13/09/2026
වික්‍රමබාහු මධ්‍ය විද්‍යාලයීය ආදි ශිෂ්‍ය සංගමයෙන් කෘතවේදී සටහනක්...
වික්‍රමබාහු මධ්‍ය විද්‍යාලයීය ආදි ශිෂ්‍ය සංගමයේ අරමුදල් තරකිරීමේ අරමුණින් සංවිධානය කළ ”ඔළුහැලුවෝ“ වේදිකා නාට්‍ය දැක්ම, ඊයේ (2026.09.12 සෙනසුරාදා) පස්වරු 2.30 ට සහ 6.30 ට අති සාර්ථක ලෙසත්, අතිමහත් ප්‍රේක්ෂක ප්‍රතිචාර මධ්‍යයේත් වේදිකාගත කිරීමට අපට හැකි විය.
මෙම කලාත්මක සන්ධ්‍යාව සාර්ථක කර ගැනීමට ශක්තියක් වූ සැමට අපගේ හදපිරි ප්‍රණාමය මෙසේ පිරිනමන්නෙමු:
• සම්භාවනීය ආරාධිතයන්ට: අපගේ ආරාධනාව පිළිගෙන පැමිණ, මෙම කටයුත්ත අභිමානයෙන් බැබළවූ සියලුම සම්භාවනීය ආරාධිත අමුත්තන්ට, හා අප ආදි ශිෂ්‍ය සංගමයේ භාරකාර හා අනුශාසක මණ්ඩල සාමාජිකයින්ට
• ආදරණීය ප්‍රේක්ෂක ජනතාවට: නාට්‍ය නැරඹීමට පැමිණි වික්‍රමබාහු ආදි සිසු-සිසුවියන්ට, සුභපතන්නන්ට මෙන්ම කලාකාමී ප්‍රදේශවාසී සියලුම වේදිකා නාට්‍ය රසිකයන්ට,
• අනුග්‍රාහක භවතුන්ට: මෙම නාට්‍ය යේ ප්‍රචාරන කටයුතු සදහා, ප්‍රවේශපත් අලෙවියට හා නාට්‍ය කණ්ඩායමේ පහසුකම් සැලසීම පිණිස අනුග්‍රහ දැක්වූ අනුග්‍රාහක භවතුන්ටත්
• රංගන ශිල්පීන් ඇතුළු නාට්‍ය කණ්ඩායමට: අප හා රසික පිරිස සමඟ ඉතා නිහතමානීව ප්‍රේක්ෂක සතුට බෙදාගනිමින් අපූර්ව රංගනයක නිරත වූ නාට්‍ය කණ්ඩායමට,
• වෙනත් සහාය : විද්‍යාලයේ විදුහල්පති තුමිය ඇතුළු ගුරු මණ්ඩලය හා, අනධ්‍යන කාර්ය මණ්ඩලයටත් ප්‍රචාරණ කටයුතු සදහා අනුමැතිය ලබා දෙමින් සහයෝගය දැක්වූ ගම්පල පොලීසියටත්,
• විධායක කමිටුව ඇතුළු සංවිධායක මණ්ඩලයට: තමන්ගේ සියලු රාජකාරි පසෙකලා, වැඩසටහන් සම්බන්ධීකරණය, ප්‍රචාරණය, ප්‍රවේශපත් අලෙවිය, ආරාධනා පත්‍ර යොමුකිරීමේ සිට නාට්‍යය සාර්ථකව අවසන් වන තෙක් තිරය පිටුපස සිට සියලු බර කරට ගත් ආදි ශිෂ්‍ය සංගමයේ විධායක කමිටු සාමාජිකයන් ඇතුළු කැපවූ සැමට,
ඔබ සැමගේ එකමුතුකම සහ අප්‍රතිහ කැපවීම නොමැති වන්නට මෙවැනි දැවැන්ත කලා මංගල්‍යයක් යථාර්ථයක් කරගැනීමට නොහැකි වනු ඇත.
අප සමඟ අත්වැල් බැඳගත් ඔබ සැමට වික්‍රමබාහු මධ්‍ය විද්‍යාලයීය ආදි ශිෂ්‍ය සංගමයේ ගෞරවනීය හා හෘදයාංගම ස්තූතිය!
