18/05/2026
🇱🇰අභිමානවත් 17 වන නිදහස සමරමු...
දශක තුනකට අධික කාලයක් මෙරට පැවති එල්.ටී.ටී.ඊ ත්රස්තවාදය පරාජයට පත් කර අදට (18) වසර 17ක් සපිරෙනවා.
2009 වසරේ මැයි 18 වනදා නන්දිකඩාල් කලපුවේදී එල්.ටී.ටී.ඊ නායක වේලුපිල්ලේ ප්රභාකරන් හමුදා සෙබලු අතින් ජිවිතක්ෂයට පත්වීමත් සමඟ එතෙක් පැවැති කුරිරු යුද්ධය නිමාවට පත්වුණා.
1975 ජූලි 27 වනදා එවක යාපනයේ නගරාධිපති ඇල්ෆ්රඩ් දොරේඅප්පා ඝාතනය, 1983 දී එල්.ටී.ටී.ඊ ත්රස්තවාදීන් හමුදා සෙබළුන් 13දෙනෙකු ඝාතනය කිරීමත් සමඟ ඇති වූ කළු ජූලිය මෙරට 30 වසරක් පුරා පැවති යුද්ධයේ ආරම්භක අවධිය වුණා.
ඉන්පසු ගෙවුණු දශක තුනකට අධික කාලයක් තුළ එල්.ටී.ටී.ඊ ත්රස්තවාදීන් විසින් මෙරට ආගමික නායකයින්, රාජ්ය නායකයින්, දේශපාලඥයින්, හමුදා සෙබලුන් පමණක් නොව සිවිල් වැසියන්ද දහස් ගණනින් අමු අමුවේ ඝාතනය කරන ලද්දේ ලොව ප්රබලම ත්රස්තවාදී සංවිධානය බවට පත්වෙමින්.
අවස්ථා කිහිපයකදී සටන් විරාම සහ සාම සාකච්ඡා පැවැත්වුවද එය සියල්ල බිඳ වැටුණා.
යුද්ධයේ අවසානය සටහන් කළ සිව්වන ඊළාම් යුද්ධය ආරම්භ වුණේ, ගොවි ජනතාවට ජලය සපයන නැගෙනහිර මාවිල්ආරු සොරොව්ව වසා දැම්මට එල්.ටී.ටී.ඊ ය ක්රියාකිරීමත් සමඟින්.
එවක යුද හමුදාපති ෆීල්ඩ් මාර්ෂල් සරත් ෆොන්සේකාත්, නාවික හමුදාපති අද්මිරාල් ඔෆ් ද ෆ්ලීට් වසන්ත කරන්නාගොඩත්, ගුවන් හමුදාපති මාර්ෂල් ඔෆ් ද ශ්රී ලංකා එයාර් ෆෝස් රෝෂාන් ගුණතිලකත් එල්.ටී.ටී.ඊ ත්රස්තවාදයට එරෙහිව මෙහෙයුම් දියත් කළ අතර, ඊට සිවිල් ආරක්ෂක බළකාය සහ ශ්රී ලංකා පොලීසියෙන්ද ලැබුණේ, නොමද සහයක්.
දෙමළ ජනයා මිනිස් පළිහක් ලෙස භාවිත කරමින් තම ජීවිත ආරක්ෂා කර ගැනීමට එල්.ටී.ටී.ඊ නායක වේලුපිල්ලේ ප්රභාකරන් දැරූ නින්දිත උත්සහය පරාජය කරමින් මෙරට යුද්ධය ජයග්රහණය කළේ, ලොව විශාලතම ප්රාණ ඇපකරුවන් මුදා ගැනීමේ අභියෝගයද සාර්ථකව ජය ගනිමින්.
යුද්ධයෙන් මියගිය සහ ආබාධිත වූ රණවිරුවන් හා සිවිල් ජනතාවට උපහාරයක්ම වේවා...
#පාරිභෝගිකසම්බන්ධීකාරක #ලංවිම
