01/08/2026
2026.08.01
෴……විරුලිය ත්රිවිධ හමුදා කාන්තා එකමුතුවේ නිර්මාතෘවරිය, ගරු සභාපතිනිය මේජර් රමණී බංඩාර මැතිණිය අප සැම හදවත් කම්පා කරමින් වියෝවී අදට එනම් 2026.08.01 වන දිනට වසරක් සපිරෙන මොහොතේ,
එතුමියගේ සිතේ පැවති සුන්දර බලාපොරොත්තුව වූ විරුලිය සෙවන තේමා ගීතය එළි දක්වන්නට එතුමිය නොමැති වුවත් ඇය සිතූ ලෙසින්ම ඉටු කිරීමට අපට හැකි විය.
දුෂ්කරම කාර්ය වූ මූල්ය දායකත්වය මුලුමනින්ම දැරීමට සිය කැමැත්තෙන්ම විරුලිය කාන්තා එකමුතුවේ අනුශාසකතුමිය ලෙසින් සිය යුතුකම, වගකීම ඉටු කිරීමට කවදත් නිර්ලෝභීව කටයුතු කල මහා වෘක්ෂයක් සේ සෑම විටම සවියක් වූ රම්යා ඇපරල්ස්හි අධිපතිනිය ගරු රම්යා වීරකෝන් මැතිනියනි ඔබට හෘදයාංගම ස්තූතිය🙏🙏
එමෙන්ම අරුත්බර පද රචනය කළ විරුලිය සාමාජිකා ජානා ගයාත්රි රුහුණගේ සහ සංගීතයෙන් රසවත් කල මේජර් විජේසුන්දර වේරගොඩ මහතාත් ගායනයෙන් සවන් පිනවූ විරුලිය දරුකැල දියණිවරුනුත් සංගීත භාණ්ඩ සපයා දෙමින් නොයෙක් උපකාර කල මෙජර් නිරෝෂණී සහ නාවුක හමුදා විරුලිය සාමාජිකා ජීවනී වීරමන් සොයුරියත් සේම මෙම විරුලිය තේමා ගීතයේ සිහිනය බොදවී යන්නට නොදී මේජර් රමණි බංඩාර වෙනුවෙන් සිය යුතුකම ඉටුකරමින් කෙසේ හෝ එලිදැක්වීමට අවැසි සෑම සියලු කටයුත්තක් පිටුපසම රැදෙමින් විශාල කැප කිරීමක් කරමින් මෙසේ අද දින මෙම තේමා ගීතයේ එලි දැක්වීමට කටයුතු කල ගුවන් හමුදා විරුලිය සාමාජිකා අමිතා රෝහිණී මහත්මියත් ඇගයිය යුතුමය🙏🙏😇
මේජර් රමණී බංඩාර මැතිණියනි, ඔබ තුමිය ඉක්මන් භවයකදීම නිවන් දකිනතුරු කොහේ සිට හෝ මෙය දැක සිත් සතුටුව අපට ආශීර්වාද කරනු නොඅනුමානයි. මෙම තේමා ගීතයේ එලිදැක්වීම යුතුකම් දන්නා සියල්ලන් විසින් ඔබතුමිය වෙත පිදෙන උපහාරයක්ම වේවා…………෴
