The Hope

12/01/2026

🚀 අනාගතයේ නායකයින් වෙනුවෙන් ‘See It to Be It’ 17 වන පියවර!

කළුඅග්ගල ශාන්ත ජෝන් බොස්කෝ විද්‍යාලයේ (St. John Bosco's College) අනාගතය දිනන්නට වෙර දරන දක්ෂ සිසු සිසුවියන් 85 දෙනෙකු වෙනුවෙන් "The Hope" අප සංවිධානය කළ 17 වන ව්‍යාපෘතිය පසුගියදා ඉතා සාර්ථකව නිමාවට පත් වුණා.

විශේෂත්වය වුණේ මෙවර වැඩමුළුව සඳහා පාසලේ සියලුම ශිෂ්‍ය නායක නායිකාවන් එක් වීමයි! 🌟

අපි මොකද කළේ? හුදෙක් ක්‍රීඩාවට පමණක් සීමා නොවී, හෙට ලෝකයේ වෙනස් වන වෘත්තීය අවස්ථා (Career Paths) ගැන ඔවුන්ව දැනුවත් කිරීම මෙවර අපේ ප්‍රධාන අරමුණ වුණා. විශේෂයෙන්ම Data Science, Software Engineering වැනි තාක්ෂණික ක්ෂේත්‍රයේ නව රැකියා අවස්ථා ගැන ඔවුන් තුළ තිබුණේ පුදුමාකාර උනන්දුවක්.

Firehouse Technology - FHTS ආයතනය විසින් පිරිනැමූ වෘත්තීය මාර්ගෝපදේශන (Career Guide) පොත් පිංච ඇසුරින්, තමන්ගේ හෙට දවස නිවැරදිව සැලසුම් කරගන්නා ආකාරය ගැන අපි ඔවුන් සමඟ සාකච්ඡා කළා. 💻📖

අපගේ මෙම උත්සාහයට ශක්තියක් වූ Firehouse Technology - FHTS ආයතනයටත්, පාසලේ විදුහල්පතිතුමා ඇතුළු ගුරු මණ්ඩලයටත්, "The Hope" කණ්ඩායමටත් අපගේ හෘදයාංගම ස්තුතිය!

"See It to Be It" - සිහින දකින දරුවන්ට, සිහිනයට යන මඟ පෙන්වන්නට අප සූදානම්!

18/06/2025

'See It to Be It' | Empowering futures in collaboration with Firehouse Technology - FHTS

ගඩොලින් ගඩොල නැංවෙන ගොඩනැගිල්ලක..
පිටපත දුනිමු අත් අවැසිම ඇසිල්ලක..

"The Hope" 16 වන ව්‍යාපෘතිය ලෙස Firehouse Technology - FHTS සමඟ අත්වැල් බැඳගනිමින් අම්පාර කුමාරිගම මහා විද්‍යාලයේ ඉගෙනුම ලබන සිසු සිසුවියන් වෙනුවෙන් පවත්වනු ලැබූ නායකත්ව කඳවුර පසුගියදා සාර්ථක ලෙස නිමාවට පත් විය.

විදුහලේ විදුහල්පතිතුමන්, ගුරුභවතුන් සහ දෙමාපියන් පිරිසකගේද සහභාගීත්වයෙන් පැවැත්වූ මෙම වැඩමුළුවේ ප්‍රධානතම අංගය ලෙස දරුවන්ගේ ස්වකැමැත්තට අනුකූලව යමින් තමන්ට ගැලපෙන රැකියා අවස්ථාවක් සොයාගන්නේ කෙසේද යන්න පිළිබඳ දේශනයක් පැවැත්විනි. මෙහිදී මේ සඳහාම Firehouse Technology - FHTS ආයතනය වෙතින් නිර්මාණය කරන ලද විවිධ ක්ෂේත්‍ර වල ඇති රැකියා අවස්ථා, ඒවායේ වැටුප් පරිමාණ, රැකියාව ලබා ගැනීමට අවශ්‍ය සුදුසුකම් ආදී විවිධ තොරතුරු ඇතුලත් පොත් පිංචක්ද දරුවන් වෙත පිරිනැමිණි. තවද නායකත්ව වර්ධන ක්‍රීඩා, විනෝදාත්මක ක්‍රියාකාරකම්, විවිධ හැකියා ප්‍රසංගයක් ආදී නොයෙකුත් අංගවලින් එදින වැඩමුළුව වර්ණවත් විය.

මීට සමඟාමීව එදින උදෑසන සහ සවස තේ පැන් සංග්‍රහයන් මෙන්ම දිවා ආහාරයද රැස්ව සිටි සියලුම දෙනා වෙනුවෙන් සංවිධානය කොට තිබුණු අතර දිනය අවසානයේදී පොත්, පෑන්, පැන්සල් ආදී ඉගෙනුම් උපකරණ සහිත කුඩා ත්‍යාගයක්ද එම දරුවන් වෙත පිරිනැමිණි.

තම හැකියාවන් සහ ආසාවන් පදනම කරගනිමින් ජීවිත ගොඩනැගිල්ල සකසා ගැනුමට වෙර දරන දුවා දරුවනට අවශ්‍ය පිඹුරුපත් සැකසුමක් හා ඊට අවශ්‍ය දෑතේ හුරුව ලබා දීමට ගත් උත්සහය සාර්ථක කරගැනීම සඳහා අවශ්‍ය ප්‍රධානතම මූල්‍ය දායකත්වය ලබා දුන් Firehouse Technology - FHTS ඇතුලු අනෙකුත් මූල්‍යමය ආධාර ලබා දුන් සෑම දෙනාටමත්, නන් අයුරින් අප වෙත සහයෝගය දැක්වූ සියලුම දෙනාටත් "The Hope" අපගේ හදපිරි ස්තුතිය!!

"The meaning of life is to find your gift. The purpose of life is to give it away."
— Pablo Picasso

09/01/2025

'𝐁𝐫𝐢𝐝𝐠𝐢𝐧𝐠 𝐭𝐡𝐞 𝐁𝐨𝐮𝐧𝐝𝐚𝐫𝐢𝐞𝐬' | Empowering futures in collaboration with Firehouse Technology - FHTS

තබන්නට පියවරක්
මතු දකින සිහිනයට
වුනෙමු අපි අත්වැලක්
ලොව දිනන සිත්වලට..!

"The Hope" 15 වන ව්‍යාපෘතිය ලෙස Firehouse Technology - FHTS සමඟ අත්වැල් බැඳගනිමින් අම්පාර අභයපුර මහා විද්‍යාලයේ ඉගෙනුම ලබන නව යොවුන්වියේ දුවාදරුවනට තම අනාගතය හැඩගස්වාගන්නේ කෙසේදැයි දැනුවත් කිරීම සඳහා පවත්වනු ලැබූ නායකත්ව පුහුණු කඳවුර අති සාර්ථක අන්දමින් පසුගියදා නිමාවට පත්විය. මේ සඳහා පාසලේ ද්විතීයික ශ්‍රේණිවල සිසුන් සහභාගිකරවා ගත් අතර පාසලේ ගුරුවරුන් කිහිපදෙනෙක් සහ දරුවන්ගේ දෙමාපියන් කිහිපදෙනෙක්ද ව්‍යාපෘතිය සාර්ථක කර ගැනීමට අප හා එක්විය.

නිශ්චිත ගමන් මාර්ගයක් නොදැන තවමත් ගැඹුරු දියේ ඔබ මොබ යාත්‍රා කරන නව යොවුන් ජීවිතවලට පහන් ටැඹක් වෙමින් එම යාත්‍රා නිවැරදි දිශානතියක් කරා යොමුකරනුවස්, අප විසින් සංවිධානය කර තිබුණු අධ්‍යාපනය සහ රැකියා අවස්ථා අතර ඇති සම්බන්ධය පිළිබඳ විචාරාත්මක සංවාදය මෙදින ප්‍රධානතම අංගය වුනු අතර, එම ගමනට රුවලක් බඳු නායකත්ව ගුණාංග පිළිබඳව හරවත් දේශන කිහිපයක්, අභියෝගවලට නොසැලී මුහුණ දීම සඳහාම නිර්මාණය කරන ලද අභියෝගාත්මක ක්‍රීඩා කිහිපයක් සඳහා සහභාගීවීමටද එදින එම දරුවනට ඉඩහසර වෙන්විනි. තවද තමා තුල සැඟවී ඇති හැකියාවන් නොබියව ඉදිරිපත් කිරීමට අවස්ථාවක්, විනෝදාත්මක ලෙස සැකසූ දැනුම මිනුම තරඟයක් ඇතුලු තවත් විශේෂාංග රැසකින් එදින වර්ණවත්විය.

දිනය පුරාවටම අපත් සමඟ එකමුතුව කටයුතු කල ගුරුවරුන්, දෙමාපියන් ඇතුළු දරු දැරියන් සඳහා රසවත් දිවා ආහාරයක් සමඟ උදෑසන සහ සවස තේ පැන් සංග්‍රහයක්ද සූදානම් කරගැනීමට අපට හැකිවිය. තවද එම දරුවන්ගේ ඉගෙනීමට රුකුලක්වන පොත්පත්, පෑන් පැන්සල් ආදිය ඇතුලත් කුඩා ත්‍යාගයක්ද එදින එම දරුවන් වෙත පිරිනැමිණි.

දිනයේ වැඩ කටයුතු නිමාවට පත්වන අවස්ථාවේ අම්පාර අභයපුර මහා විද්‍යාලයේ විදුහල්පතිතුමන් ඇතුලු දුවා දරුවන්ගේ ප්‍රශංසාත්මක වදන් වලින් විදහා පෑවේ අපගේ මෙන්ම අපට සහයෝගය දැක්වූ ඔබ සැමගේද ප්‍රයත්නයේ සාර්ථකභාවයයි.

කැලයේ පිපී කැලයටම පරව යන වනමල් වල සුවඳ ලොවට විදහා පෑමට ගත් උත්සහය සාර්ථක කරගැනීම සඳහා ප්‍රධානතම මූල්‍ය දායකත්වය ලබා දුන් Firehouse Technology - FHTS ඇතුලු අනෙකුත් මූල්‍යමය ආධාර ලබා දුන් සෑම දෙනාටමත්, නන් අයුරින් අප වෙත සහයෝගය දැක්වූ සියලුම දෙනාටත් "The Hope" අපගේ හදපිරි ස්තුතිය!!

"𝘞𝘦 𝘮𝘢𝘬𝘦 𝘢 𝘭𝘪𝘷𝘪𝘯𝘨 𝘣𝘺 𝘸𝘩𝘢𝘵 𝘸𝘦 𝘨𝘦𝘵, 𝘣𝘶𝘵 𝘸𝘦 𝘮𝘢𝘬𝘦 𝘢 𝘭𝘪𝘧𝘦 𝘣𝘺 𝘸𝘩𝘢𝘵 𝘸𝘦 𝘨𝘪𝘷𝘦"

𝘞𝘪𝘯𝘴𝘵𝘰𝘯 𝘊𝘩𝘶𝘳𝘤𝘩𝘪𝘭𝘭

27/12/2024

"I remember a time when 'charity' was a buzzword. Grants, donations, fundraisers... it was a constant cycle. But then, something shifted. Communities started building their own schools, healthcare centers, and support systems. It wasn't charity anymore. It was ownership. It was a future where dignity was the norm, not a handout. And you know what? It felt good."

26/12/2024

Good vibes only. Let's spread them!

31/12/2023

You added some colors to this grey world in 2023, 🙂 And someone, somewhere is thanking you for the last year... Be proud and be humble.. you've earned it. 💪♥️

13/12/2023

"Thank you for being the magic in someone else's life."

A humble effort to bring smiles and hope to children residing in Children's homes for this christmas. Your support means a lot.. for sparking a positive impact on our community. You can support us through financial contributions as well as by volunteering.

Donations:

The Hope
106161005948
Sampath Bank
Battaramulla

For foreign donations - Swift Code - BSAMLKLX

For volunteering & more details:
+94 76 833 8904 | +94 71 728 9213

06/12/2023

30/03/2023

The Hope අපේ 11වෙනි project එක

15/03/2023

2023 වසරට පාසල් ළමුන්ට අතවශ්‍ය පොත් බෙදා දීම

The Hope අපි අන්තිමට කරපු වැඩහිටි නිවාසේ project එකෙන් පස්සේ මේ සැරේ අපි ලෑස්ති වෙලා ඉන්නවා අනුරාධපුරේ අතිදුෂ්කර ඉස්කෝලෙක ඉන්න අපේම පොඩි නංගිලා මල්ලිලාට එයාලට ඕනි කරන පොත් ලබාදෙන්න. මේ ඉස්කෝලේ නම සුහදගම ප්‍රාථමික පාසල, මේකේ 1-4 වසර වෙනකන් ළමයි 30ක් විතර තමයි ඉන්නේ.

එයාලට ඕනි කරන පොත් list එක එයාල අපිට එවල තියෙන්නේ. එයාල ඉල්ලලා තියෙන්නේ ගොඩාක් පොඩි පොත් ප්‍රමාණයක්. ඒ ටික අපි මෙහෙ ඉස්කෝලත් එක්ක check කරලා බැලුවම ඒවා එක අවුරුද්දකට නෙමේ, එක වාරෙකටත් මදි වගේ. එයාල ඉල්ලලා තියෙන්නේ ගොඩක් අවම විදිහට අපිට කරදරයක් වෙයි කියල.

අපි plan කරගෙන ඉන්නේ මේ මාසේ 26 වෙනිදට එහෙට ගිහින් මේ පොත් ටික බාරදෙන්න. ඒ ගමන්ම අපිට පුළුවන් උනොත්, එයාල ඉල්ලලා තිබ්බේ නැතත් එයාලට ඕනි කරන අනිත් බඩුත් (පෑන්, පැන්සල්, පාට පෙට්ටි, පාට කොළ, half-sheets) මේ පොත් එක්කම ගෙනියන්න අපි හිතන් ඉන්නවා.

ඉතින් ඔයාටත් අපිත් එක්ක එකතු වෙන්න හිතෙනවනම්, ඔයාට පුළුවන් අපිට පොතක් හෝ පොත් කීපයක් අරගෙන දෙන්න. එහෙම නැත්තන් පල්ලෙහා තියෙන account එකට ඔයාට කැමති ගානක් donate කරන්න.

The Hope
106161005948
Sampath Bank
Battaramulla

14/03/2023

The Hope අපේ 10වෙනි project එක..!

මේ පාර අපිට පුළුවන් වුනා මාලිගාතැන්නේ තියෙන ‘එන්ජින් නෝනා අනුස්මරණ දෙටුපුරවැසි නවාතැනේ’ ඉන්න අපේම ආදරණීය අම්මල තාත්තලව කැළණි පන්සලට එක්කන් යන්න.

එකම තැනක අවුරුදු ගානක් හිර වෙලා හිටිය එයාලගේ මූනේ එදා තිබ්බේ වචනෙන් කියන්න බැරි තරන් සතුටක්. අපි පිටත් වෙන්න හිටියේ දවල් කෑමෙන් පස්සේ උනත්, උදේ කෑම කාල ඉවර වෙද්දීම එයාල ලෑස්ති වෙලත් ඉවරයි.

අපිට ඒ project එක අපි හිතුවටත් වඩා ගොඩාක් හොදට සාර්ථකව කරන්න පුළුවන් උනා. මුලින්ම අපි plan කරලා තිබ්බේ දානයක් දෙන්න විතරක් උනාට, අපිට පුළුවන් උනා ඒ අම්මල තාත්තලට උදේ තේ වේල දීල, සිංදුවකුත් කියලා, දවල් කෑම වේලත් දීල, හවස ඒ හැමෝවම කැළණි පන්සලට එක්කගෙන ගිහින්, කෝපි එකකුත් දීල, ඉතුරු වෙච්ච කෑම ඒ හරියේ බඩගින්නේ හිටපු අයට බෙදලත් දෙන්න.

වැඩිහිටි නිවාසේ හිටිය සමහර අම්මල තාත්තලගේ තත්වේ එක්ක අපිට හිතාගන්න බැරුව හිටියේ කොහමද මෙච්චර දෙයක් කරන්නේ කියල. එත් අපි හිතුවෙවත් නැති විදිහට අපිට හම්බෙච්ච උදව් වලින් හැම දේම ලේසියෙන්ම කරගන්න පුළුවන් උනා.

විශේෂයෙන්ම මතක් කරන්න ඕනි අපිට ආධාර කරපු සියලුම දෙනාව, ඒ වගේම එදා දවසේ අපිට උදව් කරපු වැඩිහිටි නිවාසේ කාර්ය මණ්ඩලය ඇතුළු සියලුම දෙනාවත්. ඊට අමතරව විවිධ ආකාරයෙන් අපිට උදව් කරපු අයව.

Photography - Shanilka Ayesh Photography
Coffee - Ridmi Wijerathna
Cakes - Tharika Kavindi
Flowers & incense sticks- Jeewantha Wilathgamuwa

11/03/2023

Thank you to all of our amazing volunteers and supporters for helping us make a difference in this world! Your dedication and generosity are truly inspiring and we couldn't do it without you. Together, we are creating a brighter future for our community.