Kalutara Scouts

04/03/2026

2026 මාර්තු මස 02 වන දින මතුගම සී. ඩබ්ලිව්. ඩබ්ලිව්. කන්නන්ගර මධ්‍ය විද්‍යාලයීය පෝතක බාලදක්ෂ දරුවන් වෙනුවෙන් “පෝතක එළිමහන් දින වික්‍රමය - 2026” මැයෙන් විශේෂ ප්‍රායෝගික කඳවුරක් විද්‍යාලයීය ක්‍රීඩාංගනයේදී පැවැත්විණි. එහිදී වික්‍රමාන්විත පෝතක ක්‍රියාකාරකම් ඇතුළු ප්‍රායෝගික ක්‍රියාකාරකම් රැසක් දරුවන් වෙනුවෙන් පැවැත්විණි.

මෙම වැඩසටහන සඳහා ආරාධිතයින් ලෙස, නියෝජ්‍ය විදුහල්පති සුජීව ප්‍රියදර්ශන මහතා, නියෝජ්‍ය විදුහල්පති නදුන් වීරප්පුලිගේ මහතා, සහාය දිසා කොමසාරිස් පුහුණු හා ජාත්‍යන්තර කසුන් විජේසේකර මහතා, සහාය දිසා කොමසාරිස් පෝතක පද්මිණී කුලරත්න මහත්මිය, සහාය දිසා කොමසාරිස් කුෂාණි නවෝද්‍යා මහත්මිය, දන්ත චිකිත්සක නිලධාරීනී තිළිණි පියුමාලි මහත්මිය, පවුල් සෞඛ්‍ය සේවා නිලධාරිනී අනූෂා රුවන් පතිරණ මහත්මිය යන මහත්ම මහත්මීන් සහභාගි විය.

පෝතක දරුවන්ට නවමු අත්දැකීමක් වූ මෙම වැඩසටහන සංවිධානය කරන ලද්දේ එම විද්‍යාලයේ පෝතක බාලදක්ෂ ආකේලා එස්. ඒ. ඩී. ජී. පී. මහීපාල මහත්මිය විසිනි.

මාධ්‍ය ඒකකය,
කළුතර දිසා බාලදක්ෂ ශාඛාව
ශ්‍රී ලංකා බාලදක්ෂ සංගමය

04/03/2026

2026 මාර්තු මස 04 වැනිදා බදාදා දින - ලංකාදීප පුවත්පත

04/03/2026

2026 මාර්තු මස 03 වැනිදා අඟහරුවාදා දින - අරුණ පුවත්පත

25/02/2026

169 වන බී.පී. දින සැමරුම් උළෙල - කළුතර දිසාව

ලෝක බාලදක්ෂ ව්‍යාපාරයේ නිර්මාතෘවර බේඩන් පවෙල් සාමි තුමන්ගේ ජන්ම දිනය ලොව පුරා විසිරි සිටින සියලුම බාලදක්ෂයින් මහත් ගෞරවයෙන් යුතුව සමරනු ලබන අතර, මෙවර බීපී තුමන්ගේ 169 වන ජන්ම දින සැමරුම වෙනුවෙන් කළුතර දිසා බාලදක්ෂ ශාඛාව මගින්ද විශේෂ උපහාර සැමරුම් වැඩසටහනක් 2026 පෙබරවාරි මස 22 වන දින පෙ.ව. 8.30 සිට මධ්‍යහ්න 12.00 දක්වා කළුතර සිරි කුරුස විදුහල් පරිශ්‍රයේදී පැවැත්විනි. මෙම සැමරුම් උළෙල,
ශ්‍රී ලංකා බාලදක්ෂ සංගමයේ කළුතර දිසා ශාඛාවේ දිසා කොමසාරිස් නාමල් ගුරුසිංහ මහතාගේ ප්‍රධානත්වයෙන්,
ප්‍රධාන ආරාධිත වශයෙන් ජාතික පුහුණු කිරීමේ මණ්ඩලයේ අධ්‍යක්ෂක තිලක්මන් පද්මසිරි මහතාගේ සහභාගිත්වයෙන් පැවති අතර, සැබෑ බාලදක්ෂයෙකු ලෙස නීති හා පොරොන්දුව අනුව කටයුතු කරමින් බීපී තුමන් වෙත උපහාර පිදිය යුතු බව සිහිපත් කරමින් රැස්ව සිටි සියලුම දෙනා බීපී පිළිරුවට පුෂ්පෝපහාර පුද කරන ලදි.

බීපී සමරු දේශනය ජාතික පුහුණු කිරීමේ අධ්‍යක්ෂ පුහුණු කිරීමේ නායක තිලක්මන් පද්මසිරි මහතා විසින් සිදුකරන ලදී.

විශේෂ අවශ්‍යතා සහිත දරුවන්ගේ බාලදක්ෂ සමූහයක් වන මයුර විශේෂ පාසලේ දරුවන් වෙත ඔවුන්ගේ දක්ෂතා ඇගයීම් සතිකපත් ප්‍රදානක් ද, සේවා මාසයේ වැඩිම දායකත්වයක් ලබා දුන් සිඟිති, පෝතක සහ බාලදක්ෂ දරුවන්ට ත්‍යාග හා සහතික ප්‍රදානයක් ද, බාලදක්ෂ ආචාර්ය වරුන් සඳහා දීර්ඝ සේවා පදක්කම් සහ සහතික ප්‍රධානයද මෙම සැමරුම් උළෙලේදී සිදු කරන ලදී. උත්සව අවස්ථාව වර්ණවත් කරමින් බේරුවල අරියවංශ විදුහලේ මානවක බාලදක්ෂ බාලිකාවන් , කාලවිල ප්‍රාථමික විදුහලේ පෝතක බාලදක්ෂයින්, මතුගම සී. ඩබ්ලිව්. ඩබ්ලිව්.කන්නන්ගර මධ්‍ය විදුහලේ පෝතක දරුවන් විසින් නර්තනයන් හා ගායනයන් සිදු කරන ලදී.

තවද මෙම අවස්ථාව සඳහා සහාය මූලස්ථාන කොමසාරිස්වරුන් වන ශිරන්ත විජේරත්න මහතා සහ සශින්ද්‍ර දිසානායක යන මහත්වරුන් ද, දිසා සංගමයේ ලේකම් තුමිය සහ දිස්ත්‍රික් පදක්කම් ලේකම්තුමා සහ තවත් කළුතර දිස‍ාවේ සහය දිසා‍ කොමසාරිස්වරුන්, බාලදක්ෂ ආචාර්ය මහත්ම මහත්මීන්, සිඟිති, පෝතක, බාලදක්ෂ සහ මානවක යන සියලු අංශ වල බාලදක්ෂ දරු දැරියන්, දෙමාපියන් 500 කට අධික සංඛ්‍යාවක් මෙම අවස්ථාවට සහභාගී වන ලදි.

මාධ්‍ය ඒකකය
කළුතර දිසා බාලදක්ෂ ශාඛාව
ශ්‍රී ලංකා බාලදක්ෂ සංගමය

18/02/2026

17/02/2026

🌟 Warmest Congratulations & Best Wishes! 🌟

Warmest congratulations to all the children, especially our dedicated Scouts of the Kalutara District, who are appearing for this year’s G.C.E. (O/L) Examination.

May your hard work, discipline, and determination lead you to outstanding success. Believe in yourselves and give your very best — we are proud of you! 💙

17/02/2026

ඉංග්‍රීසි නැව ඔබේ නිවසටම...

2026.02.18 (හෙට) රාත්‍රී 7.45 ට ආරම්භ වේ..

කළුතර දිසා බාලදක්ෂ සංගමයේ පුහුණු සහ ජාත්‍යන්තර අංශය සංවිධානය කරන English Vessel වැඩසටහන හෙට (2026.02.18) අරම්භ වේ.

බාලදක්ෂ දරුවන්ගේ ඉංග්‍රීසි කථන හැකියාව වර්ධනය කරගැනීමට සහ ඒ තුලින් විදෙස් බාලදක්ෂ ජම්බෝරි, වැඩසටහන් සදහා සහභාගී වීමේදී, සම්මුඛ පරීක්ෂණ වලදී පහසුවෙන් කටයුතු කිරීමට හැකිවන පරිදි මෙම මාස තුනක් නොමිලේ මාර්ගගතව (Online Zoom) පැවැත්වීම්ට ඉංග්‍රීසි පාඨමාලාව සැලසුම් කර ඇත.

මේ සදහා කළුතර දිසාවේ පෝතක බාලදක්ෂයින්, බාලදක්ෂයින් සහ මානවක බාලදක්ෂයින්ට සහභාගී විමට හැක.

සම්බන්ධීකාරක
කසුන් විජයසේකර - සහය දිසා කොමසාරිස් (පුහුණු සහ ජාත්‍යන්තර)

මාධ්‍ය ඒකකය
කළුතර දිසා බාලදක්ෂ ශාඛාව
ශ්‍රී ලංකා බාලදක්ෂ සංගමය

17/02/2026

2026.02.04 වන දින කළුතර දිස්ත්‍රික් ලේකම් කාර්යාලයේදී පැවති කළුතර දිස්ත්‍රික් ළමා සභාව මගින් සංවිධානය කරන ලද 78 වන නිදහස් දින සැමරීමේ උත්සවයට මතුගම සී. ඩබ්ලිව් .ඩබ්ලිව්. කන්නන්ගර මධ්‍ය විද්‍යාලයේ පෝතක බාලදක්ෂ අංශයේ දරු දැරියන් පිරිසක් සහභාගි වූහ. එහිදී දරුවන් විසින් දේශභිමානී ගීතයක් ගයමින් උත්සව සභාව වර්ණවත් කළහ.

මෙම දරු දැරියන් පිරිස අනුරාධා ගුණසිංහ සහ ගිහානි මහීපාල ආකේලා තුමියන්ලාගේ මගපෙන්වීම යටතේ මේ සඳහා සහභාගී වූහ.

මාධ්‍ය ඒකකය
කළුතර දිසා බාලදක්ෂ ශාඛාව
ශ්‍ර්‍රී ලංකා බාලදක්ෂ සංගමය

06/02/2026

උණුසුම් සුබපැතුම්..!