06/01/2026
පාසල් කාලසටහනෙන් බෙදන අපේ රටේ අනාගතය: ජාතිවාදයට පාර කපන "වෙනම කාලසටහන" 🛑🇱🇰
ලෝකයේ දියුණු යැයි සම්මත කිසිම රටක නැති, ශ්රී ලංකාවේ පමණක් ක්රියාත්මක වන "අමුතුම" අධ්යාපන බෙදීමක් ගැන අපි කතා කළ යුතුම මොහොතක් මේක.
ඉන්දියාව, ඇමරිකාව, නවසීලන්තය වැනි රටවල තබා, මුස්ලිම් බහුතරයක් සිටින ඩුබායි වැනි රටවලවත් නැති "ජාතිය අනුව බෙදූ පාසල් කාලසටහන්" ක්රමයක් අපේ රටේ රජයේ පාසල් පද්ධතිය තුළ ක්රියාත්මක වීම කොතරම් සාධාරණද?
1️⃣ ලෝකයෙන් පාඩම් ඉගෙන නොගැනීම
අසල්වැසි ඉන්දියාවේ හින්දු, මුස්ලිම්, ක්රිස්තියානි සියලු දරුවන් එකම වේලාවට පාසල් යයි. බටහිර රටවල ආගම කුමක් වුවත් පාසල් කාලසටහන පොදුය. ඩුබායි හි පවා සිකුරාදා දිනවල මුස්ලිම් නොවන දරුවාටත්, මුස්ලිම් දරුවාටත් ඇත්තේ එකම නීතියකි. එහෙත් ලංකාවේ අපි කුඩා කල සිටම දරුවාගේ මනසට ඇතුල් කරන්නේ "උන් වෙනයි - අපි වෙනයි" යන සංකල්පයයි.
2️⃣ සහජීවනයට වැට බඳින "කැලැන්ඩරය"
පාසල කියන්නේ විෂය දැනුම විතරක් ගන්න තැනක් නෙවෙයි. එකට සෙල්ලම් කරලා, එකට කාලා බීලා ජාතීන් අතර බැඳීම හැදෙන්නේ පාසලෙන්. සිංහල දරුවාට නිවාඩු දෙනකොට මුස්ලිම් දරුවා පාසල් යනවා නම්, මුස්ලිම් දරුවාට නිවාඩු දෙනකොට අනිත් දරුවන් පාසල් යනවා නම්, ඔවුන් එකතු වෙන්නේ කොහොමද? ක්රීඩා උත්සව, බාහිර ක්රියාකාරකම් පවා මේ නිසා අවුල් ජාලාවක් වෙනවා. මේකෙන් වෙන්නේ ජාතීන් අතර තියෙන ස්වභාවික මිත්රත්වය ගොඩනැගීමට ඇති අවස්ථාව අහිමි වීමයි.
3️⃣ ආණ්ඩුවේ යටි අරමුණ කුමක්ද? 🤔
මෙය නිකම්ම සිදුවන දෙයක්ද? නැතහොත් මෙය කාලාන්තරයක් තිස්සේ ජාතිවාදය ජීවමානව තබා ගැනීමට පාලකයන් විසින් අටවන ලද උගුලක්ද?
ජනතාව එකට එකතු වෙනවාට වඩා, බෙදී වෙන්වී සිටීම දේශපාලකයාට වාසියි. "වෙනම කාලසටහනක්" දීම තුළින් එක් ජාතියකට තමන් විශේෂ යැයි හැඟීමකුත්, අනෙක් ජාතියට තමන්ට අසාධාරණයක් වෙනවා යැයි හැඟීමකුත් ඇති කරවයි. මෙය අනාගතයේ යළිත් ජාතිවාදී ගිනිදැල් අවුලුවන්නට දමන අඩිතාලමක් විය නොහැකිද?
4️⃣ විසඳුම: "එක රටක් - එකම අධ්යාපන කාලසටහනක්"
ආගමික නිදහස තිබිය යුතුයි. නමුත් එය රාජ්ය පද්ධතියේ පොදු ක්රියාවලිය අවුල් නොකළ යුතුයි. දරුවන්ව ජාතියෙන් හෝ ආගමෙන් ලේබල් නොකර, සියලු දෙනාටම එකම නිවාඩු කලාවක්, එකම පාසල් වේලාවක් තිබිය යුතුයි.
සැබෑ සංහිඳියාව එන්නේ "වෙන වෙනම සැලකීමෙන්" නොව, "සමානව සැලකීමෙන්" පමණි.
ඔබේ අදහස කුමක්ද?
rsk
