10/10/2026
கைதடி மேற்கு சனசமூக நிலையத்தில் நாளை குருதிக்கொடை! 🩸❤️
உயிர்காக்கும் உன்னத பணியில் இணைவோம்!
யாழ்ப்பாண மாவட்டத்தில் 602 சனசமூக நிலையங்கள் பதிவு செய்யப்பட்டுள்ள போதிலும், அவற்றில் குறிப்பிட்ட சில சனசமூக நிலையங்களே இரத்ததான நிகழ்வுகளைத் தொடர்ந்து ஏற்பாடு செய்து, இரத்த வங்கியின் உயிர்காக்கும் உன்னத பணிக்கு ஒத்துழைப்பு வழங்கி வருகின்றன.
குறிப்பாக, கைதடி பகுதியில் இயங்கும் சனசமூக நிலையங்கள் இப்பணியில் தொடர்ச்சியாகப் பங்களித்து வருவது மிகவும் பாராட்டுக்குரியதாகும்.
ஏற்கனவே எம்முடன் இணைந்து இப்பணியை முன்னெடுத்து வரும் வளர்மதி சனசமூக நிலையம், கைதடி தெற்கு சனசமூக நிலையம் மற்றும் சரஸ்வதி சனசமூக நிலையம் ஆகியவற்றுடன், தற்போது கைதடி மேற்கு சனசமூக நிலையமும் இணைந்து பயணிக்கவுள்ளது என்பதை மகிழ்ச்சியுடன் தெரிவித்துக்கொள்கின்றோம்.
இவ்வாறான சமூகப் பொறுப்புணர்வுடன் கூடிய செயற்பாடுகள், இரத்த வங்கியின் இரத்தத் தேவையைப் பூர்த்தி செய்வதற்கும், அவசர சிகிச்சைக்காகக் காத்திருக்கும் நோயாளர்களின் உயிர்களைக் காப்பாற்றுவதற்கும் பெரும் துணையாக அமைகின்றன.
💐 இம்மகத்தான பணியில் இணைந்து செயற்பட முன்வந்த கைதடி மேற்கு சனசமூக நிலையத்திற்கும், தொடர்ந்து ஒத்துழைப்பு வழங்கி வரும் ஏனைய சனசமூக நிலையங்களுக்கும் யாழ்ப்பாணம் போதனா வைத்தியசாலை இரத்த வங்கியின் சார்பாக மனமார்ந்த பாராட்டுக்களையும் நன்றிகளையும் தெரிவித்துக்கொள்கின்றோம்.
📢 பொதுமக்களுக்கான அன்பான அழைப்பு!
நாளை நடைபெறவுள்ள இக்குருதிக்கொடை நிகழ்வில் பொதுமக்கள் அனைவரும் ஆர்வத்துடன் பங்கேற்று, இரத்ததானம் செய்து, உயிர்காக்கும் இப்புனிதப் பணிக்கு ஆதரவு வழங்குமாறு அன்புடன் கேட்டுக்கொள்கின்றோம்.
🩸நீங்கள் வழங்கும் ஒரு துளி இரத்தம், ஒருவரின் வாழ்வில் புதிய நம்பிக்கையை ஏற்படுத்தலாம்!
❤️ குருதிக்கொடை செய்வோம்! உயிர்களைக் காப்போம்!
📍 இடம்: கைதடி மேற்கு சனசமூக நிலையம்
📅 திகதி: 11.10.2026