Sri Lanka Jama'athe Islami - Colombo Region

25/06/2025

வருடாந்த அங்கத்தவர் ஒன்றுகூடல்- (2025/1446)
மேற்படி ஹிஜ்ரி 1446 ஆம் ஆண்டுக்கான இலங்கை ஜமாஅத்தே இஸ்லாமியின் அங்கத்தவர்களுக்கான வருடாந்த அங்கத்தவர் ஒன்றுகூடல் நாடளாவிய ரீதியில்
ஜூன் மாதம் 14 முதல் 22 வரை நடைபெற்றன.

அந்த வகையில் கொழும்புப் பிராந்தியத்துக்கான அங்கத்தவர் ஒன்று கூடல் கொழும்புப் பிராந்திய அமைப்பாளர் அஷ்ஷெய்க் N.L. சில்மி ஜுமான் இஸ்லாஹி அவர்களின் தலைமையில் கடந்த ஜூன் 22 ஆம் திகதி காலை 09.00 மணி முதல் மாலை 03.00 மணி
தாருல் ஈமான் கேட்போர் கூடத்தில் சிறப்பாக நடைபெற்றது. அல்ஹம்துலில்லாஹ்.

இந்நிகழ்வில் கொழும்புப் பிராந்திய,
அங்கத்தவர்கள் (Members) மற்றும் இணை அங்கத்தவர்கள் (Candidate Members) ஆகியோர் கலந்து சிறப்பித்தனர்.

இந்நிகழ்வில் சிறப்பு அதிதிகளாக இலங்கை ஜமாஅத்தே இஸ்லாமியின் தலைவர் அஷ்ஷெய்க் M.H.M. உஸைர் இஸ்லாஹி, உதவித் தலைவர் அஷ்ஷெய்க் M.T. அப்துர் ரஹ்மான் (நளீமி) மற்றும் அஷ்ஷெய்க் M.R.M. ரிஸ்வான் (இஸ்லாஹி) (தேசிய அமைப்பு மற்றும் இளைஞர் விவகாரப் பகுதிப் பொறுப்பாளர்) ஆகியோர் கலந்து கொண்டு அங்கத்தவர்களுக்கான வழிகாட்டல்களை வழங்கினார்கள்.

அத்துடன் இலங்கை ஜமாஅத்தே இஸ்லாமியின் அடுத்த இரண்டு வருடங்களுக்கான பிரதிநிதிகள் சபைக்கான கொழும்பு பிராந்தியத்துக்கான பிரதிநிதிகளை தெரிவு செய்கின்ற தேர்தலும் நடைபெற்றமை குறிப்பிடத்தக்க அம்சமாகும்.

21/03/2025

இலங்கை ஜமாஅத்தே இஸ்லாமியின் கொழும்பு நகர கிளை பெண்கள் பகுதியினால் புனித ரமலானை முன்னிட்டு ஏற்பாடு செய்யப்பட்ட தரம் 6 முதல் 9 வரையான மாணவிகளுக்கான பயிற்சி வகுப்பின் நிறைவு நாளான 19.03.2025 அன்று பரிசளிப்பு வைபவம் தெமட்டகொட ஹைரிய்யா முஸ்லிம் மகளிர் கல்லூரியில் அன்று மாலை இடம்பெற்றது.

இந்த பயிற்சி நெறியில் சுமார் 20 மாணவிகள் 9 நாட்கள் தொடராக பங்குபற்றினர்.

இப் பயிற்சி நெறியின் இணைப்பாளரான சகோதரி முபஷ்ஷிரா நியாஸ் அவர்களின் தலைமையில் நடைபெற்ற இந்நிகழ்வின் இறுதியில் நோன்பு துறப்பு நிகழ்வும் மஃரிப் தொழுகையை தொடர்ந்து இப்பாடசாலையில் நீண்ட நாட்கள் அதிபராக கடமை ஆற்றி ஓய்வு பெற்றுச் செல்லும் சகோதரி நசீரா ஹஸனார் அவர்களுக்கான கௌரவிப்பு நிகழ்வும் இடம்பெற்றது. இதில் SFRD நிறுவன பணிப்பாளர் சகோதரர் நியாஸ் அபூபக்கர் அவர்களால் அதிபருக்கான நினைவுச் சின்னம் வழங்கிவைக்கப்பட்டது.

06/03/2025

இலங்கை ஜமாஅத்தே இஸ்லாமியின் கொழும்புப் பிராந்திய பெண்கள் பகுதியினால் புனித ரமழான் மாதத்தை முன்னிட்டு வாராந்த தப்ஸீர் பொது நிகழ்ச்சித் தொடர் தாருல் ஈமான் கேட்போர் கூடத்தில் ஏற்பாடு செய்யப்பட்டுள்ளது.

இதன் தொடரின் முதலாவது அமர்வு மார்ச் மாதம் 5ம் திகதி, புதன் கிழமை ஸூரா அழ் ழுஹாவின் தப்ஸீர் விளக்கம், அஷ்ஷேய்க் பஸ்லுர் ரஹ்மான் (நளீமி) அவர்களால் சிறப்பாக நடாத்தப்பட்டது.

இதில் தாய்மார்கள், சகோதரிகள் அதிகமான கலந்து அல்குர்ஆனிய அறிவை பெற்றுக் கொண்டனர்.
அல்ஹம்துலில்லாஹ்.

04/03/2025

இலங்கை ஜமாஅத்தே இஸ்லாமி கொழும்பு பிராந்திய பெண்கள் பகுதியின் ஏற்பாட்டில் சிறப்பாக நடைபெற்ற ரமலான் வரவேற்பு நிகழ்வு

இலங்கை ஜமாஅத்தே இஸ்லாமியின் கொழும்பு பிராந்திய பெண்கள் பகுதியின் ஏற்பாட்டில் மாணவர்கள் மற்றும் பெற்றோர்களுக்கான ரமலான் வரவேற்பு நிகழ்ச்சி சிறப்பாக நடைபெற்றது.

கொழும்பு, அல் ஹிதாயா கல்லூரி மற்றும் ரௌலத்துல் ஜன்னா ஆகிய பாடசாலைகளில் நடைபெற்ற
இந்நிகழ்வின் வளவாளர்களாக அஷ்ஷேஹ் சில்மி ஜுமான் இஸ்லாஹி, அஷ்ஷேஹ் சப்ரின் இஸ்லாஹி, மற்றும் அஷ்ஷேஹ் ரஹ்மத்துல்லாஹ் நளிமி ஆகியோர் கலந்து கொண்டு சிறப்பித்தனர். மாணவர்கள் மற்றும் பெற்றோர்களும் உற்சாகமாக கலந்து கொண்டு, தங்களது கருத்துகளை பகிர்ந்து கொண்டனர்.

இந்நிகழ்வில் ரமலானுக்கான திட்டமிடல், அதை பயனுள்ள முறையில் கழிப்பதற்கான வழிகாட்டல்கள் என்பன விளக்கப்பட்டன.

இதில் கலந்து கொண்ட மாணவர்கள் மற்றும் பெற்றோர்கள், ரமலானின் உண்மையான அர்த்தத்தையும், அதன் நேரத்தை பயனுள்ளதாக செலவிடுவதற்கான முக்கியத்துவத்தையும் புரிந்துகொள்ளும் வகையில் அறிவுறுத்தல்கள் வழங்கப்பட்டன.

28/02/2025

நன்மைகள் நிறைந்த ரமழான் மாதத்தை முன்னிட்டு இலங்கை ஜமாஅத்தே இஸ்லாமி கொழும்புப் பிராந்தியம் ஏற்பாடு செய்த அதன் அங்கத்தவர்கள் மற்றும் ஊழியர்களுக்கான ரமழான் வழிகாட்டல் நிகழ்ச்சி தாருல் ஈமான் கேட்போர் கூடத்தில்
பெப்ரவரி மாதம் 23ஆம் திகதி
காலை 9 மணி முதல் மாலை 2 மணி வரை மிகச் சிறப்பாக நடைபெற்றது. அல்ஹம்துலில்லாஹ். இதில் 100-க்கும் மேற்பட்ட ஆண், பெண் ஊழியர்கள் கலந்து சிறப்பித்தனர்.

இதன் வளவாளர்களாக
அஷ்ஷெய்க் ஸாஹுல் ஹமீத் கபூரியும் ஜமாஅத்தின் தேசிய அமைப்பாளர் அஷ்ஷெய்க் M.R.M. ரிழ்வான் இஸ்லாஹியும் கலந்து கொண்டனர்.

இந்நிகழ்ச்சியை கொழும்புப் பிராந்தியப் பொறுப்பாளர் அஷ்ஷெய்க் N.L.M. ஸில்மி ஜுமான் இஸ்லாஹி அவர்கள் நெறிப்படுத்தினார்.

18/02/2025

"புண்பட்ட உள்ளம் பண்பட்டு வளர" என்ற தலைப்பில் இலங்கை ஜமாஅத்தே இஸ்லாமி கொழும்பு பிராந்திய ஏற்பாட்டில் தாருல் ஈமான் கேட்போர் கூடத்தில் இன்று (18) ரமழானை வரவேற்கும் முகமாக உஸ்தாத் ரஷீத் ஹஜ்ஜுல் அக்பர் அவர்களின் விஷேட உரை இடம்பெற்றது.

இந்நிகழ்வு மாலை வேளையில் பெண்களுக்காகவும் மஃரிப் தொழுகையைத் தொடர்ந்து குடும்பமாகவும் கலந்து கொள்ளும் வகையில் நடைபெற்றமை குறிப்பிடத்தக்கது.

இந்நிகழ்வில் சுமார் 200 க்கும் மேற்பட்ட சகோதர சகோதரிகள் கலந்து பயன் பெற்றனர்.

15/02/2025