Free Media Movement Trade Union - FMMTU

31/08/2026

26/06/2026

2026. 06. 26

මාධ්‍ය නිවේදනයයි

නිදහස් මාධ්‍ය ව්‍යාපාරයේ වෘත්තීය සමිතියට නව නිලධාරීහු පත්වෙති

නිදහස් මාධ්‍ය ව්‍යාපාරයේ වෘත්තීය සමිතියේ වාර්ෂික මහා සභා රැස්වීම 2026 ජුනි මස 25 වන දින ශ්‍රී ලංකා පුවත්පත් ආයතන ශ්‍රවණාගාරයේ දී පැවැත්විණි.
එහිදී, නිදහස් මාධ්‍ය ව්‍යාපාරයේ වෘත්තීය සමිතියට නව නිලධාරී මණ්ඩලය ලෙස පහත සඳහන් අය පත්වනු ලැබීය.

ඒ අනුව, 2026/2027 වසර සඳහා සභාපති ලෙස, බිඟුන් මේනක ගමගේ, ප්‍රධාන ලේකම් ලසන්ත ද සිල්වා, උප සභාපති ලෙස සුජීව සෙනරත්, උප ලේකම් චාන්දනී දිසානායක, භාණ්ඩාගාරික, ආනන්ද ජයසේකර සහ උප භාණ්ඩාගාරික ආර්. රාම්කුමාර් යන අය පත්වූ අතර, ජාතික සංවිධායක අසේල කුරුළුවංශ කාරක සභාවට, දිලීෂා අබේසුන්දර සුනිල් ජයසේකර, ශාන් විජේතුංග, උදය කළුපතිරණ, ප්‍රියදර්ශන් වීරරන්ජන්, සුනිල් පැල්ලන්දෙනිය (වයඹ පළාත), රවිශාන් ප්‍රනාන්දු (බස්නාහිර පළාත), ප්‍රියන්ත සුමනසේන (මධ්‍යම පළාත), ශන්මුගම් තවසීලන් (උතුරු පළාත), මනුල වික්‍රම (උතුරු මැද පළාත) නයනජීව බණ්ඩර (ඌව පළාත), සරත් වීරවංශ (සබරගමු පළාත), මංගලනාත් ලියනාරච්චි (නැගෙනහිර පළාත), ජයසිරි පේදුරුආරච්චි (දකුණු පළාත) යන මාධ්‍යවේදීන් හා මාධ්‍යවේදිනියන් තේරී පත්විය.

අනුශාසක මණ්ඩලයට, ඇන්ටන් මාකස්, අනූප නන්දුල, ආචාර්ය නීතිඥ විරංජන හේරත්මං ජුල විදානගමගේ, මහත්වරුන් පත්කරගන්නා ලදි.

ජනමාධ්‍යකරුවන්ගේ, අයිතිවාසිකම් හා නිදහස ආරක්ෂා කිරීම වෙනුවෙන් වඩාත් යහපත් ජනාමාධ්‍යකරණයේ යෙදීම මුල්කර ගැනීම සඳහා කටයුතු කිරීම නිදහස් මාධ්‍ය ව්‍යාපාරයේ වෘත්තීය සමිතියේ කාර්යය භාරය වේ.

නිදහස් මාධ්‍ය ව්‍යාපාරයේ වෘත්තීය සමිතිය (FMMTU)

26/06/2026

'මාධ්‍යවේදීන් සඳහා යෝජිත වරලත් ආයතනය සහ වෘත්තීකයින් ලෙස මාධ්‍යවේදීන් මුහුණ දෙන අභියෝග' - වැඩමුළුව

'මාධ්‍යවේදීන් සඳහා යෝජිත වරලත් ආයතනය සහ වෘත්තීකයින් ලෙස මාධ්‍යවේදීන් මුහුණ දෙන අභියෝග' පිළිබඳ වැඩමුළුවක් 2026 ජුනි 25 දින 96, බර්නාඩ් සොයිසා මාවත, කොළඹ 05 ලිපිනයේ පිහිටි ශ්‍රී ලංකා පුවත්පත් ආයතන (SLPI ) ශ්‍රවණාගාරයේදී පැවැත්විණි.

මෙම වැඩමුළුවේ සම්පත් දායකයින් ලෙස ආචාර්ය, නීතිඥ විරජන හේරත් සහ මාධ්‍යවේදී ලසන්ත ද සිල්වා සහභාගි විය.

නිදහස් මාධ්‍ය ව්‍යාපාරයේ වෘත්තීය සමිතිය විසින් සංවිධානය කළ මෙම වැඩමුළුව සඳහා නිදහස් මාධ්‍ය ව්‍යාපාරයේ වෘත්තීය සමිතියේ සාමාජික, සාමාජිකාවන් සහභාගි වූහ.

26/06/2026

නිදහස් මාධ්‍ය ව්‍යාපාරයේ වෘත්තීය සමිතිය - වාර්ෂික මහා සභාව 2026

නිදහස් මාධ්‍ය ව්‍යාපාරයේ වෘත්තීය සමිතියේ වාර්ෂික මහා සභාව එහි සාමාජික සාමාජිකාවන්ගේ සහභාගිත්වයෙන් 2026 ජුනි 25 දින ශ්‍රී ලංකා පුවත්පත් ආයතන ශ්‍රවණාගාරයේදී පැවැත්විණි.

නව නිලධාරී මණ්ඩලය:
සභාපති : බිඟුන් මේනක ගමගේ
ප්‍රධාන ලේකම් : ලසන්ත ද සිල්වා
භාණ්ඩාගාරික : ආනන්ද ජයසේකර
උප ලේකම් : චාන්දනී දිසානායක
උප සභාපති : සුජීව සෙනරත්
උප භාණ්ඩාගාරික : රාම් කුමාර්

ජාතික සංවිධායක අසේල කුරුළුවංශ

කාරක සභාව:
දිලීෂා අබේසුන්දර
සී දොඩාවත්ත
උදය කළුපතිරණ
සුනිල් ජයසේකර
ශාන් විජේතුංග
ප්‍රියදර්ශන් වීරරන්ජන්
ජයසිරි පේදුරුආරච්චි (දකුණු පළාත)
නයනජීව බණ්ඩර (ඌව පළාත)
සුනිල් පැල්ලන්දෙනිය (වයඹ පළාත)
ප්‍රියන්ත සුමනසේන (මධ්‍යම පළාත)
ශන්මුගම් තවසීලන් (උතුරු පළාත)
මනුල වික්‍රම (උතුරු මැද පළාත)
සරත් වීරවංශ (සබරගමු පළාත)
මංගලනාත් ලියනාරච්චි (නැගෙනහිර පළාත)
රවිශාන් ප්‍රනාන්දු (බස්නාහිර පළාත)

අනුශාසක මණ්ඩලය:
ආචාර්ය, නීතිඥ විරංජන හේරත්
ඇන්ටන් මාකස්
අනූප නන්දුල
මංජුල විදානගමගේ

31/12/2025

2025. 12. 31

මාධ්‍ය නිවේදනය

ජනමාධ්‍ය නියාමනය සඳහා වන ස්වාධීන කොමිසමක් වහා ස්ථාපිත කිරීම ක්ෂේත්‍රයට අදාළ ගැටලු රැසකට විසඳුමයි - නිදහස් මාධ්‍ය ව්‍යාපාරයේ වෘත්තීය සමිතිය

අසත්‍ය පුවත් විකාශනය කරන ලදැයි චෝදනා එල්ල වී ඇති විද්‍යුත් මාධ්‍ය ආයතන කිහිපයක විකාශන බලපත්‍ර ආපසු කැඳවීමට ආණ්ඩුව කටයුතු කරමින් සිටින බවට හෝ එසේ කළ යුතු බවට සමාජය තුළ ගොඩනැගී ඇති කතිකාව සම්බන්ධයෙන් නිදහස් මාධ්‍ය ව්‍යාපාරයේ මෙන්ම එහි වෘත්තීය සමිතියේද දැඩි අවධානය යොමුව තිබේ.

ප්‍රස්තූත සිදුවීම්වලට අදාළව අදහස් ප්‍රකාශ කරමින්, එය ජාතික ආරක්ෂාවට බලපාන කාරණයක් නම් ඒ සම්බන්ධයෙන් ක්‍රියාකිරීමට පසුබට නොවන බවට විෂය භාර අමාත්‍යවරයාද පවසා තිබේ.

සියලු විද්‍යූත් මාධ්‍ය වෙත ලබාදී ඇති සංඛ්‍යාත මහජනයා සතු දෙපලක් බවද, ඊට අදාළව ජනමාධ්‍ය සමාජ වගකීමෙන් බැඳෙන බවද මේ පසුබිමෙහි වටහා ගත යුතු නමුත් භාෂණයේ සහ ප්‍රකාශනයේ ව්‍යවස්ථාපිත නිදහස ඊට අදාළ සීමාවන් තුළ ආරක්ෂා වීම කෙරෙහිද සමස්ත සමාජයේ අවධානය යොමු විය යුතුය. මාධ්‍ය නිදහස යනු එකී සකලවිධ කාරණා අතර සමබර හා විනිවිද පෙනෙන සුළු වූවකි.

එබැවින් මාධ්‍ය නිදහස පිළිබඳ සංකල්පය අවභාවිතා කරමින් මහජනයා වෙත අසත්‍ය ප්‍රචාර කිරීම තුළින් සමාජ අගතීන් නිර්මාණය කිරීමද පිළිගත නොහැකි තත්ත්වයකි. එබැවින්, එවැනි ක්‍රියා නියාමනය කිරීම අත්‍යාවශ්‍ය කටයුත්තක් වේ.

එසේම බහුතර විද්‍යූත් මාධ්‍ය ආයතන වෙත ලබාදී ඇති බලපත්‍ර දේශපාලන වුවමනාවන් ඉටු කරගැනීමට ලබා දුන් ඒවා බවටද සමාජය තුළ මතයක් පවතී. කිසිදු ආකාරයක විනිවිද පෙනෙන වැඩපිළිවෙලකින් තොරව ලබා ගත් එම සංඛ්‍යාත ප්‍රයෝජනයට ගනිමින් විකාශන පවත්වා ගෙන යනු ලබන ඇතැම් විද්‍යුත් මාධ්‍ය ආයතනවල සේවය කරනු ලබන ජනමාධ්‍යකරුවන්ගේ අයිතිවාසිකම්ද ඒවායේ හිමිකරුවන් විසින් අමු අමුවේ උල්ලංඝණය කරමින් සිටින බව අමිහිරි සත්‍යයකි. එවැනි ඇතැම් ආයතනවල හිමිකරුවන් කම්කරු අයිතිවාසිකම්ද නොසළකා කටයුතු කරන බව නිරීක්ෂණය වේ.

මෙම තත්ත්වය විද්‍යුත් මාධ්‍යවලට පමණක් සීමා නොවන අතර පුද්ගලික මුද්‍රිත මාධ්‍ය ආයතන තුළ තත්ත්වයද වෘත්තීය අයිතීන් නොසළකා කටයුතු කිරීම දක්වා වර්ධනය වී ඇත. මාසයක් පුරා දිවා රාත්‍රී නොබලා තම රාජකාරිය අකුරට ඉටුකරන වෘත්තීය ජනමාධ්‍යවේදීන්ගේ වැටුප පවා නියමිත වේලාවට නොලැබෙන අතර, එය මාස 3-4 ක් ප්‍රමාද කරන තත්ත්වයක් දක්නට ඇත. EPF/ETF ඇතුළු ඔවුන්ට හිමි සියලු වරප්‍රසාද අහිමි කර ඇත. ඒවා පිළිබඳව ප්‍රශ්ණ කළ විට සේවයෙන් ඉවත්ව යන ලෙස තර්ජනය කළ අවස්ථා බොහෝමයක් අප වෙත වාර්තා වී තිබේ.

ප්‍රාදේශීය මට්ටමින් කටයුතු කරන මාණ්ඩලික හා ප්‍රාදේශිය ජනමාධ්‍යකරුවන්ගේ තත්ත්වයද ඉතාම ශෝචනීය වේ. ඔවුන්ට හිමි, නියමිත වැටුප හා ගෙවීම් මාස ගණන් ප්‍රමාද වෙමින් තිබේ. ඇතැම් ආයතන ජනමාධ්‍යකරුවකුට හිමි සේවා හැඳුනුම්පත හෝ ලබාදීමට කටයුතු කර නොමැත.

මෙවැනි ගැටලු රාශියක් ජනමාධ්‍ය කර්මාන්තයට අදාළව අද වනවිට දක්නට ලැබේ. ඒවා විසඳා ගැනීම සඳහා ආණ්ඩුව අනුගමනය කළ යුතු මාර්ගය වන්නේ සියලු පාර්ශවයන්ගෙන් සැදුම්ලත් ස්වාධීන, මාධ්‍ය නියාමන කොමිසමක් ස්ථාපිත කිරීමට පහසුකම් සැපයීමයි.

ආණ්ඩු විසින් මාධ්‍ය නියාමනය කරනු ලැබීමට මැදිහත් වීම නූතනවාදී ප්‍රවේශයක් නොවන හා ප්‍රජාතන්ත්‍රවාදය පටහැණි පසුබිමක වර්තමාන ආණ්ඩුවේ කාර්යභාරය වන්නේ ඒ සඳහා අවශ්‍ය පරිසරය නිර්මාණය කිරීම සඳහා කටයුතු කිරීමයි.

ඒ සඳහා වර්තමාන ආණ්ඩුවට අවශ්‍ය මඟ පෙන්වීමක් ඇත්නම් නිදහස් මාධ්‍ය ව්‍යාපාරයේ වෘත්තීය සමිතිය හා මව් සංවිධානය වන නිදහස් මාධ්‍ය ව්‍යාපාරයද සහාය ලබාදීමට සූදානම්ය. එසේම ස්වාධීන මාධ්‍ය නියාමන කොමිසමක් ස්ථාපිත කිරීම සඳහා මෙම ආණ්ඩුව අවංක උත්සාහයක යෙදෙන්නේ නම් ඒ සඳහා ජනමාධ්‍ය ප්‍රජාව දායකත්වය ලබාදෙන බවද අපගේ විශ්වාසයි.

23/12/2025

Mongolia’s press freedom is at a crossroads as journalists face a surge in criminal defamation cases, state-led raids, and concentrated political ownership of newsrooms. While the Constitutional Court’s recent strike-down of a ‘false information’ provision marks a significant legal victory, ...

12/12/2025

වෘත්තීය සමිති ලෙස වෘත්තීය ගැටලු ජනමාධ්‍ය වෙත සන්නිවේදනය කිරීමේදී වැදගත්වන කරුණු පිළිබඳ වෘත්තීය සිමිති ක්‍රියාධරයින් දැනුවත් කිරීමේ එක් දින වැඩමුළුවක්, 2025 දෙසැම්බර් 11 දින ශ්‍රී ලංකා නාවිකයින්ගේ වෘත්තීය සමිති ශාලාවේදී පැවැත්විනි.

මෙම වැඩමුළුවේ සම්පත් දායකයින් ලෙස මාධ්‍ය පුහුණුකරු සී. දොඩාවත්ත, මාධ්‍ය පුහුණුකරු ආන්නද ජයසේකර, මාධ්‍ය පුහුණුකරු, මාධ්‍යවේදී ලසන්ත ද සිල්වා, නිදහස් මාධ්‍ය ව්‍යාපාරයේ වෘත්තීය සමිතියේ සභාපති සුජීව සෙනරත් යන මහත්වරු සහභාගි විය.

නිදහස් මාධ්‍ය ව්‍යාපාරයේ වෘත්තීය සමිතිය, වැඩබිම මාධ්‍ය සාමූහිකය මෙම වැඩමුළුව සංවිධානය කර තිබිණි.

23/11/2025

මට හැටයි, කතා හැටයි. කෘතිය ජනගත කිරීම

නිදහස් මාධ්‍ය ව්‍යාපාරයේ වෘත්තීය සමිතියේ කාරක සභික, මාධ්‍යවේදී බලංගොඩ සරත් වීරවංස මහතා විසින් සම්පාදිත 'මට හැටයි, කතා හැටයි' කෘතිය ජනගත කිරීම 2025 නොවැම්බර් 22 දින බලංගොඩ සේනක සෙන් සමාගමේ ශ්‍රවණාගාරයේ දි පැවැත්විණි.

ශ්‍රී ලංකා අමරපුර මහා නිකායේ උත්තරීතර මහානායක, අනුරාධපුර බුද්ධ ශ්‍රාවක විශ්ව විද්‍යාලයේ මහෝපාධ්‍යාය, දර්ශනපති අති පුජ්‍ය කරගොඩ උයන්ගොඩ මෛත්‍රී මුර්ති මහා නාහිමියන්ගේ ප්‍රධානත්වයෙන් මෙම කෘතිය ජනගත කිරීම සිදු විය.

මෙහිදී අස්ගිරි මහා විහාර පාර්ශ්වයේ, රත්නපුර මහ දිසාවේ අධිකරණ සංඝනායක අති පුජ්‍ය ගැටඇරළුවේ සංඝරක්ඛිත නායක ස්වාමින් වහන්සේ විසින් ප්‍රධාන දේශනය සිදු කරන ලද අතර මාධ්‍යවේදී ප්‍රියන්ජිත් ආලෝකබණ්ඩාර මහතා විසින් ආරාධිත දේශනය පවත්වන ලදී.

'මට හැටයි කතා හැටයි' කෘතිය ලංකාදීප පුවත්පතේ 'දෙයියෝ සාක්කි' විශේෂාංගයට දශකයකට ආසන්න කාලයක් තිස්සේ මාධ්‍යවේදී බලංගොඩ සරත් වීරවංශ මහතා විසින් සම්පාදනය කරන ලද කතා 60 ක එකතුවකි.