துமி Thumi

Directions Website Contact the organization

துமி Thumi இனத்தின் இருப்புக்களை அடுத்த தலைமுறைக்கு எடுத்துச் சொல்லும் பொறுப்பான பணி....

ஆறுபடை வீடுகளில் ஒன்றான, ஆறுமுகப் பெருமானின் அருளொளி பரவும் திருச்செந்தூர் திருத்தலத்தில், கந்த சஷ்டிப் பெருவிழா காலத்தி...
07/11/2026

ஆறுபடை வீடுகளில் ஒன்றான, ஆறுமுகப் பெருமானின் அருளொளி பரவும் திருச்செந்தூர் திருத்தலத்தில், கந்த சஷ்டிப் பெருவிழா காலத்தில் ஈழத்தின் சைவத் தமிழ்க் குரலாக ஒலிக்கவிருக்கிறார் சிவபூமி அறக்கட்டளையின் தலைவரும், தெல்லிப்பழை ஶ்ரீ துர்க்காதேவி தேவஸ்தான நிர்வாக சபைத் தலைவருமான செஞ்சொற்செல்வர் கலாநிதி ஆறு. திருமுருகன் ஐயா அவர்கள்.

அருள்மிகு சுப்பிரமணிய சுவாமி திருக்கோயிலில் ஆண்டுதோறும் நடைபெறும் கந்த சஷ்டி ஆறு நாள் திருவிழாவை முன்னிட்டு, இம்முறையும் இலங்கையிலிருந்து இந்திய மண்ணிற்குச் சென்று ஐயா அவர்கள் சிறப்புச் சொற்பொழிவுகளை ஆற்றவுள்ளார். தினமும் பிற்பகல் 1.00 மணிக்கு இடம்பெறவுள்ள இவ்வருளுரைகள், முருகப்பெருமானின் திருவருளையும், சைவ சித்தாந்தத்தின் ஆழ்ந்த மெய்ப்பொருள்களையும், தமிழர் ஆன்மிக மரபின் மேன்மைகளையும் பக்தர்களுக்கு எடுத்தியம்பும் அரிய ஆன்மிக நிகழ்வாக அமையவுள்ளன.

திருச்செந்தூர் முருகப்பெருமானின் திருப்பதியில் தொடர்ந்து பதின்மூன்றாவது தடவையாக உரையாற்றும் பெருவாய்ப்பைப் பெற்றிருப்பது சாதாரணமானதொரு நிகழ்வன்று. ஈழத்திற்கும் தமிழகத்திற்கும் இடையே தொன்றுதொட்டு நிலவிவரும் ஆன்மிகம், பண்பாடு, மொழி, சமய உறவுகளின் உயிர்ப்பான தொடர்ச்சியாகவும், ஈழத்துச் சைவத் தமிழறிவின் பெருமையைத் தமிழகத்தின் புனிதத் திருத்தலத்தில் நிலைநாட்டும் சிறப்பாகவும் இது திகழ்கின்றது.

தமது செந்தமிழ்ச் சொற்பொழிவுகளாலும், சைவப்பணிகளாலும், ஆன்மிகத் தொண்டுகளாலும் பலரது உள்ளங்களில் இடம்பிடித்துள்ள ஐயா அவர்கள், இம்முறையும் முருகப்பெருமானின் திருவருள் துணையுடன் பக்தர்களுக்கு அருளுரையாற்றவிருப்பது எமது தேவஸ்தானத்திற்கும், சிவபூமி அறக்கட்டளைக்கும், ஈழத்துச் சைவத் தமிழ்ச் சமூகத்திற்கும் பெருமையும் மகிழ்ச்சியும் தரும் செய்தியாகும்.

ஈழத்தின் ஆன்மிகப் பாரம்பரியம் தமிழகத்தின் திருத்தலத்தில் ஒலிக்கும் இப்புனிதத் தருணம், முருகப்பெருமானின் திருவருளால் மேலும் பல ஆன்மிகப் பணிகளுக்கு வழிகோலட்டும்!

05/11/2026

யாழ்ப்பாணப் பல்கலைக்கழக தமிழியல் ஆய்வு மாநாட்டின் ஆசிச் செய்தியில், செஞ்சொற்செல்வர். கலாநிதி. ஆறு திருமுருகன் அவர்கள் படைப்பிலக்கிய விமர்சனங்கள் எவ்வாறு அமைய வேண்டும் என்ற ஆசியை வழங்கியுள்ளார்.

Aaruthirumurugan Aaruthirumurugan

*  மழைக்கால அச்சமும் பூமிக்கான மீட்சியும்.* உங்கள் AI பேசுகிறேன்* மகிழ்ச்சி தரும் தீபாவளி ஆபத்துகளை தவிர்க்கும் வழிகாட்ட...
01/11/2026

* மழைக்கால அச்சமும் பூமிக்கான மீட்சியும்.
* உங்கள் AI பேசுகிறேன்
* மகிழ்ச்சி தரும் தீபாவளி ஆபத்துகளை தவிர்க்கும் வழிகாட்டல்
* மௌனமாக அழும் மனங்கள் மனநல விழிப்புணர்வு ஏன் அவசியம்
* கொஞ்சம் திரும்பி பார்க்கிறேன்
* மலர்களும் மாதங்களும்
* போர்க்களத்தில் தொலைந்த மனிதம்
. நோபல் பரிசு 2026 வெற்றியாளர்கள் முழு பட்டியல்
* ஆசிரியர்களுக்கு "Tr" (டீச்சர்) எனும் கௌரவ பட்டம்
* கடம்பவனம்
* செயற்கை நுண்ணறிவும் மதமும் ஆன்மீக உலகில் நவீனத் தொழில்நுட்பத்தின் தாக்கம்
* கிரிக்கெட் வரலாற்றில் மறக்க முடியாத நொடிகள்
போன்ற பல சுவாரசியங்களின் சுவையோடு துமிக்கிறது துமி மின்னிதழ் 101

வாசிக்க...
https://thumi.org/2026/10/31/%e0%ae%87%e0%ae%a4%e0%ae%b4%e0%af%8d-101/

எமது WhatsApp குழுமத்தில் இணைந்து கொள்ள...
https://chat.whatsapp.com/GYbw0XuQlAJ3xR1e2mYipX

01/10/2026

துமி அமையம் பெருமையோடு வழங்கும் "துமி மின்னிதழ் - 100" வெளியீட்டுக் காணொளி.

வெளியிடப்பட்ட துமியின் நூறாவது மின்னிதழை வாசிக்க...

https://thumi.org/2026/09/30/%e0%ae%87%e0%ae%a4%e0%ae%b4%e0%af%8d100/

எமது WhatsApp குழுமத்தில் இணைந்து கொள்ள...
https://chat.whatsapp.com/GYbw0XuQlAJ3xR1e2mYipX

என்றென்றும் எங்களை வழிப்படுத்துகின்ற செஞ்சொற்செல்வர் கலாநிதி. ஆறு. திருமுருகன் (Aaruthirumurugan Aaruthirumurugan) அவர்க...
01/10/2026

என்றென்றும் எங்களை வழிப்படுத்துகின்ற செஞ்சொற்செல்வர் கலாநிதி. ஆறு. திருமுருகன் (Aaruthirumurugan Aaruthirumurugan) அவர்களால் சிறுவர் தினமான இன்று சிவபூமி மாணவச் செல்வங்களுக்கு முன்னிலையில் சிறுவர் தின விழாவில் துமியின் நூறாவது மின்னிதழ் வெளியிடப்பட்டது.

வெளியிடப்பட்ட துமியின் நூறாவது மின்னிதழை வாசிக்க...

https://thumi.org/2026/09/30/%e0%ae%87%e0%ae%a4%e0%ae%b4%e0%af%8d100/

எமது WhatsApp குழுமத்தில் இணைந்து கொள்ள...
https://chat.whatsapp.com/GYbw0XuQlAJ3xR1e2mYipX

நாளை (01.10.2026) துமி மின்னிதழ், 100வது இதழை பிரசவிக்கிறது!பெருங்கனவுடன், பிரபஞ்சத்தின்  ஆதி குருவான தட்சிணாமூர்த்தி வழ...
30/09/2026

நாளை (01.10.2026) துமி மின்னிதழ், 100வது இதழை பிரசவிக்கிறது!

பெருங்கனவுடன், பிரபஞ்சத்தின் ஆதி குருவான தட்சிணாமூர்த்தி வழிபாட்டுடன், சைவத்தமிழ் பெரியவர் Aaruthirumurugan Aaruthirumurugan ஐயா அவர்களின் கரங்களால் 2020, மே-15இல் முதலாவது மின்னிதழ் வெளியீடு செய்யப்பட்டது.

ஆறு ஆண்டு இடைவெளியில் 100 என்ற மைல்கல்லில், வாசகர் சிறப்பிதழாக வெளிவருகிறது!

29/09/2026

நூறாவது துமி மலரப் போகும்
நுண்மணி வேளை நெருங்குகின்றது;
முதல்துமி மலர்ந்த பொன்னாள் நினைவு
முழுநெஞ்சில் இன்று மணக்கின்றது!

அன்றொரு நாள் அரும்பிய துமியை
அன்பொடு உலகிற்கு அறிமுகம் செய்தார்;
செஞ்சொற்செல்வர் கலாநிதி ஆறு. திருமுருகன்
செந்தமிழ் மொழியால் சிறப்புரை செய்தார்.

முதலிதழ் மலர்ந்த முதற்பொழுதினிலே
முத்தமிழ் மணத்தைப் பொழிந்தவர் அவர்;
துமியின் பயணம் தொடர்ந்திட வேண்டி
தூயதமிழ் வாழ்த்தினைத் தந்தவர் அவர்.

இன்றோ நூறாவது இதழெனும்
இன்பமிகு மைல்கல் எய்துகின்ற வேளை;
அன்றவர் ஆற்றிய அருந்தமிழ் உரை
அகமெங்கும் மீண்டும் ஒலிக்கின்றதே!

அன்று விதைத்த தமிழ்ச்சொல் விதைதான்
இன்று நூறிதழ் விருட்சமாய் நின்றது;
துமியின் பயணம் தொடர்க தொடர்க என
தூயதமிழ் வாழ்த்துடன் மலர்க மலர்க!

முதலின் நினைவும் நூறின் பெருமையும்
முத்தமிழ் நெஞ்சில் என்றும் நிலைக்க;
துமியின் சிறகுகள் தொலைதூரம் விரிந்து
தமிழின் மணத்தை உலகெங்கும் பரப்பட்டும்!

https://www.facebook.com/share/v/1MCMfnuhpz/

டெங்கு என்பது நுளம்புகளின் மூலம் பரவும் ஆபத்தான நோயாகும். நம் வீட்டையும் சுற்றுப்புறத்தையும் தூய்மையாகவும், தேங்கிய நீரற...
26/09/2026

டெங்கு என்பது நுளம்புகளின் மூலம் பரவும் ஆபத்தான நோயாகும். நம் வீட்டையும் சுற்றுப்புறத்தையும் தூய்மையாகவும், தேங்கிய நீரற்றதாகவும் வைத்திருப்பதன் மூலம் டெங்கு நுளம்புகள் பெருகுவதைத் தடுக்க முடியும். நோய் வந்த பின் கவலைப்படுவதைவிட, நோய் வருமுன் தடுப்பதே சிறந்த பாதுகாப்பாகும்.

“டெங்கு நுளம்பிலிருந்து உங்களையும் உங்கள் குடும்பத்தினரையும் பாதுகாப்பது உங்கள் பொறுப்பு!”

இன்று நாம் எடுக்கும் சிறிய முன்னெச்சரிக்கை நடவடிக்கைகள், நாளைய ஆரோக்கியமான வாழ்க்கையைப் பாதுகாக்கும்.

தேங்கிய நீரை அகற்றுவோம்;
நுளம்பு பெருக்கத்தைத் தடுப்போம்; டெங்குவை வெல்வோம்!

15/09/2026

தலைமுறைகளை கடந்த ஒரு அறிஞன்
'தமிழறிஞர் சாலமன் பாப்பையா'

Gen-Z பற்றி பலரும் குறைகூறுகையில்
'புதியது தொடர்பில் பழையது'
எதார்த்தத்தை பதிவு செய்துள்ளார்!

அறிஞர்களும் கலைஞர்களும்
இவ்உலகை விட்டு நீங்கியிருக்கலாம்
தம் அறிவாலும் கலையாலும் நிலைப்பார்கள்!

அஃதே தமிழறிஞர் சாலமன் பாப்பையாவிற்கும் பொருந்தும் 🙏

(காணொளி சன் தொலைக்காட்சியில் 2026 விநாயகர் சதுர்த்தி சிறப்பு பட்டிமன்ற பதிவு)

தமிழ் இலக்கிய உலகிற்கு பெருமை சேர்த்த ஈழத்தின் மூத்த படைப்பாளி, கவிஞர் சோ.பத்மநாதன் (சோ.ப) அவர்கள் இலங்கையின் உயர் இலக்க...
13/09/2026

தமிழ் இலக்கிய உலகிற்கு பெருமை சேர்த்த ஈழத்தின் மூத்த படைப்பாளி, கவிஞர் சோ.பத்மநாதன் (சோ.ப) அவர்கள் இலங்கையின் உயர் இலக்கிய விருதான 'சாாகித்திய ரத்தினா' விருது பெற்று சிறப்பிக்கப்பட்டுள்ளார்.

அவரது இலக்கியப் பணியைப் போற்றும் வகையில், இலங்கை தமிழியல் ஆராய்ச்சி நிறுவனம் நடத்தும் பாராட்டு விழாவில் இலக்கிய ஆர்வலர்கள், படைப்பாளிகள் மற்றும் மாணவர்கள் அனைவரும் கலந்துகொண்டு சிறப்பிக்குமாறு அன்போடு அழைக்கப்படுகிறீர்கள்!

வாருங்கள், தமிழன்னைக்குப் பெருமை சேர்த்த ஆளுமையை நேரில் வாழ்த்துவோம்!

Address

Jaffna
021

Alerts

Be the first to know and let us send you an email when துமி Thumi posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to துமி Thumi:

Shortcuts

Share