින ශිෂ්‍ය වීර දිනය ලෙස ප්‍රකාශ කරන්නට ශිෂ්‍ය ව්‍යාපාරය තීරණය කරන ලදී.ඉතින් අදටත් ඔබ මම අප සියලු දෙනාම නිදහස් අධ්‍යාපනයේ මහඟු ඵල ලබන්නේ ඔවුන් එදා කළ අපරිමිත කැපකිරීම් නිසාය.
"ඔවුහු ඔබට අසීමිතව ප්‍රේම කළහ."

මහා ශිෂ්‍ය සංගමය
ශ්‍රී ලංකා වයඹ විශ්වවිද්‍යාලය

08/06/2026

"ඔවුහූ ඔබට අසීමිතව ප්‍රේම කළහ"
"அவர்கள் உங்களை வரம்பின்றி நேசித்தனர்"
"They have loved you unconditionally"

ශිෂ්‍ය වීර දිනය 2026
மாணவ வீரர் தினம் 2026
Students' Heroes Day 2026

📌 ලිපි අංක 02

♦️ ශාන්ත බණ්ඩාර සහෝදරයා

සබුද්ධික ජනතාව පාලකයන්ගේ දූෂිත ක්‍රියාවන්ට විශාල බාධාවක් බැවින්, ශ්‍රී ලංකාවේ ධනේශ්වර පාලක පන්තිය නිරන්තරයෙන් නිදහස් අධ්‍යාපනය අහෝසි කිරීමට විවිධ කූඨ උත්සාහයන් ගන්නා ලදි.ලාංකේය ශිෂ්‍ය ව්‍යාපාරයේ අභීත කැපකිරීම් සහ මැදිහත්වීම් නොතිබුණි නම්, අද අප භුක්ති විඳින නිදහස් අධ්‍යාපන වරම අපට අහිමි වනු ඇත. එම උදාර උරුමයේ ප්‍රතිලාභීන් වන අප,ඒ වෙනුවෙන් ලේ දහඩිය හෙලූ පෙරගමන්කරුවන් සිහිපත් කරමින් ඔවුන් කෙරෙහි සදා කෘතඥ විය යුතුය.

නමින් ඔහු උදය ජගත් ශාන්ත දේව හෙල කුමාර සෙනෙවිරත්න ය.එහෙත් ඔහුව මුළු මහත් විශ්වවිද්‍යාල ප්‍රජාවම දන්නේ ශාන්ත බණ්ඩාර නමින්ය.1951 දී උපත ලද ශාන්ත බණ්ඩාර ශිෂ්‍යයා මාතලේ විද්‍යා විද්‍යාලයෙන් අධ්‍යාපනය ලබා ඉන්පසුව 1975දී පේරාදෙණිය විශ්වවිද්‍යාලයේ විද්‍යා පීඨයට සරසවි වරම් උරුම කරගත්තේය.ලාංකේය ශිෂ්‍ය ව්‍යාපාරයට වටිනාම වත්කමක් උරුම වන්නේ එලෙසය.1976 නොවැම්බර් 12 දින ආණ්ඩුවේ ඍජු උපදෙස් මත සිදුවූ පොලීසියේ අමානුෂික ප්‍රහාරය නිසා මරුමුවට පත් රෝහණ වීරසූරිය ශිෂ්‍යයාගේ මරණය ශාන්ත බණ්ඩාර ශිෂ්‍යයාට තදින්ම දැනුණු සිදුවීමකි.ඒ හා සමගාමීව ශිෂ්‍ය ව්‍යාපාරය හා සම්බන්ධ වූ ඔහු විද්‍යා පීඨ ශිෂ්‍ය සංගමයේ සභාපති ද පසුව පේරාදෙණිය මහා ශිෂ්‍ය සංගමයේ ලේකම් ධූරයට ද පත් විය.

ඒ අතරතුර 1977දී බලයට පත් නව ආණ්ඩුව මුළු මහත් ජනතාවම පීඩාවට පත් කරමින් එතෙක් පැවති "හාල්පොත": සලාක හාල් ක්‍රමය 1978දී නින්දිත ලෙස අහෝසි කළේය.ධනවත් පවුලකින් පැවතගෙන ආව ද ශාන්ත බණ්ඩාර ශිෂ්‍යයාට විශ්වවිද්‍යාල කාලය තුළ ශ්‍රී ලංකාවේ සාමන්‍ය ජනයා විඳින දුක් කම්කටොලු මැනවින් පසක් වී තිබුණි.ආණ්ඩුවේ දුර්දාන්ත පාලනය විවේචනය කරමින් දුප්පත් සාමාන්‍ය ජනතාවගේ එදා වේල සරිකළ හාල් පොත කප්පාදුවට විරුද්ධවත් , බලය කේන්ද්‍රගත කරගැනීමේ අරමුණෙන් ගෙන ආ ඒකාධිපති ව්‍යවස්ථාවට විරුද්ධවත් ගලහ මංසන්ධියේ උද්ඝෝෂණයක් පැවැත්වීම හේතු කරගෙන විශ්වවිද්‍යාල පරිපාලනය ඔහුගේ ශිෂ්‍යභාවය අහෝසි කරන ලදී.

ශිෂ්‍යභාවය අහෝසි කිරීමෙන් ශාන්ත බණ්ඩාර ශිෂ්‍යයා නිශ්ශබ්ද කිරීමට පරිපාලනය හා ඊට උපදෙස් දුන් පාලක තන්ත්‍රය සිතන්නට ඇත.
එහෙත් සිදුවූයේ හාත්පසින්ම වෙනස් දෙයකි.එයත් සමග පූර්ණකාලීන ලෙස ශිෂ්‍ය ව්‍යාපාරය තුළ වැඩකටයුතු ආරම්භ කළ 1978 දී අන්තර් විශ්වවිද්‍යාලයීය බල මණ්ඩලයේ කැදවුම්කරු ලෙස තේරී පත්වූයේ නිදහස් අධ්‍යාපනයටත් ලාංකේය ශිෂ්‍ය ව්‍යාපාරයටත් දැඩි අවදානමක් එල්ල වූ කාලයකය.

ජේ.ආර්.ජයවර්ධන ප්‍රමුඛ ආණ්ඩුව ක්‍රියාත්මක කළ විවෘත ආර්ථික මොඩලයේ දිගුවක් ලෙස අධ්‍යාපනය ද අගනා වෙළඳ භාණ්ඩයක් ලෙස ඔවුනට දර්ශනය විය.දවසේ වේල් තුන පවා ඉතාමත් අසීරුවෙන් සොයාගන්නට වෙර කන සමාජයකට මුදලට අධ්‍යාපනය ලැබීමට අවස්ථාව ලබාදුන් විට ඉගෙනගැනීමට පෙලඹෙන්නේ හා හැකියාව ඇත්තේ සමාජයේ වරප්‍රසාද ලත් එක් පන්තියකට පමණක් බව ප්‍රථම විධායක ජනාධිපති ජූනියස් රිචඩ් ජයවර්ධන දැනසිටියේය.තමාගේ ධනපති පන්තිය දිගටම බලයේ රඳවාගැනීමේ පරම චේතනාවෙන් 1981 දී අධ්‍යාපන ධවල පත්‍රිකාව ගෙන එන ලදී.නිදහස් අධ්‍යාපන අවස්ථා අවුරමින් කූඨ පෞද්ගලික අංශයකට අධ්‍යාපනය රිසි සේ අලෙවි කරන්නට අවස්ථා සම්පාදනය කළ එකී කළුම කළු "ධවල පත්‍රිකාව" තුළ අන්තර්ගත වූ භයානක කරුණු කිහිපයක්ම විය.

අනිවාර්ය අධ්‍යාපන සීමා 10 ශ්‍රේණියේ සිට 8 ශ්‍රේණිය දක්වා පහත හෙළීම,සිංහල සාහිත්‍යය හා ඉතිහාසය විෂයයන් පාසල් විෂය මාලාවෙන් ඉවත් කිරීම,පාසල් අධ්‍යාපනයේ බරින් රජය ඉවත්ව එය දෙමාපියන්ට බාරදීම,5 ශ්‍රේණියේ ශිෂ්‍යත්ව විභාගය අහෝසි කිරීම,පොකුරු පාසල් හදුන්වා දීම හා ඒවායේ විදුහල්පතිවරු ලෙස දේශපාලන පත්කිරීම් සිදුකිරීම,මුදල් අයකරන පෞද්ගලික හා අර්ධ පෞද්ගලික අධ්‍යාපන ආයතන සඳහා අවසර ලබාදීම වැනි නිදහස් අධ්‍යාපනයේ මළගම සනිටුහන් කිරීමට විභවයක් ඇති අතිභයානක යෝජනා රැසක් එහි අන්තර්ගත විය.මෙම ධවල පත්‍රිකාවේ සැබෑ අරමුණ තේරුම්ගත් ශිෂ්‍ය නායකයන් මෙය පැරදවිය යුතු බවට ඒකමතිකව තීරණය කළහ.ඒ අනුව ධවල පත්‍රිකාව පාර්ලිමේන්තුවට ගෙන එන දිනයේ ශාන්ත බණ්ඩාර සොයුරාගේ සංවිධානය මත ලංකාව පුරා පැවැති විශ්වවිද්‍යාල , පාසල් හා අනෙකුත් අධ්‍යාපන ආයතන එක් රැස්ව දහස් ගණනකගේ සහභාගීත්වයෙන් පාර්ලිමේන්තුව වැටලීමේ උද්ඝෝෂණයක් පවත්වන ලදී.එයට ප්‍රතිචාරය වූයේ පොලීසියේ අමානුෂික ප්‍රහාරයන් නිරායුද ,අනාගත පරම්පරාවේ අයිතීන් වෙනුවෙන් සටන් වදින ශිෂ්‍යයන් කෙරෙහි නිදහස් කිරීමය.එදින සිසුන්ට එල්ල කළ ප්‍රහාරයේ අමානුෂිකත්වය රට පුරා ලැව් ගින්නක් සේ පැතිරුණු අතර ආණ්ඩුවට ඒ නිසාම ධවල පත්‍රිකාව එදින පාර්ලිමේන්තුවට ඉදිරිපත් කරගැනීමට නොහැකි විය.එය ලාංකේය ශිෂ්‍ය ව්‍යාපාරයේ තවත් එක් වැදගත් සංධිස්ථානයක් සලකුණු කළ අවස්ථාවකි.

මෙලෙස ශිෂ්‍යයන් සංවිධානය කරමින් ශිෂ්‍ය ව්‍යාපාරය ශක්තිමත් කළ ශාන්ත බණ්ඩාර සහෝදරයා ආණ්ඩුවට හිසරදයක් වන්නට වැඩි කාලයක් ගියේ නැත.1987 දී අගුරුවාතොට පොලිසිය විසින් අත්අඩංගුවට ගෙන එදිනම කොළඹ ත්‍රස්ත විමර්ශන ඒකකයට රැගෙන යන ලද අතර එයින් පැන යාමට ශාන්ත බණ්ඩාර සහෝදරයා දක්ෂ විය.1988 දී නැවත වරක් හම්බන්තොට නාකුලුගමුවේදී අත්අඩංගුවට ගන්නා ඔහු මාස කිහිපයක් දුක්ඛිත ලෙස ගෙවූ අතර යළි නිදහස් වන්නට සමත් විය.

දිගින් දිගටම නිදහස් අධ්‍යාපනය සුරැකීමට කටයුතු සූදානම් කිරීමටත් එකල පැවති දැඩි සිසු මර්දනයට විරුද්ධව ප්‍රබල කතා පවත්වන්නටත් ශාන්ත බණ්ඩාර සහෝදරයා දිවි පරදුවට තබා කටයුතු කළේය.1990 ජනවාරි මාසයේ එක්තරා අදුරු දිනයක රත්නපුර ප්‍රදේශයේ දී ආණ්ඩුවේ කුලී මැරයන්ගේ අත්අඩංගුවට පත් වූ ඔහු මත්තේගොඩ හමුදා කඳවුරට ගෙන ආවේ මිනීමරු මස් වැද්දන්ට ලැබුණු රසමසවුලක් ලෙසය.හැකි සියලුම වධබන්ධනයන් ලබා දුන්නද ඔවුන්ට අවශ්‍ය විස්තර ලබාගැනීම අසාර්ථක වූ කල ඒ මිනීමරු කුලී හේවායන් ,අවසානයේදී ලාංකේය ශිෂ්‍ය ව්‍යාපාරයේ දීප්තිමත් පුරුකක් වූ ශාන්ත බණ්ඩාර සහෝදරයාගෙන් මෙසේ අසන ලදී.
"උඹට අවසන් වතාවට කියන්න තියෙන්නේ මොනවාද?"
එම අවසාන පැනයට අභීත ශාන්ත බණ්ඩාර සහෝදරයාගෙන් පිළිතුර මෙලෙස ලැබුණි.
"ගිහින් කියපල්ලා..ශාන්ත බණ්ඩාර වචනයක්වත් කියන්නැතුව මැරුණයි කියලා"

එලෙස මරණය පෙනී පෙනී වුවද ස්වකීය ජීවිතය පසෙකලා තම සහෝදරයන් කිසිවකු පාවා නොදී අවසන් වචන කිහිපයත් අනාගත ශිෂ්‍ය ව්‍යාපාරය මුවහත් කරන්නට ධෛර්යය දුන් ශාන්ත බණ්ඩාර සොයුරා පරමාදර්ශී සිසු විරුවෙක් ලෙස ඉතිහාසයේ ලියවී ඇත.ඔහු; ශාන්ත බණ්ඩාර ස්වාර්ථය ගැන සිතුවේ නැත.තමා ධනවත් පවුල් පසුබිමකින් සමන්විත යැයි යන්න ඔහුට දේශයේ සාමාන්‍ය ජනතාවගේ දුක්ඛිත තත්ත්වය වටහාගැනීමෙන් දුරස් කළේ ද නැත.තමා අධ්‍යාපනය ලබා අවසන් කිරීම පමණක් ඔහුට ප්‍රමාණවත් වූයේ නැත.
තම උපාධිය,අනාගත සුරක්ෂිතභාවය හා අවසානයේ ජීවිතය පවා කැපකරමින් ඔහු අනාගත පරම්පරාව සඳහා නිදහස් අධ්‍යාපනය රැකදීමට කටයුතු කළේය.ඉදින් එලෙස ඔහු ද අවසානයේ අපට සාධනය කළේ එකම කරුණකි.
"ඔවුහු අපට අසීමිතව ප්‍රේම කළහ."

මහා ශිෂ්‍ය සංගමය
ශ්‍රී ලංකා වයඹ විශ්වවිද්‍යාලය

08/06/2026

02/06/2026

01/06/2026

"ඔවුහූ ඔබට අසීමිතව ප්‍රේම කළහ"
"அவர்கள் உங்களை வரம்பின்றி நேசித்தனர்"
"They have loved you unconditionally"

ශිෂ්‍ය වීර දිනය 2026
மாணவ வீரர் தினம் 2026
Students' Heroes Day, 2026

මහා ශිෂ්‍ය සංගමය
ශ්‍රී ලංකා වයඹ විශ්වවිද්‍යාලය