20/01/2025
සොබාදහම ට අවනත නොවන කිසිවක් ලොවේ නැති බව ඉතා ඉහළින් පිළිගනිමින්,මිනිස් ක්රියාකාරකම් හේතුවෙන් ඇතිවන ගෝලීය උණුසුමින් බැට කන ලෝක ප්රජාව වෙනුවෙන් බිම් මට්ටමේ සිටම ක්රියාත්මක වන පරිසර සංවිධානයක් වන Half blood trees අපි දෙවන වතාවටත් ඇමරිකානු ජනාධිපති ලෙස පත්වූ ඩොනල්ඩ් ට්රම්ප් මහතා වෙනුවෙන් මෙසේ සුබ පැතුම් එක් කරමු.
ඇමරිකානු ජනතාව වෙනුවෙන් පමණක් නොව මුළු මහත් ලෝක ප්රජාව වෙනුවෙන් ම යහපත්,වටිනා දේ පිරිනමන්නට ඔබ කටයුතු කරනු ඇතෑයි අපි විශ්වාස කරමු.
විශේෂයෙන්ම,Half blood trees අපි පාරිසරික සමතුලිතතාව පිළිබඳ අවධානය යොමු කරන්නෙමු.පසුගිය දා ලොස් ඇන්ජලීස්හිදී සිදුවූ අවාසනාවන්ත සිදුවීම ද එසේ පාරිසරික සමතුලිතතාවය බිඳ වැටීමෙන් සිදු වූ එකක් බව අපි විශ්වාස කරමු.
ලෝක නායකයින් හට නැවතත්,නැවත නැවතත් අප මතක් කර සිටින්නේ ගෝලීය උණුසුම සුළු කොට සැළකිය යුතු නොවන බවය. ගරු ඇමරිකානු ජනාධිපතිතුමනි ,ලෝක බලවතෙකු ලෙස ඔබගේ අවධානය ද ගෝලීය උණුසුම හේතුවෙන් ඇතිවන දේශගුණික විපර්යාස පිළිබඳ යොමු වනු ඇතැයි අපි තරයේ විශ්වාස කරමු.
