20/10/2026
වටවල දුම්රිය ස්ථානය යළි ගොඩනැගීමට පියවර! 🚆
2026 අගෝස්තු 03 සහ 04 දිනවල ඇති වූ අධික වර්ෂා තත්වය හේතුවෙන් නායයෑමට ලක්වූ වටවල දුම්රිය ස්ථානය ප්‍රතිසංස්කරණය කිරීමට කටයුතු සූදානම් කරමින් පවතී.
1883 වසරේ ඉදිකරන ලද පුරාවිද්‍යාත්මක වටිනාකමකින් යුත් මෙම දුම්රිය ස්ථානය, එහි ඓතිහාසික අනන්‍යතාව සුරකිමින් පුරාවිද්‍යා දෙපාර්තමේන්තුවේ සහ NBRI ආයතනයේ නිර්දේශ අනුව ප්‍රතිසංස්කරණය කිරීමට නියමිතය.
මේ වන විට දුම්රිය ස්ථානයේ තාවකාලික මෙහෙයුම් සඳහා වෙනත් ගොඩනැගිල්ලක් සකස් කරමින් පවතින අතර, හානිවූ පැරණි දුම්රිය ස්ථානය සහ ඒ ආශ්‍රිත යටිතල පහසුකම් ඉදිරියේදී වැඩිදියුණු කිරීමට සැලසුම් කර ඇත.
ප්‍රවාහන, මහාමාර්ග සහ නාගරික සංවර්ධන අමාත්‍යාංශයේ සම්බන්ධීකරණයෙන්, ශ්‍රී ලංකා දුම්රිය දෙපාර්තමේන්තුව, Clean Sri Lanka ලේකම් කාර්යාලය, ශ්‍රී ලංකා යුද හමුදාව, වටවල වැවිලි සමාගම ඇතුළු රාජ්‍ය හා පෞද්ගලික ආයතනයයේ දායකත්වයෙන් මෙම ව්‍යාපෘතිය ක්‍රියාත්මක කෙරේ.
ඓතිහාසික උරුමය සුරකිමින්, උඩරට දුම්රිය මඟ යළි ගොඩනඟමු! 🇱🇰
