EDF G MEDIA

06/09/2026

ஆசிரியர் எம். எச். எம். நாளீர் அவர்கள் வபாத்தான செய்தி ஆழ்ந்த கவலையையும் வருத்தத்தையும் ஏற்படுத்தியுள்ளது.

ஒரு ஆசிரியராக கல்விப் பணியில் மட்டுமல்லாது, சமூகத்திற்கும் குடும்ப வாழ்விற்கும் பயனுள்ள சிந்தனைகளையும் வழிகாட்டுதல்களையும் வழங்கியவர் என்பதில் அவரது பங்களிப்பு என்றும் நினைவுகூரத்தக்கது.

அவரது எழுத்துப் பணியின் சிறப்பை எடுத்துக்காட்டும் பல நூல்களையும் கட்டுரைகளையும் சமூகத்திற்கு பயனுள்ள கருத்துக்களையும் எழுதியவர் என்ற வகையில், கல்கமுவ கல்வி அபிவிருத்தி சங்கம் (EDF) வெளியிட்ட “குடும்ப வாழ்வு – சில வகுப்பறை பாடங்கள்” என்ற நூல் குறிப்பிடத்தக்கதாகும்.

“குடும்ப வாழ்வு – சில வகுப்பறை பாடங்கள்” என்ற அவரது படைப்பு, பல குடும்பங்களுக்கு பயனளிக்கக்கூடிய ஒரு சிறந்த வழிகாட்டியாகத் தொடர்ந்து நிலைத்திருக்கும். ஒரு மனிதர் மறைந்தாலும், அவர் விட்டுச் செல்லும் நல்ல சிந்தனைகளும் பயனுள்ள எழுத்துக்களும் அவரைத் தொடர்ந்து வாழச் செய்கின்றன.

ஆசிரியர் நாளீர் அவர்களின் நல்லமல்களை அல்லாஹ் ஏற்றுக்கொள்வானாக. அவருடைய பாவங்களையும் குறைகளையும் மன்னித்து, மண்ணறையை ஒளிமயமாக்கி, விசாலமானதாக ஆக்கி, ஜன்னத்துல் ஃபிர்தௌஸ் எனும் உயர்ந்த சுவனத்தை வழங்குவானாக.

அவரது குடும்பத்தினர், உறவினர்கள், நண்பர்கள், மாணவர்கள் அனைவருக்கும் அல்லாஹ் ஸப்ரன் ஜமீலா வழங்குவானாக.

ஆமீன் யா ரப்பல் ஆலமீன். 🤲

கல்கமுவ கல்வி அபிவிருத்தி சங்கம் (EDF)
அவரது நினைவையும் அறிவுப் பணியையும் கௌரவத்துடன் நினைவுகூர்கிறது.

27/08/2026

10/08/2026

அகில இலங்கை ஜம்மியதுல் உலமாவின் பிரதம நிறைவேற்று அதிகாரியாக நியமிக்கப்பட்டுள்ள
அஷ்ஷெய்க் Y.L.M. நவவி நளீமி அவர்களுக்கு EDF G MEDIA சார்பில் உளமார்ந்த வாழ்த்துக்கள்.

உங்களின் கல்வி, மார்க்க அறிவு மற்றும் அரச நிர்வாக அனுபவம் சமூகத்தின் முன்னேற்றத்திற்குப் பெரும் பங்களிப்பாக அமையட்டும்.

உங்கள் புதிய பொறுப்பில் சிறப்பாகச் செயல்பட்டு, சமூகத்திற்கு பயனுள்ள சேவைகளை ஆற்ற எல்லாம் வல்ல அல்லாஹ்விடம் பிரார்த்திக்கின்றோம்.

18/07/2026

கல்கமுவ அல் அஸ்ஹர் ஜும்ஆப் பள்ளிவாசலில் (16-07-2026) நடைபெற்ற "எங்கள் பள்ளிவாசலுக்கு வரவேற்கிறோம்" (Welcome to Our Mosque) நிகழ்வு, பெரும் வரவேற்பைப் பெற்று வெற்றிகரமாக நிறைவுற்றுள்ளது. அல்ஹம்துலில்லாஹ்.

அல் அஸ்ஹர் ஜும்ஆப் பள்ளிவாசல் நிர்வாக சபை மற்றும் இஸ்லாமியக் கல்வி மையம் (CIS Harmony Center), Muslim Women's Research and Action Forum (MWRAF) ஆகியவை Diakonia-வின் ஆதரவுடன் இணைந்து ஏற்பாடு செய்த இந்நிகழ்வில், சுமார் 1,400 பிறமத சகோதரர்கள் ஆர்வத்துடன் கலந்துகொண்டுள்ளனர்.

பள்ளிவாசல் வழிகாட்டல், தொழுகை விளக்கம், இஸ்லாம் தொடர்பான கேள்வி–பதில், தகவல் கண்காட்சி, ஹென்னா, பாரம்பரிய முஸ்லிம் உடை மற்றும் ஹிஜாப் அறிமுகம், அரபு எழுத்தணி மற்றும் பாரம்பரிய முஸ்லிம் உணவு பரிமாறுதல் உள்ளிட்ட பல்வேறு நிகழ்ச்சிகள் இந்நிகழ்வின் சிறப்பம்சங்களாக அமைந்தன.

இந்நிகழ்வின் உள்ளூர் ஒருங்கிணைப்பாளராக அல்ஹாஜ் ஹாரிஸ் திறம்படப் பணியாற்றினார். மேலும், நிகழ்வின் திட்டமிடல், ஒருங்கிணைப்பு மற்றும் வெற்றிகரமான நடைமுறையில் அல் அஸ்ஹர் ஜும்ஆப் பள்ளிவாசல் நிர்வாக சபை உறுப்பினர்கள் அர்ப்பணிப்புடன் செயல்பட்டு முக்கிய பங்களிப்பை வழங்கினர். அவர்களுடன் இணைந்து உள்ளூர் சமூக அமைப்புகள், நலன் விரும்பிகள் மற்றும் தன்னார்வத் தொண்டர்கள் வழங்கிய ஒத்துழைப்பும் இந்நிகழ்வின் வெற்றிக்கு உறுதுணையாக அமைந்தது. அல்ஹம்துலில்லாஹ்.

இந்நிகழ்வின் வெற்றிக்காக உழைத்த அல் அஸ்ஹர் ஜும்ஆப் பள்ளிவாசல் நிர்வாக சபைத் தலைவர் உட்பட அங்கத்தவர்கள் அனைத்து ஏற்பாட்டாளர்கள், தன்னார்வத் தொண்டர்கள், ஆதரவாளர்கள், பங்கேற்பாளர்கள் மற்றும் ஒத்துழைப்பு வழங்கிய அனைத்து அமைப்புகளுக்கும் , EDF சங்கம் தமது மனமார்ந்த நன்றியைத் தெரிவித்துள்ளன.

அல்லாஹ், இந்நிகழ்வின் வெற்றிக்காக அர்ப்பணிப்புடன் பாடுபட்ட அனைவரின் நற்செயல்களையும் ஏற்றுக்கொண்டு, அவர்களுக்கு இம்மையிலும் மறுமையிலும் சிறந்த நற்கூலியை வழங்குவானாக. ஆமீன்.

10/07/2026

இதயம் கனிந்த வாழ்த்துக்களும் பாராட்டுகளும்!

எமது பாடசாலையின் பிரதி அதிபர் M.T.M. நாஸிர் (நளீமி) அவர்கள் கல்வி முகாமைத்துவ முதுமாணிப் பட்டம் (Master of Educational Management) பெற்றிருப்பது எமது பாடசாலைக்கும் கல்கமுவ சமூகத்திற்கும் பெருமை சேர்க்கும் சிறப்பான சாதனையாகும்.

நாஸிர் ஆசிரியர் அவர்களது அர்ப்பணிப்பு, விடாமுயற்சி மற்றும் கல்விசார் அர்ப்பண உணர்விற்கு கிடைத்த இந்த உயரிய அங்கீகாரத்திற்காக மனமார்ந்த வாழ்த்துகளையும் பாராட்டுகளையும் தெரிவித்துக் கொள்கின்றோம்.

எல்லாம் வல்ல அல்லாஹ் தங்களுக்கு நல்ல ஆரோக்கியத்தையும் நீண்ட ஆயுளையும் அருளி, கல்வித் துறையில் மேலும் பல உயரிய சாதனைகளைப் புரிந்து, எண்ணற்ற மாணவர்களின் எதிர்காலத்தை ஒளிமயமாக்கும் பணியில் தொடர்ந்து சிறந்து விளங்க அருள் புரிவானாக. ஆமீன்.

வாழ்த்துகளுடன்,
கல்கமுவ EDF சங்கம்.